самоодбрана – Вистина.мк

Српската пејачка отишла да пее на панаѓур, па претепала гостин: „Го удрив со микрофонот во глава, му потече крв, па јас, ама и цел шатор скокна врз него…“

Антонио Димитриевски — Wed, 25 Nov 2020 09:13:02 +0000

Фолк пејачката Гоца Божиновска беше гостинка кај Огњен Амиџиќ, во неговото „Ами Џи шоу“. Тој ја замолио да ја издвои најголемата непријатност што ја доживеа на некој свој настап, концерт, свадба или прослава. „Една непријатност ја паметам и ден денес, иако тоа беше многу одамна, во Босна мислам дека имаше некој панаѓур. Влегов во голем шатор. Почнав да пеам, а еден почна да се мота околу мене. Газдата ми вели да го пуштам затоа што беше пијан, а и бил опасно момче. Бев млада, а тој дојде до мене и почна да ми дофрла: 'Би ти правел ова, ќе ти правам она'... А јас, ни пет- ни шест, го удрив со микрофонот директно во глава! Толку силно, што почна да крвари... И тргна да ме напаѓа, кога целиот шатор скокна врз него. Најинтересно е што тој се уплаши повеќе од мене. Особено кога јас скокнав на него, и му реков: „Е, сега ќе видиш'.... Тој некако се извлече и почна да бега, а јас тргнав да трчам по него. Тоа е нешто, на што се сетив. Ма, доживеавме сè и сешто“ - рече Гоца.

Бесплатна „Работилница за самоодбрана за жени“

Дејан Донев — Tue, 29 Jan 2019 11:11:33 +0000

Клубот за класични јапонски боречки вештини „Буџинкан Македонија“ на 9-ти и 10-ти февруари организира бесплатна „Работилница за самоодбрана за жени“ на која можат да се пријават сите заинтересирани припаднички на понежниот пол. „Буџинкан Македонија“ е првиот македонски клуб за боречки вештини кој уште во 2008 година почна да организира вакви настани и оттогаш работилницата стана синоним и место каде што девојките и жените можат да научат техники за самоодбрана при несакани ситуации. Учесничките на работилницата ќе имаат можност да се запознаат со техниките на борба кои пред повеќе векови биле развиени од страна на јапонските жени-воини, познати под името Куноичи.

Настанот се одржува веќе десет години по ред, а како што веќе споменавме ќе биде бесплатен за првите 25 учеснички кои ќе се пријават на телефонскиот број 075 564 011. Водител на програмата ќе биде инструкторката Сања Симонова, заедно со неколку членови на клубот. Доколку имате прашања, слободно контактирајте го организаторот на горенаведениот телефонски број, или проверете ги информациите на веб страницата koryu.mk.