роди – Вистина.мк

Александар Николоски стана татко: Потпретседателот на ВМРО-ДПМНЕ и неговата сопруга Александра добија син

Антонио Димитриевски — Fri, 26 May 2023 12:33:11 +0000

Потпретседателот на ВМРО-ДПМНЕ Александар Николоски стана татко. Тој и неговата сопруга Александра добија син. Радосната вест преку социјалните мрежи ја објави токму Николоски. Тој на својот Фејсбук профил обзнанувајќи го доаѓањето на нивното машко чедо на свет, кусо напиша: „Денес ја добивме најголемата радост! Се роди нашиот син Јосиф Николоски! Сопругата Александра и јас, како и цело семејство пресреќни!“ - споделил Николоски. Николоски се ожени со својата животна избраничка Александра во јуни 2018 година. Елегантната и романтична венчавка се одржа во кругот на најблиските, роднините, пријателите, колегите… на која младите ја прославија својата љубов. Инаку, Александра Николоска, моминско Димитриеска по потекло е исто така од Охрид, додека нејзина професионална определба е економијата. Дипломирала и магистрирала економски науки во Љубљана. Александар Николоски беше претседател на УМС во период од 2004 до 2008 година и повеќе од 12 години член на ИК на ВМРО-ДПМНЕ и еден од најблиските соработници на претседателот на ВМРО - ДПМНЕ, Христијан Мицкоски.

Милица Тодоровиќ вели дека утре да се вљуби, веднаш ќе забремени: „Родителите ме тераат да родам, ама како, кога јас немам ниту момче?“ (ФОТО)

Антонио Димитриевски — Sat, 08 Apr 2023 10:10:31 +0000

Милица Тодоровиќ (32) вели дека нејзината мајка Јасмина и таткото Милан ја тераат да роди дете, ама како кога таа нема со кого да забремени! Пејачката признава дека би сакала да стане мајка, но свесна е дека прво мора да си најде момче. „Порано родителите не ме тераа да се мажам и да родам дете, но во последно време се како на на игли! Постојано ме прашуваат кога ќе станат баба и дедо. Многу би сакале да имаат внуче и ги разбирам затоа што тоа е нешто природно. Сепак, не може кога тие сакаат, бидејќи јас немам ни момче. Ама утре да се заљубам, веднаш ќе забременам. Би сакала да имам три деца, бидејќи многу ги сакам малите. Неодамна ме воодушеви едно убаво девојченце за време на снимањето на видеото за мојата нова песна. Кога ја гледав снимката со неа, ми дојдоа солзи. Едвај чекам да станам мајка, но тоа не го решавам јас, туку Бог“ - вели Милица. „Не би издржал да бидам со некој кој е болно љубоморен. Немам ништо против љубомората во нормални дози, дури и здравата љубомора ми е прифатлива. Но, болната - не доаѓа предвид“ - категорична е пејачката која додава дека не и е важна професијата на нејзиниот иден партнер. „Не ме интересира дали момчето со кое сум во врска е фудбалер или актер, туку дали ме почитува и разбира. Многу ми е важно тој да има нешто во главата, за да можеме да разговараме за се'. Едвај чекам да најдам некој таков, за конечно да основам семејство. Моментално никој не ми се допаѓа, заљубена сум во себе“ – ја завршува приказната Милица. Инаку, Милица Тодоровиќ немала многу момчиња. Нејзина прва љубов беше колегата од „Ѕвездите на Гранд“ - Ненад Јовановиќ. Потоа се заљуби во братот на Саша Ковачевиќ, Раде, со кој беа заедно четири години. Потоа се фати со кореографот Милош Пауновиќ. По пет години љубов, парот раскина, а во 2019 година Милица стапи во врска со актерот Петер Стругар, со кого врската ја раскинаа по само пет месеци. Фото: Инстаграм принтскрин/milicatodorovicofficial

Лошиот период е минато: Наташа Беквалац ќе роди син

Христина Ѓоргиевска — Wed, 15 May 2019 09:14:23 +0000

Лошиот период е зад неа, а наскоро Наташа Беквалац ќе добие нови доживувања на сите полиња, предвидува нумерологот Владо Кечина. Тој за „Ало“ открива дека пејачката наскоро ќе ја сретне љубовта на својот живот и во следните две години ќе му роди син. „Наташа досега поминуваше низ тежок период. Немаше среќа во љубовта, а во работата доживуваше неправда“ вели нумерологот и тврди дека тој лош период е зад неа.

„Гледам дека ќе и се случуваат само убави работи. Се што е лошо ќе остане во минатото. За неа сега ќе почне животот. Гледам дека ќе ја запознае љубовта на својот живот. Иако за претходните мислеше дека тие се нејзина љубов, не е така. Ова ќе биде нејзината вистинска љубов која ќе трае до крајот на животот“ вели Кечина.

Според него од оваа љубов, Наташа ќе роди син. „Во следните две години, Наташа ќе роди син. Меѓутоа, нејзината бременост нема да биде лесна. Ќе биде многу ризична. Можно е таа да биде болна, па мој совет и е да биде внимателна“ вели Кечина. Како што вели тој, новиот партнер на Наташа ќе биде моќен, па Беквалац нема да има финансиски проблеми.

Бившата на Сталоне се породи: Бриџит Нилсен на 54 години роди ќерка (ФОТО)

Антонио Димитриевски — Mon, 25 Jun 2018 10:37:33 +0000

54-годишната актерка Бриџит Нилсен го роди своето петто дете. Таа на светот донесе здраво девојче. Според светските таблоиди, среќниот настан се случи во петокот во Лос Анџелес. "Ние сме среќни и ја поздравуваме нашата прекрасна ќерка. Тоа беше долг пат, но вредеше“ - изјавила ѕвездата од „Ред Соња“ и „Кобра“, цитирана од Daily Mail.

На крајот од мај, актерката, позната по нејзиниот брак со холивудскиот актер Силвестер Сталоне, изјави дека 23 години по раѓањето на нејзиниот четврти син, повторно ќе стане мајка.

Ѕвездата има четири брака зад неа - Каспер Виндинг, Силвестер Сталоне, Себастијан Коупленд и Раул Мејер. Од нејзините бракови и претходни врски, Бриџит Нилсен има четири сина. Најстариот од нив, Џулијан, има 34 години, а најмладиот, Раул Џуниор - 23 години. Извор:Новини.бг