Саем на книга – Вистина.мк

Билети за „Саемот на книга“ ќе може да се купат онлајн

Антонио Димитриевски — Wed, 01 Sep 2021 13:26:54 +0000

Од утре, билети за саемот на книга ќе може да се купат преку on-line електронскиот систем www.karti.com.mk. За најбројната публика, млади лица до 18 години, важи попустот како за групни посети, а билетот чини само 20 денари. Саемот за книга ќе се одржи на отворено, непосредно до Аква паркот (А1 Арена – СЦ Борис Трајковски), од 8. до 14. септември. На саемот ќе земат учество над 60 издавачки куќи кои најавија претставување на своите најнови изданија, како и голем број на промоции и саемски попусти. Саемот на книга е организиран во соработка со Македонската Асоцијација на издавачи, Здружението на издавачите и книжарите на Македонија – ЗИКМ, Здружението на албанските издавачи од Македонија и Сојузот на албански издавачи во Македонија и поддржан е од Министерството за култура на Република Македонија. Програмата и распоредот на промоции на новите изданија ќе бидат објавени непосредно пред почетокот на Саемот на книга 2021, соопштија организаторите.

Саем на книгата од 8-14 септември на отворено во СЦ „Борис Трајковски“

Христина Ѓоргиевска — Tue, 03 Aug 2021 12:16:56 +0000

Саемот на книгата 2021 годинава ќе се одржи од 8 до 14 септември на отворено, во А1 Арена во СЦ „Борис Трајковски“ во Скопје. Оттаму најавуваат дека издавачите се подготвени да ги понудат своите најнови изданија и својата богата понуда со големи саемски попусти. Љубителите на книгата ќе може да избираат од понудата на голем број домашни и странски автори, странска литература, стручна, научна и белетристичка литература, книги за млади и деца. Согласно Протоколите за спречување на ширење на коронавирусот, пропишани од Владата на РСМ, за Саeмот на книга 2021 ќе бидат обезбедени сите мерки за кои посетителите и изложувачите ќе бидат соодветно информирани. Заради безбедноста и оваа година Саемот на книга ќе се одржува на отворен простор. Работното време на саемот е од 10 до 20 часот, а на 14. септември од 10 до 17 часот. Билетите ќе може да се набават онлајн и на билетарниците пред влезот на саемот. Саемот на книга е поддржан од Министерството за култура на Република Македонија и Град Скопје

Аца Лукас „распали“ по Кија Коцкар: „Тажно, што пишува личност која се појавила пред година-две!“

Слободанка Илиева — Tue, 12 Jan 2021 11:14:24 +0000

Пејачот Аца Лукас призна дека би сакал да напише книга за неговиот живот, но дека нема доволно време за тоа. Кога дозна дека најпродавана е автобиографијата на Кија Коцкар на Саемот на книгата во 2018 година, тој се изненади. - Добро пишувам, но немам време. Вања Булиќ е единствената личност на која би можел да и го оставам, бидејќи не знам дали би било добро да го пренесам мојот израз директно. Секој има право да пишува, но не разбирам кога го прават тоа по еден и пол хитови или два албума. Некои пишуваа и по тие задруги - истакна пејачот за „Свет“ и откри што мисли за фактот дека во 2018 година, најпродаваната автобиографија на Саемот на книгата беше на Кија Коцкар.

View this post on Instagram

A post shared by KIJA KOCKAR (@kijakockar)

- Колку тажен саем ако е така. Се шегуваш со мене? На Саемот на книгата? Што е со светските писатели, класици? Добро е што не одам на Саемот на книгата, сите книги што требаше да ги прочитам, веќе ги прочитав и добро е што не ги читам овие нови. О, дај Боже да ме спаси, што вели таа нејзина книга? Дали станува збор за нејзиниот живот? - вели пејачот и додаде: - Значи, брзо се чита. Колку, две или три страни? Колку страници можат да имаат книгата на една личност што се појави пред една или две години? Па, Добрица Ќосиќ и Иво Андриќ се превртуваат во гробот – критикува Аца Лукас.

Од 8 до 14 септември Саем на книгата на отворено

Христина Ѓоргиевска — Thu, 27 Aug 2020 12:01:50 +0000

Издавачите се подготвени да ги понудат своите најнови изданија и својата богата понуда со големи саемски попусти на Саемот за книга 2020 што ќе се одржи од 8 до 14 септември на отворено во А1 Арена СЦ Борис Трајковски, кај Аква Паркот под монтажни објекти. Љубителите на книгата ќе може да избираат од понудата на голем број домашни и странски автори, странска литература, стручна, научна и белетристичка литература, книги за млади и деца. Согласно Протоколите за спречување на ширење на коронавирусот, пропишани од македонската влада, за Саeмот на книга 2020 ќе бидат обезбедени сите мерки за кои посетителите и изложувачите ќе бидат соодветно информирани. Заради безбедноста првпат оваа година Саемот на книга ќе се одржува на отворен простор. Работното време на саемот е од 10 до 20 часот, а на 14 септември од 10 до 17 часот. Билетот за влез чини 30 денари, а за деца и млади до 18 години изнесува 20 денари. Истите ќе може да се набават онлајн и на билетарите пред влезот на саемот. извор: Мкд

Преку „Саемот на книга“ Унгарија ќе ја потврди успешната соработка со Македонија

Дејан Донев — Mon, 06 May 2019 10:52:59 +0000

„Културата е најдобриот начин да ја доближиме Унгарија пред македонскиот народ со кого имаме четврт век успешни билатерални односи, а Саемот на книгата е еден од најзначајните културолошки настани во областа на книжевноста, а секако покрај книжевноста имаме подготевно низа проекти преку кои ќе се претставиме и тоа во областа на музиката, танцот, фотографијата, гастрономијата и научни сознанија.“ - изјавиja од амбасадата на Унгарирја во Република Македонија во пресрет на 31-от Меѓународен саем на книгата. Во соработка со Скопски Саем, Унгарија и унгарската книжевност ќе бидат во фокусот на 31-от Меѓународен саем на книгата во Скопје кој ќе се одржува во период од 8. до 14. мај во ВИП Арена Борис Трајковски. На специјализираниот унгарски штанд, посетителите ќе имаат можност лично да се сретнат со авторите Едина Сворен и Ласло Багоши, како и со македонските преведувачи на унгарската литература Паскал Гилевски и Златко Панзов. Покрај врвните унгарски книги, ќе биде изложена и изложба на илустрации од современи унгарски детски книги. Околу 70 издавачи од Македонија, Унгарија, Србија, Косово, Албанија, Данска се дел од ова издание на Меѓународниот саем на книгата. Сите значајни издавачки куќи од земјата ќе земат учество и покрај редовните штандови, имаат подготвено програма која изобилува со промоции, тркалезни маси и настани. По повод оджувањето на Саемот на книга, во соработка со ЈСП, за полесен пристап на посетителите на Саемот на книга, се воведуваат две нови линии, 100 и 200. Линијата 100 ќе сообраќа од населба Ново Лисиче до ВИП Арена Борис Трајковски, додека линијата 200 ќе сообраќа од населба Дексион до ВИП Арена Борис Трајковски. Цените на автобуските билети е според официјалниот ценовник на ЈСП. Влезница за Саемот на книга чини 30 денари, додека за организирани посети на ученици е 20 денари. Работно време на саемот е од 10.00 до 20.00 часот.

31. МЕЃУНАРОДЕН САЕМ НА КНИГАТА 2019 08 – 14.05.2019

Среда, 08 Мај 2019 12.30 – 13.30 ТРКАЛЕЗНА МАСА / ФЕНИКС Тема: „Литературата за деца овде и сега“ 17.30 – 18.30 ПРОМОЦИЈА / ТРИ Промоција на книгата „Луѓе без минато“ од Ивица Челиковиќ Четврток, 09 Мај 2019 11.30 – 12.30 ПРОМОЦИЈА и ПРЕТСТАВА / ТОПЕР Детска книга „Зебричка“, автори Соња и Бојан Станковиќ 13.00 – 14.00 ПРОМОЦИЈА / АРС ЛАМИНА Промоција на книгата „Самовилата што гледаше во темнината” од Ласло Багоши, Унгарија 15.30 – 16.30 ПРОМОЦИЈА / ФЕНИКС Промоција на најновите изданија на Феникс и Македонија презент 17.00 – 18.00 ПРОМОЦИЈА / ТРИ Промоција на книгата Како во филм од Винко Модерндорфер Гостин - Винко Модерндорфер Промотор: Лидија Димковска 18.00 – 19.00 ПРОМОЦИЈА / АРС ЛАМИНА Промоција на книгата „Солунска 28” од Неле Карајлиќ, Србија Петок, 10 Мај 2019 11.00 – 12.00 ПРОМОЦИЈА / ЕДУКА МАК Наслов: „ШАРЕН ДЕТСКИ СВЕТ“- (книга за деца) Автор: Васка Јовановска Промотори: Проф. д-р Весна Мојсова – Чепишевска, Изабела Новотни и децата од детската градинка „13 Ноември“ Општина Центар - Скопје. 12.00 – 13.00 ПРОМОЦИЈА / ТОПЕР Хана Филдинг 13.30 – 14.30 ФЕНИКС Врачување на наградите за најдобра литературна и ликовна творба на на тема:„Биди дете“; Најдобри есеи и читатели – шампиони! 14.30 – 15.30 ПРОМОЦИЈА / ИЗДАВАЧКА ДЕЈНОСТ 88 Наслов: „ПИРАМИДА ОД КАЛ“ од АНДРЕА КАМИЛЕРИ Преведе од сицилијански: ЈУЛИЈАНА СИНАДИНОВСКА Промотор: ЅВЕЗДАН ГЕОРГИЕВСКИ 16.00 – 17.00 ПРОМОЦИЈА / БАТА ПРЕС „ВРЕМЕ Е ЗА КНИГА“ - Претставување на проектот поддржан од ЕУ и Креативна Европа и најава за објавување на десет книги од врни европски автори. 17.00 – 18.00 ПРОМОЦИЈА / ТРИ Промоција на книгата Стаклените деца од Кристина Улсон Гостин: Кристина Улсон Промотор: проф. д-р Весна Мојсовска-Чепишевска 18.00 – 19.00 ПРОМОЦИЈА / АРС ЛАМИНА Промоција на книгата „ Костурите на округот Медисон ” од Ведрана Рудан, Хрватска Сабота, 11 Мај 2019 11.00 – 12.00 ПРОМОЦИЈА / ЕДУКА МАК Наслов: „Врти од А до Ш“ Автор: Елена Стојчевска Промотори: проф. д-р Мито Спасевски и проф. д-р Елизабета Бандиловска 12.00 – 13.00 ПРОМОЦИЈА / ЕДУКА МАК Наслов: „ДЕБИ МУ ГО РАЗБУДИ БУВЧЕТО“ Автор: Жаклина Мучева Промотор: м-р Татјана Гоговска 13.30 – 14.30 ПРОМОЦИЈА / БАТА ПРЕС Наслов: „КНИГА ДОСТАПНА СЕКОМУ достапна секому“ и претставување на „Бруклин“ од Колм Тојбин 14.30 – 15.30 ПРОМОЦИЈА / ИЗДАВАЧКА ДЕЈНОСТ 88 Наслов: „ПРЕПОЛОВЕНИОТ ВИКОНТ“ од ИТАЛО КАЛВИНО Превод од италијански: проф. д-р. АНАСТАСИЈА ЃУРЧИНОВА Разговор со преведувачот: проф. д-р ЛИЛЈАНА УЗУНОВИЌ 15.30 – 16.30 ФЕНИКС Врачување на наградите: „Орфеј“ на Никола Вуколиќ и „Големиот принц “на „Киро Донев“ 17.00 – 18.00 Доделување на награди од Македонската асоцијација на издавачи (МАИ) 18.00 – 19.00 ПРОМОЦИЈА / ТРИ Промоција на книгата „Нема и нека не ни има“ од Едина Сворен Гостин: Едина Сворен 19.00 – 20.00 Доделување на награди од Здружението на издавачите и книжарите на Македонија (ЗИКМ) Недела,12 Мај 2019 11.00 – 12.00 ПРОМОЦИЈА / ЕДУКА МАК Наслов: „Сонливи приказни од тајната шума“ - книга за деца Автори: Алма Растодер Промотори: Проф. д-р Владимир Мартиновски и проф. д-р Славица Србиновска 12.30 – 13.30 ПРОМОЦИЈА / БАТА ПРЕС Промоција на книгата „Ангелите од Москополе“ од романската авторка Катја Максим и на 4 други + проекти поддржани од Министерството за култура 13.30 – 14.30 ПРОМОЦИЈА на новата книга на Ниче Димовски „Љубов се викам“ 14.30 – 15.30 ПРОМОЦИЈА / ФЕНИКС Промоција на едицијата „Учење низ игра“и списанието „Новкруг“ 15.30 – 16.30 ПРОМОЦИЈА / ИЗДАВАЧКА ДЕЈНОСТ 88 Наслов: „КИНЕСКИ ДРЕВНИ СКАЗНИ ЗА ДЕЦА“ Приредувач и преведувач од кинески јазик: ЕЛЕНА ДАМЈАНОСКА Промотори: проф. д-р ЛИЈАО ВЕЈ, директор на Институтот „Конфуциј при УКИМ во Скопје и проф. д-р КАЛИНА МАЛЕСКА 18.00 – 19.00 ПРОМОЦИЈА / АРС ЛАМИНА Промоција на книгата „Секој полудува на свој начин” од Стефан Чапалику, Албанија Понеделник, 13 Мај 2019 11.00 – 12.00 ПРОМОЦИЈА / ЕДУКА МАК Наслов: „СРЕЌЕН РОДЕНДЕН“- книга за деца Автор: Ели Маказлиева Промотори: Проф. д-р Кристина Николовска и Проф. д-р Анета Баракоска 12.30 – 13.30 ПРОМОЦИЈА / ФЕНИКС Промоција на книгата „Кога големите беа мали“ подготвена од Христо Петрески - Соопштување на наградата Ана Франк за 2019 година 18.00 – 19.00 ПРОМОЦИЈА / БАТА ПРЕС Промоција на бестелерот „Каменувана“ автор Томас Енгер, Норвешка. Средби со Томас Енгер, ексклузивен гостин на „Бата прес“

31 саем на книга од 8 до 14 мај во „Борис Трајковски“

Христина Ѓоргиевска — Fri, 12 Apr 2019 11:37:38 +0000

Триесет и првото издание на Саемот на книга ќе се одржи од 8 до 14 мај во ВИП арената „Борис Трајковски“ во Скопје. Покрај македонските издавачки куќи, ќе учествуваат и издавачи од Србија, Косово, Албанија и од Унгарија, која е „Земја во фокус“. „Подготовките се во завршна фаза. Како и секоја година, очекуваме Министерството за култура како покровител на манифестацијата да овозможи поддршка за издавачите заради соодветни услови за промоција на литературата и на издавачката дејност. Очекуваме Саемот да ја надмине рекордната бројка од околу 45.000 посетители“, вели проект менаџерката на Саемот, Сања Кондарко. извор: сакамдакажам

Промоција на македонска илустрирана енциклопедија за деца на Саем на книга

Дејан Донев — Thu, 03 May 2018 08:45:18 +0000

„Македонска илутрирана енциклопедија за деца“ од авторките м-р Ели Маказлиева, Татјана Грегова и Александра Велинова ќе биде промовирана на 7.5 (понеделник) во 10 и 30 часот, во рамки на 30-тиот по ред „Саем на книга“. Промотори на енциклопедијата се проф. Д-р Христо Петрески и учениците од ОУ„Кузман Ј. Питу“ Општина Кисела Вода од Скопје и децата од градинката „13 Ноември“ од Скопје. Во неа се обработени 39 тематски содржини кои даваат основни информации за Република Македонија, за нејзините убавини, како и позначајни податоци прилагодени на возраста на детето.

Оригиналните илустрации на неверојатен начин ги презентираат содржините како неизоставни елементи кои ќе го дооформат впечатокот на енциклопедијата. Идејно-концепциската и содржинската структуираност од попросто кон посложено дава посебен белег за приемчивост и достапност за децата, дополнувајќи го дефицитот на литература од ваков вид кај нас и создавајќи драгоцен придонес во литературата за деца. Рецензенти на енциклопедијата се проф. д-р Татјана Котева - Мојсовска и проф. д-р Сузана Никодиновска - Банчотовска, двете професорки на Педагошкиот факултет, како и на д-р Христо Петрески, писател, поет, есеист и книжевен теоретичар.