рутина – Вистина.мк

Избегнете ја рутината во врската – како да го освежите односот со партнерот?

Слободанка Илиева — Fri, 22 Dec 2023 14:00:22 +0000

Рутините навистина можат да ни го поедностават секојдневието – кога ќе се навикнете на некоја рутина, не ни мора да мислите што правите. Рутините навистина можат да ни го поедностават секојдневието – кога ќе се навикнете на некоја рутина, не ни мора да мислите што правите. Но во врските, рутината може да предизвика и проблеми. Монотоноста во врската може да го влоши вашиот однос со партнерот, па важно е одвреме-навреме да ја менувате вашата рутина. Погледнете како можете да го направите тоа: Препознајте ја рутината Добро размислете за секојдневието со партнерот и кои работи постојано се повторуваат. Ако, на пример, секогаш вие правите ручек, некогаш нека направи партнерот. Или, излезете и јадете во ресторан. Разговарајте за рутините Најдобриот начин да избегате од секојдневието е да отидете на некоја далечна дестинација. Но во реалноста, ова не е секогаш возможно. Наместо тоа, разговарајте со партнерот за вашите рутини и кои од нив би сакале да ги промените. Кога отворено ќе кажете што ви е веќе досадно и на двајцата, многу полесно ќе најдете заеднички забавни активности. Заменувајте ги рутините постепено Ако долго време сте навикнати на некоја рутина, не мора веднаш да правите драстична промена. Можете да правите две промени неделно – еднаш вие одберете ја новата активност, еднаш партнерот. Ден без рутината Одвојте еден ден во неделата во кој нема да следите ниту една од вашите рутини. Дозволете си да бидете спонтани и да ги прекршите сите ваши правила. Бидете авантуристи Излезете од вашата зона на удобност и направете нешто ново и необично. Одете на кампување, одете на излет, одете во нов ресторан… можности има безброј. извор:курир.мк фото:Freepik

4 чекори до совршена кожа во лето- полесно е отколку што мислите

Слободанка Илиева — Thu, 24 Aug 2023 12:25:04 +0000

Летото носи со себе фундаментална промена во рутината за убавина, бидејќи промената на времето остава белег на нашата кожа, особено на кожата на лицето. Бидејќи тешките и бројни производи се резервирани за постудени денови, ја намалуваме нашата нега во текот на летото на потребниот минимум. За соодветна нега на убавина, за време на жешките летни денови, важно е да се преземат овие 4 чекори, кои ќе ѝ дадат на кожата соодветна заштита, здрав и зрачен изглед и рамномерен тен. Темелно исчистете го лицето Пронајдете ја адекватната пена / вода или гел за чистење на лицето што одговара на вашиот тип кожа. Изберете производи базирани на вода, кои имаат малку полесна структура и кои, покрај темелно чистење на вашата кожа, ќе ја обезбедат и потребната хидратација во текот на летото. Нанесете крема со СПФ Иако често сме скептични во однос на примена на креми со заштитен фактор, токму пред да нанесете шминка, токму заради нивната погуста и потешка структура, како и необичниот мирис, козметичката индустрија напредуваше толку многу што на пазарот можете да најдете креми со СПФ. кои имаат целосно воздушна текстура и неутрален мирис, а покрај тоа што ќе ви ја обезбедат потребната заштита од штетно УВ-зрачење, тие ќе бидат одлична основа за лесна, летна шминка. Богато нахранете ја кожата Во текот на летото, на лицето му е потребна дополнителна хидратација, така што од време на време нанесувајте маска, богата со хранливи материи, која длабоко ќе ја регенерира вашата кожа, ќе ја подобри нејзината еластичност и ќе ја врати нејзината свежина и сјајност. Негувајте ја областа околу очите Ефектите од замор и недостаток на витамини се особено видливи во пределот околу очите, за што е потребна посебна грижа. Бидејќи ова е особено чувствителна област на нашето лице, изберете крема со малку полесна текстура. Активната грижа за пределот околу очите ќе ги намали вашите потечени и темни кругови под очите и ќе ве натера да изгледате секогаш свежо и одморено во текот на летото. извор:popara.mk

Правилна рутина за нега на лицето: Со лесни чекори до здрава кожа!

Слаѓана Атанасова — Tue, 18 Apr 2023 11:14:13 +0000

Сите сакаме да изгледаме најдобро (дури и кога не се чувствуваме така), а денес сме преплавени со различни опции кога е во прашање естетиката, но она што најмногу привлекува внимание е кожата. Кожата е најголемиот орган на нашето тело и е еден од клучните показатели за состојбата на организмот. Пред да размислите за скапи третмани и козметички корекции, Healthline предлага да се справите со најосновните чекори кога станува збор за вашата рутина за нега на лице. 1. Редовно чистење Чистењето на лицето треба да се прави два пати на ден: наутро и навечер. Тоа е многу важно бидејќи ги отстранува бактериите и сета „нечистотија“ од површината на кожата, а со тоа ги спречува затнатите пори – кои се главната причина за мозолчиња. Им овозможува на кремите кои потоа ги нанесуваме да навлезат подлабоко во кожата. Изберете производ според типот на кожа, во зависност од тоа дали имате суво или мрсно лице. 2. Честа хидратација Хидратацијата на лицето го спречува оштетувањето на кожата и и дава природен сјај, а во исто време штити од надворешни фактори како сончева светлина или студ. Важно е и кога зборуваме за брчки, бидејќи на суво лице повеќе се истакнуваат „возрасните линии“. За најдобри резултати, користете хидратантна крема наутро и навечер, пред да нанесете масло за лице или серум. 3. Нежен пилинг Пилингот на лицето ги отстранува мртвите клетки од кожата, ги отпушува порите и помага во подобра апсорпција на производите што ги нанесуваме. Многу е важно да не правиме пилинг често и грубо за да не предизвикаме иритација и сувост на кожата. Затоа е најдобро да користите производи со природни состојки како млечна киселина. Користењето четка за лице со меки влакна може да биде корисно за да се обезбеди нежна физичка ексфолијација. 4. Заштитен фактор Заштитниот фактор ја штити кожата од сонцето, го спречува предвременото стареење и можноста за појава на рак, но и дава на кожата изедначен и сјаен изглед. За да имате максимален ефект, неопходно е да користите spf 30 или повисоко. Доколку сте директно изложени на сонце, кремот нанесувајте го на секои два часа, а почесто ако се потите или пливате. 5. Проширете ја вашата грижа Пожелно е да се инвестираат пари во квалитетен серум, масло за лице или маски за еднократна употреба. Имено, овие производи се одличен начин да ги спречите брчките, да добиете блескав, хидриран изглед, да ги отстраните темните кругови и да го изедначите тенот. Имајте на ум дека тие содржат природни состојки како роза или масло од арган. А тие се и одлична основа пред шминкање бидејќи и даваат на кожата освежен изглед. Извор: Курир.мк

Сексот ви е на пауза: Како да излезете од рутина?

Слаѓана Атанасова — Thu, 23 Feb 2023 12:56:33 +0000

Сосема е нормално по долгогодишна врска или брак да ја изгубите волјата за секс или барем да се намали желбата.

Најчесто причината за тоа е истата секс рутина и тоа што сте си дозволиле да влезете „во машинеријата“ или да стиснете пауза на сексот на сметка на секојдневните обврски. Меѓутоа, ако уште постои љубов и страст меѓу вас, има простор да ја разгорите таа страст и да ја обновите сексуалната врска. Треба само да се потрудите. Ова се пет совети како да излезете од рутина: Бидете искрени Ако имате желба и успевате да имате секс, но сексот ви е здодевен, бидете искрени и кажете го тоа. Секако, внимавајте како го кажувате тоа. Истакнете ги добрите страни и потоа предложете што може да се смени. Можеби и партнерот го чувствува истото. Сменете ја рутината Истражувањата покажуваат дека двојките во долги врски со тек на време почнуваат да користат само три секс пози. Ако и вам ви се случило истото, не треба многу за да направите измена: пробајте нова поза, па и нова локација: секс под туш, на кауч во дневна, на ѕид во ходник, во кола, во хотел... Размислувајте „надвор од кутијата“ Рутинскиот секс не е доволен за да се одржи страста, туку само навиката. Во сексуалниот живот треба да вложите време и енергија како и за останатиот дел од врската. Не заборавајте дека мозокот е најголемиот сексуален орган, па препуштете се на фантазиите и разговарајте отворено за сексот со партнерот. Можеби и тој има нешто да ви каже. Не критикувајте Ако не сте задоволни од вашиот сексуален живот, никако за тоа не го обвинувајте само партнерот. За сѐ се потребни двајца. Искрено прашајте се дали вие правите нешто погрешно или не го правите доволно. Секоја забелешка кажете ја конструктивно и не заборавајте – ова го правите за доброто на двајцата и да имате подобар сексуален живот заедно. Истражувајте Не се воздржувајте од самозадоволување. Сепак, вие најдобро се познавате себе си. Мастурбацијата е здрава и корисна за осознавање на сопствената сексуалност. Можеби ќе откриете нешто ново за сопственото сексуално задоволство што може да ви помогне во сексот со партнерот. Извор: Кајгана.мк

Рутината со која го започнувате денот може да го уништи

Слободанка Илиева — Wed, 16 Nov 2022 12:59:07 +0000

Не постои една вистинска рутина која би функционирала за сите исто. Но, можеби грешките што секојдневно ги правиме секое утро се вистинскиот проблем, а не рутината. Еве кои се најчестите грешки, кои треба да започнеме да ги избегнуваме: Го притискаме копчето за одложување на алармот Експертите за спиење сметаат дека одложувањето на алармот не е добра идеја, бидејќи така влегуваме во магичен круг на повторно заспивање, од кој тешко ќе се разбудиме. Остануваме во кревет Честитки! Сме го изгасиле алармот, но сè уште остануваме да лежиме во креветот. Наместо да лежиме, времето после алармот треба да го искористиме за правилно истегнување и раздвижување кое ќе ни ја даде потребната енергија. Ја проверуваме електронската пошта Денес, повеќето луѓе спијат со паметниот телефон до перница, односно до нивна непосредна близина. Затоа е многу лесно, откако ќе ги отвориме очите да се завртиме на другата страна и веднаш да започнеме со работење, читање на мејловите или прегледување на социјалните мрежи. Но, оваа штетна навика треба веднаш да ја отстраниме од нашата утринска рутина. Ништо не е толку итно, што не можеме да го провериме после 1 или 2 часа откако сме се разбудиле. Го оставаме креветот ненаместен Местењето на креветот е дополнителна утринска физичка активност која секојдневно треба да ја практикуваме. Воедно, тоа ќе не поттикне да бидеме поенергични и попродуктивни. Пиеме кафе Нашето тело природно лачи поголеми количества на хормонот одговорен за стресот- кортизол, помеѓу 8 и 9 часот наутро. Ако не можете без кафе, размислете двапати за тоа. Најдобро е кафето да се консумира после 9.30 часот. Бидејќи, ако го навикнете телото на коефин пред ова време, организмот ќе произведува значително помалку кортизол, а тоа ќе доведе до голем проблем. Се подготвуваме во темно Ако се подготвуваме во темница, односно со изгасено светло, ова на нашето тело може да му сигнализира дека сè уште е ноќно време, што дополнително ќе ве направи поспани и со послаба енергија. Доколку кога ќе станете, а надвор е темно, тогаш експертите препорачуваат да се облекуваме на доста силно светло. Премногу сме спонтани Можеби ќе се напиеме вода, можеби ќе пуштиме музика, можеби ќе им се јавиме на пријателите. Можеби! Експертите велат дека најдобро е кога ќе станеме да имаме ред. Рутината не мора да биде строго организирана, но да ги правиме почетните работи по некој редослед: Местење на креветот, миење на забите, облекување на претходно спремената облека, појадување и слично. извор:попара.мк

Една од најубавите жени на светот никогаш не користи ботокс: Пенелопе Круз младешкиот изглед го одржува без пластични операции (фото)

Слаѓана Атанасова — Thu, 13 Oct 2022 11:12:35 +0000

Пенелопе Круз (48) е една од ретките актерки која не е приврзаник на естетската хирургија, а нејзината витка фигура не се менува со текот на годините. Таа јаде конкретно и има уникатна рутина за вежбање. Нејзиниот пристап кон исхраната е едноставен – таа се фокусира на храна која прави да се чувствува добро. Тоа не значи дека некои намирници ги смета за лоши, туку помалку здрави. Медитеранската исхрана на Пенелопе се заснова на многу посни протеини, цели зрна, свеж зеленчук и јаткасти плодови. Кога може, во своите рецепти користи многу свежо авокадо и екстра девствено маслиново масло. Кога е надвор, Пенелопе се одлучува за појадок со јајца и парче сланина. Кога е дома и има малку повеќе време, сака да подготвува посвеж и пошарен појадок. Понекогаш тоа е англиски кифла без глутен со авокадо и пржени јајца одозгора, или јаде порција грчки јогурт со сезонско свежо овошје и малку мед. За ручек често јаде риба со сезонски зеленчук, а ако е во движење, зема со себе хумус и стапчиња од зеленчук. За вечера, медитеранската исхрана овозможува речиси сè свежо. Таа е од Шпанија и сака да вклучува шпански јадења во нејзината исхрана секогаш кога е можно. Ова често значи дека јаде риба и посни парчиња црвено месо со ориз и грашок. Повремено пие малку вино за време на вечерата. Се сè сведува на умереност. Опциите за вечера на Пенелопе се дизајнирани да направат да се чувствува најдобро. Таа често посегнува по јаткастите плодови во текот на денот, како цели бадеми или кикирики, а желбата за слатко ја задоволува со свежо овошје наместо со обработени енергетски плочки.

View this post on Instagram

A post shared by Penélope Cruz (@penelopecruzoficial)

Актерката избегнува глутен, а исто така не пие многу алкохол. Наместо да поминува часови во теретана, Пенелопе практикува Бикрам јога. Овој тип на јога се изведува во загреана просторија, а нејзините тренинзи траат околу 90 минути и се многу ефикасни. Можеби изгледа дека овој начин на исхрана е малку ригорозен, иако актерката понекогаш знае да ги прекрши правилата, но само одвреме-навреме. Фото:Принтскрин/Профимедиа

Лидија Вукиќевиќ ги шокираше сите жени: Откри што прави 20 минути пред спиење (фото)

Слаѓана Атанасова — Mon, 03 Oct 2022 11:17:48 +0000

Актерката Лидија Вукиќевиќ гостуваше во емисијата „Сценирања“ каде ја допре темата за нејзиниот несекојдневен изглед и на оваа возраст. Нејзината рутина трае уште од осмо одделение, а ова е тајната на нејзиниот изглед: - Кога ќе ме прашаат колку години имам, им кажувам која возраст сакам. Ме прашуваат како е можно на оваа возраст да изгледам вака, а потоа почнувам да набројувам што се користам. Мојата вечерна рутина, без разлика дали ме чека маж или не, трае 20 минути. Но, без туш, само за лице – рече Лидија. - Јас сум болесно педантна, хигиената ми е на прво место, па почнувам да зборувам за тоа што ставам: авен вода, против брчки, па крема за влажност на кожата, крема за хидратација. Навистина се потребни 30 секунди за сè да се исуши. Вечерната рутина не ја прескокнувам од 8-мо одделение, кога сум најуморна секогаш влегувам во тоалет и си го поправам лицето пред спиење - изјави Лидија, а потоа додаде: -Не можете на 30 години да почнете да се грижите, доцна е, тоа го правам од осмо одделение, така не научи мајка ми, секогаш беше дама и секогаш нè учеше на нега и хигиена.

View this post on Instagram

A post shared by Lidija Vukićević (@vukiceviclidija)

Фото:Принтскрин/Инстаграм/Лидија Виќикевиќ

Сите парови кои се во долга врска, порано или подоцна се среќаваат со овие 3 проблеми во сексот

Слободанка Илиева — Tue, 30 Mar 2021 13:00:03 +0000

Порано или подоцна, паровите се заситуваат еден од друг, а доколку сексот веќе стане здодевен, тој може целосно да ја наруши хармоничната врска. Сепак, ако за првпат се среќавате со некој од овие 3 проблеми, можеби неговото правовремено препознавање ќе ви помогне да го надминете. Нечие либидо е посилно Голем број мажи имаат помало либидо од своите подобри половини, но не сакаат да признаат, што доведува до тоа да не се чувствуваат доволно „мачо“ бидејќи не можат да ги следат своите партнерки. Од друга страна, на жените понекогаш им е непријатно поради силното либидо, но не треба да им биде. За среќа, бројни истражувања покажуваат дека работите се менуваат на подобро. Тој мисли дека добро прави сè Некои работи едноставно не ви одговараат, колку и да се труди вашиот партнер. Но, тој не би ги правел истите доколку му објасните што сакате и што ве возбудува бидејќи за жал, не може да ги чита вашите мисли. „Заглавени“ сте во рутина Јасно е дека сексот подоцна во врската не може да биде ист како на почетокот. Проблемот е што многу парови на почетокот сакаат што побрзо да ги испробаат сите пози и движeња. Со текот на времето учат што го возбудува нивниот парнтер и се држат само до тоа, како рецепт кој доведува до сигурен оргазам. Започнете одново да испробувате нови работи бидејќи сигурно не сте испробале сè. извор:точка.ком.мк

Рутини што можат да ви помогнат да внесете позитивност во вашето секојдневие

Слободанка Илиева — Tue, 09 Feb 2021 13:45:53 +0000

Еве како да си помогнете и да го промените протокот на мислите што во моментот може да биде негативен. Ако чувствувате дека не одите напред, немате волја за живот или живеете во страв, не заборавајте да побарате помош од стручни лица. Во западниот свет, одењето на психотерапевт е исто како и на стоматолог. Колку вложувате во дружење? Само затоа што во моментот не можеме да одиме на забави, концерти, ресторани и кафулиња, не значи дека треба да заборавите на пријателите. Животот продолжува, само во една друга форма и друг пристап. Поканете пријатели на видеоповик, организирајте дружење, организирајте патување секој викенд во природа на некое друго место. Постојат начини да се одржи социјалната дистанца во овие тешки моменти. Како се релаксирате? Можеби ви се чини дека работата од дома ве релаксира, но тоа е далеку од вистината. Многумина од нас воопшто не знаат како да се релаксираат, но треба да знаете да направите време за медитација, прошетки, читање, вежбање. Потребно е да се одвои време за тоа. Променете го протокот на мислите Една тетратка ќе ви помогне во ова. Запишувањето мисли е многу ослободувачко, па во моментите кога ви е најтешко, напишете на хартија како се чувствувате, а потоа запишете каква е реалната состојба зад тие чувства. извор:кафепауза.мк

Од страст до рутина: Сексуалните фази низ кои поминуваат сите парови во долга врска

Слободанка Илиева — Thu, 16 Apr 2020 11:30:16 +0000

Сите врски доживуваат подеми или падови. Ако било кој ве уверува дека неговата врска е совршена и после неколку години поминати со ист партнер, веројатно ве лаже или и самиот живее во заблуда. Подемите и падовите се сосема нешто нормално. Но, дали се менува сексуалниот живот во долгите врски? Ако прашате британски експерти за врски, одговорот е позитивен, а ова се фазите низ кои поминуваат. Страст Првата фаза одбележува „опседнатост“ со новиот партнер. Мозокот тогаш произведува голема количина на серотонин и допамин, па не е чудно што страста го достигнува врвот, а партнерите често се незаситни. Долга предигра и мазење Во оваа фаза луѓето ја смируваат страста и уживаат во нежните допири. Тогаш предигрите се подолги отколку во првата фаза. Многу е поважно чувството на сигурност од сексот. Во оваа фаза полека поминува слепата заљубеност и може претпоставувате каков ќе ви биде сексуалниот живот, пренесува Дејли Меил. Игра на моќ Сега веќе е јасно кој го има главниот збор во врската, но и во креветот. Во оваа фаза партнерите често го користат сексот како алатка за да постигнат нешто или го намалуваат за да ги остварат своите цели. Кокетирање со други Во оваа фаза двајцата партнери сфаќаат дека постојат и други луѓе околу нив, а ретко се случува партнерите истовремено да поминуваат низ оваа фаза, па не е ни чудно што во овој период завршуваат најголем процент од врските. Нормално, сето тоа влијае и на сексуалниот живот, па паровите сè повеќе воочуваат меѓусебни разлики. Родителство До оваа фаза доаѓа ако партнерите одлучат да имаат деца. Некои ја нарекуваат фаза на родителство, а станува збор за период кога партнерите се навикнуваат на нови животни улоги – улога на родители. Ненаспаноста поради обврските околу децата се одразува и на квалитетот на сексот, па така во овој период има најмала сексуална возбуденост меѓу партнерите. Рутина Независно од тоа дали имате деца или не, дали сте венчани или не, вашата љубовна врска во еден момент веројатно ќе премине од забавна и турбулентна во функционална. Со други зборови, освен љубовни партнери, вие сте станале тим кој одлично функционира, но партнерите во оваа фаза повеќе се поврзуваат со сигурност отколку со страст. Сексот е рутински, а страста и креативноста речиси исчезнале. Тешко е да се преброди оваа фаза, а таа обично почнува во 11-та година од врската или бракот. Интересно е тоа што во просек токму толку траат браковите во западниот свет. Стареење Оваа фаза најчесто настапува кога децата го напуштаат родителското гнездо, а љубовните партнери добиваат прилика повторно да се посветат на себе. Сексот повеќе не е така честа појава како претходно, но затоа квалитетот е на високо ниво. Повторно заљубување Интересно, но многумина тврдат дека сексуалниот живот им е бил најдобар во 60-те и 70-те години од животот. Некои велат дека ова е најслатката фаза од сексуалниот живот, бидејќи ја одбележуваат уживање, поврзување и нежност. извор:нетпресс.ком.мк