ромео грил – Вистина.мк

Калиопи има нова музичка магија за својата публика со – „Кад осване“ (ВИДЕО)

Антонио Димитриевски — Wed, 04 Oct 2023 12:07:02 +0000

После редицата концерти низ целиот регион кој Калиопи ги најави за октомври и ноември, денеска, (среда, 4.октомври 2023) таа објави и ново музичко парче. Новиот сингл носи наслов „Кад осване“ и веќе тече во етерот. И оваа песна е снимена на српско-хрватски јазик и е наменета за регионалниот пазар кој Калиопи го освојува со хитовите од повеќедецениска кариера исполнета со успеси, својот раскошен вокал и неверојатната харизма што ја краси македонската поп дива. Таа континуирано ја исполнува својата дискографија со нови песни и на својата публика секој пат и дарува нова музичка магија. И овој пат она што таа на фановите им подари во „Кад осване“ е комплетно авторско дело на нејзиниот бивш сопруг и долгогодишен соработник, композиторот и продуцент Ромео Грил. „Песната 'Кад осване' (Кога ќе зазори) никого нема да остави рамнодушен. Тоа е песна која буди од длабок сон, раздвижува и ја враќа надежта за подобри денови! Кога ја слушнав прв пат, бев пресреќна што добив ваква песна! Ромео и овој пат се надмина себеси, а тоа му успева речиси 40 години, колку што веќе соработуваме заедно… За неполни 5 месеци добив две големи песни! Дуетската „Знам“, со мојот пријател Жељко Самарџиќ, која веќе со молскавична брзина се врежа во срцата на публиката, а сега исто така длабоко верувам дека „Кад осване“ ќе биде песна за која ќе се зборува и која што многу ќе се пее! Имаме нов хит“ – порача пејачката. Овој месец таа има закажано 4 концерти во БиХ и тоа во: Сараево, Бијелина, Грачаница и Зеница. А во ноември ќе одржи голем концерт во Белград.

Калиопи: „Јас сум многу блиска со сегашната сопруга на Ромео Грил, па не само што се дружиме, туку таа има клуч од мојот стан“ (ВИДЕО)

Антонио Димитриевски — Wed, 26 Apr 2023 12:20:58 +0000

Македонската поп дива Калиопи Букле и српскиот пејач Жељко Самарџиќ по белградската, во Скопје ја имаа и македонската промоција на нивната дуетска песна „Знам“, во аудиобарот „Аудиокултура“ во скопската населба Тафталиџе. Убаво беше да се види толкав број новинари, соработници и пријатели на Калиопи кои дојдоа на пресот и промоцијата. Песната „Знам“ ја напиша бившиот сопруг на Калиопи, Ромео Грил, со кој таа остана во супер односи и по разводот, па тоа веројатно беше и една од причините што самиот тој допатува на промоциите од Шваујцарија, каде живее. Калиопи со голема љубов зборува за Ромео, за нивната соработка и за синот Пако кој го имаат со бившиот сопруг. „Јас и Ромео сме многу блиски, и тоа не е тајна. Се немавме видено три години, иако сме постојано во контакт. Ние сме цивилизирани луѓе и сме во одлични односи. Јас сум многу блиска со неговата сегашна сопруга, па не само што се дружиме, туку таа има клуч од мојот стан“ - раскажа Калиопи. Таа зборуваше синот Пако, кој им е најголема поддршка и кој е горд на своите родители. Тој и денес живее со татко му, па неслучајно Калиопи вели дека има две мајки. За тоа како е да се соработува со бившиот маж, за загубата на својот татко за кој вели: „Кога тој замина како да ја зема со него и малата Опи“, поп-дивата со емоции зборува во интервјуто. За соработката со Жељко, пак, вели: „Немам дуети, на прсти се бројат. Јас ова не го правам за маркетинг или затоа што е добро за популарноста, секогаш го правам кога знам дека е нешто што е добро и исполнето“. Поп-дивата најави концерт и турнеја низ Македонија како и нова песна. Интревјуто гледајте го во продолжение (КЛИКНИ ТУКА):

Калиопи и Жељко Самарџиќ ја имаа својата македонска промоција на заедничката дует балада „Знам“ во скопска „Аудиокултура“ (ФОТО)

Антонио Димитриевски — Tue, 25 Apr 2023 12:45:36 +0000

По белградската промоција која се одржа на 19-ти април, нашата Калиопи Букле и српскиот пејач Жељко Самарџиќ денес, вторник, 25 април 2023 година точно напладне, во скопскиот аудиобар „Аудиокултура“ ја имаа и македонската промоција на нивната заедничка песна, дует баладата „Знам“. Пред рекорден број новинари, претставници на медиумите, соработници, пријатели и гости, македонската поп дива и српскиот шармер ја раскажаа својата приказна за 40-годишното пријателство преточено во заедничка песна. Калиопи честа и задоволството да го отвори дружењето со седмата сила му го препушти на својот гостин, секако откако модератоторот на настанот, нопвинарот Иван Беќковиќ претходно ги воведе колегите во промоцијата. Калиопи раскажа дека песната настанала сосема случајно и спонтано, по еден нејзин концерт во Будва, по кој таа и Самарџиќ се слушнале и седнале да се видат и дружат, бидејќи тој со своето семејство бил закотвен во блиското пристаниште во Котор, со својот глисер. Заедничката селфи фотографија му ја испратила на својот некогашен сопруг, а доживотен пријател и соработник Ромео Грил, со пост покрај истата дека „овие двајца чекаат од него заедничка песна“. Ромео тоа го сфатил сериозно и така од неговата креативна душа и музичка работилница се изродиле стиховите и музиката, кои како што спомена Калиопи, кај неа, а и кај Жељко будат посебни емоции, зашто во нив има дел од нивните животни вистини. Откако заврши говорниот дел, видеоспотот за „Знам“ иако веќе виден, беше уште еднаш пуштен на големиот екран, по што следеше вториот дел од промоцијата во која на двајцата уметници им се придружи авторот Ромео Грил, кој за оваа, како и за белградската прилика беше специјално допатувал од Швајцарија каде што живее. Откако и тој ги евоцираше своите спомени и ги искажа зборовите на задоволство што 40 години соработува со уметник како што е Калиопи, а сега и со Самарџиќ, следуваше заеднуичко фотографирање и новинарските изјави за медиумите на двајцата изведувачи, секој одделно. Промоцијта генерално побуди голем интерес и беше одлично организирана, а бројните ТВ и радио екипи, новинарите од печатените медиуми и порталите со своето бројно присуство ја удостоија македонската поп дива Калиопи која беше добра домаќинка и какоми Жељко, остана долго да разговара со сите нив.

Калиопи и Жељко Самарџиќ четиридецениското пријателство го крунисаа со дует – „Знам“ (ВИДЕО)

Антонио Димитриевски — Thu, 20 Apr 2023 05:36:35 +0000

Калиопи Букле и Жељко Самарџиќ четиридецениското пријателство го крунисаа со дует наречен „Знам“, а вчера, среда 19-ти април во Белград се одржа регионалната промоција на истиот. Нејзиниот поранешен сопруг Ромео Грил се јавува како комплетен автор на песната. Тој е композитор на музиката, го напиша текстот и го потпишува аранжманот, па додека говорела за создавањето на песната, Калиопи дури и се расплакала, бидејќи како што вели оваа песна буди посебни емоции. Во интервју за насобраните медиумски екипи, пејачката открила дека оваа песна за неа е посебна: „Штом ја слушнав песната за прв пат, сфатив дека тоа е повеќе од песна. Такво чувство ми се случи кога првпат ги слушнав „Бато“ и „Црно и бело“, сега ми се случува кога ја слушнав „Знам“, почнала да раскажува Калиопи со солзи во очите и додала: „Солза ти дојде од страна, кога имаш солза не плачеш, туку емоциите ти излегуваат од една солза. Тоа е исконско чувство, нема врска со нешто од секојдневието, животот нè втемели во машина. Оваа песна ме успори малку и тоа навистина ми требаше. И јас во последните неколку години, како и сите ние, доживеав работи кои не натераа да размислуваме за себе и за другите. Да споделиш песна со некого е да споделиш душа“. На самата промоција на песната беше промовиран и видеоспотот за истата чија режија и комплетна реализација ја потпишува Александар Ристовски - Принц. Промоција ќе има и во Македонија, а истата ќе се одржи на 25-ти април точно напладне, со почеток во 12 часот во во еден од култните скопски места за аудиофилите, „Аудиокултура“ лоцирана во скопската населба Тафталиџе. Во меѓувреме слушнете како звучи и изгледа кога Калиопи и Жељко заедно во дует пеат - „Знам“ (КЛИКНИ ТУКА):

Калиопи за роденден, доби „куфер љубов“: Необична музичка видеочеститка за поп дивата! (ВИДЕО)

Антонио Димитриевски — Tue, 28 Dec 2021 08:16:10 +0000

Предновогодишната атмосфера и расположение, вакви или онакви сепак се чувствуваат и покрај сите потешкотии што не навјасале со здравствена, економска, па и емнергетска криза. Уште ако на сето тоа му се додаде роденденската радост која секој од нас ја чувствува на „денот што го чекаме цела година“, а не е Нова Година, тогаш веројатно на среќата и нема крај. Токму неколку дена пред Нова Година роденден слави нашата поп дива - единствената Калиопи. Иако на дамите не им се бројат годините, Калиопи не ги крие заштпо си се нејзини, па самата ја соопшти бројката, односно по кој пат го слави роденденот во животот. Се разбира ако не кажеше, тешко дека некој би можел да погоди, зашто македонската и регионална музичка ѕвезда изгледа далеку помлада од она што и стои во личната карта како датум на доаѓање на овој свет. А, кога е роденден во прашање, тука се и честитките, убавите желби, подароците... Оние најблиските и ги упатуваат лично и непосредно, останатите, како нејзините обожаватели и следбеници, преку социјалните мрежи. Но највпечатлива, направена во вид на музичка видеоразгледница, со фотографии од животниот циклус на дивата од бебе па до денеска е онаа која е споделена на нејзината Инстаграм страница. Вистински омаж од црно-бели и колор фотографии од разни возрасни „епохи“ од животот на Калиопи. Од пелени преку детството и девојчинството, тинејџерството и моминската возраст, па се до зрелите години, а на ннив таа - една и единствана, нашата Калиопи, која можете да ја видите во сите фази на нејзиното постоење. „Еј луѓе мои! Ајде да прославиме нов почеток низ моите 55 години живот! Затоа што годините се само бројка, а помислата на годините е она што не рефлектира во огледалото онака како што сакаме да се гледаме! Како се гледам себеси? Се гледам себеси како времето да не постои! Да се радуваме во тоа име!!! П.С. Ти благодарам Ромео за оваа роденденска химна!“ - напишала Калиопи под роденденската музичквидеорагледница од нејзиниот живот, која осамна како роденденска честитка, покрај која стои едно големо Благодарам до нејзиниот бивш сопруг, но вечен пријател и соработник, Ромео Грил, за кој не разбравме дали стои само зад музиката или и комплетната идеја. Како и да е, убав видеопотсетник, роденденски подарок во вид на „куфер полн со љубов“ и спомени во кои времето како да не постои... за Калиопи! Среќен роденден, жива, здрава, среќна и успешна... уште долго ни била, нашата ---најмила!

View this post on Instagram

A post shared by Kaliopi (@kaliopi_official)

Фото: Инстаграм принтскрин/kaliopi_official

На Калиопи и „разводот и е песна“: Вака поп дивата му го честиташе роденденот на бившиот сопруг, сегашен пријател и нејзин хитмејкер Ромео Грил (ВИДЕО)

Антонио Димитриевски — Thu, 02 Sep 2021 08:14:10 +0000

Македонската поп дива Калиопи Букле е една од ретките која има настапи и во време на коронапандемија и тоа најмногу, надвор од Македонија. Соседството на северот од земјата е најчесто нејзино поле за „музичко ординирање“, па така пејачката има настапи од Грделица и Ниш, до Смедерево и Белград... Но, Калиопи не ќе беше она што е денес, да не беше ТОЈ, кој се појави во нејзиниот живот уште во тинејџерските години, а нивната „специјална емотивно-професионална врска“ трае до ден-денес. Имено, Ромео Грил нејзиниот некогашен сопруг, денешен можеби најдобар пријатал и автор на голем број од нејзините најголеми хитови славеше роденден. Ниту тој, ниту Калиопи не кажаа кој му е по ред, ама затоа поп дивата покажа како му го честиташе роденденот на својо сакан и драг Ромео. А како поинаку, отколку со она што таа најдобро го знае - со песна. Ромео кој живее и работи во Швајцарија, на гости во Скопје кај Калиопи, па заедно креираа, музицираа, запејаа и славеа, а Калиопи го сподели моментот овековечен на нејзиниот Инстаграм со видео, па напиша: „Кога маестрото пее и свири своја песна на моето пијано... Среќен роденден на најдобриот татко и креаторот на најголемите песни. Долг и среќен живот Ромео“ - му порача неговата (не)судена „јулија од Македонија“ на својот бивш сопруг, сега пријател и соработник, зашто на Калиопи очигледно и „разводот и е песна“!

View this post on Instagram

A post shared by Kaliopi (@kaliopi_official)

За потсетување на оние што знаат, а и за оние помладите, Калиопи и Ромео Грил во нивните младешко-тинејџерски години беа во врска. Нивната „забранета љубов“ помеѓу Македонец со српско - хрватско потекло и Македонка со влашко потекло, ќе резултира со брак од кој го имаат синот Пако, но и со заминување од средината која ќе ги „гуши и притиска“, од Македонија во Швајцарија. Секако и со грст хитови, ниска од музички бисери кои Ромео ќе ги создаде, а Калиопи ќе ги испее. Од антологиската „Роѓени (Бато)“ до евровизиските „Црно и бело“ или „Дона“ со кои македонската „поп примадона“ во два наврати ја преставуваше Македонија на „Евровизија“! Швајцарската љубовна приказна на Калиопи и Ромео не потраја долго, па тие по извесен број години брак се разведоа, по што таа се врати дома во Македонија, а тој остана во Швајцарија, каде остана да живее и нивниот син Пако... Но, останаа и спомените и пријателските релации кои ги заменија љубовните емоции и секако соработката на музички план, со која се' уште повеќе од успешно пејачката ја „тера“ својата богата кариера. Калиопи и Ромео? Љубовници некогаш, пријатели - засекогаш...! И родители на нивното чедо! Најверојатно и вечни соработници, како еден за друг створени! https://www.youtube.com/watch?v=Grjq36LyrhM Фото: Инстаграм принтскрин/kaliopi_official/Екран Видео: Јутјуб

Калиопи се врати од кај Ромео Грил и со насмевка од „шестка до шестка“ сподели убави вести: „Не можам да дочекам“ (фото)

Христина Ѓоргиевска — Fri, 07 May 2021 06:56:48 +0000

Музичката сцена повеќе од една година е на принудена пауза поради пандемијата со коронавирусот. Естрадните уметници не само што не настапуваат, туку поголемиот дел од нив не снимаат и нови музички парчиња. Македонската пејачка Калиопи Букле од самиот почеток на пандемијата се дружи со фановите преку социјалните мрежи. Имено, пејачката се вклучуваше во живо да пее со фановите, имаше онлајн концерти, организираше уметнички натпревар.....

View this post on Instagram

A post shared by Kaliopi (@kaliopi_official)

Естрадните уметници со нетрпение чекаат да се вратат на своите настапи и повторно да уживаат со публиката. Калиопи е препознатлива по своите големи хитови кои никој не останува рамнодушен кога таа ќе го пушти гласот.

View this post on Instagram

A post shared by Kaliopi (@kaliopi_official)

А сега како што најави се “крчка“ нова песна и тоа во студиото на нејзиниот поранешен сопруг и верен соработник, Ромео Грил. Имено, Калиопи на својот „Инстаграм“ објави фотографија на која нема ни грам шминка, а има насмевка од „шестка до шестка“, па најави дека подготвува нешто ново. „Зошто сум толку среќна? Бидејќи слушнав нешто ново од музичката лабараторија на господин Ромео Грил. И знаете што? Не можам да дочекам да се вратам во студио, да снимам и да го споделам со вас...За да престане оваа луда ситуација и да се вратиме на нормалниот живот“, напиша пејачката.

View this post on Instagram

A post shared by Kaliopi (@kaliopi_official)

Од професионалниот однос меѓу Калиопи и Ромео произлегуваа многу хитови, па македонската дива уште еднаш му ја укажа довербата на Ромео. Што ни подготвува Калиопи останува да видиме, а кога станува збор за неа, сигурно ќе биде нов хит.

Калиопи ги „истури“ на Инстаграм емоциите кон екс-сопругот Ромео Грил: „Фантастичен татко, пријател и човек…“ (видео)

Слободанка Илиева — Mon, 02 Sep 2019 07:25:08 +0000

Бракот меѓу Калиопи и композиторот Ромео Грил одамна е завршен на документ, а иако не функционираат како сопружници, тие се едни од ретките кои успеаваат да опстојат како соработници и пријатели. Иако живее во Швајцарија, Ромео се почесто е на гости во Скопје кај Калиопи, но исто и таа кај него. Причината која ги поврзува е музиката и секако нивниот син Пако. Од коректниот однос помеѓу нив, произлегоа доста хитови, па Калиопи нема причина зошто да не работи и да му ја препушти довербата на Ромео.

Најмногу време заедно поминуваат во студио, од каде пејачката често знае да сподели фотографии на социјалните мрежи. Меѓу најновите објави на Опи повторно се најде Ромео и нејзина емотивна порака по повод неговиот роденден за кој таа напиша: -Среќен роденден на фантастичниот татко, пријател и човек кој го продолжи моето уметничко опстојување низ музиката која ја создава...

View this post on Instagram

Happy birthday to a fantastic father, friend and man who has extended my artistic existence , through the music he creates... #happybirthday #romeogrill #thankyouforthemusic

A post shared by Kaliopi Official (@kaliopibukle) on Aug 31, 2019 at 3:30pm PDT

Честитките не изостанаа ниту од пријателите и фановите кои им посакаа уште многу заеднички соработки и хитови.

Ромео на гости во домот на Калиопи: „Многу специјални денови во Македонија“

Христина Ѓоргиевска — Thu, 01 Aug 2019 07:35:29 +0000

Таа е најдобра во својата професија, а тој најдобар во својата област, а некогаш заедно беа најдобри во брачниот живот. Калиопи важи за една од најдобрите македонски вокали кај нас, а нејзините песни се хитови кои ќе останат засекогаш и кај идните генерации. А кога Опи твори и создава музика тоа го прави со веќе добро проверниот тим,односно нејзиниот продуцент Ромео Грил.

Грил има направено неколку песни за македонската пејачка кои се безвременски хитови, а не се сомневаме дека така ќе биде и со новата песна или албум.

Неколку пати досега Калиопи истакна дека со Ромео одлично се согласува и дека тој знае да и ги направи најдобрите песни. Деновиве Опи на социјалните мрежи сподели фотографија од неа и Ромео во нејзиниот дом и напиша: „Многу специјални и креативни денови во Македонија, со мојот продуцент Ромео Грил“ напиша Калиопи.

Дали Опи ќе ги израдува фановите со некоја нова песна и се „крчка“ нешто ново останува да видиме, а кога се тие во прашање како тим веруваме дека нема да има утка.

За потсетување, Калиопи беше во брак со Ромео со кого го има синот Грил.

Ромео Грил проговори за односот со Калиопи, а на нејзиниот концерт во Белград дојде со сегашната сопруга

Слободанка Илиева — Wed, 28 Nov 2018 08:02:33 +0000

Изминатата недела нашата пејачка Калиопи пееше пред преполниот Сава центар во Белград, а на концертот дојдоа голем број познати личности, пишува српски Блиц. Со песната „Зајди, зајди“ го отвори концертот, а потоа ја разигра публиката со песната „Љубав није за мене“. Поранешниот сопруг на Калиопи, Ромео Грил, со кој пејачката долго соработува, првпат дојде на нејзин концерт.

Чекал да биде Белград, а како што истакнува за српските новинари од Блиц.рс, на концертот дошол со сегашната сопруга.

Не доаѓам како поранешен сопруг, туку како продуцент. Калиопи е голем уметник, пред се. Едно е да бидеш само пејач, а таа е нешто друго, искаткува Ромео кој во првиот ред седеше со сопругата која очигледно ги избегнуваше камерите и фотографите.

Во публиката имаше повеќе познати, а од првиот ред концертот го следеа:Рада Ѓуриќ, Огњан Радивојевиќ со сопругата, Бранка Невистиќ, Жељко Самарџиќ со ќерката, Стева Анѓелковиќ со сопругата, како и девојките од „Фрајле“.