родно место – Вистина.мк

„По албумот банкротирав“: Александра Младеновиќ искрено проговори за кариерата (фото)

Слаѓана Атанасова — Tue, 11 Jul 2023 12:31:44 +0000

Пејачката Александра Младеновиќ истакна дека нејзините родители се особено горди на нејзината посветена работа и самостојност. -Имав поддршка само од пријателите и семејството, тоа го сметам за мој најголем успех и најголема победа. Сè постигнав со работа и труд, а секако и моите родители се горди. истакна Александра. Младеновиќ многу често ги посетува родителите во родното место. -Го сакам мојот роден град, им помагам на родителите дома, секогаш со задоволство одам во родното село. Тоа никогаш нема да се промени.

View this post on Instagram

A post shared by Aleksandra Mladenovic (@aleksandra_mladenovic_)

Многу колешки на Александра имаат закажано концерти за оваа година, а сите се прашуваа дали и таа го сака истото. – Концертот е секако голема работа. Им честитам на сите што се осмелуваат да направат концерт, ја имаат мојата поддршка. Не следам трендови, секогаш сум своја и кога ќе помислам дека е време, ќе направам голем концерт. Сето ова чини многу, а јас самата инвестирам во кариерата без никакво спонзорство. Морам да кажам дека банкротирав по албумот, изјави Александра. Фото: Принтскрин/Инстаграм/ Александра Младеновиќ

Тамара Ѓуриќ се врати во родната Паланка, па сподели детали од својата авлија: „Село мое поубаво од Париз“ (ФОТО)

Антонио Димитриевски — Tue, 23 May 2023 11:12:51 +0000

Старлетата Тамара Ѓуриќ неодамна предизвика големо внимание во јавноста со своите естетски корекции, а додека јавноста со неверување го коментира новиот изглед на Тамара, таа смета дека не претерала и истакнува дека естетската хирургија е нејзиниот порок. Сега Тамара реши да ги наполни батериите и да избега од градската врева и кулоарските муабети, па ги спакува куферите и со ќерката којаисто така се вика Тамара заминаа во родниот град на старлетата, Смедеревска Паланка. По низа естетски зафати, старлетата покажа како ужива во природата на семејниот двор со кој се пофали на својот Инстаграм. Како изгледа, можете подетално на фотографиите на кои во описот споделила: „Село мое поубаво од Париз“. Ѓуриќ го доловила секој детал од величествениот имот, по што седнала, ги испружила нозете на столица и уживала во сончевиот ден. Градината, фонтаната и многу зеленило го красат нејзиниот дом, а семејството се потрудило да го уреди секој агол од дворот до најситен детал. Фото: Инстаграм принтскрин/tamarastar89

Трошна куќа без прозори: Топалко ја покажа куќата во кој пораснал (видео)

Слободанка Илиева — Fri, 01 Jul 2022 11:32:35 +0000

Милан Топаловиќ Топалко го посети родното Трудово на Златар, а по тој повод во кратко видео ја покажа куќата во која сега живеат неговите родители, но и куќата на дедо му во која живеел до својата 10-та година. Имено, Топалко претходно изјави дека често легнувал со капа во зима бидејќи било студено, а сега е откриено дека навистина било така. - Потребите на човекот за живот се вода... воздух... нешто да се јаде... нешто да се облече и некаде да спие... Сè друго се желби... Но желбите се извор на страдање, колку повеќе посакуваш, толку повеќе страдаш. Роден сум во оваа куќа и живеев првите 10 години со 6 членови на семејството во тоа време. Верувајте ми, јас тогаш бев среќен... затоа уживајте во она што го имате - порача пејачот на Инстаграм.

Добриот глас надалеку се слуша, но најдраго е кога ќе те признаат дома: Ленче Кукиќ родното Босилово ја одликуваша со плакета (ФОТО)

Антонио Димитриевски — Mon, 18 Apr 2022 08:57:39 +0000

Легендарната македонска фолк пејачка Ленче Кукиќ пред неколку дена се закити со уште едно значајно признание кое овојпат дојде од нејзиното родно Босилово. Имено, градоначалникот Ристо Манчев и Советот на општина Босилово, на свечената седница по повод 70-годишниот јубилеј на општината и доделија Плакета за значаен придонес и промоција на општина Босилово во областа на музиката. Со овој гест покажаа дека кога вистинските луѓе ќе дојдат на вистински места, знаат и умеат да ги препознаат и вреднуваат и вистинските вредности! Оваа плакета очигледно особено емотивно ја трогна пејачката, па таа преку својот Фејсбук профил јавно им се заблагодари на општинските челници за укажаната чест и внимание. Оние кои добро се сеќаваат на Ленче од нејзините почетоци знаат дека нејзиното презиме е Дедејска и дека името го градела уште додека била девојче. Нејзиното појавување на естрадата беше вистинско освежување за музичката сцена, а музичките стручњаци ја прогласија за наследничка на легендарната Петранка Костадинова. Успешна кариера на пејачката трае повеќе од 30 години. Најпрво со групата „Пицикато“, а потоа како соло пејачка и сега со својот сопруг пејачот и музичар Горан Кукиќ. Настапувала на многубројни фестивали на народна музика, на многу сцени во Македонија, а Ленче е добитничка и на голем број награди: од успешен дебитант до први награда на жирито, награди за најдобра интерпретација и награди од публиката на многубројни фестивали. Во последната сезона на регионалното музичко шоу „Никогаш не е доцна“, таа ја однесе победата со што ја запозна и целиот регион. Ленче Куќиќ во текот на целото шоу добиваше само позитивни коментари од страна на жирито, а во една прилика Ацо Пејовиќ ја нарече и македонската Адел. Инаку, неколку сезони пред неа, победата ја однесе и нејзиниот сопруг Горан Кукиќ! По оваа победа стана многу барана и во регионот, на просторите на поранешна Југославија, а наскоро за „Гранд продукција“ треба да излезе и нејзиното ЦД со македонски и српски песни, со што за Ленче се отвора едно ново, уште поинтересно поглавје во кариерата. Таа заедно со сопругот веќе често настапуваат во соседството, а нејзината новоснимена песна „Бисер“ за „Гранд продукција“ е вистински хит. https://www.youtube.com/watch?v=gN-BA8GEYOw Фото: Фејсбук принтскрин/Lence Kukic

Соседите ја разоткрија Весна Змијанац: Не можеа да премолчат каква била кога не била позната

Слаѓана Атанасова — Fri, 01 Apr 2022 09:00:33 +0000

Популарната пејачка Весна Змијанац често го посетува своето семејство во родното Ковачи кај Краљево но, очигледно нема намера да го реновира домот во кој пораснала. Куќата ја напуштила пред 30 години и после тоа останал само пустош. Во дворот е изградена нова куќа во која живее нејзиното семејство. Соседите пред трошната куќа имаат само пофални зборови за пејачката: „Таму живееше со мајка и, ја познаваме од мала, порасна со нашите деца. Таа беше добро, убаво дете. Не може да биде подобра, затоа што е совршена! Беше риба, вистинска мачка, само пееше.“ „Таа се дружеше најмногу со момчињата и игравме на улица, одевме и на фудбал. Тренираше карате и ни покажуваше потези. Првиот пат кога отиде да пее беше пресреќна. Првиот значаен скок беше фестивалот во Париз каде што беше и Шабан Шаулиќ. Тогаш ни донесе и слика со негова посвета“ - изјавил првиот сосед. Фото:принтскрин/инстаграм/vesna_zmijanac_official

„Мајка и ја остави кога имаше три месеци, со татко и ретко се гледа“: Соседите од родното место на Милица Павловиќ открија детали од животот на пејачката

Христина Ѓоргиевска — Sat, 30 Oct 2021 07:24:05 +0000

Пејачката Милица Павловиќ детството го помина на југ во Србија, местото наречено Доњи Буниборд во Лесковац. Бракот на нивните родители бил осуден на пропаст, мајката Мирјана ја оставила Милица само кога имала три месеци кај нејзините баба и дедо, Рада и Владмир. Меѓутоа, во некогашниот дом на Милица, во Доњи Бунибоард сега нема никој. Кога нејзиниот дедо починал, Милица после неколку месеци одлучила нејзината баба Рада да ја смести во дом во Белград за да може почесто да ја гледа. „Нејзината баба не е овде, таа е во старечки дом уште во февруари. Во номеври почина дедо Владимир, па Милица сфати дека е најдобро да однесе својата баба со неа во Белград бидејќи таму ќе може најчесто да биде со неа. Гледате колку често објавува фотографии со неа и дека ја водеше во Белград. Нејзините баба и дедо цел живот го посветија на неа, и таа на некој начин одлучи да се грижи за нив, а во овој дом каде што е сместена, ја има потребната нега“, вели едниот сосед. Според неговите зборови, Павловиќ биле домаќини како и сите други и се што имале го вложувале во нивната внука. Кога станува збор за мајката и таткото на пејачката, соседот само изјавил: „Со мајка и не се гледа, со татко и се слуша и гледа привремено“,додава тој. Бабата и дедото на Милица се занимавале со земјоделство. „Кога почина Владо, Рада остана сама и бидејќи боледува од Алцхахмер, најдобро решение е да биде во Белград покрај внуката. Таткото на Милица живее во Швајцарија, но беше овде на почетокот на август. Таа не знае ништо за нејзината мајка откако ја остави. Милица е фина девојка, воспитана, ретко доаѓа овде во последно време, но кога е тука знае да се поздрави. Без оглед на тоа што нејзиниот живот е во Белград, таа не ги заборави своите баба и дедо и посетуваше кога можеше бидејќи тие и беа како мајка и татко“. И првата сосетка имала само пофални зборови за пејачката и објасни како ја оставила нејзината мајка. „Мајка и ја донесе кога имаше три месеци и буквално исчезна. Милица секогаш не поздравува кога ќе дојде. Се дружеше со мојот син и ќерка. Немам зборови за тоа дете, ја знам од малечка. Нејзиниот татко беше неколку дена, но Милица не можеше да дојде. Тој се ожени, не може да остане сам. Што се однесува за нејзината мајка, не знам ништо за неа. Јас сум тука 20 години и таа не се појави овде. Милица никогаш не ја спомна нејзината мајка. Среде дворот и ставија базен, тука се играше. Успеа да се избори, стана пејачка, а не ги заборави своите. Кога ќе дојде, ќе не поздрави, ќе праша за домашните. Отсекогаш пееше, играше, се знаеше дека ќе биде пејачка. Беше миленичка на дедо“, вели сосетката. фото: немања николиќ/стефан стојановиќ/ притнскрин/инстаграм/