розмантична – Вистина.мк

„Розмантична“ задница и парче сочна лубеница: Македонската мисица на танга туризам! (ФОТО)

Антонио Димитриевски — Sat, 01 Jul 2023 08:29:01 +0000

И македонската манекенка, мисица и топ модел Емилија Розман ја отвори летната сезона. Деновиве згодната мисица ужива нана море... На дестинација, каде што мак моделот повторно го промовираше бикини моделот, кој длабоко се врежал во совршениот телесен раскош на убавицата.

А кога е згодната Емилија во прашање, не треба да се поставуваат многу прашања. Доволно е само да се погледнат фотографиите и се' станува јасно како сонце. Раскошната убавина сама излегува на виделина.

Македонската мисица со длабок загриз во парчето сочна лубеница одново го промовира најдоброто од себе: Совршено заоблената „Розмантична“ задница и танга туризам, со поздрав од синиот Јадран од Емилија Розман!

И додека Розман ги впива првите сончеви зраци или го фаќа залезот, осанува единствената дилема во приказната, можеби најважната за неа и за сите нејзини љубопитни следбеници и љубителите на лубеници.

„Со кого тоа нашата мисица ја дели својата сочна лубеница?“

Одговорот можеби лежи во фотографијата, а можеби е само „лажна слика“ од влезот на тврдината за да ја „замачка“ вистината?! Фото: Инстаграм принтскрин/rozmanticna

Македонската мисица „изгоре“ на жешкото сонце: Емилија Розман на охридското крајбрежје во танга бикини, со тазе „жар црвено“ га*е (ФОТО)

Антонио Димитриевски — Tue, 21 Jun 2022 08:37:25 +0000

Најжешкото годишно доба и официјално започна, иако многумина, особено дамите кои внимаваат како ќе изгледаат и облечени и откако ќе се соблечат, ја отворија сезоната уште пред летото календарски и да дојде. Меѓу нив и многу од познатите јавни убавици, кои решија наместо бели како сирење, да се подготват и подисончаат некаде на два-три дена, пред среде сезона, подоцна да се појават на плажа! Меѓу сите нив еден убав топол сончев викенд реши да искористи и нашата мисица, манекенка и топ модел или поточно најзгодната „цвеќарка“ во Македонија, убавата Емилија. Така, госпоѓица Розмантична, како што самата се нарекува, се спакува па замина во нашиот туристички бисер Охрид. На викенд одмор, релаксација, појадок со поглед, ладење, капење в езеро и се разбира сончање. Емилија Розман позната по својата несомнена убавина и белиот и блед аристократски тен, реши малку да ја подзатемни бојата на кожата пред да започне сезоната. Арно ама, ем бела како сирење, ем недоволно претпазлива, на госпоѓица Розмантична лесно можеше кожата да и стане „тесна“! Имено, расната убавица легната ја распослала сета своја телесна убавина, оставајќи ја на „милост и немилост“ на сончевите зраци, кои колку и да не се во Јуни силни, ако претерате со минутажата, стануваат „опасни“. Па уште ако сте бели како „хризантема“ во тенот, а од мугри до зајдисонце на жешкото сонце го минувате денот, задоволството од сончањето се претвора во „ноќна мора“. Црвенило по целото тело, испечена како „јагне на ражен“ денот на Емилија од убав и весел за малку да и се претвори во тажен. Долги нозе испружени, полните сочни усни насмеани, убавите сино-зелени очи подзамижани, погледот кон езерото непроценлив... Ама затоа последиците - „пеколни“! Македонската мисица се подзаборавила, па „изгоре“ на жешкото охридско сонце... И тоа по цело тело! Обравчињата заруменети, нејзините сини танга бикини се пресликале преку црвенилото на баеги исончаните екстремитети и оној дел од телото кој мора да биде во нив, а тангата одзади можеби секси изгледа, ама никако не го штити га*ето... Не барем од сонцето! Како и да е последната фотографија што македонската убавица ја споделила, може да се окарактеризира како примамлива летна езерска идила: Емилија Розман на охридското крајбрежје во танга бикини, со тазе „жар црвено“ га*е! Фото: Инстаграм принтскрин/rozmanticna

На Емилија Розман никој не и дојде на роденден, ама таа сепак го славеше… во изолација! (ФОТО)

Антонио Димитриевски — Tue, 24 Mar 2020 09:21:34 +0000

Карантинот и изолацијата се единсттвените нешта што можат да не спасат и заштитат од коронавирусот. Друго чаре засега - нема. За жал, „осаменичкиот живот“ не е најсреќно решение за многу други работи, ама што да се прави... Кога се мора - не е тешко да се издржи, иако има такви моменти, кои воопшто не се погодни да си сам. Меѓу останатото и моменти на радост, кои треба да ги споделиш со најблиските, најдрагите и најмилите, а тие не се тука покрај тебе, до тебе, со тебе... Освен во мислите... и на социјалните мрежи! Така македонската манекенка, топ модел и мисица Емилија Розман се најде затечена. Среде корона кризата, среде карантин во изолација да го слави „денот што го чекаме, цела година“ - својот роденден. До душа не сосема сама, зашто друштво и правел нејзиниот помераниан, нејзиното слатко кученце, но... и уште некој. Оној, кој ги направил фотографиите. „Хари Потер“ торта, свеќички со бројка, прскалки, балони, букет цвеќе... ама, за жал, нема гости. Честитките стигна по средствата за комуникација: мобилниот, компјутерот и социјалните мрежи. Госпоѓица „Розмантична“ онака симпатична, сепак насмеана и среќна, ама и шегобијна на своја сметка, сподели ваква порака на својот Инстаграм, за „најјакиот“ роденден до сега во нејзиниот живот: „Ова ми беше најјакиот роденден до сега. Немаш гости, не подготвуваш ништо... Низ прозорец ми честитаат и уфрлаат подароци на терасата од која јас ги поздравувам и им мафтам како Тито. А, подароците врв: маска, ракавици, цигари, бела чоколада, шеќер - 2 кг, тоалетна хартија 10 ролни - трослојни, нескафе...“. Како и да е, тоа е тоа, иако... „не е тоа тоа“. Сепак, роденден си е роденден и треба да се одбележи, па Емилија тоа и го направи, сонувајќи дека веќе следниот ќе и биде многу поубав, повесел, подруштвен и позабавен. А, „соништата се илустрации ... од книгата што ја пишува вашата душа за вас“.