сандра булок – Вистина.мк

Сандра Булок пет месеци по неговата смрт ја испочитува последната желба на саканиот (видео)

Слободанка Илиева — Fri, 05 Jan 2024 13:13:02 +0000

Славната холивудска актерка Сандра Булок ја испочитува последната желба на својот покоен партнер Брајан Рендал 5 месеци по неговата смрт. Имено, Брајан имал желба по неговата смрт, неговата пепел да се расфрла во река во Вајоминг. На денот кога требаше да биде неговиот 58-ми роденден, актерката ги расфрлала неговите останки во реката Снејк. „Среќен роденден, Брај. Сенди те донесе до реката, токму како што вети“, напишала сестрата на Булок, Гесин Булок-Прадо покрај краткото видео.

View this post on Instagram

A post shared by Gesine Bullock-Prado (@gesinebp)

„Колку убав начин да му оддаде почит на човекот кој го сакала. Да се испочитува неговата последна желба! Вие сте во моето срце и во моите молитви. Колку и да е тешко и тажно да се изгуби некој толку посебен, се надевам дека ќе пронајдете мир и ќе го славите неговиот живот“, „Ви благодариме што го споделивте ова. Голема утеха за сите нас кои доживеавме ваква загуба“, се дел од коментарите под објавата. За потсетување, Рендал почина во август 2023 година по 3-годишна битка со амиотрофична латерална склероза (АЛС), прогресивна невродегенеративна болест која влијае на нервните клетки во мозокот и 'рбетниот мозок кои ги контролираат доброволните движења на мускулите. Лек за оваа болест сè уште не е пронајден и не постои ефикасен третман за да се запре нејзината прогресија. Моделот кој подоцна стана фотограф 8 години се забавуваше со Сандра и ѝ помогна во одгледувањето на нејзините две деца.

View this post on Instagram

A post shared by Sandra Bullock (@sandra.bullock.official)

„Брајан рано одлучи да ја задржи неговата борба со АЛС во тајност, а ние што се грижевме за него дадовме сè од себе да го испочитуваме неговото барање“, изјавија неговите најблиски за „Page Six“ по неговата смрт. „Ние сме исклучително благодарни на неуморните лекари кои заедно со нас се грижеа за оваа болест и на неверојатните медицински сестри кои станаа наши цимери, честопати жртвувајќи ги своите семејства за да бидат со нашите“, додаа тие. фото:Instagram printscreen/ sandra.bullock.official

Сандра Булок пепелта на нејзиниот покоен партнер ќе ја остави на посебно место (фото)

Слаѓана Атанасова — Thu, 24 Aug 2023 11:09:40 +0000

Сандра Булок (59) наводно ќе се упати на Бахамите за да ја шири пепелта на нејзиниот покоен партнер Брајан Рандал на местото што ги обележа нивните животи. - Местото беше толку посебно за нас двајцата. Го зазедоа целиот остров за да бидат тоа што се. Тоа беше место каде што споделија некои од своите најсреќни моменти со своите деца и пријатели - велат извори, а пишува Дејли Меил. -Таму би поминале недели. Има многу причини и смисла да се збогуваме со него овде - додава изворот. Бахамите се местото каде парот реши да ја прослави својата љубов, а таму одржаа неформална церемонија на која размениле завети пред семејството. Иако церемонијата не била легална, тие сакале да им покажат на децата дека нивната врска е вечна. Да потсетиме, Сандра и Брајан од 2015 година беа во врска, но љубовта никогаш не ја озаконија со брак. - Тој е моја љубов и не ми треба брак за да го докажам тоа - изјавила тогаш, сметајќи дека не и треба хартија за да се посвети на партнерот и да биде добра мајка. - Никој не треба да ми каже да бидам присутна во најтешките моменти - изјави еднаш Сандра. Актерката направи професионална пауза пред околу една година за да се посвети на семејството, а кариерата ја остави настрана откако се разболе партнерот. Фото: Принтскрин/Профимедиа

„Во последната фаза му го нападна ‘рбетот и мозокот “: Кои се симптомите на болеста што ја предизвика смртта на партнерот на Сандра Булок?

Слаѓана Атанасова — Wed, 09 Aug 2023 08:04:10 +0000

Светот ја слушна веста дека сопругот на Сандра Булок, фотографот Брајан Рендал, починал на 57-годишна возраст од ретката болест АЛС (амиотрофична латерална склероза). Јавноста беше прилично изненадена, бидејќи никој не знаеше дека Брајан е болен, а дури во последните неколку недели странските медиуми пишуваа дека парот имал проблеми во врската бидејќи долго време не биле видени заедно. Познатата холивудска икона, симбол на веселите комедии кои не насмеаа со децении, моментално се збогува со својот долгогодишен партнер Брајан Рендал.

View this post on Instagram

A post shared by Sandra Bullock (@sandra.bullock.official)

Брајан, угледен фотограф и поранешен модел, ги помина последните три години тивко следејќи ја својата битка со ретка невролошка болест која предизвикува оштетување и губење на моторните неврони во мозокот и 'рбетниот мозок, позната како амиотрофична латерална склероза (АЛС). Оваа болест предизвикува нарушување во преносот на импулсите преку периферните нерви до мускулите, што резултира со: губење на мускулна маса, тешко движење и постепено слабеење на виталните функции, до целосна парализа. Оваа болест постепено напредува, а просечното преживување е од три до пет години, со често фатален исход. Познатата актерка, која сега има 59 години, го запознала две години помладиот Брајан во 2015 година додека го фотографирала роденденот на нејзиниот син Луис. Нивната блискост брзо се претвори во пријателство, кое уште побрзо еволуираше во подлабока врска. Во последната фаза, болеста ги нападна нервниот систем, 'рбетниот мозок и мозокот. Иако Сандра веќе беше мајка на две посвоени деца (нејзиниот син Луис има 13 години, додека нејзината ќерка Лејла има 10 години), таа никогаш сериозно не размислувала за брак. Нејзиниот личен живот не бил често тема на разговор додека не го запознала Брајан. Тој беше редок исклучок од мажите со кои таа се појавуваше во јавноста. Фото: Принтскрин/Профимедиа/Инстгарам/Сандра Булок

Долгогодишниот партнер на Сандра Булок по три години ја изгуби битката со тешката болест

Слободанка Илиева — Tue, 08 Aug 2023 07:15:26 +0000

Познатиот фотограф и долгогодишен партнер на актерката Сандра Булок, Брајан Рендал (57) починал по тригодишна битка со амиотрофична латерална склероза (АЛС). Оваа тажна вест ја потврди и неговото семејство: – Со голема тага ве известуваме дека на 5 август Брајан Рандал мирно почина по тригодишна битка со АЛС, па додадоа: – Брајан реши да ја задржи својата борба со оваа тешка болест за себе, а ние што се грижевме за него дадовме се од себе да го исполниме неговото барање. Иако неговото семејство беше уништено од болката, во соопштението исто така се додава: – Неуморно сме им благодарни на лекарите кои пловеа со нас низ тешкиот пат на оваа болест и на медицинските сестри кои станаа наши цимери, честопати жртвувајќи ги своите семејства за да бидат со нашите. фото:MICHAEL WRIGHT/WENN.COM/ALAMY/RAYMOND HALL/GC IMAGES

Сандра Булок се повлекува од актерството!? – „Свесна сум, не можам повеќе да издржам!“ (Фото)

Слаѓана Атанасова — Wed, 22 Jun 2022 13:27:09 +0000

Познатата холивудска актерка Сандра Булок ги изненади сите кога во интервју за „The Hollywood Reporter“ откри дека решила да се повлече од светот на актерството. Иако нејзината одлука ги шокираше обожавателите ширум светот, ова не е прв пат славната актерка да споменува пензионирање. Таа зборуваше за тоа во интервју за „Entertainment Tonight“ уште март. А сега изгледа сериозно размислува. Таа изјавила дека ужива во идејата да си креира сопствен распоред на обврски и дека тоа сака да го прави исклучиво за себе и додаде дека во последните неколку години била ужасно уморна. „Целосно „прегорев“. Толку сум уморна што не можам да носам здрави, паметни одлуки и свесна сум за тоа“, изјавила актерката. Таа истакна дека, иако е благодарна за успехот што го постигнала, отсекогаш била загрижена за неговото влијание врз нејзиниот личен живот. Секогаш работев, па имав среќа. И сфатив дека работата ми стана патерица. Тоа беше како постојано да го отворам фрижидерот и да барам нешто што никогаш не е во него. Си реков: „Престани да бараш веќе го имаш и го немаш повеќе да се докажуваш. Мора да бидете добри и без работата која ви треба како потврда за тој успех“, додаде таа. На прашањето кога ќе се врати на актерството, актерката едноставно одговори: "Не знам." Фото:Принтскрин/Профимедиа

Досега не се појавуваше во јавност: Сандра Булок ја покажа посвоената ќерка (видео)

Христина Ѓоргиевска — Tue, 12 May 2020 10:09:01 +0000

Актерката Џада Пинер Смит пред две години заедно со својата ќерка и мајка го започна шоуто Red Table Talk во кое три генерации разговараат за различни теми. Во последната емисија преку видео линк гостуваше актерката Сандра Булок која успеа да ја изненади Џада, но и публиката кога ја покани својата ќерка да и се придружи. „Овде има некој што сака нешто да каже“ изјави Сандра и во тој момент се појави осумгодишната Лалила. Тие се заблагодарија на медицинската сестра Ејрпил за напорната работа за време на пандемијата. Досега никој не ја виде Лалила во јавност. Сандра ја посвои во 2015 година, а пред неа во 2010 година го посвои синот Луис.

Сандра Булок ги крие своите посвоени деца, но папараците спепак ги „уловија“ нејзините наследници (фото)

Слободанка Илиева — Wed, 07 Aug 2019 08:48:53 +0000

Оскаровката, Сандра Булок (55), вешто го крие својот приватен живот од очите на јавноста, и сите овие години не сакаше да се фотографира со своите посвоени синови, но сега фотографиите кружат во јавноста. Сандра Булок го започна процесот на посвојување во 2010 година. Откако посвои едно момче, во семејството пет години подоцна, таа посвои уште едно дете. Познатата актерка беше фотографирана со синот Луис пред трговски центар.

Ова е еден од ретките случаи што папараците ја фотографираа со своите деца, бидејќи актерката се труди да ги избегне на секој можен начин. - За мене е важно да се добри, дека одат на училиште, дека имаат сè што им треба. Морам да бидам тука за нив во секое време. Затоа во последно време ги бирам улогите и колку време ќе ми одземе снимањето, затоа што е важно за мене да бидам со нив “, вели Сандра.

Актерката ги расне децата заедно со сопругот Брајан Рандал (53), кој не сака синовите да бидат фотографирани од папараците.

Сандра Булок се заљубила во колегата: „Едвај го довршив снимањето, кога ме гледаше останував скаменета“

Слободанка Илиева — Tue, 25 Dec 2018 10:52:12 +0000

Актерот Киану Ривс е навистина посебена личност и актер. Тој ја восхитува женската публика, но и своите колешки. Тоа го потврди актерката Сандра Булок. Таа заедно со Ривс во 1994 година го снимаше филмот „Брзина“, а сега откри дека и било тешко да се концентрира на работтата поради згодниот колега. -Ми беше тешко да останам сериозна. Кога ќе ме погледнеше останував скаменета, раскажа Сандра кај Елен Деџенерис.

Елен потоа ја праша дали некогаш биле заедно? -Никогаш не излеговме. Веројатно проблемот беше во мене. Не ми се допаѓав. Бевме долго време само пријатели, објаснува славната актерка.