ристо самарџиев – Вистина.мк

Мартинијан Кириловски со награда на „Макфест“ ја овековечи својата – „Вистина“ (ВИДЕО)

Антонио Димитриевски — Mon, 20 Sep 2021 12:09:54 +0000

На 36-то издание на Фестивалот на забавни мелодии „Макфест 2021“ се одржа изминатиов викенд во Штип, младиот пејач Мартинијан Кириловски го освои второто место.

View this post on Instagram

A post shared by Martinijan Kirilovski (@martinijankirilovski)

Неговата песна „Вистина“ веќе ги освои симпатиите на публиката не само во салата на домот на културата во Штип, и онаа на малите екрани која го следеше ТВ преносот, туку таа наголемо се врти и на радиостаниците, а видеото има бројни прегледи на Јутјуб. Текстот и музиката се на Ристо Самарџиев, а аранжманот го потпишува Давор Јордановски. Пресреќен заради наградата, Мартинијан е полн со емоции и впечатоци по заслуженото признание. „И покрај тоа што знаев дека настапот ќе биде одличен, проследен со силна позитивна енергија, чувствував и доза на одговорност бидејќи се појавувам како победник на Макфест 2019. На секој изведувач му е важно песната да остане, да се слуша и да се запамети. Остануваат да се слушаат само оние песни кои публиката ќе ги избере по завршувањето на фестивалот. Да бидеме искрени, секој очекува успех на фестивалот, но сепак се изненадив од реакциите и позитивните коментари за песната, но и од втората награда на фестивалот која со задоволство ја прифатив. Се надевам дека „Вистина“ ќе биде навистина слушана песна и дека ќе стане вистински хит“ - истакна младиот пејач во својата изјава. Инаку песната е снимена и миксана од Давор Јордановски и Валентино Скендеровски кој го потпишува и мастерингот на песната, која е реализирана во неговото музичко студио „Enterprise“. „Вистина“ е визуелизирана и со видео кое го потпишуваат Никола Павловски и Марко Јовановски ( “Revolution Pictures“ ), а режијата е на Никица Јанковски. Како звучи и изгледа вицешампионската песна од последниот „Макфест 2021“, проследете во продолжение: [embed]https://www.youtube.com/watch?v=bg-34RH4dV0&t=2s[/embed]

Мартинијан Кириловски го освои „Макфест 2019“ со – „Стопати на ден“ (ЛИРИК ВИДЕО)

Антонио Димитриевски — Mon, 14 Oct 2019 12:03:20 +0000

На финалната вечер на 34-то издание на фестивалот нма забавни мелодии „Макфест 2019“ каде беа изведени 20 композции, победи песната насловена „Стопати на ден“ која на сцената на домот на културата во Штип ја изведе младиот кумановец Мартинијан Кириловски. Тој го отвори фестивалот на првата полуфинална вечер, но и го затвори на финалето како победник со освоени пет илјади евра, предвидени за првопласираната песна. Со ова нејзиниот автор Ристо Самарџиев (музика и текст) стана најнаградуваниот автор во историјата на „Макфест“ што како автор, што како изведувач или обете. Аранжманот на победничката песна го направил Иле Спасев, кој ги сработил и миксот и мастерингот, а истата е снимена и во неговото студио. Придружните вокали на баладата „100 пати на ден“ ги испеала Сара Николовска, а како звучи годинешната макфестовска победничка песна, проследете во продолжение заедно со нејзиното лирик видео составено од стиховите на истата. https://www.youtube.com/watch?v=ZlVvMtDGk1Q

Мартина Митревска ја екранизираше макфестовската „Мое мило“ (ВИДЕО)

Антонио Димитриевски — Fri, 16 Nov 2018 08:58:56 +0000

Мартина Митревска го промовираше спотот за макфестовската тема „Мое мило“. За реализацијата на деби- видеото на младата пејачка се погрижила екипата од „Пирамид Продукција“.

Музиката и текстот ги создаде Ристо Самарџиев, а аранжманот, миксот и мастерингот се дело на Кристијан Габроски.

„Годинава по втор пат настапив на Макфест и многу ми е драго што испеав една среќна љубовна приказна насловена Мое мило. Носам многу убави спомени од снимањето на видеото. Беше навистина интересно и возбудливо“ - открива пејачката која е студент во трета година на факултетот за музичка уметност.

Како звучи и изгледа овој аудиовизуелен макфестовски музички производ, проследете во продолжение: https://www.youtube.com/watch?v=eMcl_5knqYU&fbclid=IwAR1G9hDU31PZgDxNjDTJihi-Feqoq6ir1g6nFqOgAcxPOFFw3ioE5NLm0wE

Филип Јордановски со баладата „Без тебе“ победи на поп вечерта на „Охрид Фест 2018“ (АУДИО)

Антонио Димитриевски — Wed, 12 Sep 2018 12:31:32 +0000

Со песната „Без тебе“ на композиторот Владимир Дојчиновски - Дојчин и текстописецот Ристо Самарџиев, со македонскиот поп пејач Филип Јордановски ја освои првата награда од жирито на поп вечерта на годинешшниот фестивал „Охрид Фест 2018“ .

Ова воедно беше и враќање на сцената на поп пејачот кој направи пауза откако за прв пат стана татко, а токму неговата сопруга и синчето беа неговата најголема поддршка на фестивалот.

Последен пат на македонската музичка сцена Јордановски беше активен пред околу две години откако ја објави песната со патриотска содржина „Вечна Македонија“, а претходно и емотивната „Погледни ме“. Сепак, за време на двегодишната пауза пејачот сосема не мируваше, па иако креативно не беше активен, тој сепак имаше и доста набиена агенда со настапи по кафулињата и клубовите како низ Скопје, така и ширум Македонија.

Како звучи победничката фестивалска балада „Без тебе“, дознајте во продолжение. https://www.youtube.com/watch?time_continue=57&v=Ly-yf3mgnnY