ромео и јулија – Вистина.мк

Игор Џамбазов од прва рака во живо покажа, како се режира „Ромео и Јулија на дојрански начин“: Жена или храна? (ВИДЕО)

Антонио Димитриевски — Fri, 04 Mar 2022 09:15:01 +0000

Актер, водител, шоумен, блузер, писател... Игор Џамбазов сега на својата лепеза од професии додаде уште една - режисер! И тоа откако од прва рака, во живо покажа како се режира една љубовна драма, со среќен крај... Белким! Само што овој пат во главните улоги не беа тој самиот и неговата сакана Илина, туку сосема два други крзнени субјекта. Емилија, нагалено Емче и зетот Дончо! Таа шарена, природно надарена со сите бои, испружена да се сонча на симсот покрај прозорецот, тој жолт, навидум кутар, јаден и гладен под прозорецот! Таа мудро молчи и заводливо го гледа, тој моли, кука, плаче од глад... За љубов, или...? Храната не сака ниту да ја помириса, зашто фаталната Емче на нешто сосема друго му мириса... Ама сепак на празно меше, страв му е „у љубовни прегратки да се фане, да не му се деси да омане“! И тука настанува заплетот без расплет на љубовната драма наречена „Ромео и Јулија на дојранскои начин“, како микс од славното книжевно дело и локацијата на која со причина се одвива оваа драмолетка во два чина. Само што првиот го видовме, а вториот само можеме да го насеетиме и претпоставиме... Зашто режисертот и воедно наратор на љубовната приказна Игор Џамбазов, меѓу редови дискретно го најавува расплетот со прашањето: „Што бараш ти?“ - обраќајќи му се на зетот Дончо. „Жена или храна? Храна...? Утре дојди“! - сакајќи на некој начин да објасни дека на Емче не и до заедничко јадење, туку и е до... Е, де... До галење! Арно ама и кај мачките по се' изгледа светот се изопачи... Зетот прво би да јаде, па после да ја омачи!

View this post on Instagram

A post shared by Игор Џамбазов (@igordzambazov)

Фото: Инстаграм принтскрин/igordzambazov

Исповед на пејачот: Есма Реџепова и Мухарем Сербезовски биле ромските Ромео и Јулија? (ФОТО)

Антонио Димитриевски — Wed, 08 Dec 2021 08:48:43 +0000

Пејачот Мухарем Сербезовски раскажа дека повеќе од пет децении бил лудо заљубен во покојната Есма Реџепова. Малкумина се оние кои знаеле дека уште како тинејџер, тој бил во врска со Есма. „Тоа беше многу одамна, кога имав 12 години. Настапував во разни културно-уметнички друштва во Македонија и во една прилика ја сретнав тогаш младата, но, раскошно убава девојка која ја викнаа за да ја препее песната која јас ја пеев на ромски јазик, а другите не ја разбираа. Тоа беше Есма. Веднаш се заљубив во неа, а и таа во мене. Подоцна и самата признала за некои медиуми кога ја прашувале за мене. Нашата љубов згасна кога станав неподнослив, веројатно затоа што станав познат и популарен пејач. Есма и јас бевме ромските Ромео и Јулија“, рече Мухарем.

Тој им помогнал на многу колеги кои сега имаат успешна музичка кариера. Една од нив е и покојната пејачка Уснија Реџепова. „Режисерите не можеа да најдат девојка која би ја играле Коштана, а јас тогаш ја донесов Уснија и таа стана најпознатата Коштана. Таа беше циганска примадона, немаше некои квалитети како пејач, но, пленеше на друг начин. Беше многу интелегентна“, рекол пејачот.

Фото: Инстаграм принтскрин/muharem.officialpage/#esmaredžepova

Панчо и Андреј со искрена реакција: Што ако нивните ќерки би биле разголени како девојките од „Ромео и Јулија“? (видео)

Слободанка Илиева — Thu, 23 May 2019 07:49:59 +0000

Момците од ДНК, Панчо и Андреј, отсекогаш биле искрени, директни и коректни, како во песните, така и во реалноста, а и во непосредниот однос со новинарите. Неодамна го издадоа синглот за „Ромео и Јулија“, како и спотот за истата. Токму нивната најнова песна со експлицитен текст и видео запис, беше темата на разговор од нивното најново интервју дадено за емисијата „Ексклузив“ на 1Тв. Доколку сте го гледале спотот, а веруваме дека е така, сигурно сте ги запаметиле разголените девојки, кои на некој начин станаа неизоставен дел од видеата на ДНК години наназад.

Водителката ги праша Пачно и Андреј како би реагирале кога би ги виделе вашите деца во тие пози и такви видео записи, на што тие искрени и без резерва одговорија: -Претпоставувам дека јас не би се осеќал лагодно, искрен да бидам. Ама исто што кажа и Андреј, девојките што снимаа го изработија тоа професионално. Како што ние одиме на настапи и го работиме тоа. Само што кај нас за жал се уште е табу тема. Мене искрено би ми било неугодно да си ја гледам ќерка ми така, ама би сакал да го гледам син ми како на мое место, вели Панчо, а Андреј се надоврза.

-Види, ние сме нормални и изживеани дечки, се сме виделе, немаме проблем со ништо, па ако ќерка ми утре сака да биде разголена во нечив спот, тоа е нејзин избор. „Не лажи бе“, се вмеша Пачно. Не, не! Тоа што го прави во спотот нека го прави, да не биде после спотот е проблем, завршува Андреј со насмевка. Погледнете: https://www.youtube.com/watch?v=c2-ACa0udWQ

ДНК ви нудат гола романтика во нивната верзија на „Ромео и Јулија“ (ВИДЕО)

Антонио Димитриевски — Thu, 25 Apr 2019 09:40:08 +0000

„Ромео и Јулија" е насловот на новата песна на ДНК! И ако се' уште не сте ја слушнале песната и не сте го виделе спотот, сторете го тоа веднаш, колку да не сте во заблуда дека станува збор за романтична балада.

Музиката, текстот и продукцијата е на веќе докажаниот двоец Панчо и Лазар Цветкоски, додека аранжманот го потпишува 5R. Зад мастерингот стои Streaky од Лондон.

Видеото, пак, од кое дефинитивно скока притисок е работено со Cherry Cannon Studio. Извршни продуценти се Панчо и Илија Димкоски, кој стои и зад режијата, сценариото и воедно е и директор на фотографија. Зад камерата, пак, овој пат застанаа Моника Павловска и Андреј Бранковиќ. За шминката стандардно беше задолжена долгогодишната соработничка на ДНК, Елеонора Марк. Стилист е Богдан Ѓаковиќ МИНУС 1, додека асистент на продукција е Марко Ивановски.

Во кадрите кои се снимени во клубот „Епицентар", пак, освен момците од ДНК, односно Панчо и Андреј, се појавуваат и танчарките од студиото Twerk Low Z(https://instagram.com/low_z_ и https://instagram.com/twerk_studio_low); Латин Принц, Мажестик (Александра Трпеска), топ моделите: Александра Накова и Емилија Розман и единствениот македонски кошаркар кој заиграл во НБА, Перо Антиќ.

Веројатно, сето ова е сосема доволно инспиративно за да се слушне песната и погледне видеото, кое само по себе е прилично уникатно и нешто досега невидено на домашен терен.

„Се трудиме секогаш да сме поразлични во она што го правиме, и кога станува збор за музиката, но и кога се во прашање спотовите. Имаме одлична екипа со која, пред сè, одлично се забавуваме на снимањето, но и екипа која даде сè од себе да имаме совршен финален производ. Има благодариме на сите кои се дел од оваа приказна. Веруваме во „Ромео и Јулија", вели Панчо.

А вие за да поверувате во она што го нудат ДНК во нивното аудиовизуелно видување на „Ромео и Јулија“, проследете ја музичката видоприказна во продолжение: https://www.youtube.com/watch?v=NpUykHhZmsQ

ДНК ги собраа најзгодните македонски га*иња, мешаат – растураат: Еве кои убавици се во нивниот харем (фото)

Слободанка Илиева — Tue, 26 Mar 2019 08:21:25 +0000

Кога ќе се споменат спотовите на момците од ДНК, Панчо и Андреј, прва асоцијација е тоа што речиси секогаш имаат една или неколку секс бомби, атрактивни девојки кои се вистински избраниот „зачин“ на нивните музички теми и видео приказни. Кој би заборавил на га*ињата од „Дада“, „авионот“ од спотот за „Авион“ и ред други. За селекција на жешки убавици им нема рамни, е сега дали е задолжен Андреј или пак Панчо, не знаеме, но резултатот секогаш е плафон.

Имено, деновиве ДНК снимаат спот за песната „Ромео и Јулија“, а во истиот уште еднаш се докажаа во создавањето харем од убавици - нежни, жешки, огнени... ма за сечиј вкус.

Па така, во најновата приказна која ќе и ја понудат на публиката ќе има разголени жешки задници кои мешаат во ритам, а се појавува и манекенката Емилија Розман, но и Александра Накова.

Изненадувањето меѓу нив е кошаркарот Паро Антиќ кој го има на некои од објавените фотографии на социјалните мрежи.

Како ли ќе изгледа финалниот спој, можеме само да претпоставуваме, но јасно е дека припадниците на посилниот пол, нема да останат рамнодушни на само едно едно гледање. Која ќе биде Јулија, а кој Ромео, останува да видиме...