Сања Димова – Вистина.мк

Цеца ја враќа убавата струмичанка во шоуто: Сања Димова одново во „Ѕвездите на Гранд“? (ВИДЕО)

Антонио Димитриевски — Fri, 04 Feb 2022 11:33:13 +0000

Убавата струмичанка Сања Димова (20) со своите одлични настапи ги освои симпатиите на жири комисијата во „Ѕвездите на Гранд“. Пофалби за нејзиното пеење таа добиваше од речиси секој член на жирито. Сања настапи минатата сабота и одлично ги испеа двете песни, меѓутоа иако освои еднаков број на гласови како нејзиниот противкандидат, сепак продукцијата не и даде дозвола да го продолжи натпреварувањето. Меѓутоа, како што дознаваме од блиски извори на младата пејачка, нејзината менторка, познатата фолк-дива Светлана Цеца Ражнатовиќ ги прави сите напори за да ја врати во понатамошното натпреварување. „Дали ќе се вратам повторно оваа сезона или следната и не е толку важно, важно ми е што сметам дека одлично се претставив пред жирикомисијата и пред публиката. Да, има вистина дека мојата менторка Цеца Ражнатовиќ сака да ме врати назад во шоуто, но засега ништо не се знае и не би сакала да зборувам за тоа“ - ни изјави младата пејачка. Инаку, без разлика на исходот од „Ѕвездите на Гранд“, Сања заедно со својот тим работи на својата нова песна, која ќе биде промовирана во блиска иднина. Погледнете го последниот настап на Сања:

Жестока кавга меѓу Шерифовиќ и Ражнатовиќ во „Ѕвездите на Гранд“: Сања Димова се претстави со „Зајди зајди“, доби критики, а Цеца распали по жирито: „Многу сте неблагодарни“ (видео)

Христина Ѓоргиевска — Mon, 13 Dec 2021 08:00:22 +0000

Во последната емисија на „Ѕвездите на Гранд“ настапуваше и македонската кандидатка Сања Димова која беше под менторство на Светлана Цеца Ражнатовиќ. Таа се претстави со песните „Зајди зајди“ и „Због тебе због тебе“ и освои четири гласа, а со тоа помина во бараж на музичкото шоу. Марија Шерифовиќ имаше критики за македонската натпреварувачка, а тоа ја изнервира Цеца и настана кавга во музичкото шоу. - Целокупниот впечаток е дека вие сте неблагодарни. Ова девојка заслужува директно да оди во третиот круг, одговори Цеца, а Шерифовиќ објасни дека „Зајди зајди“ не се пее на тој начин. -Секоја птица пее со својот глас. Ја слушаш емоцијата, не можеме сите исто да пееме. Што и фалеше на другата песна? Зошто не и даде глас те прашувам на српски?, викаше Ражнатовиќ во студиото. -Јас сум сигурна дека сите мислиме исто, се потруди, беше океј, но може подобро, објасни Шерифовиќ. Свој коментар даде и Драган Стајковиќ Босанац. -Првата песна не знам дали знаете кој ја направил и кој така ја пее? Никој никогаш не го надмина во тој стил. Втората песна беше добра, твојата боја на гласот и изговорот на српски се одлични, тоа мора да се пофали“,изјави композитор. Мили истакна дека Сања е на добар пат и дека не треба да се грижи во баражот, а тоа го потврди и Ѓорѓе Давид. Вики Миљковиќ ја пофали втората песна, а за изведбата на „Зајди зајди“ истакна дека е недоволно зрела за нејзините години. Сања повторно пееше во баражот и помина во третиот круг во музичкото шоу. Како ќе се подготвува со Цеца и како ќе се претстави на следниот настап на сцената на „Гранд“ останува да видиме. фото: Принтскрин/јутуб/звезде гранда

Рамно стомаче како „даска“: Македонската кандидатка воодушеви со новиот стајлинг во музичкото шоу, па веднаш и поласка оваа македонска пејачка (фото)

Христина Ѓоргиевска — Wed, 20 Oct 2021 07:52:45 +0000

Во новата сезона на регионалното музичко шоу „Ѕвездите на Гранд“, оваа сезона има доста нови кандидати кои досега не учествувале во музичкото шоу и првпат се појавуваат на сцената. Една од нив е струмичанката Сања Димова, ќерката на музичкиот пар Биљана и Борис Димови. Таа се претстави со песните „Судбо моја“ и „Опет имам разлога да живим“ и освои вкупоно четири гласа од жирито што значи дека директно помина во вториот круг. Според правилата, само кандидатот кој освои вкупно шест гласа, тој ќе има право да го одбере својот ментор, меѓутоа Саша Поповиќ овојпат направи исклучок и ги промени правилата, па да и дозволи на Сања сама да одбере ментор. Јасно е од кого го наследила талентот: Ќерката на музичкиот пар се појави во „Ѕвездите на Гранд“ и го воодушеви жирито, а еве што и порача Цеца Ражнатовиќ – Вистина.мк (vistina.com.mk) Таа за своја менторка ја одбра фолк ѕвездата Цеца Ражнатовиќ. Цеца и Сања заедно соработувале изминатиот период, а фолк пејачката истакна дека во својот тим ќе има и психилог, како и ќе соработува со еден од најдобрите вокали, Ивана Петерс, сигурни сме дека пејачката одлично ја подготвила нашата кандидатка. Деновиве, започнаа да се снимаат емисиите за вториот круг на музичкото шоу, а во една од нив учествуваше и Сања. Таа на својот „Инстаграм“ објави фотографија со новиот стајлинг со кој ќе се претстави во музичкото шоу. За нејзиното ново претставување пред жирито таа одбра црвен фустан во кој ја истакна витка фигура, рамниот стомак и затегнатите нозе. Под објавата се нижеа позитивни коментари за нејзиниот изглед: „Преубава си“, „Прекрасна си“, а под објавата се најде коментар и од македонската пејачка Сузана Гавазова која и поласка на Сања и напиша коментар: „Преубава“, а таа одговори: „Благодарам“. Како ќе се претстави Димова во следниот круг и дали ќе продолжи во понатаму, останува да видиме. фото: нстаграм/сања димова/ѕвездите на гранд

Јасно е од кого го наследила талентот: Ќерката на музичкиот пар се појави во „Ѕвездите на Гранд“ и го воодушеви жирито, а еве што и порача Цеца Ражнатовиќ

Христина Ѓоргиевска — Tue, 12 Oct 2021 07:36:12 +0000

Во „Ѕвездите на Гранд“ секоја година се појавуваат нови кандидати кои си ја пробуваат среќата во музичкото шоу и се трудат да започнат музичка кариера. Секоја сезона има натпреварувачи од државите од екс Југославија, а ова година 2021/2022 се натпреваруваат кандидати кои досега никогаш не се појавиле на музичката сцена. Во последната емисија на музичкото шоу, во саботното издание настапуваше и ќерката на познатиот музички пар, Биљана и Борис Димови, Сања Димова од Струмица. Сања е студент на Музичка академија, а својата среќа си ја проба и во популарното музичко шоу. Таа се престави со песните „Судбо моја“ и „Опет имам разлога да живим“, па освои пет гласа од жирито и еден глас од продукцијата. „Одлична си“, прокоментира Цеца, а Саша Поповиќ истакна дека поддршка на Сања се нејзините родители кои се популарни во Македонија и порача дека е штета што не се натпреваруваат во „Никогаш не е доцна“. Димови запеејаа во бекстејџ, па јавно е од кого Сања го наследила талентот за музика. Сања ја одбра Цеца да и биде менторка, па двете заедно ќе соработуваат во следниот период. „Верувај ми душо, ќе ти добро“, и порача Ражнатовиќ. Настапот на Сања може да го погледнете во видоето подолу на 1:50:35. Инаку, Биљана и Борис Димови повеќе од 20 години фунцкионираат како музички брачен пар кој со години заедно гради музичка кариера во која забележаа фестивали успеси и беа јавно експонирани како дует кој пее убаво и музиката е нивна територија и јазик со кој најубаво се изразуваат.

Пејачката Сања Димова порачува „Знам да кажам не“ (видео)

Христина Ѓоргиевска — Sat, 18 Jul 2020 07:50:09 +0000

Струмичанката Сања Димова (19) е новата македонска ѕвезда која со својот ангелски глас и песна во модерен ритам ќе се обиде да го пронајде своето место под домашното естрадно небо. Нејзината прва авторска песна го носи насловот „Знам да кажам не“, а на неа како автори на музиката и текстот се потпишуваат Димитар Симонов и Зоки Зоц, аранжманот и миксот се на Дејан Стојановиќ, додека мастерот е дело на Иван Јамандиловски. Спотот кој изгледа светски и драстично се разликува од она што сме навикнати да го гледаме во домашниот етер е снимен во режија на веќе докажаниот Алек Тасевски. Свое учество во спотот имаат и атрактивните модели Ева Живковска, Мирјана Ристовска и Никола Стојановски, кои одлично се надополнуваат на видео-приказната. Прекрасниот глас и талентот за пеење го наследила од своите родители Билјана и Борис Димови кои настапуваат во дует, а јавноста имаше можност да ги види низ годините на најреномираните фестивали во земјава. Кога станува збор за музичкото образование, Сања избира да студира отсек соло пеење на државното музичко училиште „Сергеј Михајлов“ во Штип, а по дипломирањето заминува на студии на реномираниот факултет „Ариго Боито“ во Парма, Италија. Нејзините планови за кариера во Италија ги променува пандемијата предизвикана од новиот корона-вирус, тогаш одлучува да се врати во Македонија и токму тука да го чекори патот на музиката. Во продолжение погледнете како изгледа првиот проект на Сања Димова, нашата нова музичка ѕвезда.