романа паниќ – Вистина.мк

Романа Паниќ конечно се смири по сите скандали: Од затвор во Австралија до италијански ресторан во Белград (ФОТО)

Антонио Димитриевски — Mon, 05 Feb 2024 13:12:35 +0000

Пејачката Романа Паниќ се смири по бројните скандали, а сега ужива во љубовта со непознат маж за јавноста, со кој започна бизнис во Белград. Имено, пејачката и нејзиниот избраник, со оглед на тоа што се големи љубители на италијанската кујна, бидејќи дека живееле во таа земја, дошле на идеја да отворат ресторан со италијанска храна. Како што откри Романа, идејата за бизнисот ја имале заедно, а тој го започнал бизнисот, додека таа му помага во се'. „Така е, почнавме бизнис, поточно мојот избраник. И јас помагам, прекрасна приказна, тоа е мал ресторан со италијанска кујна. Ја сакам нивната кујна и така таа прекрасна идеја се роди“, вели таа за Телеграф. По цели три години, Романа неодамна си ја отвори душата и раскажа засега непознати детали за издржување на казната во затворот во Австралија. „Едноставно јас сум таква, а Австралија е специфична земја со посебен систем. Љубовта кон една личност, затоа што правев се' од љубов, како и тоа лудило, што го прифатив тој компромис, дека некој во мојата врска имаше дете, не осудив некого што направил нешто, туку бев некако негов поддржувач, па се најдов во таква ситуација. Испадна дека сум соучесник, а кај нас сите се обидоа да објаснат дека јас сум организатор“ - ја започна пејачката својата приказна за „Скандал“. „Сакав на луѓето да им раскажам дел од мојата приказна, го имам тој дневник, кој го пишував во затвор. Не можам да им го објаснам тоа искуство на луѓето, на крајот остануваш сам, го имаш само Бога до себе си. Немаш телефон, никаков контакт со надворешниот свет. Буквално успеав да се спасам со молитви. Филип ми е партнер, останавме заедно без разлика на сиот тој притисок. Си пишувавме писма, тој ми напиша неколку песни. Никогаш не требаше да добиеме некаква казна, бидејќи кога ќе направиш прв прекршок, потоа те пуштаат, ќе добиеш само условна казна, а ние бевме принудени на поинаква казна“ - раскажа Романа. Фото: Инстаграм/romana_panic

Романа Паниќ открива детали од деновите поминати во затвор

Слободанка Илиева — Mon, 14 Dec 2020 10:49:00 +0000

Гостинка во најновото издание на емисијата „Премиера – Викенд специјал“ беше пејачката Романа Паниќ која зборуваше за деновите на апсењето и затворот во Австралија, каде што, како што рече, ја направила таа „лоша среќа“ со тогашниот партнер. - Беше лоша среќа, сакав да одржам прес-конференција, тешко е да се бранам од пишаните медиуми. Тие ме следеа, се борев со фотографи, тие го следеа секој мој чекор. Тоа беше бомбастична приказна - рече пејачката. - Се случи што се случи, такви се законите во таа земја, не жалам за новинарите, но жал ми е за мојата публика - рече Романа.

View this post on Instagram

A post shared by Romana (@romana_panic)

- Бев во институцијата два месеци. Имате нормални услови за живот, сè беше чисто, сè беше ново. Бев сама во ќелија, како во Хаг. Го имате вашиот кревет, вашиот телевизор. Имаше друга личност таму, сè беше решено и за мене и за него. Прв граѓанин на Белград таму, тоа скапо ме чинеше. Се’ е готово. Тој не живее тука. Нема да одам таму повеќе, мојата база е Белград. Никогаш не би оделa во Австралија, евентуално да ја промовирам мојата книга на англиски јазик, ако ме остават таму. (смеа) - рече Романа. - Ништо не се случува случајно, и има причина за тие најлоши работи. Жал ми е што моите родители ја поминаа таа агонија. Тие се мои, јас сум нивна, секогаш се тука за мене. Ме критикуваа, јас ги прифатив критиките. Во тој момент сфатив дека Господ не постави на вистинското место - заклучи пејачката. Да потсетиме, во регионот одекна веста дека пејачката Романа Паниќ е уапсена, а после тоа, сите внимателно следеа што и се случуваше.

Српската пејачка која беше уапсена поради ограбување на банкомати во Австралија излезе пред новинарите и ја раскажа својата страна на вистината

Христина Ѓоргиевска — Wed, 07 Oct 2020 08:47:23 +0000

Српската пејачка Романа Паниќ и нејзиниот партнер Филип Мркајиќ пред неколку месеци беа уапсени во Австралија поради ограбување на банкомати. Пејачката еден месец беше во затвор, а по излегувањето на слобода таа се врати во Белград. Вчера таа одржа пресконференција каде им се обрати на новинарите и им ја раскажа својата страна на вистината и деталите од апсењето. Пејачката истакна дека не е виновна, но благодарение на советите на адвокат признала дека е виновна за да може да биде слободна. Поточно, доколку признала дека не е виновна за делото тогаш ќе требало да чека една година за судење, а таа немала пари ниту услови да остане една година во Австралија, па полесно и било да признае дека е виновна и да ја отслужи казната. „Додека чекав да ми се продолжи визата, се појави короната, се затворија границите и јас останав во Австралија. По некој период, бев во хотелската соба и се подготвував да излезам, а во собата влегоа два детективи и два полицајли велејеќи ми: „Ова е претрес на собата“. Јас доживеав шок, почнав да се тресам и да видам што ќе се случи. Во собата беа пронајдени докази за тоа кривично дело, а меѓудругото тука имаше еден компјутер и картички. Јас реков дека немам ништо со тоа, а мојот партнер се обиде да ме заштити истакнувајќи дека јас немам врска со тоа и дека се занимавам со друга работа“, Романа ја започна својата приказна, па продолжи: „Без оглед на се, немаше начин да се одбранам. На 3 април бев приведена на информативен разговор во полициската станица во Бизбејн. По еден час, полицијата ми ги врати пасошот бидејќи немаше докази дека сум направила кривично дело, ми рекоа дека сум слободна, но дека утре морам да се појавам на суд. И кога дојдов пред судот, ми се приближија двата детективи, го држеа мојот телефон во рака и ми рекоа: „Сепак сте уапсени“, а кога ги прашав зошто, тие ми кажаа дека во мојот телефон има преписка односно фотографија од еден апарат кој потполно легално може да се купи на еден сајт. Јас им реков да телефонот не е никаков доказ, а тие тоа го искористија за да напишат во австралиските медиуми дека не сум соработувала со полицијата. Кога официјално ме уапсија, после еден час бев пуштена со документ дека имам закажано судење на 1 јули. Тогаш ми беше одземен пасошот“, вели пејачката и продолжува: „Законите во Австралија се такви што ако го признаете делото, ви се простува. По советите на адвокатот одлучив да признам дека сум виновна“, раскажува Романа. Паниќ истакна дека имала фотографија од апаратот бидејќи го нарачала нејзина пријателка. „Ги знам деталите, но нема да откривам бидејќи мислам дека тоа не е релевантно. Апаратот не служи за снимање на кодови, не знам за што служи, но изгледа како читач за картички. Јас знаев за што се работи, но не учествував во делото, но според законите јас сум соучесник“, вели пејачката. Таа раскажа дека една недела поминала во една просторија каде што била набљудувана, а по една недела била префрлена во затвор. Инаку, таа исто така истакна дека не била депортирана во Австралија туку сама пристигнала во Белград без придружба, а исто така по 3 години повоторно ќе може да аплицира за виза.

Поранешниот член на „Пинк Пантер“, Оливера Чирковиќ ја прокоментира ситуацијата со Романа и ограбувањето на банкомати: „Таа е колатерална штета“

Христина Ѓоргиевска — Wed, 26 Aug 2020 10:38:10 +0000

Најпознатиот член на групата „Пинк пантерс“, Оливера Чирковиќ кој зад себе има богато криминално досие, го даде својот коментар за случајот Романа Паниќ која беше осудена за ограбување на банкомати во Австралија. Пејачката поради ова дело лежеше кратко време во затвор, а Оливера вели дека никако не може да ја спореди со себе. „Романа е колатерална штета. Не можам да се споредувам со неа бидејќи бев осум години во затвор и имам тешки криминални дела. Таа не би била два месеци во затвор ако е сериозен играч. Таа не е криминалец, погрешила и платила за тоа“, вели Оливера за „Свет“. Чирковиќ досега објави три книги во кои зборува за периодот додека се занимавала со криминал и била во затвор, а како што се зборува Романа ќе објави книга за своето искуство. „Мислам дека тој период кој го поминала во затвор тешко и паднал...Објективно, после такво нешто треба да ја извлечеш поуката и да се повлечеш....Пишување книга за лажни картички и земање пари од банкомат е несериозно во светот на криминалот. Не знам како размислуваат јавните личности, таа долго време е на естрадата и знае како се плива и како се користат бонусите. Можеби тој нејзиниот го презел делото на себе и таа приказна ми е нула, не сакам воопшто да размислувам за тоа. Катастрофа“, вели Чирковиќ. Потсетуваме, Романа Паниќ на 1 август беше пуштена од затвор во Брезбејн и беше депортирана во Белград.

„Никој не би рекол дека се занимава со криминал“: Соседите на Романа Паниќ открија непознати детали за пејачката

Христина Ѓоргиевска — Mon, 24 Aug 2020 10:26:35 +0000

Соседите на Романа Паниќ која беше осудена за ограбување на банкомати во Австралија велат дека никогаш не се посомневале во неа бидејќи има стан во нивниот крај и живее повлечен живот. Имено, пејачката живее на периферијата на Белград во нова населба, во нова зграда, а соседите велат дека ќе ја паметат како културна и воспитана, а веста за кражбата во Австралија ги изненадила. „Како да не знам што се случило, цел град зборуваше за тоа. Останавме изненадени и никој не би помислил дека Романа се занимава со криминал. Знаев дека некаде патува, сосетката ми кажа дека оди за Австралија, но не ја знаев причината. Никогаш не се посомневав, таа не живее во некој лускуз, вози просечен автомобил, изгледа како нормалниот свет...“ открива сосетката и додава: „Не знам што ја наведе со тоа момче да ограбува банкомати. Верувајте ми и останатите соседи беа во шок, никој не се соменаваше“. Има и соседи кои не ја познаваат, па од скандалот сфатиле која е. „Да ви кажам, не ни знаев дека тоа е Романа, доаѓаше неколку пати во пекарата, но не ја познав. Доста се променила. Секогаш е културна и љубезна, сите се изненадивме кога слушнавме што се случило во Австралија“ вели вработена во пекара. Еден повозрасен сосед вели дека не правела проблеми во населбата. „Нашиот крај е мирен, нема никакви инциденти, ни пак Романа правеше проблеми. Знам да живее во зградата во моја близина, никогаш не правеше врева, мислам дека повеќето време не е во станот“.

View this post on Instagram

A post shared by Romana (@romana_panic) on Aug 17, 2020 at 3:02am PDT

Соседите велат дека по враќањето во Србија, Романа речиси никогаш не е сама во станот. „Откако се врати Романа, ја посетуваат пријатели. Таа не се движи по крајот, автомобил доаѓа и заминува, но ми делува расположено. Ќе излезе од ова, силна е жена. Сите грежат, којзнае каква мака ја натерало тоа да го направи...Како сосетка е прекрасна, немам што да кажам...“ вели сосетка. Потсетуваме, Романа беше уапсена во Австралија поради ограбување на банкомати. На почетокот на август таа беше пуштена на слобода и депортирана во Србија.

Majката на Романа Паниќ тврди: „Сигурна сум дека не е виновна, инаку ќе останеше во затвор“

Христина Ѓоргиевска — Fri, 14 Aug 2020 08:32:56 +0000

Пејаччката Романа Паниќ пред некој ден беше депоритирана од Австралија каде што еден месец беше во затвор поради ограбување на банкомати. Како што пишуваа српските медиуми, нејзините членови на семејството биле шокирани од оваа постапка на пејачката, па од срам не можеле да излезат на улица. Мајката на Романа, Гордана тврди дека нејзината ќерка не е виновна. „Се слушнав со Романа, добро е. Најважно е да остане нормална после се низ што помина. Ако сте мајка, ќе ме разберете, не е лесно да слушате такви приказни за вашето дете“ вели Гордана за „Свет“. „Кога разговаравме ми кажа дека се чувствува добро, гледам дека многу колеги се на нејзина страна и дека и пружија поддршка бидејќи никој не верува дека нешто би криела“, вели мајката на пејачката. Гордана тврди дека е сигурна дека Романа не е виновна, инаку во спротивно би останала зад решетки. „И самата верувам дека не е виновна, да беше виновна ќе останаше во затвор. Ќе докаже таа се’ што зборувам“ вели Гордана. Потсетуваме, Романа и нејзиното момче беа уапсени во Бребејн поради ограбување на банкомати.

Романа Паниќ доби понуда за учество во „Задруга 4“ за „мрсен хонорар“: Од сумата ќе ви се заврти во главата (ФОТО)

Антонио Димитриевски — Thu, 13 Aug 2020 08:59:57 +0000

Романа Паниќ стана една од најинтригантните јавни личности, откако беше објавена веста дека е уапсена во Австралија за грабеж на банкомат, а по нејзината депортација во Србија, таа доби понуда да влезе во новата сезона на реалното шоу „Задруга 4“ што стартува од септември 2020. Некогаш популарната пејачка ја запостави својата кариера, а како што имаше се' помалку и помалку настапи, остана без прилив на пари. Таа патуваше по европските градови со своето момче Филип, а потоа отидоа во Австралија. Откако по грабежот беше ослободена од затвор, по отслужување на две третини од казната, Паниќ беше депортирана во Србија, каде ја чекаа бројни медиуми, но и - деловни понуди. Продукцијата на „Задруга“ и понуди учество во шоуто на Романа. Според српски „Курир“, многу други учесници во ова ријалити можат само да сонуваат за условите што таа ги добила. Покрај правото да се бори за главната награда, која досега изнесуваше 50.000 евра, на неа и бил понудена и хонорар во висина на истата сума. Се разбира, доколку го зголеми рејтингот, поточно гледаноста на шоуто, продуцентите дополнително би ја наградувале, како што обично тоа досега се случуваше. Наводно, тие се подготвени да и дозволат на пејачката да постави некои свои услови, како што е правото да се слуша со најблиските, но во приватни разговори, пишува споменатиот медиум. Фото: Инстаграм принтскрин/romana_panic

Прва изјава на Романа Паниќ по излегувањето од затвор: „Доживеав линч“ (видео)

Христина Ѓоргиевска — Wed, 12 Aug 2020 10:57:27 +0000

Пејачката Романа Паниќ беше уапсена во Брезбејн, Австралија поради ограбување на банкомати. На 1 август, таа излезе од затвор и беше депоритирана во Србија, односно во текот на вчерашниот ден се врати во Белград. Таа за српските медиуми кратко изјави дека се чувствува добро. „Зарем не гледате дека ми е убаво? Добро сум, благодарам на прашањето. Намерно се фотографирав за Инстаграм со очила и без очила. Среќна сум што дојдов, се уште трае еуфоријата, возбудена сум. Прекрасно е повторно да ги видиш семејството и пријатели“ изјави Романа и додаде: „Дури немам ни шмника, природна сум. Ќе зборуваме за тоа, сакам на сите да ви се заблагодарам. Доживеав линч, се уште не сум подготвена да зборувам за тоа. Тоа ќе ме чини. Не можам сега се да кажам, сакам да се одморам. Се уште не успеав се да прочитам“ изјави кратко Паниќ. Додека многумина нејзини колеги беа изненадени со оваа постапка на пејачката, текстописецот Драган Брајовиќ Браја истакна дека ќе и напише песна и албум со кој ќе ја покори цела естрада

Романа Паниќ пристигна во Србија (фото)

Христина Ѓоргиевска — Tue, 11 Aug 2020 10:42:51 +0000

Пејачката Романа Паниќ на 1 август излезе од затвор во кој беше од 25 јуни поради ограбување на банкомати во Брезбејн, Австралија. По излегувањето од затвор, Паниќ беше од центар за мигранти и чекаше да биде депортирана за Србија. Паниќ пристигна во Белград. Пејачката се огласи преку социјалните мрежи објавувајќи фотографии од Белград. „Каде и да кренам тој град ме следи, Белград мој кај себе ме врати“ напиша пејачката. Потсетуваме, пејачката и нејзиното момче Филип беа уапсени во Бребејн поради ограбување на банкомати. Според австралиските закони, пејачката и момчето мора да го вратат долгот 22 ипол илјади евра или штетата ќе ја надополнат со работа.

Романа Паниќ депортирана од Австралија

Христина Ѓоргиевска — Mon, 10 Aug 2020 11:05:05 +0000

Пејачката Романа Паниќ на 25 јуни оваа година беше уапсена поради ограбзување на банкомати во Брезбејн, Австралија. На 1 август таа излезе на условна слобода, а како што дознава курир.рс пејачката е депортирана за Србија и наскоро треба да пристигне во својот дом во Белград. Потсетуваме, пејачката е осудена на една година затвор, а по три месеци имаше право да излезе на условна слобода. Бидејќи примерно се однесувала во затворот, Паниќ излезе на 1 август. По излегувањето од затворот таа беше сместена во центар за мигранти, а нејзиното момче се уште е во затвор.