сакате – Вистина.мк

Знаци кои откриваат дали и колку го сакате вашиот партнер

Христина Ѓоргиевска — Thu, 09 Apr 2020 12:30:57 +0000

Постојат луѓе коишто се вљубуваат на прв поглед, а постојат и такви кои се вљубуваат со текот на времето. Како да препознаете дали сте вљубени или вистински го сакате вашиот партнер? Нема потреба да се изложувате на стрес доколку не сте сигурни дали сте вљубени или не и дали го сакате вашиот партнер. Ова се неколку насоки кои ќе ви помогнат да го дознаете тоа. Потребите на вашиот партнер се еднакво важни како и вашите, што се гледа според вашите зборови и постапки. Кога станува збор за мислите и желбите на вашиот партнер, размислувате исто како и за вашите, а тоа значи дека се грижите за него. Не глумите пред него, го покажувате вистинското лице Без проблем му ги покажувате вашите маани, не криете ништо од партнерот и искрено разговарате за сите теми. Правите планови за иднината Кога разговорот со вашиот партнер почнува да тече во правец на кроење на планови за иднината, вие спонтано почнувате дискусија за заедничка иднина без размислување околу нејзиното значење. Ако ви се случуваат вакви и слични работи, тогаш најверојатно станува збор за вистинската љубов. Се трудите да го сфатите и кога сте скарани Дури и кога се расправате, вие се обидувате да ја разберете и неговата страна на приказната. Ова е знак дека вие сте создадени еден за друг и многу лесно ќе ги решите сите проблеми коишто ќе ви се случат во животот. извор: Кајгана

Што се случува кога сте целосно отворени со некој што го љубите?

Христина Ѓоргиевска — Wed, 27 Nov 2019 13:45:00 +0000

Љубовта е нешто најубаво што може да ни се случи. Меѓутоа, ако не е целосно искрена и ако ние не сме целосно отворени кон личноста што ја сакаме тогаш постапуваме неправилно. Отвореноста е клучна за успешна комуникација и здрава врска. Доколку сакате да имате убав однос со вашиот партнер, најмалку што можете да направите за него е да бидете искрени и транспарентни во вашиот однос!

Не треба да криете нешта од него во обид да го заштитите

Не би требало да го лажете дека сте одлично и да кажувате лаги од типот дека во вашиот свет сè е супер во обид да го држите подалеку од лошите работи што се случиле.

Треба двајцата да се однесувате како тим

Меѓусебно треба да си кажувате сè и не смеете да ги криете проблемите од страв да не претставувате товар. Вашиот партнер сака да ви биде поддршка и сака да знае низ што поминувате. Не сака да биде оставен настрана и сака да знаете дека не сте сами и дека тој секогаш ќе биде покрај вас.

Му ги кажувате вашите силни и слаби страни

Му се доверувате за вашите успеси и порази. Зборувате со него за убавите работи што ви се случиле во текот на денот, како и за лошите. Вашиот партнер не сака да страдате во тишина и не сака да погодува што се случува внатре во вашиот ум бидејќи вие одбивате да споделите што ве вознемирува. Не сака да се чувствува дека е изолиран, како да не му верувате доволно за да му се отворите.

Поминувате низ најлошите моменти заедно

Ова е составен дел од врската. Уживате во убавите моменти и си помагате во тешките денови. Тука сте еден за друг и во добро и во лошо. Бидете искрени со него дури и ако тоа ви е тешко или прави да се чувствувате лошо, па дури и слабо. Никогаш не глумете дека не ви е потребна помош од никого. Не се обидувајте сами да го носите товарот бидејќи тогаш само ќе ги влошите работите и ќе ја уништите врската додека се развива. Не сакате вашиот партнер да се чувствува како да направил нешто погрешно, како да не му верувате, и многу лесно да го одбиете од себе наместо да бидете автентични со него. Не би смеело да се почувствува како аутсајдер, како да не е важен дел од вашиот свет, како вашите проблеми да не се негова работа. Не се трудете да го заштитите од глупостите низ кои поминувате, а вие да завршите повредени. Му кажувате буквално сè, затоа што знаете дека ќе биде загрижен ако нешто премолчите Не заобиколувајте да одговорите на прашања ако знаете дека нема да ги сака одговорите. Не ги кријте информациите од него користејќи фрази како: „Јас не лажам“. Не кријте ништо од него и признајте кога нешто ве загрижува. Така заедно ќе ги пребродите тешките моменти, ќе бидете посилни и ќе ја градите врската врз цврст темел! извор:кафепауза.мк

Ако сакате некого, сакајте го со цело срце или пуштете го да си оди

Христина Ѓоргиевска — Mon, 04 Mar 2019 14:45:26 +0000

Кога сакате некоја личност, сакајте ја со целото свое срце, и без услови. Ќе дојдат денови кога тие ќе ве вадат од такт, сепак сетете се дека ги сакате. Сакајте ги без страв од иднината и последиците. Пречекајте ја љубовта со отворени раце и заблагодарете се на можноста да запознаете личност како нив. Отворете го срцето целосно, бидете ранливи, но бидете храбри. Дозволете да сакате и да бидете сакани. Но, не сакајте половично, сакајте со целото срце. Сфатете дека кога сакате некого, вие добивате. Дозволете и на другата личност да ги види деловите од вас кои не се совршени. Не се плашете и не се срамете. Да се биде заљубен никогаш не е безбеден облог, не постои прирачник за тоа и не постојат гаранции. Заљубеноста е полесна од сакањето. Тоа бара жртви и бара посветеност. Сакајте со целото срце, или не сакајте воопшто. извор: Курир.мк