саманта – Вистина.мк

Фановите на „Сексот и градот“ ја бараат Саманта назад, а овој лик не сакаат да го гледаат

Слободанка Илиева — Fri, 01 Sep 2023 09:05:50 +0000

И покрај негативните критики, „Ејч-би-о макс“ ја потврди третата сезона од серијата „И едноставно така…“ („And Just Like That…“). За продолжението на „Сексот и градот“ на интернет има многу коментари. Има гледачи кои со нетрпение ги очекуваат новите епизоди, но и многумина со совети за сценаристите и за подобрување на серијата. Така, Че – небинарниот лик е најчестата „цел за отстрел“. Се добива впечаток дека сите претпочитаат исфрлање на оваа личност со неодреден род (или пол) од приказната, на сметка на враќањето на Саманта – ѕвездата на „Сексот и градот“, како што се викаше оваа серија во 90-тите. „Може ли да се ослободиме од Че?“, „Се надевам дека Саманта ќе се врати целосно“, „Ве молам, Че – не“, „Че го уништува шоуто“, „Повеќе Лиза, помалку Че“, „Во третата сезона, Ејдан и Кери нека бидат заедно“, „Обидете се да ги натерате Миранда и Стив да го поправат својот брак“ – гласат дел од коментарите. Деновиве завршува втората сезона. Продуцентот Мајкл Патрик Кинг го потврди снимањето на новата сезона од серијата. (МИА) фото:Инстаграм принтскрин

Цел свет го чекаше ова: Саманта конечно призна зошто го одби продолжението на „Сексот и градот“ (ФОТО)

Слаѓана Атанасова — Thu, 09 Jun 2022 09:58:32 +0000

Актерката Ким Катрал, која се прослави со улогата на Саманта во хит серијата „Сексот и градот“, ги потврди претходните наводи дека не и се допаѓа заплетот на планираниот трет филм за Њујорчанките. Ким долго време одбиваше да зборува за причините поради кои повеќе не е дел од познатата серија и филмски продолженија. Иако често се шпекулираше за нејзината врска со Сара Џесика Паркер, која ја игра Кери во серијата, Катрал секогаш се воздржуваше од одговарање на вакви прашања. Пред да го види светлото на денот продолжението „And Just Like That“, Ким едноставно изјави дека не сака да биде дел од новите епизоди бидејќи знае „кога е доста“. Се пишуваше многу за дополнителни причини зошто славната Саманта нема да се појави во продолжението, а една од нив беше поврзана со заплетот. Како што тогаш објавија некои медиуми, една од приказните требало да се занимава со непријатна ситуација кога 14-годишниот син на Миранда и испратил на Саманта експлицитни фотографии од целиот орган. Ким сега за прв пат ги коментираше овие наводи. „Тоа е потресно“, изјави актерката во интервју за „Variety“ и делумно потврди дека приказната е вистинита. Наместо тоа, самата Катрал смислила алтернативна верзија на сценариото, во која ја губи својата компанија за односи со јавноста, која ја сметала за подобар заговор. Актерката рече дека нејзината идеја за убедлив заговор би била дека Саманта мора да ја продаде својата компанија на „некој човек облечен во дуксер, тоа е дилемата што таа ја има“. „Тоа е заплет, наместо малолетно момче“, рече Ким, која на крајот ја одби улогата. Фото: Принтскрин/Профимедиа

Се уште е заводник и има 48 години: Еве како денес изгледа момчето на Саманта од „Сексот и градот“ (фото)

Слободанка Илиева — Tue, 21 Jan 2020 12:50:39 +0000

Актерот Џејсон Левис во популарната серија „Сексот и градот“ го глумеше неодоливиот Смит Џерод, кој успеа да ја „смири“ Саманта Џонс. Заводникот денес има 48 години, изгледа малку поинаку, но се уште важи за секс симбол. Во серијата заштитен знак му бепе русата коса до рамена. Тој сега носи модерна, кратка фризура, а го следи и трендот да има брада. Инаку, по крајот на серијата тој сними неколку филмови, а во „Running Wild“ негова партнерка беше Шерон Стоун.

Ни С од Саманта: Актерката од популарната серија ја паметите како „мега риба“, а новите фотографии откриваат поинаква реалност! (фото)

Слободанка Илиева — Fri, 28 Jun 2019 10:44:42 +0000

Популарната актерка Ким Катрал, која сите ја паметат по улогата на Саманта Џоунс од серијата „Сексот и градот“, на почетокот од седмата деценија не се штеди да го покаже своето лице во природно издание без шминка. Имено, Ким на својот Инсатграм често објавува фотографии на кои лежи во креветот, облечена во бадемантил, без сценска шминка со која сме навикнале да ја гледаме.

Овој нејзин потег предизвика бројни коментари од нејзините следбеници, кои и упатија грст комплименти на сметка на изгледот, но и критики.

Исто така, Ким е позната по многуте улоги како на малите екрани, така и на филмското платно, па дури освои и Златен Глобус во 2002 година и беше номинирана за Еми награда.

Саманта Маркел се појави пред портите на нејзината сестра Меган

Љупчо Најчевски — Thu, 11 Oct 2018 10:35:21 +0000

Саманта Маркл (53), контроверзната полусестра на Меган Маркл, се појавила неповикана пред дворецот Кенсингтон, а во рацете имала писмо. Таа дошла во Велика Британија за да се соочи со војвотката од Сасекс, поради семејните проблеми. Исто така сакала да поразговара и за лошиот однос кој од неа го добива нивниот татко Томас, кој не присуствувал на кралската венчавка. Меѓутоа, таа наишла на ѕид и молк, бидејќи не стигнала подалеку од капијата на дворецот. Оваа жена е снимена како разговара со чуварот на капијата на приватниот влез во дворецот во западниот дел на Лондон. Американката која била во количка, поради проблеми со склерозата, не успеала да го предаде писмото, кое очигледно било наменето за нејзината сестра. На влезот ѝ било кажано дека им е наредено да не ја пуштаат внатре. Сепак успеала да стигне да купи маска со ликот на Меган Маркл и принцот Хари, што многумина го оцениле како многу бизарно. Таа дошла во Лондон, две недели откако претставници на палатата примиле писмо дека нејзиното однесување ќе ескалира, ако не добие прилика да разговара со војвотката. Ова е само една од низата со приказни помеѓу Меган и нејзиното семејство. Таа е во лоши односи со семејството од таткова страна. Нејзината полусестра ја користи секоја прилика да ја оцрни во медиумите, а нејзиниот полубрат своевремено го предупредувал принцот Хари да не се жени со неговата сестра. Меган од венчавката не се слушнала ниту со татка си, кој досега дал повеќе интервјуа за медиумите во обид да ја натера ќерка си да се види со него.

(ФОТО) Саманта има замена за продолжението на „Сексот и градот“: Оваа актерка е уште пожешка!

Слободанка Илиева — Mon, 22 Jan 2018 10:11:03 +0000

Веќе неколку месеци наназад се пишува дека нема да дојде до снимање на третиот дел од мега популарниот филм „Сексот и градот“. Најголемиот проблем е актерката Ким Катрал која ја игра улогата на Саманта. Таа дефинитивно нема да ја игра улогата во продолжението, но на продуцентите им даде предлог која секси колешка може да ја игра нејзината улога. -Софија Вергара е дама една од оние кои можат да се најдат во ликот на Саманта Џонс. Верувам дека одлично би го играла ликот на свој начин, вели Ким.

Сепак, обожавателите не се воодушевени од тоа Ким Катрал да не биде дел од филмот на кој таа му даде огромен печат.