ристо апостолов – Вистина.мк

„Поведи ме“ на нови љубовни бранови од „Водолија“ (лирик видео)

Слободанка Илиева — Mon, 12 Jun 2023 06:38:57 +0000

Нешто повеќе од една година откако ја објавија нивната поп-рок песна насловена „Страст“, групата „Водолија“ има нов сингл. Овој пат, нивната нова музичка творба е „Поведи ме“ за која исто како и за претходната, најголема инспирација да ја комплетира музички, со текст и арнажман, стои потписот на лидерот на бендот, Ристо Апостолов. Довербата за графичкото обликувањена лирик видеото, повторно и припадна на академскиот уметник Натали Николовска. Првиот сингл на „Водолија“ за 2023 е во препознатливиот музички израз на Апостолов, кој овој пат претставува една ведра гитарска мелодија, инспирирана од љубовта.

„Водолија“ со сета сласт се’ уште ви ја нуди старата добра рок ен рол -„Страст“ (ЛИРИК ВИДЕО)

Антонио Димитриевски — Mon, 14 Mar 2022 14:04:15 +0000

По пауза од речиси една и пол година, македонскиот поп-рок бенд „Водолија“ предводен од гитаристот и автор Ристо Апостолов има нова песна. Песната е насловена „Страст“, а комплетен автор на истата ( музика, текст, аранжман) е гитаристот и лидер на бендот, Ристо Апостолов. Песната е визуелизирана со лирик видео, за чиј графички дизајн се погрижила академскиот уметник Натали Николовска. Музички „Водолија“ останале верни на стариот добар поп-рок звук од 80-ите и 90-те, во кој доминира чистиот гитарски „У2“ звук поткрепен со едноставната но цврста ритам секција составена од бас гитаристот Бојан Митановски и Весела Христовска на тапани. Рок освежување во време на стерилната технологија и компјутерски играчки во рацете на новите генерации.

„Водолија“ е одново „Полна со магија“ (АУДИО)

Антонио Димитриевски — Wed, 02 Sep 2020 12:46:17 +0000

По пауза од речиси една и пол година, македонскиот поп-рок бенд „Водолија“ предводен од гитаристот и автор Ристо Апостолов има нова песна. Нејзиниот наслов е „Полна со магија“, а како и обично комплетен автор на музиката, аранжманот и текстот е Ристо Апостолов, кој стои и зад снимањето, миксот и мастерингот. Засега на Јутјуб каналот е пуштен само аудиозаписот, но според зборовите на авторот, во план е да се направи видеоспот. „Полна со магија“ звучи сосема солидно продукциски и авторски зрело, и се чини дека е логично продолжение на правецот кој бендот го тера со претходната нивна песна „Само еден“. Како и нивната претходничка и најновата е доволно модерна и моќна, „Полна со магија“ за да ги освои и љубителите на рок звукот, но и оние на комерцијалната нота, а патем подеднакво погодна и за вртење на радиостаниците и за изведба на жива свирка. Инаку во „Водолија“, покрај Ристо, членуваат уште и бас гитаристот Бојан Митановски и тапанарката Весела Христовска. https://www.youtube.com/watch?v=4rtdvLu_inc

Ристо Апостолов наместо Александар Митевски беше дел од нашето стручно жири за „Евровизија 2019“

Антонио Димитриевски — Tue, 21 May 2019 11:01:23 +0000

Пред да започне годинешната Евровизија 2019 во тел Авив, дел од македонските медиуми, меѓу кои и нашиот портал Вистина.ком.мк ги објави имињата на најавените членови на македонското стручно жири во текстот: „Еве кој е во нашето стручно жири за Евровизија 2019“. Членовите на жирито ги одбира националниот сервис во секоја земја, така што кај нас изборот го прави МРТ. Во него првично беа најавени: претседателката Сузана Стефановска, музичка уредничка и водителка во МРТ – Радио 2, а заедно со неа своите гласови ќе ги дадат и виолончелистката и пејачка Фјола Исмаили, поп-пејачот Роберт Вукелиќ, диџејката Христина Мицковска и авторот и пејач Александар Митевски.

Но, во последен момент, заради семејни обврски ( матурата на ќерката -н.з.), Александар Митевски го откажал учеството, а на негово место дошол гитаристот, вокалист и автор Ристо Апостолов, познат како лидер на рок групата „Водолија“. Така што му се извинуваме на авторот и пејач Александар Митевски, за ненамерно сторената грешка, односно објавениот пропуст, со тоа што сега ја објавуваме исправката. Редакција Вистина.ком.мк

„Водолија“ потсетува дека овој живот е – „Само еден“ (ВИДЕО)

Антонио Димитриевски — Tue, 19 Mar 2019 12:17:28 +0000

Македонскиот поп-рок бенд „Водолија“ предводен од гитаристот и автор Ристо Апостолов има нова песна и видео за неа. Насловот на новото парче музика е „Само еден“.

Музиката текстот и аранжманот се на фронтменот на групата Ристо Апостолов кој воедно е и режисер и монтажер на видео записот за истата.

Спотот се снимаше во просториите на Универзитетот за аудиовизуелни уметности – Есра, а за техниката се погрижи Деосол Медиа.

Во спотот покрај Ристо се појавуват и стандардните членови на составот: бас гитаристот Бојан Митановски и атрактивната тапанарка Весела Христовска.

Овој пат таа во видеото наместо зад тапаните, ја има улогата на женски секси модел чии сценски движења имаат елементи на пантомима.

Како сето тоа звучи иизгледа во „Само еден“ на групата „Водолија“, проследете во продолжение: https://www.youtube.com/watch?v=Y6M_YI73-ZU