ритмичка гимнастика – Вистина.мк

Уште едно злато и бронза: Победничката мисија во ритмичка гимнастика на Илина и Ева Соколовски во Германија продолжува

Антонио Димитриевски — Wed, 21 Feb 2024 13:02:32 +0000

Илина и Ева Соколовски се македонска спортска гордост, а тој епитет заслужено го добија, бидејќи скоро една деценија носат само металји во ритмичка гимнастика во Германија. Доказ за тоа дека Македонија навистина треба да се гордее со нив е и последниот натпревар каде Илина освои злато, а Ева бронза. Овој викенд Илина и Ева се натпреварува во Верл, во Северна Вествалија на натпреварот Gaumeisterschaften 2024, кој е турнир со традиција. Иако имаа силна конкуренција, сепак, Илина(17) освои првото место, додека Ева(14) го освои третото место . Но, и двете немаат време да се израдуваат на медалјите, бидејќи нивната победничка мисија продолжува понатаму, на интернационални натпревари. Илина овој турнир го мета како згревње, бидејќи идната недела заминува на еден од најголемите турнири по ритмичка гимнастика во Естонија, додека Ева на овој турнир ги комплетираше новите кореографи со кои ќе настапи на јуниорскто Балканско првество по ритмичка гимнастика кое ќе се одржи во Босна. Двете на овие интернационални натпревари ќе ја претставуваат Македонија. Освен тоа Илина со голема помош од Макдонската федерација за гимнастка на чело со претседателот Љупчо Арнаудов, ќе ја преставува Македонија на Европско првенство по ритмичка гимнастика во сениорска конкуренција, кое ке се одржи во од 20-26 мај во Будимпешта. -Заминувам за Естонија свесна е дека ќе се натпреварувам со елитата по ритмичка гимнастика. Посакувам секако, но не окекувам да се случи нешто поголемо. Сакам само да си измерам силите со најдобрите со моите нови кореографии и едноставно да ми биде подготовка за настап на Европското првенство во Будимпешта, вели Илина. Овие две македонски сонца со родителите живеат и растат во Германија. Иако се со македонски пасош Германија се гордее што ги има, бидејќи и двете нижат само успеси, а Илина и поради резултатите и поради талентот веќе се натпреварува во Бундес лига. Од минатата година Илина и Ева почнаа да ја претставуваат Македонија на интернационални натпревари. Нивниот сон е еден ден да ги бранат боите на македонското знаме на Олимпијата.

Илина и Ева и донесоа злато, сребро и бронза на Македонија

Антонио Димитриевски — Mon, 18 Dec 2023 11:59:05 +0000

Илина и Ева Соколовски го развејаа македонското победничко знаме среде Германија! Двете македонски девојчиња освоија злато, сребро и бронза на интернационален натпревар по ритмичка гимнастика. Минатиот викенд во Падаборн, Германија се одржа Интернационалниот натпревар во ритмичка гимнастика, на кој учествува Илина(17) и Ева(13) како репрезентативки на Македонија. Ева во својата катергорија освои злато, додека Илина во двете категории освои сребро, односно бронза. На натпреварот учествува над 150 натпреварувачки од повеке европски држави, како Франција,Бугарија, Чешка, Словачка, Полска, Швајцарија, Полска, Германија, Македонија... И Илина и Ева настапија со по две кореографи, Илина со лента и топка, додека Ева настапи со хулохоп и лента. Ева беше перфектна и тргна се од рака и во двете кореографи го освои првото место, додека Илина настапи со нови кореографии, што се уште не и се добро извежбани, но тоа не беше пречка да го освои второто место со топка и трето со лента. -Пре задоволни сме од резултатот. Што не следуваше за нашиот труд си земавме од тепихот, а тоа се пехарите. Горди сме на резултатот и на тоа што ја претставувавме Македонија во интернационални рамки. Не можеме да го опишеме чувството на возбуда кога не прогласија за најдобри и кога тргнавме по наградите со нашето знаме, велат среќно Илина и Ева. Но, ова е само загревање на се она што понатаму ќе го постигнат Илина и Ева. Пред нив се уште многу натпревари и успеси, особено на Илина, која кон крајот на фебруари идната година ја чека голем предизвик. -Следниот интернационален натпревар, во организација на Интерналната федерација за ритмичка гимнастика (FIG), која ќе се одржи кон крајот на фебриари во Естонија. На овој натпревар името на првото место се вика Мис валентајн гран при. Тоа е како што на интернационалниот натпревар пред неколку години во Украина го освоив првото место и ја добив титулата принцеза, вели Илина. Но, за жал на овој голем натпревар Илина нема големи очекувања, бидејќи од Федерација во овој спорт во Македонија го имаме само името. За да се биде дел од овој голем натпревар учесничките треба да имаат професионални тренери, судии и лекари, но и покрај тоа што Илина ќе го вее македонското знаме на овој натпревар ос светски рамки, таа заминува сама и тоа единствено по нејзина заслуга. -На вакви големи натпревари треба да има тренер и судии со лиценца, за да ме подготват. Ми треба норма да исполнам зашто нашата федерација нема ниту судии ниту лекар, ниту тренер. Бидејќи ништо од тоа нема, јас поради големата желба да ја претставувам Македонија им испратив мејл и ги замолив за да настапам. Ги молев навистина, им реков дека ние сме млада федерација. И врз основа на молбата и на моите досегашни резултати, моите награди дозволија. Токму затоа велам дека тешки се шансите за победа ама гордоста и желбата е голема. Се натпреварувам со елитата во гимнастика и свесна сум дека не смеам да очекувам и покрај мојот голем капацитет. Затоа на овој натпревар не одам со очекувања. Македонското знаме за мене е многу важно, сакам да се вее на овој наптревар, вели Илина, која на сите напревари задолжително настапува со македонска песна. Така беше и минатата недела, кога настапи во кореографијата со топка, а настапи со песната „Кога паднав на Пирина“.

„Кога падна на Пирина“ ечеше на финале во Германија: Илина Соколовска со нови успеси по ритмичка гимнастика

Антонио Димитриевски — Thu, 29 Jun 2023 05:10:24 +0000

Гимнастичарката Илина Соколовска настапи на големото германско финале по ритмичка гимнастика, што се одржа во Вестербург - Германија, рамо до рамо со искусни спортистки, а и двата дена додека се натпреваруваше на финалето ечеше познатата македонска патриотска песна песната „Кога падна на Пирина“. Илина иако има само 16 години, сепак, поради нејзиниот талент, веќе неколку години се натпреварува и освојува медали во Бундес лигата, а сега се натпреваруваше со гимнастичарки над 20 години и го освои седмото место. Во финалето дел се само најдобрите гимнастичарки од републичките натпревари во Германија, но, за жал, како што вели таа, иако е германско финале најголемиот дел од натпреварувачките биле од Украина и Русија. - Сите натпеварувачки беа од бившите советски републики, но највеќе од Украина. Поради војната многу гимнатичарки заземаа место во германските клубови со што гимнастиката веќе е на повисоко ниво на квалитет. Јас иако имам 16 години, сепак, настапив во сениорска конкуренција. Бев најмала во првиот настап, а настапив со топка и кореографијата со македонската песна „Кога паднав на Пирина“ и добив висока оценка од судите, вели Илина и додава: - Презадоволна сум, бев во конкуренција за првите три места. Следниот ден настапив со истата кореографија, бидејки дибив големи бодови од претходниот ден, но од судите бев изненадена, бидејќи добив четири поени помалку. Но, тоа е во спортот. Не сум разочарана, напротив задоволна сум и со овој успех. Бидејќи успех е да учествуваш во финале со најдобрите 15. Не е едноставно треба многу работа. Секој ден од 3-4 часа тренинг, некогаш и саботи, а понекогаш и до шест часа на ден. Но, трудот и напорот се исплатеа, дојдов до посакуваниот резултат, вели Илина. Паралелно со ова Илина се подготвува и за Европското првенство, кое ќе се одржи во Будимпешта. Илина за прв пат ќе ја претставува Македонија. – Ми се оствари сонот да ја претставувам Македонија на интернационален наптревар, да го развеам македонското знаме на големи натпревари, изјави претходно таа.

Носеа медали за Германија, а сега тоа го прават за Македонија: Илина и Ева македонското знаме ќе го веат и низ Европа

Антонио Димитриевски — Sat, 03 Jun 2023 10:59:14 +0000

Нашите девојчиња Илина и Ева Соколовски повторно редат успеси, а најубавото е што ќе се натпреваруваат под македонско знаме на интернационални натпревари по ритмичка гимнастика. Илина и Ева со родителите живеат во Германија, и сите досегашни нивни успеси, златни, сребрени и бронзени медали што ги освојуваа, ги освојуваа за Германија иако и двете се со македонски пасош. Но, овој пат и за двете задоволството е поголемо, бидејќи, како што велат, ќе ги бранат боите на татковината. Илина се квалификуваше за големото германско финале во ритмичка гимнастика, односно Германскиот куп, кој ќе се одржи на 10 јуни, додека нејзината сестра Ева прв пат ќе ја претставува Македонија на интернационален натпревар, кој ќе се одржи на 15 овој септември во Будва. -Германскиот куп ќе се одржи за 10 дена во градот Вестербург и ова ми е четврти пат што се натпреварувам во финалето, каде секогаш земаат учество топ 15 најдобри гимнастичарки во Германија. Пред две недели се натпреварував во полуфиналето во градот Хепенхаим, во сениорската категорија, каде што настапија 32 натпреварувачки со врвен квалитет. Настапив со три кореографии, топка, чуневи и лента и едноставно тргна се како што треба. Бев перфектна во трите кореогафии, со што се квалификував во големото германско финале или Германскиот куп во ритмичка гимнастика, рече Илина и ги откри плановите: -Во план ми се уште четири интернационални натпревари оваа и следната година. Натпреварите ќе бидат во Полска, Италија, Германија и Португалија. Сите овие натпревари ќе ми бидат како еден вид подготовка за Европското првенство на кое за прв пат ќе ја претставувам Македонија, вели Илина. Но, успеси во оваа дисциплина не реди само Илина, туку и нејзината сестра Ева(13). Ева, по големите успеси во Германија, за првпат ќе настапи на интернационален натпревар, каде ќе ја претставува Македонија. -Интернационалниот натпревар по ритмичка гимнастика ќе се одржи на 15 септември во Будва. Ќе се натпреварувам под македонско знаме и задоволството е глемо. Но, голема е и одговорноста, да направам се што можам достојно да ја претставам Македонија. Па прв пат ја претставувам Македонија и ќе навистина ќе дадам се од себе за да направам што подобри резултати и да ја претставам татковината во најдобро светло, вели Ева.

Македонија е мала, но големи сме во срцето и успесите: Злато и бронза во ритмичка гимнастика за Ева и Илина Соколовски во Германија

Антонио Димитриевски — Wed, 05 Apr 2023 10:54:14 +0000

Македонските девојчиња Илина(16) и Ева(13) донесоа злато и бронза за Германија. Двете сестри Македонки, кои живеат во Германија, го освоија првото, односно третото место на турнирот по ритмичка гимнастика во републичките наптревари и своите витрини ги закитија со по уште еден пехар. Успехот е поголем што Илина и Ева со нивните години се натпреваруваат во поголемите класи. Ева, која има 13 се натпреваруваше во класа до 15 годишна возраст, на турнирот во германското градче Падерборн и по четврти пат го освои првото место. Додека Илина, која има 16 години на турнирот во Бохум го освои третото место. Токму поради овој голем успех дветге се квалифицира во шолуфиналето на Германија кое ќе се одржи на 29 и30 овој месец во Хефенхајм. Илина, која веќе има и интернационална кариера се натпреварува во сениорската класа, но за разлики од изминатите години сега конкуренцијата е многу посилна, а тоа и дава мотив повеќе да реди успеси. -Ми предизвикува задоволство да се натпреварувам во ваква силна конкуренција. Велам силна е конкуренцијата, бидејки многу гимнастичарки од Украина и Русија поради проблемите во своите дрзави ги потполнија германските клубови. Веќе неколку години ја следам мојата конкуренција, тоа се гимнастичарки поголеми по возраст од мене. Тие некогаш беа мои идоли, а сега ќе треба да ги мерам моите вештини со нив. Знам дека ова за мене е нешто ново, нешто што бара многу труд, но не се плашам. Знам дека ние доаѓаме од малата Македонија, но сме големи во срцето и успесите. Затоа не се плашам, ни рече Илина, која ќе ја претставува Македонија на евроското првенство во гимнастика. -Откако одлучив да ги бранам бите на нашата татковуна не застаувам. Тренирам по шест пати во неделата, а по четири часа преку викендит, но некогаш се случува и по шест часа. И не ми е тешко ништо, напротив, се правам со голема желба, во најдобро светло да ја претставам Македонија, рече Илина.

Илина Соколовска освои сребрен медал на Интернационалниот натпревар по ритмичка гимнастика во Германија на песна на „Некст тајм“

Антонио Димитриевски — Mon, 12 Dec 2022 07:14:09 +0000

Песната „Кога падна на Пирина“ од „Некст тајм“ беше инспирација на Илина Соколовска за настап на Интернационалниот натпревар по ритмичка гимнастика во Германија и се закити со вицешампионско место. Илина се натпреваруваше за Германија и и донесе сребро во конкуренција на над 20 земји учеснички од целиот свет. Со овој натпревар, кој се одржа во Леверкузен, македонското девојче Илина, кое веќе неколку години реди успеси за Германија, ја заврши сезоната на спортување и има пауза до фебруари, кога ќе стартува новата сезона. -Среќна сум многу, особено што настапуваа гимнастичарки од над 20 земји од целиот свет. Им се радувам на сите медали што ги освоив за Германија, но ми е жал што не се тоа успеси за Македонија. А оваа песна ја одбрав бидејќи иако живееме во Германија, ние дома постојано слушаме македонска музика, а и ги сакам „Некст тајм“, ни рече Илина. Илина и нејзината помала сестра Ева се дел и од Бундес лига и во претходните два напревари екипно ги освоија вторите места за Бундес лига и на републичкиот напревар. -Се натпреварував екипно и се собираа поени за целиот тим. Ние со нашиот тим по бодови бевме втори уште по вториот натпревар. Четири екипи се сретнаа во финале и се натпреваруваа кој ќе биде првак на Германија, а кој ќе биде во прва Бундес лига, ни рече Илина, која и на двата натпревари се натпреваруваше со повреда. Но, и покрај тоа што имаше проблем со ногата, сепак, успеа екипно да освои најмногу бодови и да го освојат сребрениот медал. - Последниве месеци напорно тренирав, ме чекаа големи натпреварувања и немаше простор за одмор. Одеднаш почна ногата да ме боли, едвај газев на неа, но не се откажав. И покрај болките настапив. Бев на лекар, ми рекоа дека имам истегнат мускул. Затоа во оваа пауза до почеток на новата сезона ќе вежбам само фитнес заради мускулите, ни рече Илина. Нејзината помала сестра, Ева, пак, пред една недела имаше републички напревар и го освои второто месо.

Бронза за македонското девојче во Бундес лигата во Германија: Нов успех на Илина Соколовска во ритмичка гимнастика

Антонио Димитриевски — Thu, 27 Oct 2022 08:54:38 +0000

Срцето му е топло на секој Македонец, кога наши луѓе ќе успеат во светот. Едни од нив се сестрите Илина и Ева Соколовски, кој нижат успеси низ Германија во ритмичка гимнастика. Она што во моментов претставува македоска гордост е успехот на Илина (16) во Бундес лигата, која започна по пауза поради короната. И на стартот на натпреварувањето Илина се закити со бронза. Таа екипно викендот настапуваше во Берлин, каде освои високи поени, но екипно за влакно им побегна среброто. До крајот на спортската сезона претстојат уште многу натпревари, кога на крајот се собрираат поените и се прогласува победникот. -Настапив со три точки, топка, чуневи и лента. Благодарејќи на високите поени во соло настапите идниот месец заминувам за Леверкузен, каде ќе имам интернационален настап, ни рече гордо Илина. Она што е важно, пак, за нејзината помала сестра Ева (12), е што оваа година таа остана на резервната клупа во нејзината категорија во Бундес, бидејќи поради годините се уште не е дел од ова најголемо германско натпреварување, но поради талентот и наградите што ги има зад себе добила покана да биде дел од Бундес лигата, но само доколку е потребно за замена. А до крајот на спортската сезона овие две македонски сонца, кои боите на Германија го бранат со македонски пасош, ги очекуваат повеќе републички и интернационални натпревари. Колку е голема љубовта кон овој спорт покажува и фактот што Илина минатиот месец присуствуваше на светскиот натпревар по ритмичка гимнастика, што се одржа во Софија, а таму е пресреќна што се запознала со својот идол. -Неочекувано пред мене се создаде олимпискиот победник од Израел Ашрам. Јас се исрадував и јас ја повикав. Таа дојде до мене и се сликавме. Пресреќна сум, бидејќи таа е најдобра во овој спорт, го сонувам нејзиниот успех и сонот ми се оствари лично да ја запознам, вели Илина. Илина и Ева веќе се подготвуваат за наредниот месец во Леверкузен, каде ќе се натпревруваат во нивните категории. И секако, како што е вообичаено, очекуваме да се закитат со некој медал.

Илина Соколовска го освои првото место во ритмичка гимнастика на OWL куп во Билефилд

Антонио Димитриевски — Mon, 02 Dec 2019 10:41:56 +0000

Илина Соколовска го освои првото место на натпреварот по ритмичка гимнастика наречен OWL куп кој се одржа пред неколку дена во германскиот град Белефилд. На овој натпревар настапи и нејзината помала сестра Ева, која со девет години во нејзината категорија го освои второто место. Илина со оваа победа ја отвори сезоната на натпревари во Бундес лигата и иако според годините е мала, сепак, заради големиот талент и досегашните резултати, од оваа година таа ќе се натпреварува во сениорската категорија во германската прва лига, каде учествуваат и гимнастичарки до 20 години. -Илина беше перфектна, заслужено го освои златниот медал. Настапи во две категории, јаже и топка, и ги освои највисоките поени од комисијата. Ева, пак, досега на сите натпревари победувала, но овој пат настапи со јаже и соло и освои сребрен медал. Ме радува што Илина со победа ја отвори сезоната во Бундес лигата иако не беше лесно бидејќи настапуваше со девојчиња кои се по неколку години постари и поискусни од неа. Но се подготвуваше четири месеци. Од август работи на кореографиите и тоа со нејзиниот тренер Мариа Габриела Тромпетеро од Венецуела, која зад себе има големо минато со светски резултати, вели нивниот татко Горан Соколовски. За да дојдат до овие големи резултати Илина и Ева тренираат секој ден по неколку часа. Затоа овој куп го почнаа со злато и сребро, што значи дека ги очекува светла иднина во Бундес лигата. Првиот официјален Бундес натпревар Илина ќе го има наскоро во градот Кобленц а потоа вториот во Берлин. Илина и Ева со родителите живеат во Германија, но на натпреварите на домашен терен и на интернационално ниво овие две македонски сонца учествуваат со македонски пасоши.

„Зајди, зајди“ инспирација за настап за медал (ВИДЕО)

Антонио Димитриевски — Tue, 24 Sep 2019 12:01:03 +0000

Македонската народна песна отсекогаш била почитувана и ценета ширум светот. Убаво е чувството додека гледате некој натправар за време на пауза или за самото времетраење на спортскиот чин да се слушне еден од македонските изворни фолк класици. Токму таков пример е Светското првенство во ритмичка гимнастика на партер што се оддржи минатата година, каде за време на настапот на младата 17 годишна гимнастичарка од Италија, токму верзија од македонската изворна народна песна “Зајди, зајди” беше музичкиот избор на нејзиниот стручен тим, по што натпреварувачкат доби и награда за својот исклучително добар настап. За какво совршенство на музика, движења и вежби со ритмички фигури станува збор, слушнете и погледнете во продолжение:

Сестрите Соколовски и оваа сезона се едни од најдобрите во ритмичка гимнастика во Германија

Антонио Димитриевски — Tue, 16 Jul 2019 11:01:36 +0000

Сестрите Илина (13) и Ева (9) Соколовски со прво и трето место ја завршија сезоната на натпревари по ритмичка гимнастика во Германија и се едни од најдобрите во овој спорт. Ева во завршниот турнир го освои првото место, односно златниот медал во нејзината категорија, додека Илина го освои бронзениот медал, односно третото место. Завршниот натпревар, кој е традиционален летен турнир за летен пехар се одржа во Минстер и по големата победа Илина и Ева заминуваат на заслужен одмор, кој секако ќе биде исполнет со тренинзи бидејќи од есен ги чека нов предизвик и нови победи.

„Илина и Ева досега од ниеден турнир не се вратиле без пехар. Ева досега има 12 натпревари и од сите 12 се вратила со прво место. Илина иако има 12 години од последнава сезона поради големиот талент се натпреварува во категорија на спортисти во групата од 15-16 години. Таа минатата година имаше и еден интернационален настап во Украина, каде го освои првото место и беше прогласена за принцеза за ритмичка гимнастика. Овој пат го освои третото место, но со многу мала разлика во поени. Иако и двете се со македонски пасош, сепак, Германија многу вложува во нивниот талент и во клубот каде тренираат доаѓаат светски тренери да им ги покажат вештините во овој спорт“ - вели нивниот татко Горан Соколовски.

Дека македонските девојчиња Илина и Ева се гордост на Германија покажува и фактот што после секој турнир и награда медиумите не штедат зборови за пофалба. Годинава Илина на турнирите четири пати била прва, додека Ева од три натпревари сезонава три пати се вратила со златен медал. Затоа и германските медиуми за нив велат дека каде и да настапуваат се враќаат со награди и дека станатите натпреварувачки треба да се плашат од нивниот талент и успех. „Од секој турнир се враќаат со награди.

Браво за Илина која поради големиот талент и умешност се натпреварува во категорија на спортистки кои се поголеми д неа и на Ева која знае само за прв место“, пишува меѓу другото во медиумите во Германија. Колку Илина и Ева се познати и признати покажува и фактот што дел од фирмите веќе ги ангажираат за заштитни лица за рекламирање на нивните производи.

Илина и Ева заминуваат на летен одмор во Македонија, каде секој ден со наши тренери ќе вежбаат по неколку часа на ден. Од есен ги очекува нова сезона со нови успеси.