само тони и две жени – Вистина.мк

„Само Тони и две жени“ вака го прават тоа – „Ширам љубов“ (ВИДЕО)

Антонио Димитриевски — Mon, 21 Jan 2019 12:16:43 +0000

Антонио Ристевски, Тинче Стојанова и Марија Докузова или меѓу естрадниот свет познати како „Само Тони и две жени“ имаат нова песна насловена „Ширам љубов“. Тоа е четврта по ред авторска песна на триото, кое минатата година славеше пет години од своето постоење.

Покрај бројните преработки на македонски хитови, тие зад себе ги имаат и три авторски песни: „Глава ме стега“, „Не ме оставаш да спијам“ и “Луда мала“...

„Ширам љубов“ на „Само Тони и две жени“, од вчера, 20 јануари 2019 год. го започна својот поход во македонскиот етер. Овој пат триото е засилување од колегата Борислав Веселинов познат како Боби Вокер, а сето тоа визуелно го надополнил Ристе Филипов.

Новата песна авторски ја потпишуваат двете третини од триото: Антонио Ристески (Само Тони) и Марија Докузова (Маца), а истата е снимена е во студиото на Димче Китрозоски, кој се погрижи за мастерингот.

Како звучи и изгледа кога „Само Тони и две жени“ шират љубов, дознајте во продолжение.https://www.youtube.com/watch?v=4Nvz-0_Fzfg

„Само Тони и две жени“ е на мака – „Не ме оставаш да спијам“ (ТЕКСТ ВИДЕО)

Антонио Димитриевски — Thu, 12 Apr 2018 08:23:34 +0000

„Не ме оставаш да спијам“ е насловот на новата песна на популарното трио „Само Тони и две жени“ која деновиве беше претставена заедно со текстуалното видео. Автор на песната е Антонио Ристески или Само Тони, кој го потпишува и аранжманот, а музиката и стиховите му се заеднички со „едната од женаите“ - Марија Докузова.

Сето тоа е снимено во студиото на Димче Китрозоски, „КитрозОн студио“, а како звучи најновото од Тина, Маца и Тони и која однив две не го остава да спие, дознајте во продолжение. https://www.youtube.com/watch?time_continue=43&v=jTNvxAQuUJo

„Само Тони…“ вака пакува новогодишни подароци… сосе двете жени! (ФОТО)

Антонио Димитриевски — Wed, 27 Dec 2017 10:11:29 +0000

Познат е како „one man band“, а всушност тоа не е точно, зашто Антонио Ристески во бендот е единствениот маж, ама не е сам. „Само Тони и две жени“ има не една, туку две понежни половини, односно третини! Зашто, 2/3 од бендот му се жени!

А кога се жени во прашање, тешко е со една да излезеш на крај, а камо ли со две! Така и Тони! Ајде што со нив мора да го дели професионалното парче леб, ама понекогаш мора и приватно да поделат некои работи. Така, Тони сакаше да биде Дедо Мраз со две Баба мразици, па „Само Тони и две жени“ решија да поделат пакетчиња, или поточно новогодишни подароци на некои своите најдраги. Претходно седнаа крај елката, се наштимаа и во новогодишно-божиќен амбиент им отсвирија и отпејаа една песна... За да им покажат колку „се возбудени“ што ќе делат подароци!

Потоа дојде ред подароците да се спакуваат... Е тука дојдоа до израз бројчаната надмоќност и женскиот табиет, па Тони се најде во небрано. Тој сам, тие две, оди па разбери се како треба да се пакуваат подароците. Ама Тони не би бил фраер со две жени, ако не може со нив да излезе на крај! Кабелот со новогодишните светилки и лепливата лента за пакување подароци го решија проблемот! Прво ги спакува колешките, а потоа, „Само Тони...“ на мир сам си ги пакуваше подароците... по свое!

„Само Тони и две жени“ со стар „Шуруп“ на нов рецепт! (АУДИО)

Антонио Димитриевски — Fri, 15 Dec 2017 12:37:47 +0000

Популарното трио „Само Тони и 2 жени“, кое го имаше најдобриот сценски настап на годинашниот „Макфест 2017“, има претпразничен подарок за нас, а тоа е одличната преработка на песната „Шуруп“ , тема од некогаш популарното забавно-хумористично „Дуо трио“. Како што вели Тони, овој проект чекаше 4 години за да биде објавен, па денешната премиера ни доаѓа како одличен начин за загревање за претстојните празници.

Рецептот: „лоша теткица“ + само Тони + „докторка“ = нов „Шуруп“ се покажа како одлично заокружување на оваа успешна година за триото!

Освен стариот „Шуруп“ на нов рецепт, Тони, Маца и Тина Ви ги честитаат претстојните новогодишни и божиќни празници и со симпатични фотографии, за кои се погрижи Иван Ристов / Николенко. https://www.youtube.com/watch?v=163qASKzvk0