ролинг стоунс – Вистина.мк

Специјална серија: 12 поштенски марки во чест на „Ролинг стоунс“

Антонио Димитриевски — Tue, 11 Jan 2022 14:01:34 +0000

Британската Кралска пошта денеска објави дека ќе издаде специјална серија од 12 поштенски марки „во чест на еден од најдолговечните рок-бендови на сите времиња“, „Ролинг стоунс“. Тоа, во годината кога групата ќе ја одбележат својата 60-годишнина. Нивните настапи низ светот ќе бидат овековечени на осум поштенски марки, како и ликовите на пејачот Мик Џегер, гитаристите Кит Ричардс и Рони Вуд и починатиот тапанар Чарли Вотс, кој почина минатата година, на 80-годишна возраст.

Малку бендови во историјата на рокот успеаја да создадат толку богата и обемна кариера како Ролинг Стоунс!, рече Дејвид Голд, претставник на британската мултинационална Кралска пошта. – Тие создадоа некои од најкултните и најинспиративни албуми во современата музика, а нивните настапи во живо може да се наречат револуционерни!

Основан во 1962 година, „Ролинг стоунс“ е еден од најуспешните и најдолговечните рок-бендови во светот, со проценета продажба од над 240 милиони примероци ширум светот и бројни награди, вклучително и три „Гремија“. „Стоунс“ се четвртата британска музичка група, по „Битлс“, „Пинк Флојд“ и „Квин“, во чија чест Кралската пошта издаде специјални поштенски марки. Серијата ќе се најде в продажба од 20 јануари.

„Ролинг Стоунс“ по осум години снимија нова песна (ВИДЕО)

Антонио Димитриевски — Fri, 24 Apr 2020 15:31:15 +0000

Британската група Ролинг стоунс ја објавија песната „Living In A Ghost Town”, којашто е нивни прв сингл по осум години пауза. Зборовите, притоа, се инспирирани од кризата предизвикана од новиот коронавирус, оти во еден дел се говори за тоа како „животот бил убав пред изолацијата“. „Мислам дека тоа ќе одекне во времињава коишто ги живееме… Не е напишана за сегашната состојба, туку за тоа како е да се биде на место полно живот, а потоа сѐ се претвора во ова, каде сѐ е лишено од живот“ - изјави Џегер за „Епл мјузик“. Џегер пее и за тоа како тој се чувствува како дух во градот на духовите… Во описот се вели дека првично песната е снимена пред околу една година во Лос Анџелес, но е завршена при годинешната изолација. „Living In A Ghost Town” е прва песна на „Ролинг стоунс“ од 2012 година досега. Нивни последни песни беа „Doom and Gloom” и „One More Shot”. https://www.youtube.com/watch?time_continue=137&v=LNNPNweSbp8&feature=emb_logo

Мик Џегер пред еден месец имаш операција на срцето, а денес танцува како тинејџер иако е во осмата деценија од животот (ВИДЕО)

Антонио Димитриевски — Thu, 16 May 2019 12:15:30 +0000

Мик Џегер (76), кој имаше операција на срцето на почетокот на април, целосно се опорави и ги продолжи своите секојдневни тренинзи и работни задачи.

Пејачот на "Ролинг Стоунс" на својот Инстаграм објави кратко видео во кое покажува како се прави кореографија иако си навлезен длабоко во осмата деценија.

Мик, танцува како младо момче. Видеото стана апсолутен хит на Интернет, а повеќе од 500.000 корисници на оваа социјална мрежа го виделе на Инстаграм за неполни 10 часа. Погледни го и Вие:

View this post on Instagram

A post shared by Mick Jagger (@mickjagger) on May 15, 2019 at 4:58am PDT

„Ролинг стоунс“ ја одложија турнејата: Мик Џегер мора да прави операција на срцето

Слободанка Илиева — Tue, 02 Apr 2019 11:48:03 +0000

Фронтменот на „Ролинг стоунс“, Мик Џегер, мора да биде опериран на срцето, а бендот ја одложи турнејата во САД и Канада, пренесуваат американските медиуми. Славниот британски бенд во саботата објави дека ја одложува турнејата „No Filter“ бидејќи 75 годишниот рокер мора да биде опериран. Музичкиот магазин „Rolling Stone“ објави дека операцијата ќе биде изведена во петок во Њујорк. -Се извинувам на нашите фанови во Америка и Канада кои купија влезници. Навистина жалам што вака ве изневерив. Скршен сум оф фактот што мораме да ја одложиме турнејата, но ќе работам многу напорно да се вратам на сцената што е можно побрзо. Уште еднаш, големо извинување на сите, објави Џегер на Твитер.

Мик Џегер има осум деца, пет внуци и правнука, но го задржа својот енергичен сценски настап и во осмата деценија од животот. Бендот е основан 1962 година и требаше да одржи 17 гонцерти на оваа турнеја измеѓу април и јуни.

Македонската пејачка – мераклика на поза одзади и среден прст: Изглед ала Џеј Ло, однесување како од „Задруга“!

Антонио Димитриевски — Fri, 20 Apr 2018 07:38:36 +0000

Младата македонска пејачка Марија Груевска освен по учествотот во реалното шоу со неславен крај „На иста адреса“ и запазениот сценски настап на последниот „Макфест“, забележителна е и по екстравагандниот изглед во облекувањето во ексцентрични костими и комбинации - дело на нејзиниот моден дизајнер Златко Јовановски.

Ама естрадата не би била тоа што е - своевиден „циркуз“, ако така и не се однесуваат нејзините протагонисти. Трачеви, скандали, голотија, шокантно однесување... Она што имаат да го понудат како музика е една работа, ама за да си интересен и забележан во „естрадниот циркуз“ мора и ти да се однесуваш како циркузант! Така и младата битолчанка... Овој пат не е во прашање нејзиното облекување - напротив! Марија облечена сосема пристојно, кежуал, во летна кошула и фармерки од светол тексас сакаше да го истакне најдоброто од себе, кога е најзиниот младешки сексапил во прашање...

Па затоа на камерата и го сврте грбот, само што никој не гледаше во грбот на фотографијата, туку во она, за што веројатно и самата сака да ја споредуваат со славната Џенифер Лопез. И машала, згодната битолчанка има со што да се пофали... Поза ала Џеј Ло на едната фотографија, ама однесувањето... како на оние од „Задруга“, скандалозното српско реално шоу.

Исплазен јазик и среден прст... покажан од момчето со неа! На фотографии кои сепак одат во јавност!

Случајно не ќе да е, а намерата само таа ја знае. Веројатно што повеќе да се привлече вниманието на себе... Ако и била таа поентата - целта е исполнета! Сите видоа! А коментарите отпосле... Слични како и однесувањето: Македонската пејачка е мераклика на поза одзади, јазик и среден прст!

Или ако сакате рок ен рол асоцијација: Марија би да е згодна како Џеј Ло, а да е славна како „Ролинг стоунс“!