ролни – Вистина.мк

Супер брзи лазања ролни (рецепт)

Слаѓана Атанасова — Wed, 09 Nov 2022 13:16:03 +0000

Полнети, па прелиени, италијански специјалитет на балкански начин кој се подготвува многу брзо. Лазањи се типично италијанско јадење кое се прави со готови кори, а се филува со месо и бешамел. Со овој рецепт пробајте малку поинаква верзија со шунка и кашкавал која се витка во ролни и се прелива со јајце и павлака. Лесно се подготвува, а е вкусно јадење кое ќе ги воодушеви сите. Потребни состојки: 1 пакување кори за лазањи 1 јајце 150 гр шунка 150 гр сув врат 150 гр кашкавал 200 гр кисела павлака кечап малку рендан кашкавал масло Подготовка: Лазањите сварете ги и потоа ставете ги малку во ладна вода. Извадете ги од водата па ставете ги на крпа за да се впие вишокот вода. Јајцето изматете го додавајќи павлака, па добро промешајте. На лист лазања ставете две лажички од добиениот фил. Ставете два листа шунка како и сув врат, потоа два листа кашкавал и малку кечап. Над нив додатете малку изматена повалата па виткајте ги во ролна. Огноотпорниот сад подмачкајте го со масло, па наредете ги ролните. Остатокот од павлака премачкајте го над ролните. Наредете и малку кашкавал. Печете на 200°C околу 40 минути за убаво да зарумени. Послужете додека е топло. Извор:Курир.мк

Брзо и вкусно: Пилешки ролни со сланина

Слаѓана Атанасова — Mon, 26 Sep 2022 12:28:10 +0000

Ако немате време за комплицирани јадења, подгответе брзи и вкусни пилешки ролни со сланина. Состојки: 1 кг. пилешки стек тенки листови сланина 100 гр. кашкавал 5 кисели краставички босилек кари зачин сол, бибер зејтин Подготовка: Стекот исечете го на шницли, исчукајте го со чук за месо. На алуминиумска фолија ставете малку зејтин, сол и бибер и наредете три парчиња сланина, ставете над нив парче стек и зачинете со кари и босилек. Додадете лист кашкавал и ситно сецкани кисели краставички. Свиткајте во ролат и замотајте во фолијата на која претходно имате ставено сол, бибер и зејтин. Во зовриена вода ставете ги фолиите со замотаните ролати околу 10 минути и извадете ги. Одвиткајте ги и ставете во рерна да поруменат. Извор: Курир.мк

Пита ролнички со праз

Ивана Стојанова — Wed, 19 Dec 2018 15:15:24 +0000

Направете вкусни пити ролнички со праз. Состојки: 1 пакување кори за пита 1 струк праз 1 шолја масло 100 гр. сирење 125 гр. маргарин 1 шолја вода сол Подготовка: Се чисти и се сече празот, се динста со постојано мешање со половина од маслото и сол, па се лади, а потоа се меша со ронетото сирење. Се сече на делови маргаринот и се прелива со врела вода, се додава другата половина масло и се меша. Се земаат по две кори и се премачкува првата со смесата со маргарин и масло, па се става другата кора над неа а на неа пак смесата, па фил и се прави ролничка. Така се прави со сите кори. Се редат на плех подмачкан со маргарин и се печат на 180 степени на загреана рерна додека не поруменат. Добар апетит!