розе – Вистина.мк

Сузана Гавазова никогаш поопуштена, отвори шише розе на плажа: Во виното е вистината, а нејзните голи гради во неговите раце! (ФОТО)

Антонио Димитриевски — Mon, 05 Jul 2021 07:10:24 +0000

Пеколните жештини не натераа сите нас, па и познатите личности да бараатспас под сенка, покрај вода, на планина, езеро, море... Кој каде и колку може да си дозволи, на „пеколот да не изгори“. До душа на некои високите летни температури добро им дојдоа да ја почувствуваат магијата на летото, онаа што лани ја подзаборавивме заради корона пандемијата, па сончањето, капењето и летните лудории , макар и само на неколку дена се непроценливи. Една од оние кои максимално ги користи сончевите денови е и македонската пејачка Сузана Гавазова. Струмичката фолкерка заедно со семејството замина на убаво и осамено место за да акумулира сонце и енергија, да ги наполни батериите за престојните настапи кои конечно се отворија со олабавување на протоколите и забраните, а кој знае дали долго ќе траат, со оглед на новите мутациии на коронавирусот. Како и да е, расната фолкерка се соблече во костим за капење, па уште еднаш го покажа сиот свој телесен раскош. Налик на познатите латино убавици, Гавазова ја распушти косата, па иако без грам шминка на себе, покажа дека природната убавина и доволно силна страна, за да ги собере погледите и на околината и на сите оние кои ја следат на социјалните мрежи. Извајано тело и бујни атрибути, Гавазова меѓу палмите покрај базенот уживаше во денот, споделувајќи ги убавите мигови со своите следбеници, кои со поглед го голтаат секое нејзино движење, секој поглед или нова поза на нивната омилена пејачка. А кога сонцето се задскри зад облаците, а денот полека привршуваше, сексапилната струмичанка базенот го замени со моменти за малку поинакво уживање... Откако останаа насамо, таа и нејзината посилна половина - Јасмин, тргнаа да се опуштат со шише розе вино на празната плажа. Голтка по голтка за романтични мигови на двајца осамени на брегот, летна идила која нема кој не би ја посакал... Особено ако покрај себе има ваква расна, привлечна и пожелна убавица, при тоа уште и доволно опуштена и подготвена на летна романтика... Патем, уште една голтка на екс и време е за... За од виното „да излезе вистината“, а голите гради на Гавазова да завршат во неговите раце! За мигови на задоволство и уживање во убавината на романтиката... или еротиката на плажа! Само за него „полни раце раскош“, за сите други само „полни очи влажни погледи“! Фото: Инстаграм принтскрин/suzanagavazova

Виното Sun Goddess Rose на Mary J Blige пристигна и во Македонија

Дејан Донев — Wed, 26 Aug 2020 13:17:08 +0000

„Светски познатата ѕвезда, кралицата на RnB и Soul музиката Mary J Blige заедно со реномираната италијанска винарија Fantinel создадоа Розе вино со премиум квалитет по нејзин вкус и стил.“ Светската промоција на Sun Goddess се одржи пред еден месец во Њујорк и оттогаш наваму виното секојдневно станува дел од винските карти на баровите и рестораните во Америка и Европа и покрај отежнатите услови за работа поради пандемијата. Пејачка, текстописец, продуцент и актерка, добитник на девет Греми музички награди, неколку номинации за Оскар и со продадени над 50 милиони албуми, Mary J Blige е дефинитивно една од најуспешните и најпопуларните артисти денес во светот. Sun Goddess е вино направено со многу љубов и страст во партнерство и блиска соработка со реномираната семејна винарија Fantinel од регионот Фриули, Италија која што пак е присутна на македонскиот вински пазар веќе 15 години со своите редовни и препознатливи етикети.

„Во Фантинел, за Мary J Blige направивме розе вино од сортата пино гриџо од наши сопствени лозја со краток контакт на покожицата од грозјето со сокот по што се добива елегантна светло розева боја со бакарни нијанси, пријатна свежина, мистична минералност и ароми на праски, диња и пасирани малини, стил на розе вино кое што одлично одговара со нејзината креативна енергија и динамичност но и со талентот на Мary J Blige за уметност“ - кажа Марко Фантинел , сопственик на винаријата од Фриули, Италија на официјалната промоција.

„Работевме три години на дефинирање на вкусот и стилот на Sun Goddess. Љубител сум на свежи, бели, минерални вина посебно на сортата пино гриџо а регионот Фриули е еден од најдобрите места во светот за вакви вина. Кога бев мала, многу сакав да седам надвор и да уживам во сонцето, ме инспирираше неговата топлина и моќ, па мајка ми и сестра ми почнаа да ме викаат Sun Goddess (Сончева божица), оттаму и инспирацијата за името на ова прекрасно вино“- изјави Mary во неодамнешното интервју дадено за Vogue America.

Ексклузивен дистрибутер на Sun Goddess во Македонија е фирмата Гемак Трејд.

Еве каде Лепа Брена ќе ги вложи парите од продажбата на „Гранд“: Ова е новиот проект на фолк дивата (ФОТО)

Антонио Димитриевски — Fri, 20 Dec 2019 10:27:24 +0000

Лепа Брена заработи повеќе од 15 милиони евра од продажбата на Гранд продукција, но парите нема да ги стави во банка, туку реши да инвестира во нов бизнис заедно нејзиниот сопруг Боба Живојиновиќ. Имено во нивната винарија тие ќе прават вино, еден вид розе, лосос боја, кое според неа, повеќе им е наменето на жените. „Јас уште во 1986 година, имав мое вино „Лепа Брена“. Денес, благодарение на мојот сопруг, започнавме нова линија и се надевам дека ќе им се допадне дамите“ - открива Брена. Винскиот бизнис, како што дознаваме, ќе го водат Боба и Филип Живојиновиќ. За Америка, промоцијата ќе ја работи Филип, а Боба за Хонг Конг, со цел да го освојат и кинескиот пазар. Пејачката вели дека е многу претпазлива во бизнисот и не сака за нејзините идеи да зборува однапред. „Ми се случуваше многу работи, а медиумите постојано ме прашуваат да кажам нешто ново. Концертот во Загреб беше многу успешен, како и театарската претстава што ми ја посветија на Битеф. Не сакам да престанам да работам и сакам да им помагам на моите пријатели и семејството. Нема да бидам само мајка и готвачка“ - искрена е една од најголемите ѕвезди на Балканот по премиерата на претставата „Лепа Брена проџект“.

„Розе на штикли“ во „Форца“ – ивент каков што Скопје досега не памети

Антонио Димитриевски — Wed, 04 Jul 2018 12:14:24 +0000

Овој четврток, 5-ти јули од 20 часот па се до 30 минути по полноќ, винскиот бар и ресторан „Форца“ таа вечер ќе биде главното место на забавата во македонската метропола. Дека животот не е црно-бел, туку има и нешто розе, ќе ве увери „Розе на штикли“ - најавениот и долгоочекуван настан, ивент каков што досега ретко му се случувал на Скопје. Имено, се работи за винско-моден настан на кој освен дегустацијата на различни врсти розе вина по набавна цена на чинење, посетителите ќе имаат можност да проследат уште неколку различни забавни перформанси. Така, македонската поп ѕвезда Викторија Лоба заедно со својот придружен бенд ќе ги забавува посетителите со своите најголеми хитови, но и со дузина познати светски и регионални актуелни песни и евергрини. Пред и потоа, присутните ќе ги се журкаат со ДЈ Бранчез и неговиот специјално подготвен ДЈ сет за таа прилика. Покрај музичкиот дел за кој се подготвува специјална сцена со соодветно озвучување и осветлување, во „Форца“ ќе се случува и моден перформанс, на кој модниот дизајнер Моника Блажевска ќе ги изложи своите уникатни принт „БМ дизајн креации“.

Познати јавни личности таа вечер ќе бидат манекенки кои ќе продефилираат облечени во уникатните модели со уметнички принтови на Моника Блажевска. Еден познат светски козметички бренд пак, преку своите машки модели ќе дели свои производи на присутните дами на настанот. Се разбира, претходно ТОЈ неа или пак ТАА него, ќе мора само за неколку секунди да го шармира, за да стане гратис добитничка на козметички производ. И сето тоа исто така гратис, единствено во функција на добрата забава, зашто влезот на „Розе на штикли“ е бесплатен. Се разбира, претходно навреме направете си резервација, зашто просторот е сепак ограничен, а интересот огромен! За да се уверите дека животот сепак не е само црно-бел, туку... има и нешто розе... и тоа на штикли!

Facebook event: https://www.facebook.com/events/216884218944902/ Резервирајте на 078 445 068 или преку порака на фан страницата на Forza Wine Bar & Restaurant https://www.facebook.com/ForzaWineBarRestaurant/

Некогаш најпосакуван рокер а денес …

Моника Манасиевска — Wed, 11 Apr 2018 09:55:20 +0000

Некогаш најпосакуван рокер, денес горд сопруг и татко: Новата професија на Бон Џови ќе ве изненади.

Култниот рокер, Џон Бон Џови,кој некогаш кршеше женски срца, со неговите музички хитови, сега на возраст од 56 години, живее сосема поинаков живот. Тој е пример за семеен човек, татко е на две деца и посветен сопруг. Бон Џови е една од ретките рок-ѕвезди чиј брак никогаш не се поврзал со скандали или прељуба, а со неговата сопруга се сретнал уште во училишните клупи. Судбоносното “да” музичарот го кажа во 1989 година, а денес тој и неговата сопруга се горди родители на 24-годишната ќерка Стефани Роуз и 23-годишниот син Џеси.

Денес Бон Џови и неговиот син, се решени да основаат својот бренд, па се обиделе да произведуваат вино – поточно “розе”. Сепак, музичарот одлучи да побара совет од експерти и започнал да работи со познатиот француски консултант Џерард Бертран. -Иако имам работа што ја сакам и со нетрпение очекувам да работам со бендот, работата со моето семејство е нешто што ме прави најсреќен, рече познатиот рокер и додаде дека виното се продава добро во Америка. Виното “Diving Into Hampton Water” веднаш освои многу љубители, а било претставено и во Версајт Палатата. Иако многумина веруваат дека продукцијата на “розе” е оригинална идеја за познат пејач, вистинската идеја всушност дошла од неговиот син, што значи Џон Бон Џови работи за него.