рокер – Вистина.мк

Ѓорѓе Давид во сообраќајна несреќа го загубил татка си, рокерот откри шокантни детали од минатото: „Бевме заедно во автомобилот!“ (фото)

Слаѓана Атанасова — Mon, 22 Jan 2024 10:41:31 +0000

Музичарот и член на жирито на „Ѕвездите на Гранд“ Ѓорѓе Давид доживеа сообраќајна несреќа во Македонија во која загина жена. За жал, ова не е единствената трагедија во животот на рокерот. Ѓорѓе во сообраќајна несреќа го загубил својот татко, а тој во тој момент бил со него во автомобилот. Музичарот во својата исповед зборуваше за најтешкиот момент, а потоа откри дека несреќата била наместена и дека се се случило поради политика. „Татко ми Василије беше член на комунистичкиот сојуз и додека сите бараа пари и викендички, тој не беше заинтересиран за тоа. Тој беше таен советник во кабинетот на Тито и смртта на татко ми ме натера да се одлучам за уметност и покрај тоа што сите во семејството беа академски образовани луѓе, доктори. Решив да се позанимавам со она што слободата ми дозволува да бидам свој – кажал тој во една прилика. Дејвид потоа со солзи се присетил на моментот кога доживеале несреќа во која загинал неговиот татко, додека тој поминал без никакви повреди. - Тоа беше политичка местенка, оркестрирана. Јас и тој бевме во колата, не ми падна влакно од главата, а тој остана мртов на лице место. Но, тој беше и останува авторитет во мојата глава. После тоа ужасно се променив, бидејќи мојот херој беше поразен. Немав ни 15 години а тоа се работи што прават голема штета во главата на еден млад човек - изјавил Ѓорѓе. Рокер признал дека оваа трагедија оставила последици во неговиот живот и дека подоцна тргнал по патот на порокот, од кој подоцна избегал. - Кога ќе изгубите идол на таа возраст, се чувствувате целосно изгубено, несигурно, како да сте сами и барате засолниште во оние кои се слаткоречиви. Во одреден момент отидов под мразот, единстевно не пробав хероин. Тоа траеше една година, многу интензивно. Благодарение на спортот и семејството и откако видов дека моите пријатели си заминуваат, решив да најдам излез. Многумина од нив ги испратив на другиот свет, имаше деца на многу познати личности, а секоја смрт предизвикуваше болка и потврдуваше дека сум на вистинскиот пат – рече тој. Да потсетиме, јавноста беше шокирана од веста за сообраќајната несреќа на Ѓорѓе во Македонија, каде музичарот беше полесно повреден. - Бев сам во автомобилот. Ми земаа урина и крв да видат дали имам супстанци, алкохол. Се разбира, немав, веднаш го открија тоа. После тоа ме однесоа кај јавен обвинител кој посочи дека немам никаква вина во овој случај. Виновникот наводно е девојката која возела и која наводно била во автомобилот со нејзината мајка која настрада - кажал Ѓорѓе и додал дека засега престојува тука во Македонија за да ја почитува процедурата во вакви случаи. Фото: printskrin/instagram/djordje_david

Почина рокерот Мит Лоуф

Антонио Димитриевски — Fri, 21 Jan 2022 11:18:55 +0000

Mит Лоуф, пејачот чиј албум Bat Out Of Hell е еден од најпродаваните на сите времиња, почина на 74-годишна возраст. Веста ја потврди неговото семејство на Фејсбук-страницата на ѕвездата. „Нашите срца се скршени да објавиме дека неспоредливиот Мит Лоуф почина вечерва со сопругата Дебора покрај него“, се наведува во објавата. „Ќерките Перл и Аманда и блиски пријатели беа со него во последните 24 часа. Знаеме колку тој значеше за толку многу од вас и навистина ја цениме сета љубов и поддршка додека поминуваме низ овој момент на тага поради губењето на еден таков инспиративен уметник и прекрасна личност.“ Музичката легенда продаде 100 милиони албуми ширум светот, а се појави и во филмови како Fight Club, Rocky Horror Picture Show и Wayne’s World. Еден од неговите најголеми хитови I’d Do Anything for Love (But I Won’t Do That), му донесе „Греми“ награда за најдобра рок-изведба.

Бизарен потег? Ѓорѓе Давид пред снимањето на „Ѕвездите на Гранд“ ги сечеше ноктите пред камери (фото + видео)

Христина Ѓоргиевска — Wed, 03 Nov 2021 09:18:42 +0000

Рокерот и членот на жирито на „Ѕвездите на Гранд“, Ѓорѓе Давид направи шокантен потег пред снимањето на новата емисија на музичкото шоу. Имено, тој скоцкан од глава до пети дојде во студиото на Кошутњак. Меѓутоа, пред да влезе, пејачот пред камерите и пред присутните ги сечел ноктите на раце. Ѓорѓе го крена средниот прст и пред новинарите почнал да ги сече ноктите. Некои од следбениците се насмеа, а другите се згрозија од овој потег на Ѓорѓе Давид.

View this post on Instagram

A post shared by Zvezde Granda (@zvezdegranda)

фото: ата имагес

Беше млад, убав, надежен и талентиран српски актер но и познат рокер, пред да се замонаши: Вака изгледа денес и го носи името Иларион

Антонио Димитриевски — Fri, 24 Sep 2021 11:09:05 +0000

Поранешниот актер Растко Лупуловиќ (47) се замонаши и го зеде името Иларион. Роден е 1974 година во Белград, а љубителите на филмската уметност го паметат по улогите во филмовите „Ќе биде подобро“ и „Пакет аранжман“, серијата „Отворени врати“, додека театарската публика го памети не само по неговите одлични улоги, туку и по наградата за актерска бравура „Зоран Радмиловиќ“, што ја доби на „Стеријно Позорје“ во Нови Сад во 1996 година. [embed]https://www.youtube.com/watch?v=dmtpBk_6ZmY&t=11s[/embed] Растко Лупуловиќ дипломирал на Факултетот за драмски уметности и бил еден од водечките актери од својата генерација, но и закоравен рокер, член на бендот „Канда, Коџа и Небојша“. Во интервјуто што го даде неколку месеци откако стана монах во 1996 година, тој рече дека поради заради случајни околности почнал да оди во црква, а токму тоа му помогнало да се „спушти на земја“. „Најважно за мене беше моето преобраќање во христијанство. Случајно почнав да одам во црква. Ми помогна да се спуштам на земја од некои мистифицирани облаци. Општо земено, христијанско-православие е мојата најблиска определба. Се чувствувам исполнет. Рок ен ролоот е некаде во согласност со општиот начин на живот, општата површност. Кога одев на Академијата, ќе се испукав и доаѓав дома празен и тап. Одам на литургија со исто расположение, со потреба да доживеам катарза, но се враќам дома среден и спокоен... Затоа луѓето ја губат таа креативна линија во рокот, откако ќе се истрошат и толку...“ - изјави тогаш Растко, односно сега отец Иларион. [embed]https://www.youtube.com/watch?v=pA3BHfbxd40&t=46s[/embed]

Перо vs Петре: Перо – „Камиказа“ размислува да се кандидира за скопски градоначалник, а Шилегов уште сега му ги „краде“ идеите? (ФОТО)

Антонио Димитриевски — Fri, 19 Mar 2021 08:48:34 +0000

Чудна професија е тоа политиката... Или подобро речено, бизнис. Порано се велеше: „Нема бизнис како шоубизнис“, ама денес откако со коронапандемијата шоубизнисот го прогласија речиси за „умрено“, политиката царува... Впрочем, царувала отсекогаш, особено кај нас, каде од прв ден е бизнис број еден, што се гледа кај голем број политичири, кој во неа влегоа како „голтари“, а од неа излегоа како милионери! Дали можеби некои од наведените причини или познавајќи го, од чист каприц и инает што горенаведеното е токму така, па сака да покаже дека може и поинаку, една позната скопска фаца или поточно, познат македонски лик кој шоубизнисот го има во малиот џеб, а јавноста многу повеќе го знае токму од полето на културата и уметноста, актерот и музичар, Петар Георгиевски - „Камиказа“ најави дека размислува да влезе во политиката. Не дека и пред него немало такви обиди: Велибор Џаровски - Џаро, Игор Џамбазов, Јове Кекеновски, покојниот фолкер Војо Стојаноски, трагично загинатиот рокер Горан Николовски кој беше градоначалник на град Скопје... Позиција која ја пикира и на која токму познатиот лидер на групата „Меморија“ и сопственик на ивент фирмата „КЛС“ - Перо - „Камиказа“, размислува да се кандидира на престојните локални избори. Деновиве низ скопските кулоари, чаршијата, а и по социјалните мрежи тргна интересна приказна... Дека „Камиказа“ кој ионака е „долг на јазик“ кажувајќи им ја на некои луѓе својата размисла за градоначалничка кандиидатура и идеите кои ги има да ги вментне како проекти во својата програма, преку ноќ стигнале на маса во кабинетот на Петре Шилегов. На актуелниот скопски градоначалник кој има намера да бара и втор мандат од граѓаните му се виделе интересни, па Шилегов уште сега „си се послужил и присвоил“ со некои од наводните идеи на Перо - „Камиказа“. Така, Петар Георгиевски кој меѓудругото последниве години е и успешен маратонец трчајќи ги некои од најпознатите светски маратони во големите градови ширум Европа и светот, предлагал дека би било добра идеја рекреативната стаза покрај кејот на Вардар да се спои по целата нејзина должина без прекини, па македонската престолнина од крај до крај од влез на Скопје до самиот излез, да биде поврзана. И за рекреативно трчање и пешачење, натпревари, велосипедисти, ролање... И види чудо, не минало долго време , а граданочалникот Шилегов тргнал идејата да ја реализира! Наводно, истото важело и за идејата за најавениот трамвај на гуми, трамвај кој наместо по шини се движи по белите линии на патот, кои контролираат стотина сензори. Трамвајот користи гуми и возењето е како со автобус. Долг е 32 метри и висок 3.4 метри. Може да прими 307 патници и се движи со 70 километри на час. Литијум-титаниумските батерии овозможуваат возење долго 25 километри по само 10 минути полнење. Ем ефикасно и брзо, ем чисто и еколошки... А идејата на Перо - „Камиказа“ била неговата линија да води токму покрај стазата по кејот на Вардар, каде би се движел без пречки и не би го забавувал движењето на другите возила во сообраќајот, а би го поврзувал градот од еден до друг крај! Дури и идејата со таканареченото помагање на музичарите со купување на нивни изданија која Шилегов заедно со Радмила Шеќеринска деновиве ја промовираше, Петар Георгиевски - „Камиказа“ тврди дека е инспирирана од него и и неговата објава на социјалните мрежи за изданијата на македонски музички и естрадни уметници и групи кои Музичко-касетната продукција ги издаде во времето на неговото работење на една од раководните функции таму. А сепак не се работи за мала бројка, зашто во прашање се стотина изданија во вид на носачи на звук и слика. Очекувајќи и последното концертно видеоиздание на „Меморија“ од концертот во „Метрополис арена“ да го вклучат, како што „Камиказа“ вели, во „нивната поддршка“, тој ги прозва Шеќеринска и особено Шилегов во својот Фејсбук статус! Дали Петар Георгиевски - „Камиказа“ навистина ќе се реши за градоначалничка кандидатура на Скопје на престојните локални избори, која партија ќе стои зад него или ќе оди како независен „соло“ играч, или ова е само уште една „Донкихотовска борба со ветерници“- те на власта на „вечниот опозиционер“ во стилот: “Сам против сите“, ќе видиме наскоро. Зависи од тоа дали актерот и рокер има навистина серизони намери да вплови во политиката или... „маратонецот (само вербално) го трча почесниот (предизборен) круг“? „Камиказа“ ако е во нешто вешт, тоа е умешното менаџирање на „кревање прашина“, а Петре Шилегов засега молчи. И за наводно „присвоените туѓи идеи“ и за сопствените проекти кои одат во пакет со новата градиначалничка кандидатурата. Адвокатот против актерот, политичарот контра рокерот... Се случи ли тоа, ако не друго, ќе биде барем ... „весело“! Фото: Фејсбук принтскрин/Petar Georgievski - Kamikaza/Петре Шилегов

Српската раперка со бесрамни фотографии ги распламти машките мечти: Сајси Ем Си е ќерка на некогаш познатиот рокер кој растури во „Никогаш не е доцна“ (ВИДЕО)

Антонио Димитриевски — Thu, 18 Mar 2021 11:03:55 +0000

Ивана Рашиќ, попозната како Сајси Ем Си, ги „почести“ своите следбеници на Инстаграм со новообјавени бесрамни фотографии. На нив доминантни голите гради на раперката на кои ги покрила само брадавиците. Ова се фотографии направени како дел од снимањето на нејзините нови песни „Бес“ и „Не давај ми“. Со своите провокативни фотографии, Сајси промовира ја промовира својата визија за женската свест и сексуалност, во кои според неа „нема ништо лошо“, ниту пак срамно и вулгарно. Инаку, за помалку упатените Сајси е ќерка на подзаборавениот рокер, некогаш големата sвезда на поранешна Југославија и прв пејач на групата „Генерација 5“, Јован Рашиќ, кој се појави на музичкиот натпревар „Никогаш не е доцна“ каде растури со својата изведба и изненади многумина, оставајќи ги со подзината уста. Особено при изведбата на она што најмногу му лежи - рок класиците како на пример „Here I go again“ од легендарните „Whitesnake“. Јован беше голема рок sвезда пред 40-ина години и пејачот кој прв ја отпеа песната „Доаѓам за 5 минути“, но со текот на времето и се посвети на својата вокација - стоматологијата. Животот го продолжил во Заечар, каде основал семејство и работел до пензионирањето, но малкумина знаеа дека токму тој е татко на познатата раперка Сајси МЦ. Денес, Рашиќ е пензионер и живее во неговиот роден град. Тој ретко зборува јавно за своите ќерки, иако е многу горд што и двете тргнаа по неговите стапки. Погледнете една од неговите маестрални рок изведби во „Никогаш не е доцна“: https://www.youtube.com/watch?v=nhKekL42uJY

Оваа песна Цеца не сакала да ја пее иако била посветена на Аркан по неговата смрт, а потоа ја отпеа друга пејачка (видео)

Слободанка Илиева — Fri, 27 Nov 2020 10:36:31 +0000

Голем број песни кои се отпеани на српската фолк сцена,се напишани од најголемите српски рокери, а една од најпознатите е Милиќ Вукашиновиќ. Во 2001 година, рокерот ја напиша песната „Сањам да си опет ту“, која требаше да ја отпее Цеца Ражнатовиќ. Како што изјави тогаш рокерот, Цеца не сакала да ја сними оваа песна поради сугестија на Марина Туцаковиќ. Милиќ ја објави песната на својот Фејсбук профил, пишувајќи во белешка: „Песната е создадена кога Аркан умре и Бог ја направил за Цеца, но таа не сакаше да ја пее! Оваа балада, која зборува за трагичниот крај на љубовта, ја напиша Вукачиновиќ веднаш по убиството на Жељко Ражнатовиќ Аркан. Песната на крајот ја сними Јована Типшин.

Ѓорѓе Давид целиот унакажан, со крваво и модро лице во завои: Рокерот од „Гранд“ сакаше само да види кој му е вистински пријател… (ФОТО)

Антонио Димитриевски — Tue, 13 Oct 2020 08:16:33 +0000

Пејачот Ѓорѓе Давид на својот приватен профил на Инстаграм објави фотографија на која лицето му е унакажано, модро и крваво, а главата е завиткана во завои, со што многу ги загрижи своите колеги, пријатели и обожаватели. При самата помисла дека нешто му се случило и при самата претпоставка дека пејачот доживеал некаква несреќа или инцидент во кој бил претепан, многумина веднаш го контактирале рокерот од “Гранд“, за да ја дознаат вистината за наводниот инцидент. Она што е вистина е дека рокерот не доживеал никаква несреќе ниту имал инцидент, туку дека неговото лице е само професионално и приолично уверливо нашминкано за потребите на снимањето на забавното шоу наречено „Луда ноќ“, во кое тој учествувал заедно со уште неколку колеги и колешки од естрадата. Ѓорѓе Давид веднаш им се заблагодари на сите загрижени за пораките и повиците, за понудената помош и поддршка и им порача на сите дека само сакал да провери „кои му се вистински пријатели“!

Ја победи короната, сите го знаат како рокер, но оваа е вистинската професија на Ѓорѓе Давид

Христина Ѓоргиевска — Tue, 21 Apr 2020 10:29:48 +0000

Ѓорѓе Давид неодамна ја победи короната и излезе од болница, а сега има доволно време во карантинот, па на „Инстаграм“ објави фотографија стара речиси трипол децении. Имено, денес сите го знаат Ѓорѓе Давид како рокер и член на жирито на „Ѕвездите на Гранд“, меѓутоа тој дипломирал на Факултетот за драмски уметности во Белград, а зад себе неколку одиграни претстави, како и неколку улоги во филмови и синхорнизација на филмови за најмлади. Пејачот на својот „Инстаграм“ објави фотографија од една од неговите улоги. „Екранизација на бајката „Златна јаболка и девет пауни“. Примабалерината Снежана Перковиќ и јас како принц. Година 1987 година, Сараево“ напиша Ѓорѓе.

Исповед на Ѓорѓе Давид откако ја победи короната: Рокерот откри што најтешко му паѓало додека бил во болница

Христина Ѓоргиевска — Thu, 09 Apr 2020 08:20:13 +0000

Пејачот Ѓорѓе Давид оздраве од коронавирус, излезе од болница и откри кои мерки му биле најтешки да ги почитува. „Кога излегов од болница и седнав во автомобилот, јас бев во шок, излегов на чист воздух. Првите 15 минути ми беше тешко на главата бидејќи по 16 дена јас излегов на сонце“ вели рокерот и додава. „Додека бев таму во четири ѕида, размислував за се и сешто, но најтешко е кога ги гледаш луѓето кои ментално се слаби како го поднесуваат ова. Јас секогаш разговарав со луѓето околу себе и гледам дека тоа даде плод“ вели пејачот. „Најтешко ми беше тоа што сите кои бевме во соба можевме да си обезбедиме само некои основни работи. Мене најтешко ми паѓаше компромисот кој мораше да го има. Се договориме кој кога ќе се тушира, кој кога ќе оди во тоалет, кој кога ќе излезе на тераса, дали да се отвори прозорец или не. Човекот кој е роден во 1947 година беше најстар меѓу нас и сите му се прилагодувавме. Ние сакавме да имаме отворени прозорци, а на него му беше ладно. Тоа се работи кои тешко паѓаат во овој вид на хоспитализација, особено кога луѓето кашлаат цела ноќ“ вели Ѓорѓе Давид. „21 ден морам да бидам во изолација, првите 7 дена не смеам никаде да одам, а потоа може да излезам до околината на мојата зграда. По 21 ден можем да си го дозволам тој лускуз да земам маска и ракавици и да излезам да купам нешто“ вели членот на жирито на „Ѕвездите на Гранд“. Тој откри дека се уште не ја видел својата наследничка и тоа тешко му паѓа. „За жал, со ќерката се немам видено. Ќе останеме на видео повици. Ова веќе е друго чувство. Со излегувањето од болница се чувствувам поблиско. Влегов во својот стан, се истуширав во бањата, си направив ручек. Сега повеќе ќе ценам некои работи и луѓе“ вели пејачот.