сани – Вистина.мк

Сите на планина: Уживање на снег за сите пари – познатите Македонци фатија правец, Маврово, Банско, Копаоник… (фото)

Слободанка Илиева — Sat, 21 Jan 2023 08:40:22 +0000

Празничните слободни денови за некои се уште траат, па се споија и со зимскиот распуст на децата. Па така, периодот е совршен за првото зимување на планина во Новата 2023 година. Иако во Македонија се уште не паднал снег, а на планините го има многу малку и неодволно, за скијање и разни активности на снег, надвор од границите на ски -центрите како Банско или Копаоник, услови за зимување секогаш има со вештачки снег за оние што скијаат. Уживањето на планина за хедонистите секогаш е добро и знаат да си го направат меракот, дали на снег или на топло во хотелските спа- центри. Изборот на дестинации падна од Маврово, па се до Алпите во Швајцарија. Фолк пејачката Сузана Гавазова заедно со сопругот и ќерките се одмораше на Банско неколку дена, за вечерва да се врати повторно на настап заедно со „Балкан бенд“ на Стара Нова во Струмица. Нејзината колешка Сани си остана во спа-хотелот на Алпите заедно со новопечениот сопруг Никола каде сенг не им недостасува, а секако и многу топлина и љубов.

View this post on Instagram

A post shared by Riste Risteski (@riste_risteski)

Ристе Ристески е љубител на скијањето, па затоа тој го избра Копаоник каде ужива на ски-патеките од каде прати фото поздрав. Викторија Лоба ја избра истата дестинација каде ужива заедно со сопругот, на скијање, па во ресторан со убава храна, покрај камин и топол оган... Уживање за сите сетила. Тамара Тодевска и нејзината пријателка, манекенката Катарина Ивановска се во Маврово и тоа со децата каде се посветени на сите активности на снегот што малку го има, а во него уживаат и се радуваат нивните најсакани.

View this post on Instagram

A post shared by Tamara Todevska (@tamaratodevska)

Истата дестинација на домашен терен ја избра и Андријана Јаневска која за спомен на Инстаграм се фотографираше со природните македонски убавини од Маврово.

View this post on Instagram

A post shared by Andrijana Janevska (@andrijana_janevska)

Елена Стефановска многу често е во викендичката која ја имаат на Маврово, но деновиве се присетиу или повторно посака да ужива на планина во Австрија каде пред неколку години уживаше во топол базен на отворено. Веруваме дека познатите Македонци ќе бидат инспирација за да се направи план за одмор на планина, ако не и само на прошетка за еден ден на чист воздух од она најубавото на наша терирорија. фото:Инстаграм принтскрин

Лила и Сани – две јавни личности со различни погледи на ист проблем: Водителката и пејачката вака би ја решиле прељубата (ФОТО)

Антонио Димитриевски — Sat, 12 Nov 2022 08:35:44 +0000

Прељуба... Причина за несреќна љубов, која често скапо се плаќа. Со растурена врска, распаднат брак, живот... Најдени се илјадници начини и варијанти како истата да се изведе, арно ама многу малку начини, како истата ефикасно да се спречи. Не дека многумина не се обидувале, понекои дури и успеале,но затоа многумина се зафркнале, па „изгореле“... до крај! Меѓу нив, многу и од познатите светски, балкански и домашни јавни фаци, познати и популарни личностии. Сепак две од нив, по се изгледа имаат решение за проблемот низ кој веројатно некогаш и самите минале. Рецепт за прељуба... Превентива за среќна љубов односно „показна вежба“ зашто прељубата може да биде е штетна... дури и по „здравјето“! Најпознатата и најпопуларна македонска ТВ водителка Лила Филиповска има своја теорија како да се спречи прељубата. Да се превенира... Или поточно, што мажот би можел или требал да направи, за жената да не му се „заглави“ со некој што „би му ја пишувал домашната работа“ наместо него или евентуално би и држел „дополнителна настава“ кај нив дома, на неговата сопруга. „Вистинскиот маж ќе и го наполни на жената плакарот со гардероба толку многу, што друг маж не би можел да се сокрие во него“ - сподели Лила, па покрај постот водителката додала: „Еве и ова ВИ го решив“! Фолкерката Сања Сани Гроздановска пак има друга теорија за справување со прељуба... Или поточно „казнено решение“ за оној што ја извршил, и да сака повеќе не ќе може никогаш да ја повтори. Според приложениот метод, тоа со гаранција нема да му се случи ниту нему, ниту на прељубничката, а и е „пример“ за сите останати потенцијални прељубници, откако ќе видат што може да ги снајде... Методот има свое има и се вика: „Селфи за неповрат“! Но, за да не се разбереме погрешно, сето ова колку и да е конкретно и сликовито, е прикажано само како фигуративно и шеговито, а никако како вистинито! Впрочем, има многу други начини како прељубата се превенира или санкционира, а еден од најдобрите е веројатно споделувањето редовна доза на љубов...! Во доволни колични, само во различни пози, на различни локации, во различни ситуации... Колку за монотонијата да не преовладеe над количината, па и покрај се' да ја поттикне прељубата! Фото: Инстаграм принтскрин/lilafilipovska/sani.grozdanovskasanja

Сани Гроздановска или е во сериозна кавга, па ја „чепнаа кај што не треба“ или… Чудни статуси и избришани сите заеднички фотографии со сопругот од нејзините профили на социјалните мрежи?!

Антонио Димитриевски — Wed, 22 Sep 2021 08:27:56 +0000

Сања Гроздановска или популарната Сани важи за еден од најдобрите македонски забавувачи кога се фолк пејачките во прашање. Нема кафеани каде што пее Сани, да нема супер штимунг и добра атмосфера. Од друга страна, атрактиувната кумановка исто така е позната по својот смисол за хумор. Сани речиси редовно споделува довитливи коментари, шегобијни цитати или зјадливи поговорки и тоа најчесто - на своја сметка. Но, кога ќе ја „чепнат“ каде што не треба, односно каде што најмногу боли, шегобијната фолкерка и тоа како знае да „жари и пали“. И тоа како умее да го возврати ударот и тоа онаму каде што е „најниско“ и исто така - најболно! И тоа јавно и отворено и без предрасуди, на социјалните мрежи... Па потоа Бог нека суди, кој бил во право, а кој во криво? Важно е неа да не и е криво што премолчела и си го собирала гневот во себе. Зашто ако на се' што ти се случува само се смееш, Сани очигледно смета дека нема да ти се случи онаа: „Кој последен се смее - најслатко се смее“ , туку напротив, еден ден ќе те најдат... „насмеан“! Затоа фолкерката си знае до каде и е мерката, па на се' што ја „вади од такт“, за да не ја доведе до инфаркт, или до нервен слом, јавно го прави „лом“! Особено ако ја „чепнат кај што не треба“, не се свесни што ги чека! Тогаш фолкерката „пука“ од сите оружја, па ни нејзиниот ангел чувар сосе четворицата помошници, не можат да ја додржат... Или тие неа, или ангелот - чувар... за да не ја убие! Дали е така и овојпат, дали Сани е во сериозна кавга, па некои се дрзнаа и ја „чепнаа таму каде што не треба“, а таа одново му се оттргна на нејзиниот „ангел чувар“ па распали на социјалните мрежи?! На мета на „огнот“, некој(а) што пејачката дознала дека го коментира нејзиниот приватен живот!? А Сани, како Сани ги „исплука“ сите отрови во неа збрани кон дотичните „душегрижници“, со нов стаус на својот Инстаграм. И ете ти нова кавга... Само што овој пат наместо со насмевка, Сани возврати со песна... И тоа на нејзината колешка Сања Ристеска кај која беше на гостинска вечер, па на „душегрижниците“ за нејзиниот приватен живот им испрати музичка порака: „Е баш ме заболе, одоздола па нагоре, раке - пуке, раке -шлаке се' до сабајле, а за друго не ми е гајле“...! Дали Сани е во сериозна кавга па ја „чепнале кај што не треба“ што е толку лута или...? Сепак, евидентно е дека во последно време споделува чудни статуси, а патем и се избришани и сите заеднички фотографии со сопругот од нејзините профили на социјалните мрежи?! Што и да е, Сани најдобро си знае, а најмногу едно: Дека сите глупости скапо ги плаќа... и остава бакшиш! Фото: Фејсбук и Инстаграм принтскрин/sani.grozdanovskasanja

Додека светот бара вакцина, пејачката Сани Гроздановска го најде лекот за корона, па упати апел до надлежните да ја послушаат (ФОТО)

Антонио Димитриевски — Sat, 02 May 2020 10:08:28 +0000

Пандемијата на коронавирусот не уништи... Не запусти, на секое поле... Здравствено, физички, психички, социјално, економски... Не врати 100 години назад! Затоа светот бара чаре, што побргу да пронајде вакцина или некаков друг лек против невидливиот непријател. И додека бројни научници, лекари, инфектолози, биолози, фармацевти... мака мачат, да го најдат спасот за човештвото, лекот да ти им бил тука, пред очи, само тие не го виделе. А, како ќе го видат, како да им текне, кога сиротите по цел ден се затворени во ординации и лаборатории и тогаш кога немаше корона пандемија, а сега и да не зборуваме. Ама затоа оние, на кои работното место им е на друга локација, па по него жалат додека се во изолација, бргу се сетија. Како на пример, македонската фолкерка Сања Сани Гроздановска, која ионака е позната по својата итрина, досетливост и довитливост. Имено, евидентно е дека на Сани најмногу и недостасува кафеаната. И тоа од повеќе причини. Социјални - за дружба, економски - заради егзистенција, од лични - заради сатисфакција и забава... Конечно, познато е дека на пејачките кафеаната им е втор дом! Затоа кутрата, распеана кумановка е толку тажна, па со тешка носталгија се сеќава на нејзиното друго „дома“, кое толку и недостасува... И така размислувајќи, откако претходно веќе слушнала што го уништиву коронавирусот, на Сани и текна каде лежи лекот! Лекот на векот кој короната ја лечи без маана, се вика - каф(е)ана! Лекот е најден, светот е спасен, само отворете ги... https://www.youtube.com/watch?v=zBgNUQiuze8 Министерот Венко Филипче како да ги услиши молитвите на фолкерката, па излезе со такава најава. Кафеаните и локалите наскоро ќе се отворат за гости, свадби и семејни веселби, но... ќе мора да работат по здравствен протокол! И таман пејачката и нејзините колеги, а и народот се израдуваа... кога, види нова белја?! Проблемот божем решен, ама недоумици илјада и една! Па, како ќе се пие и прават муабети со маски на два метра раздалеченост од маса до маса, на која седи само еден гостин, како сватовите ќе играат оро, како младоженците ќе го играат првиот свадбен танц, што е со првиот свадбен бакнеж... Најдалеку со прашањата отиде колегата на Сани, авторот Орце Зафировски. Тој загрижено му се обрати на министерот Филипче, што ќе биде со првата брачна ноќ на младенците, па му постави предизвик на кој Филипче сега треба да одговори? Имено, прозван да се темели на своето искуство, министерот ќе мора да смисли начин за „полов контакт“... на далечинско!

По фамозната анкета за непостоечката манекенка, Светлана Црнокрак со коментар до фолкерката Сани

Слободанка Илиева — Fri, 22 Feb 2019 08:02:47 +0000

По анкетата на ТВ емисијата „Ексклузив“ за непостоечката манекенка Бјанка Мизел, во која неколку манекенки и пејачите Јоце Панов, Симона Поповска и Сани Гроздановска, кажаа дека ја познаваат и ја следат нејзината работа, изби галама на социјалните мрежи. Иако сите на прашањето дали ја познаваат манекенката одговорија потврдно, најдебелиот крај го извлече фолк пејачката Сани Гроздановска, за која на социјалните мрежи беа напишани доста негативни и навредливи коментари.

Симона Поповска и Јоце Панов, по објавената снимка, овој пат мудро си молчеа, а пак Сани не додржа без да возврати и напиша статус до „хејтерите“.

Колки биле желни луѓето за исмејување и фаќање сеир... Затоа и сме бедна држава и тонеме секој ден!!! Секое чудо за три дена! Тие што не ме познаваа, ме дознаа! Добредојдовте во шоу-бизнисот! П.с споделувајте го постот повеќепати ве молам, пишува на својот Фејсбук пејачката.

На ваквиот коментар и возврати сопственичката на модното студио „Црнокрак“ и ТВ презентерка на „Алфа“, Светлана Црнокрак која напиша:

Во секој случај паметно изигра и ти и сите, ја поддржа Светлана пејачка Сани.

Инаку, по фамата како и вообичаено, Сани се пофали дека добила нови 690 следбеници за само еден час, со што уште еднаш се докажа дека лошата реклама е добра реклама.

За потсетување, овој тип на лажни прашања во анкетка, не се некој новитет. Токму на Миланската модна недела во 2014 година, српската модна блогерка Зорана падна на трикот, а по истиот стана многу попозната во регионот, а најмногу за српската јавност. Денес, таа е една од медиумски најтретираните ликови од светот на српскиот шоу-бизнис.

Пејачката Сани излезе од болница и го покажа новогодишниот амбиент во својот дом (фото)

Слободанка Илиева — Tue, 25 Dec 2018 08:14:36 +0000

Изминатиот викенд фолк пејачката Сани Апостоловска-Гроздановска заврши во болница каде по примената инфузија и третманот на лекарите, брзо им се врати на секојдневните обврски. Очигледно дека на Сани и требаше само мало освежување по многуте настапи на кои повторно им се врати.

Таа преку социјалните мрежи напиша дека за добро здравје важно е да не се „јадете“ одвнатре, а од храна да јадете се.

Нејзината девиза очигледно и помогна, а во прилог на тоа покажа и како изгледа нејзиниот дом декориран во новогодишен амбиент. Бидејќи ги има малечките ќеркички дома, веруваме дека тие се најрадостните кога мама е дома и кога вака ќе им украси.

фото:инстаграм

Пејачката Сани по породувањето покажа како изгледа во бикини (фото)

Слободанка Илиева — Thu, 23 Aug 2018 07:43:27 +0000

По многуте настапи кои ги има од својата богата летна агенда, фолк пејачката Сања Апостоловска –Сани реши да здивне и да си даде издишка со семејството. Таа моментално летува во Охрид со своите сакани, а за тоа како го поминува времето откри предку социјалните мрежи. Познато е дека откако се породи со втората ќеркичка, Сани за многу брзо време се врати во посакуваната форма иако за време на бременоста како што објави во една прилика, покачила 25 килограми.

Но кај некои мајката природа побрзо реагира, а Сани е една од тие што имаат среќа да бидат згодни мајки со бебето во рацетете и да прати поздрав во бикни заедно со својата слатка наследничка.

(ФОТО) „Знам дека не е лесно да ме трпиш“: Сани јавно му напиша на сопругот интимна порака!

Слободанка Илиева — Fri, 09 Feb 2018 07:52:44 +0000

Пред неколку месеци фолк пејачката Сани Гроздановска на свет ја донесе својата втора ќеркичка Ева, а на сопругот Мартин му подари наследничка. Не и требаше многу време за повторно да му се врати на настапите, а паралелно да и ја пружа мајчинската грижа на својата малечка. Изминатата година за оваа брачна двојка беше исполнета со многу убави моменти, а еден од нив беше и нивното официјално стапување во брак.

По повод годишнината од бракот, Сани на својот сакан му посвети интимна порака во која ги опиша своите чувства за изминатите 12 месеци брачен живот, а гласи вака:

Се што помина со мене овие 365 дена ти дава право да се кандидираш за најдобар сопруг на светот. Ти благодарам што постоиш во мојот живот и што ми го правиш секој ден посебен! Твојата љубов внесе светлост во мојот живот! Знам дека не е лесно да ме трпиш мене ама тоа ти е. Мораш! Нема бегање! Среќна годишнина лепото! Уште 100 да дочекаме заедно, напиша Сани на својот Фејсбук профил , а честитките од пријателите и следбениците се редеа до недоглед.

(ФОТО) Сани и Антониа Гиговска се облекоа во исто – на која подобро и стои?

Слободанка Илиева — Thu, 08 Feb 2018 08:55:25 +0000

Иако се дијаметрално различни во стилот кој го негуваат, како музички, така и визуелно, младата пејачка Антониа Гиговска и фолк пејачката Сани Гроздановска, се најдоа на иста фреквенција – модна. Имено, Сани и Антониа често преферираат да носат облека потпишана од македонски модни дизајнери, а не ретко дизајнерката која се грижи за нивниот изглед, е кумановката Ива Спасовка.

Имено, младата Антониа беше првата која на последниот „Макфест“ во 2017 година настапи во белиот комбинезон со реси, а неодамна ист таков и од истата дизајнерка облече и фолкерката Сани.

На која подобро и прилега, проценете сами. фото: instagram/foto antonia Photo by: @maryse__j

(ФОТО) Сани ги запрепасти сите: Само 50 дена по породувањето се стегна во куси панталони – глетката нереална!

Слободанка Илиева — Wed, 03 Jan 2018 08:38:24 +0000

Помина само 50-тина дена откако фолк пејачката Сани Гроздановска на свет ја донесе својата втора ќеркичка која го носи името Ева. Првата Нова година како проширено семејство, не ја дочекаа заедно во домашен амбинет, бидејќи мама Сани реши да работи и тоа турбо. Нејзината работна агенда е полна со настапи низ скопските локали, некогаш дури и во две смени. Мама работи, а тато Мартин, бабите и дедовците се задолжени за Ева додека Сани го прави она што најдобро го знае.

А кога се враќа дома, љубовта уште посилна... Иако на повеќето тазе породени мајки им треба повеќе време за враќање во нормала, за Сани тоа не е случај. За новогодипната ноќ таа се облече во куси тесни панталончиња кои ја истакнаа нејзината линија. Фотографијата каде стои пред елката ја објави на социјалните мрежи, а коментарите на следбениците беа дека се во чудо.

-„Бетмен“, „жена мачка“, „секси мама“, гласи само мал дел од напишаното за фотографијата од која тешко би погодил оној што не знае дека Сани е тазе мама – супер мама!