сакање – Вистина.мк

Што е важно за квалитетна врска?

Слаѓана Атанасова — Wed, 03 Jan 2024 14:15:06 +0000

Според теоријата на Гери Чепмен, познатиот американски брачен советник, писател и водител, постојат 5 основни јазици на љубовта кои ги зборуваме и кои ги препознаваме кај другите.

Тој го именува концептот на љубовен јазик во својата книга „5 Love Languages: The Secret of Lasting Love“ во која опишува 5 уникатни стилови на изразување љубов врз основа на неговата долгогодишна работа со парови. Откривањето на вашиот примарен љубовен јазик и редовното изразување може да создаде подобра комуникација и разбирање меѓу партнерите, да се поддржуваат едни со други и да се изгради силна и стабилна врска. Ова се 5-те јазици на љубовта. Зборови кои охрабруваат Луѓето кои го зборуваат овој јазик сакаат да добиваат вербална поддршка, охрабрување и пофалби од нивните партнери. Само физичката блискост не им е доволна, но во партнерот наоѓаат поддршка и некој во чие расудување имаат доверба, па затоа им е важно да добијат потврда за нивната вредност. Зборовите понекогаш имаат посилно влијание од конкретните постапки. Ако вашиот партнер спаѓа во оваа категорија, размислете добро за работите што ги кажувате. Користете ги зборовите како алатка за поддршка, а не како критика. Квалитетно поминато време Во овој случај, партнерот треба да ве вклучи во активностите што сака да ги прави. Нему му е исклучително важно времето што го поминувате заедно. Има можности за продлабочување на врската преку квалитетен разговор. Оддалечете се од технологијата и дружете се. Само тоа е доволно за вашиот партнер. Давање и примање подароци Еден од јазиците преку кој партнерот се чувствува сакан е примањето барем симболични подароци кои се доживуваат како израз на љубов. Тоа не значи дека треба да потрошите многу пари на партнерот. Подароците можат да бидат мали знаци на внимание. Вашиот партнер не е материјалист, туку некој кој убавината ја наоѓа во малите гестови. Пружање помош Овој љубовен јазик се однесува на изразување љубов преку конкретни постапки или услуги кои го олеснуваат животот на саканата личност. Ова може да вклучува помагање во домашните работи или други обврски. Сепак, не треба се да се сведува на обврски. Секој има различно толкување за тоа што му претставува овој јазик, па најдобро е директно да го прашате партнерот како можете да му помогнете и што му треба. Физички контакт Во овој случај, партнерот става голем акцент на физичката блискост. Допирање, гушкање и размена на нежности. Ова е можеби наједноставниот јазик бидејќи бара само физичко присуство со кое партнерот се чувствува безбедно. Неодамнешните истражувања покажаа дека компатибилноста на паровите со јазикот на љубовта не мора да значи успешна и среќна врска. Паровите кои делеле ист љубовен јазик не биле поисполнети од паровите кои имале различни стилови. Многу е важно да го знаеме јазикот на нашиот партнер, да го запознаеме и разбереме. Извор: Попара

Тој има 74, а таа 21 година: „Не сум со него поради парите, ние се сакаме“

Христина Ѓоргиевска — Wed, 20 Mar 2019 12:45:59 +0000

Милојко Божиќ (74) од Пилатович и Милијана Богдановиќ (21) од Лучани во Србија, овие денови се најпознат пар во земјата. Разликата во години од дури пет децении нималку не ѝ пречи на нивната љубов. Заљубениот пар, кој планира и брак, овие денови ги посетува сите продавници за венчаници и додека шетаат, минувачите се вртат и многу често ги коментираат гласно. Кога се родила Милијана, Милојко веќе бил пензионер. Тој цел живот работел во Белград, но после пензионирањето се вратил во родното село, каде сосема неочекувано му се случила нова љубов. „Свадбата е закажана на 7-ми септември. Прво ме привлече неговиот физички изглед. Не сакам млади момци, постари отсекогаш ми се допаѓале. За своите години тој реално изгледа одлично. Не ме интересира кој што мисли и зборува. Милојко го познавам цел живот, соседи сме и одев кај него да му помогнам кога беше болен, тогаш се роди нашата љубов“, раскажува Милица и се присетува на почетокот на нивното запознавање: „Го знам од мала. На моите 17, неполни 18 години, почнавме да се дружиме. Малку се заљубив, а потоа и тој. Бевме околу една година во врска. Потоа прекинавме, не знам зошто. Потоа требаше да оди на операција за срцето - вградување на бајпас. Во тој момент немаше никој покрај него и тогаш се роди голема љубов.“ Милојко го оперирале во декември, а после неговата операција ништо не може да ги раздели. Велат дека сакаат деца, а колку, уште не се договориле, само се сигурни дека ќе имаат. На Милијана, како што вели, јасно ѝ е дека на многумина им се трн во око, дека луѓето се сомневаат во нивната љубов и мислат дека таа е со него поради интерес: „Многумина мислат дека сум со него од интерес, но сè е најнормално. Немаме проблем да кажеме дека неговите вкупни примања се околу 400 евра. Ние двајца живееме во нашата дрвена палата, тука ќе ја поминеме зимата, а напролет ќе почнеме со реновирање на куќата, која Милојко неодамна ја изгради, но која е сосема нормална, нема никаков луксуз“, тврди таа и додала дека ѝ е најважно што нејзиното семејство го прифатило нејзиниот избор. Заљубениот Милојко потврдува сè што вели неговата Милијана и додава дека ниту во лудило не помислил дека во овие години ќе му се случи ваква љубов. „Кој би го очекувал тоа. Ме привлече нејзината добрина и убавина“, вели Милојко. извор: точка.мк

Ако на двајца луѓе им е судено да бидат заедно, љубовта ќе најде начин да ги поврзе

Моника Манасиевска — Wed, 21 Nov 2018 16:15:52 +0000

Љубовта е непредвидлива. Некогаш се случува со поглед од едната на другата страна на улицата, некогаш со случајно запознавање преку пријател. Најнеочекуваните моменти во нашите животи се оние кои создаваат најголем оган во нас. Дури и најобичните и најдосадните моменти во нашите животи можат да не однесат до некаква ситуација или настан кои можат да ни го сменат животот од корен. Постојат многу луѓе кои веруваат дека самите сме креатори на сопствената судбина. Тие веруваат дека нашиот живот е онаков каков што самите ќе го направиме. Ако сакаме нешто да ни се случи, треба да се бориме за тоа. Тие луѓе веруваат дека љубовта се случува само ако се бориме за неа. Но, колку и да е точно ова, мораме да се сложиме дека луѓето доаѓаат во нашиот живот со причина. Постои нешто поголемо од нас што не зближува со друга личност, што не менува целосно откако ќе ја запознаеме. Ако двајца луѓе се сретнат и вистински се сакаат, љубовта има начин да направи тие да бидат заедно. Без оглед на сите проблеми и предизвици кои се случуваат, ако на двајца им е судено да бидат заедно, на крајот љубовта ќе победи. Затоа, не се откажувајте од љубовта. И кога изгледа дека трчате во круг, морате да верувате во неа. Постои личност на светов која е создадена за вас. Можеби и двајцата сте несвесни за тоа сега, но универзумот ќе најде начин да ве доближи заедно. Само треба да и дадете шанса на љубовта.

Снеже Велков у љубовно Скопје: Ај опцуј ме… За да ме убеди(ш)… колку ме сака(ш)!

Антонио Димитриевски — Thu, 01 Feb 2018 10:29:16 +0000

Во последно време Скопје е се’ пољубовен град! Ма, најљубовен на светот! Така вика логиката...Барем онаа, испишаната! На градските графити!

Според неа, скопјани, и оние - родените и оние дојдените, најмногу се сакаат! И помеѓу себе и едни со други! Секако!

Тоа прва го сфати водителката и фитнес инструкторка Снеже Велков! Го апсолвираше најљубовниот градски графит, па го фотографираше и го обзнани на својот Инстаграм профил...

Потоа се обрати и со лична молба: „Ај едно сакање... И пцуење стајте ми... За да ме убеди ми е...“ - напишала синооката фитнес лејди. И сете останаа во прашалници?! Како сакањето и љубовта се докажуваат со пцуење? Епа така! Еве вака:

Не ги уништувајте луѓето кои знаат да ве сакаат силно

Слободанка Илиева — Mon, 06 Nov 2017 13:32:05 +0000

Луѓето кои знаат да сакаат се полни со убави чувства, тие не знаат да ги исклучат своите срца, не знаат да престанат да даваат и тоа е нивната најубава страна. Овие луѓе секогаш го гледаат најдоброто во другите луѓе, ги гледаат сите мали убави детали и тие знаат да сакаат до небото и назад. Тие не бараат ништо за возврат, освен љубов. Тие сакаат да најдат топлина во прегратките на друга личност и сакаат искреност. Никогаш нема да престанат да даваат љубов доколку видат потенцијал и никогаш нема да ја остават личноста која ја сакаат силно. Тие се човечки суштества кои понекогаш забораваат на разумот. Тие често ги сакаат оние луѓе кои немаат способност да ги сакаат назад. Но, тие често се и повредени. Давањето љубов за луѓето кои не ја заслужуваат нивната љубов за нив е како ураган кој ја истоштува нивната душа. Тие наоѓаат дом во другите луѓе, им даваат се што имаат и се обидуваат да најдат љубов со иста сила и моќ во другите луѓе. Но, само ретки луѓе се способни да сакаат толку силно. Овие луѓе често, дури и пречесто се повредени. Помислата дека можат да бидат оставени ги прогонува уште од почетокот. Мислата дека можат да сакаат и таквата љубов да не биде прифатена ги остава бессони, многу ноќи. Дури и кога љубовта делува погрешна, тие и даваат шанса. Тие живеат за да даваат љубов. Немојте да бидете себични со нивното срце. Не ја отфрлајте нивната љубов. Не ги уништувајте. извор:скопјеинфо.мк