росана сариќ тодоровска – Вистина.мк

По долго и тешко боледување во Австралија: Почина композиторот и пејач Тоде Новачевски

Антонио Димитриевски — Thu, 10 Feb 2022 19:48:06 +0000

Почина Тоде Новачевски, еден од најдобрите македонски композитори и поранешен сопруг на пејачката Маријана, после долго боледување од рак на белите дробови. Новачевски беше синоним за најпопуларниот сестрински дует кај нас и песните како„Признавам“, испеани од сестрите близначки, пејачките Маријана и Росана. Тој повеќе децении беше во брак со Маријана, минатата година откри дека веќе две години се бори со карцином, но зборуваше и за подемите и падовите во бракот со Маријана и разводот. „Иако мојот карцином на белите дробови нема никаква врска со ковид-19, почетокот на проблемот пред две години и развојот на болеста беа скоро исти. Од страшна инфекција стекната заедно со грип и по лошо поставена дијагноза, за неколку месеци достигнав внатрешно крварење, карцином на крв и метастази кои максимално ме потресоа и физички и психички. Сепак, засега, барем низ оваа последна епизода од мојот живот, поминувам како да ми е почеток на нов, поубав и попросперитетен период, иако сум свесен дека е многу можно да не доживеам подлабока старост“ - говореше Новачевски во едно од своите последни интервјуа дадени лани летото за за Свет Австралија. Благодарен на Маријана што не дозволила нивното разделување и развод да влијаат негативно на врската која ја имаат со децата, свесен дека тие се најмалку виновни за недоразбирањата кои во кризниот период на нивнаата врска, не успеале да ги надминат. Тој најсреќните вести ги добил во најтешкиот период од животот. „Токму во најтешкиот период на живот, ми стигнаа и најубави вести, најпрво за моето мало дедино срцуле Ива, ќерка на мојот син Филип и снаата Анастасија, па веридба на моето големо срцуле, ќерката Магдалена и Ерик. Можете да замислите со колкава радост и гордост сме исполнети Маријана, јас и најбликите од двете страни на нашите семејства“ - оптимистички и со искреност истакна тогаш композиторот, чиј живот згасна по борбата со тешката болест. „Рековме Збогум. Сакам песно мојата да те испејам, сета болка моја како солза да ја слеам… Одетај, песно моја гулабице, побарај ведро небо за мојот бол на срце... Почивај во мир Тоде мој... Таму некаде, каде болки и премрежја не постојат“ - се зборовите со кои неговата бивша сопруга пејачката Маријана Нoвачевска се прости од својот некогашен сопруг со кој и покрај се', очигледно останале во пријателски односи. „Нашиот композитор, еден и единствен композитор, човек кој ни ги подари најубавите евергрини на сите времиња, скромен, голем, татко на моите внуци, си замина во вечноста. Сега заедно со нашиот брат, горе некаде заедно нека компонираат и музицираат, бидејќи музиката им беше живот. Голема благодарност и почит до него, спомените за него и неговите песни секогаш ќе бидат во моето срце. Тивко живееше, тивко и си замина... Почивај во мир мој Тоде“ - со овие зборови на свокот Фејсбук се прости од нејзиниот некогашен зет и композитор на најубавите песни што ги испејаа, сестрата близначка на Маријана, пејачката Росана Сариќ Тодоровска. Маријана како последно збогум ја постираше нивната заедничка песна „Ако не исчезнам“. Песна која со текот на годините стана еден од вечните македонски евергрини напишани од сега покојниот Тоде Новачевски, а испеани од нив тројцата на фестивалот на забавни мелодии „Макфест“ во 1989 година.

Росана стана баба по вторпат: „Ќе биде песнопоец на мене“

Христина Ѓоргиевска — Fri, 26 Nov 2021 07:56:19 +0000

Пејачката Росана Сариќ – Тодоровска стана баба по вторпат. Росана и нејзиниот сопруг Ѓорги Тодоровски-Трупче го добија второто внуче. Имено, нивната ќерка Ивана и зетот Џејмс го добија вториот син за кој го одбраа името Матео. Пејачката за „ММС“ изјави дека e прекрасно чувството да се биде баба уште еднаш и дека целиот ден го преплакала од среќа. -Цела ноќ не сме спиеле со дедо Трупче, око не сме склопиле. А цел ден плачев од среќа, преплакав. Иванче ни се породи утрово околу 10.30 часот и ни го донесе најубавиот подарок на свет, нашето второ внуче Матео. Таа е многу храбра и дисциплинирана мајка, вели пејчката и додава дека таткото присуствувал на породувањето -Џејмс, како за Ноах, така и за Матео присуствуваше на породување и веднаш ни кажа дека малиот Матеа многу плачел кога се родил. И Ивана и зетот изреагирале дека Матео ќе биде песнопоец на баба, па баба расте како квасец од среќа. Фала му на Бога се добро се заврши. Вистина преубаво чувство за повторно да станеме баба и дедо, вели среќна баба Росана. За радосните вести и новиот член во семејството се израдува и тетката на Ивана, сестрата на Росана, Маријана која живее во Австралија. -Матео, мое внуче, наше сонце. Честитки до внуката Ивана и зетот Џејмс Холт. Ноах си доби братче“; напиша таа под објавата. Инаку, за Росана и Трупче оваа е второ внуче, нивната ќерка и зетот веќе го имаат тригодишниот син кој сега си доби братче За потсетување, Ивана и Џејмс во 2017 година запловија во брачните води. Честитки! фото: фејсбук

Росана на емотивниот тобоган на годините со макфестовската – „Спомени“ (ВИДЕО)

Антонио Димитриевски — Tue, 22 Oct 2019 12:53:33 +0000

По долгогодишна пауза, Росана Сариќ Тодоровска се врати на сцената. И се врати на музиката ако така може да се каже, зашто воопшто и никогаш не ја оставила засекогаш. Освен што пеењето како нејзина професионална определба беше на „стендбај“. Но токму авторот Александар Митевски и годинешниов „Макфест 2019“ доволно силно го притиснаа црвеното копче, кое одново ја вклучи волјата и желбата Росана одново да запее на фестивалската сцена. Песната на Митевски емотивна, стиховите уште повеќе, како времеплов низ спомените. И не случано е одбран и стилот и текстот на песната, како што не е случен ниту изборот на изведувачот, кој за својата брилјантна вокална интерпретација ја доби годинешната макфестовска награда. Но, дека Росана е класа пејач не е ниту непознато ниту нешто ново. Она што малкумина знaеја дека во нејзината макфестовскa „Спомени“ пее и некој друг заедно со неа. Нејзиното второ јас, нејзината друга половина, сестрата близначка Маријана Новачевска, која живее во Австралија, но кусиот престој во родната Македонија го искористи во песната да ги испее придружните вокали... Росана и Маријана заедно, како некогаш на „Макфест“. Не баш исто како во „Признавам“, ама признавам исто толку добро и убедливо, емотивно и величествено. Затао и како што вели самиот автор на песната А. Митевски: „Спомени“ е емотивен тобоган низ кој тон по тон, нота по нота, стих по стих... се лизгаат сите овие изминати години! https://www.youtube.com/watch?v=RKJ0Uj97Gck

По 20 години пауза Росана се враќа на сцената, иако многу се двоумела „пеперутките“ пресудиле!

Слободанка Илиева — Wed, 02 Oct 2019 06:38:58 +0000

На 34. издание на „Макфест“ што ќе се одржи на 10, 11 и 12 октомври 2019 во Штип, меѓу изведувачите на сцената ќе запее и пејачката Росана Сариќ-Тодоровска. По речсии 20 години пауза од естрадата таа ќе ја отпее песната „Спомени“ која е авторско дело на Александар Митевски. Токму овој шлагер ќе ја издвои од останатите учесници, а делото на Митевски било пресудно таа повторно да и се врати на музиката. Во интервју за „Фокус“ Росана вели дека се двоумела за камбек, но емоциите односно „пеперутките“ кои ги почувствувала откако ја слушнала песната пресудиле за нејзината одлука. -После толку години, на мое огромно задоволство со една мала доза на резерва ќе пеам една фантастична балада, со искрен и реален текст, каде покрај младите настапувачи и останатите жанрови ќе се обидеме да го вратиме барем малку времето на шлагерот – вели Тодоровска за „Фокус“ и додава дека фестивалот и буди многу емоции, а за неа емоциите живот значат. За потсетување, Росана за првпат јавно настапи во дует со својата сестра близначка Марјана на 17-годишна возраст. Кариерата ја започнува со интерпретации на поп мелодии, но нејзиниот интерес се менуваше и кон фолк естрадата. Од 1991 година започна соло кариера, а беше присутна и на фестивалските сцени, но пееше и заедно со „Четирите грации“. Моментално Росана работи во една скопска книжарница, а активна е и на социјалните мрежи каде може да се погледнат фотографии од нејзиниот приватен живот.

„После толку години првпат без мојот ангел“: Пејачката Росана со емотивна порака за починатиот брат

Христина Ѓоргиевска — Sun, 30 Dec 2018 09:54:30 +0000

Новогодишните празници се прилика која ја користиме за ги поминиме со своите најмили, најблиски, пријатели, роднини. По повод на новогодишните празници пејачката Росана Сариќ Тодорвска му посвети статус на својот починат брат. Пејачката на својот „Фејсбук“ сподели емотивна порака за својот ангел. За жал, после толку години за првпат мојот ангел , мојот брат нема да ми се јави и да ми каже: „Сестро, среќни празници“..Толку боли, многу боли.. ангелу мој. Почивај во мир, а јас и ние во душата и срцето сме со тебе.. Не сакам ништо во 2019 освен здравје и никој повеќе од моите најсакани да не ми биде одземен- напиша Росана.

За потсетување, Росана работи во една поната книжарница, а неодамна и се врати на музиката и во соработка со својот колега Горан Тодоровски ја издаде песната „Мое се“.