Почина Саша Петровиќ, актерот кој се прослави со филмовите за Лепа Брена и култната „Аудиција“

Слаѓана Атанасова — Sat, 28 Jan 2023 11:10:09 +0000

На 61 годишна возраст, почина познатиот босански и српски глумец Саша Петровиќ, познат по улогата во култната сараевска претстава „Аудиција“, а во регионот беше познат и по неговата улога Чаки, лик кој ја прогонуваше Брена во филмскиот серијал од осумдесеттите „Ајде да се волимо“. – Тешко е да се опише тагата со зборови. Прерано не напушти. Секогаш ќе се сеќавам на неговата човечка топлина и чувствителност што ја носеше во душата. Се надевам дека сега е во подобро друштво и опкружен со великаните на кои им припаѓа. Вечна му слава – изјави Лепа Брена за српски Курир. Бројни пријатели, колеги и познаници преку социјалните мрежи се простуваат од Александар Саша Петровиќ, глумецот кој остави длабока трага на актерската сцена. Во 2007 година, Петровиќ ја освои наградата „Срцето на Сараево“ за најдобар актер за неговата улога во филмот „Тешко е да се биде фин“. – Со тага се збогуваме со најдобриот актер на 13. Сараевски филмски фестивал, Саша Петровиќ (1962 – 2023). Петровиќ го доби „Срцето на Сараево“ за најдобар актер во 2007 година за улогата во филмот „Тешко е да се биде фин“ на Срѓан Вулетиќ. Ни останува во сеќавање – рекоа од Сараевски Филмски Фестивал. Емир Хаџихафизбеговиќ се прости од својот голем пријател и колега објавувајќи емотивна порака на Фејсбук. „Почина мојот брат Саша Петровиќ. Веста ме затекна на снимање филм во Хрватска. Не можам ниту да ја обработам, ниту рационално да ја примам информацијата што Пјер Жалица ми ја испрати преку СМС пред 15 минути. Не знам зошто го објавувам ова. Претпоставувам дека тоа е одбранбен механизам од неверување и солзи кои течат неконтролирано“, напиша тој. Потоа Хаџихафизбеговиќ се осврна на пријателството со Петровиќ кое го негувале со години. „Тоа беше пријателство и повеќе од тоа, што не може да се коментира. Тоа беше взаемна љубов и емоција, чија содржина никогаш не можеш да ја пренесеш никому, само ние ја разбираме и останува само помеѓу нас од ‘„Аудиција “. Те сакам брат. Ќе недостигаш, многу. Збогум друже”, додаде тој. Хаџихафизбеговиќ и Петровиќ соработуваа на многу проекти, а се започна со култната „Аудиција“ во која и двајцата глумеа како млади луѓе. Заедно играа и во хумористичната серија „Луд, збунет, нормален“, филмот „Тешко е да си фин“ и многу други. „Чаки одмори се, си заслужил…Легендите живеат вечно!“, „Отиде мојот Чаки. Легендата на моето детство. Легендарен глумец. А пред се голем човек“, „Отиде на некое подобро место уште еден глумец, еден од моите омилени екс-ју глумци…“, се само некои од бројните пораки на фановите кои се постираат на социјалните мрежи.

саша петровиќ – Вистина.мк

Почина Саша Петровиќ, актерот кој се прослави со филмовите за Лепа Брена и култната „Аудиција“