ручек – Вистина.мк

Предлог за одличен ручек, кременадли со компири во рерна (рецепт)

Слаѓана Атанасова — Fri, 09 Feb 2024 13:45:55 +0000

Компирите и месото се совршена комбинација СОСТОЈКИ:

2 поголеми свински кременадли
3 поголеми компири
1 пиперка од туршија
1 домат
масло

Зачини:

Сол, бибер
мелен црвен пипер
1 лажица кисела павлака
1 лажичка гранули лук
1 лажица рендан кашкавал
1 лажица соја сос
1 лажичка зачини за месо

Подготовка: Измешајте ги сите зачини и извалкајте го месото во маринадата. Обложете го садот за печење со хартија за печење. Печете во рерна на 250 степени C покриено со фолија. Кон крајот откријте да се запече. Извор: Попара

Пан ручек готов за 20 минути! Вкусен оброк со зеленчук (рецепт +видео)

Слаѓана Атанасова — Thu, 14 Dec 2023 12:19:32 +0000

Ако имате зеленчук дома, тогаш можете да направите вкусен ручек во тава. СОСТОЈКИ:

1 праз
400 гр печурки
3 пиперки може да се кисели
1 домати може од шише
сув зачин
1 главица кромид
Масло

Подготовка:

Ручек за сите: Рецепт за потпечени макарони

Слаѓана Атанасова — Mon, 18 Sep 2023 13:00:42 +0000

Состојки: 500 гр макарони 4 јајца 200 гр кашкавал 150 мл јогурт 180 гр (1 чаша) павлака 150 гр сланина лажица путер сол, бибер, зачини по вкус оригано Подготовка: Загрејте ја рерната на 220 степени, а садот во кој ќе ги печете макароните намачкајте го со путер. Сварете ги макароните според упатството на кесичката, па процедете ги. Во посебен сад се матат јајцата, па се додаваат јогуртот, павлаката и зачините. Кашкавалот изрендајте го на крупно ренде, а сланината исецкајте ја ситно. Во сад ставете половина од макароните, посипете ги со половина од кашкавалот и целата сланина. Одозгора ставете ја другата половина од макароните, а потоа редењето завршете го со остатокот од кашкавалот. Потоа сè покријте со мешавина од јајца и млечни производи. Печете ги макароните 30 минути, а пред да ги послужите оставете ги да се изладат 10 минути. Извор: Курир.мк

Лесен летен ручек: Тиквички полнети со сирење и сусам

Слободанка Илиева — Mon, 31 Jul 2023 13:00:19 +0000

Ако сакате да направите нешто набрзина, тогаш можете да подготвите тиквички со сирење и сусам. Состојки: три тиквички 200 гр крем сирење две лажички препечен сусам три чешниња лук шака сечкани листови магдонос сол, сув зачин Подготовка: Тиквичките измијте ги, исечете ги на половина по должина и малку издлабете го центарот со лажица. Во суво тавче препечете го сусамот, па измешајте го со сирењето, сечканиот лук, магдоносот и другите зачини. Со ова премачкајте ги половинките од тиквички. Ставете ги во тава покриена со хартија за печење која сте ја попрскале со малку маслиново масло. Печете во рерна загреана на 180 степени околу 20 минути. извор:курир.мк

Миланка Рашиќ им беше домаќинка во Скопје на Павле и Ружа, родителите на Даниел Кајмакоски: Остана нејасно кој честеше ручек, водителка за добредојде, или гостите за новото внуче?! (ФОТО)

Антонио Димитриевски — Tue, 25 Jul 2023 07:25:58 +0000

Последниот ден од месец април, стана еден од најзначајните во животот на пејачот Даниел Кајмакоски и неговата новопечена сопруга Марина, поради раѓањето на нивното првенче, синчето Стефан. По првичната семејна радост и грижата околу малечкиот првите денови, пејачот полека им се враќа на своите работни обврски, односно на вечерните ангажмани, најмногу во елитниот ноќен кабаре клуб „Ла Фајет“ во Белград. Во меѓувреме неговите родители кои се уште живеат на релација Австрија - Македонија, летото го користат како и секоја година за посета на родната земја. Павле и Ружа Кајмакоски што заради патриотиските чувства и носталгијата кон татковината, што заради пејачките ангажмани на таткото на Даниел, кој запотсетување исто така е естраден уметник, односно фолк пејач. „Во есенскиот период секогаш имаме доста работа, заклучно со зимскиот. Летото пак, го поминуваме во Македонија, бидејќи тука се случува се’: Како за одмори така и за свадби, крштевки...“ - ќе изјави во една прилика Павле кајмакоски,чие лице можеби „не ви звучи така познато“ како лицето на син му Даниел, ама затоа неговите песни звучат многу патриотски! Како и секое лето така и ова родителите на Даниел повторно се вратија во родната грутка, но најдоа и време да ја прошетаат Македонија, а со тоа неизбежно да дојдат и во нејзината престолнина - Скопје. А тука, ги пречека никој друг, туку нивната домаќинка, добропознатата долгогодишна ТВ водителка и новинар, Миланка Рашиќ. Можеби некој и ќе се зачуди од каде пак сега ваквата спојка и што имаат тие со неа, но оние кои добро ги познаваат приликите на естрадата знаат дека Миланка долго време го работи ПР менаџментот на Даниел Кајмакоски, со кого е исклучително и приватно блиска. Па покрај пејачот таа близина се пренесува и на семејството, со што водителката станала еден вид и семејна пријателка со фамилијата. Токму затоа на родителите на Кајмакоски во Скопје добредојде прва им посака русокосата Миланка. Разбирливо, неколку фотографии за вечни спомени во центарот на престолнината беа неизбежни. Секако, „семејниот ручек“, ако така може да се нарече, исто така неизоставен во еден угледен скопски ресторан. Едно видување, сто муабети и илјада спомени, меѓудругото овековечени и со заедничка фотографија од летната средба на водителката и семејството на Х-фактор ѕвездата. Повеќе од очигледно средбата била топла и средечна, емотивна и блиска, исополнета со муабети, прикаски, планови, евоцирање спомени и едно ветување... За повторно, скоро видување. Единствено едно остана нејасно: Кој честеше ручек? Водителката за добредојде на гостите или родителите на Даниел Кајмакоски за новороденото внуче Стефан? Впрочем, не и ни важно, важно е да е за арно! Фото: Инстаграм/daniel_kajmakoski/ Фејсбук/Milanka Rasic

Лесен летен ручек: Пиперки со сирење и маслинки

Слаѓана Атанасова — Mon, 26 Jun 2023 12:15:39 +0000

Доколку сакате да јадете лесен оброк, тогаш ви препорачуваме пиперки со додаток на сирење и маслинки. Состојки: 4-5 пиперки 1 јајце 150 гр фета сирење или меко козјо сирење 2 лажици кисела павлака 1 лажица сечкан магдонос (или оригано, рузмарин) маслинки сол и црн пипер Подготовка: Пиперките исечете ги на половина и исчистете ги, така што стеблото ќе остане недопрено, па печете ги во подмачкан огноотпорен сад додека не омекнат, на 200 степени. Додека се печат пиперките измешајте ги павлаката, сирењето и зачините. Кога пиперките ќе омекнат, извадете ги од рерна и малку изладете ги. Потоа излупете ги, посолете и повторно ставете ги во огноотпорен сад, па во секоја пиперка ставете по малку фил. На секоја додадете неколку сечкани маслинки. Вратете ги пиперките во рерна уште десет минути. Пријатно! Извор: Курир.мк

Смути со јагоди и чиа семе: Да, навистина може да јадете благо за доручек!

Слаѓана Атанасова — Mon, 19 Jun 2023 12:12:19 +0000

Јагоди, нема кој не ги сака! Тие се вкусни, убави се за гледање, здрави, па дури и ги избелуваат забите. Во потоплите денови, смути од јагоди ќе биде особено убаво, па само почнете да барате рецепти. Ние ви носиме еден за смути со јагоди и чиа семе. Тоа е како да јадете благо, само без вишок шеќер и калории. Совршено е да го започнете денот или како ужина. Состојки: чаша јагоди 1 лажица чиа семе половина чаша јогурт со ванила 1 лажичка мед или јаворов сируп 2 супени лажици семки од пченица 1 цела јагода вода по потреба Подготовка: Измешајте чаша јагоди, јогурт, мед или јаворов сируп и пченица во блендер. Ако е премногу густо додадете малку вода. Потоа измешајте две лажици чиа семе во смутито и оставете да отстои најмалку 10 минути за да набабруваат семките. На крајот ставете една цела јагода на работ од чашата, а на врвот од смутито можете да додадете и половина лажичка чиа семе. Извор: Курир.мк

Одлична идеја за лесен ручек: Печурки полнети со пилешко и спанаќ

Слободанка Илиева — Thu, 04 May 2023 12:24:11 +0000

Вкусен оброк за 45 минути. Нема кој не ги сака полнетите печурки, а ние ќе ви предложиме одличен рецепт за вкусна пролетна варијација на ова јадење. Состојки: 300 гр. шампињони 150 гр. пилешко бело месо, сечено на ситно коцки 70 гр. рендан кашкавал 150 гр. спанаќ Мала главица црн лук, ситно исецкана Сол и бибер по вкус Две лажици масло Припрема: Измијте ги печурките и одвојте ги од рачката. Секоја печурка малку издлабете ја со лажица. Лукот, спанаќот и рачките на печурките ситно исечкајте ги, па пропржете ги на масло. Додајте го ситно исецканото бело пилешко месо, зачинете по вкус и оставете да динста. Со издинстаната смеса од спанаќ и месо пополнете ги капите на печурките и наредете ги во поголем плех или поширока тава во кој претходно сте ставиле хартија за печење. Печете во загреана рерна на 180 степени околу 25 минути, со тоа што на средина од печењето ќе ги посипете печурките со рендан кашкавал за да се направи „кора“ од него, и вратете ги во рерна да се допечат. Полужете ги топли. извор:курир.мк

Кога треба да зготвите нешто набрзина: Вкусни потпечени чери домати и фета сирење

Слободанка Илиева — Thu, 13 Apr 2023 12:10:02 +0000

Неодамна нè преплавија рецепти во кои состојките се ставаат една врз друга или една до друга во само еден сад за печење. Не може да биде поедноставно… но вкусот обично не е многу добар. Очигледно не смислуваме комплицирани рецепти без причина. Но, овој рецепт е слично толку едноставен, а резултатот е навистина многу многу добар сос за паста. Секако, количината на зачините и пикантноста можете да ја прилагодите по ваш вкус, за уште покремаст сос, пастата може да ја премачкате со малку од водата во која се варела. Потребни се десет минути за подготовка, половина час за печење – и тоа е тоа. Брзо, добро, а сепак доста ефикасно. Состојки: 550 гр чери домати 1 мал кромид, исечен на четвртини 3 чешниња лук, мелени 125 ml екстра девствено маслиново масло сол прстофат мелен лут пипер или чили снегулки 250 гр фета сирење, на парче 3 гранчиња свежа мајчина душица 280 гр тестенини кора од 1 лимон (по избор), изрендана свеж босилек (по желба), за декорација Подготовка: Загрејте ја рерната на 200 степени. Во средна тава за печење ставете ги доматите од цреша, кромидот, лукот и маслото (тргнете една 1 лажица од него на страна). Зачинете со сол и лута бибер и измешајте. Ставете го фета сирењето во центарот на смесата од домати и прелијте го со преостанатата 1 лажица масло. На фетата ставете гранчиња мајчина душица. Печете 40 до 45 минути, додека доматите не пукнат и фета сирењето не добие боја. Сварете ги тестенините според упатството на пакувањето. Одделете ½ чаша вода за готвење и процедете. Додадете ги сварените тестенини, водата за готвење и кората од лимон (по избор) во садот за печење со доматите и фетата и мешајте додека не се соединат. Украсете со босилек и послужете. извор:popara.mk

Топено сирење чиј вкус долго ќе го паметите: Рецепт за популарниот специјалитет кој се служи топол со крцкаво лепче

Слаѓана Атанасова — Fri, 17 Feb 2023 13:30:30 +0000

Топеното сирење е популарен специјалитет кој се наоѓа на менито во поголемиот дел од менијата во рестораните и пицериите, особено во Македонија. Вообичаено се служи со крцкав леб, а може да биде предјадење или топол меѓуоброк. Прекрасно е во комбинација со бело вино или пиво, па често ќе го сретнете и во текот на домашните забави. Состојки за топено сирење: – 600 грама фета сирење; – 100 грама бело, тврдо сирење (изрендано); – 100 грама кашкавал (гауда или ајдамер); – 2-3 лажици кечап; – Оригано. Бешамел: – 60 грама путер; – 3 лажици брашно; – ½ литри млеко. Подготовка: 1. Направете го бешамел сосот. Стопете го путерот и додадете брашно, па мешајте додека не добие златна боја. Ставете го млекото и варете додека не згусне. 2. Во керамички сад за печење иситнете го фета сирењето така што ќе го прекриете дното од садот. Додадете го кечапот и ориганото, ставете половина од бешамел сосот, додадете рендан кашкавал и рендано бело сирење. Повторно додадете од бешамел сосот, на врвот ставете го останатиот дел од кашкавалот и уште малку кечап и оригано. 3. Ставете го садот во рерна на 200 степени Целзиусови додека сирењето на врвот убаво не се стопи и не добие прекрасна боја. Извор: Курир На здравје!