Ris Flower – Вистина.мк

Ris Flower со официјална акустична верзија на “Come Undone” од Duran Duran (ВИДЕО)

Антонио Димитриевски — Tue, 16 May 2023 12:26:05 +0000

Пред концертот кој ќе се одржи овој четврток, 18 мај 2023 во Станица 26, македонскиот музичар Борис Цветановски алиас Ris Flower, изненадува со уште едно фантастично парче музика – Акустична верзија на хитот “Come Undone” од “Duran Duran”.

Акустичната верзија на “Come Undone” во изведба на Ris Flower е емотивна балада во која доминира одличниот вокален перформанс на Ris Flower, надополнет со женски пратечи вокал, пијано и виолончело. Ris Flower ги доби официјалните права од членовите и од продукциската куќа на англискиот бенд “Duran Duran” за препев на еден од најголемите музички хитови на сите времиња – “Come Undone”. Песната е снимена во студиото “ARI” во Истанбул, а за врвната светска продукција се погрижи продуцентот и аранжер Мустафа Чанбазлар. Овој сингл излегува непосредно пред концертот кој ќе се одржи во четврток – на 18ти мај во клубот Станица 26 во Скопје, на кој Ris Flower ќе го промовира албумот “Flow”. Влезниците се веќе пуштени во продажба преку продажната мрежа на www.mktickets.mk https://mktickets.mk/event/ris-flower/ Као звучи акустичната верзија на “Come Undone” од Duran Duran во изведба на Ris Flower, проследете од видеото во продолжение (КЛИКНИ ТУКА):

Ris Flower со преработка на хитот “Come Undone” од култните “Duran Duran” и концерт во „Станица 26“

Антонио Димитриевски — Tue, 09 May 2023 12:34:01 +0000

Ris Flower со официјална согласност од членовите на легендарната англиска група “Duran Duran”, го објави својот кавер на еден од најголемите поп-рок хитови на сите времиња – “Come Undone”. Песната е снимена во студиото “ARI” во Истанбул, а врвната светска продукција се погрижи продуцентот и аранжер Мустафа Чанбазлар. “Чест ми е што добив одобрение од продукциската куќа на “DURAN DURAN” да изработам официјален кавер на една од моите омилени песни. Во оваа преработка целта ми беше да ја задржам уникатноста на мелодиите на ова ремек-дело, а воедно да оставам и свој специфичен препознатлив печат преку вокалната изведба и современата продукција. Презадоволен сум од постигнатиот резултат, размислувам да снимам и акустична верзија на песната.”, изјави Ris Flower. Имено, Ris Flower го издава овој сингл непосредно пред својот концерт кој ќе се одржи на 18-ти мај во клубот Станица26 во Скопје, на кој ќе го промовира својот прв албум “Flow”. Влезниците се веќе пуштени во продажба преку продажната мрежа на www.mktickets.mk.

Концертна промоција на албумот “FLOW” на „Ris Flower“ во „Станица 26“

Антонио Димитриевски — Wed, 26 Apr 2023 12:47:49 +0000

На 18ти мај 2023г. , во клубот “Станица 26”, со почеток од 21:00 ќе се одржи концертна промоција на долгоочекуваниот прв албум на Ris Flower, насловен “FLOW”.

Покрај авторските композиции, меѓу кои познатите “Flying to Berlin”, “Translucent”, “Light Of Your Soul” и многу други,

на концертот ќе бидат промотивно изведени и кавер-хитот на Ris Flower– „Сите Мои Слики“ од „Ареа“ и официјалниот кавер на песната “Come Undone”, во соработка со продуцентската куќа на “Duran Duran”.

На сцената, “Ris Flower” ќе биде придружуван од својот бенд составен од феноменалните музичари:

Djole Maksimovski – бас,

Dino Milosavljevic – тапани,

Pavle Vasiljevic – гитара

Александра Кировска – гитара

Концертот ќе биде отворен со настап на познатиот поп пејач од Малта, Dylan Debono , а како специјални гости публиката ќе има можност да го слушне еден од најперспективните македонски рок бендови Red18.

Картите се веќе пуштени во продажба преку продажната мрежа на www.mktickets.mk

„Light of your soul” – уникатно рокенрол доживување со Ris Flower во „Public Room“

Антонио Димитриевски — Tue, 22 Nov 2022 12:22:34 +0000

На 13-ти декември со почеток во 21 часот во „Public Room“ придружуван од својот бенд, Ris Flower ќе одржи ексклузивен интимен концерт каде ќе го претстави неговиот најнов проект “Light Of Your Soul”.

На концертот ќе бидат изведени досегашните комплетно авторски песни на RIS FLOWER, а публиката ќе има можност за прв пат во живо да ги чуе и новите, досега необјавени песни.

На сцената, тој ќе биде придружуван од неговиот бенд, составен од врвни музичари и долгогодишни соработници: Џоле Максимовски – бас гитара, Мустафа Чанбазлар – клавијатури, Арикан Сиракаја – тапани и Александра Кировска – гитара.

”Секогаш уживам на сцена и затоа со нетрпение очекувам да настапам пред скопската публика. Подготовките за концертот се започнати и можам да кажам е дека ќе биде навистина енергично шоу, различно од се останато. Особено ми е драго што на концертот ќе настапат и музичарите од Турција, екипа со кои ја работам музиката во изминатите години” - вели музичарот.

Влезниците веќе се во продажба преку продажната мрежа на “Купи Карти За Се” - линк : https://www.kupikartizase.com/Events/ris_flower

Ris Flower ја претстави својата – “Zое” (лирик ВИДЕО)

Антонио Димитриевски — Wed, 01 Jun 2022 12:53:52 +0000

Македонскиот музички артист Борис Цветановски познат под псевдонимот Ris Flower со својот интернационален музички проект, после фантастичниот сингл “Flying to Berlin”, во светскиот етер е присутен со нова сингл тема, насловена: “Zое”. “Zoe. What kind of goddess is she? She keeps going back and forth with me. ” „Компонирав песна која ќе има свежина и ќе биде комбинација на привлечна популарна мелодија и класичен рок ритам. По „Flying To Berlin“, песната „Zое“ е надополнување на приказната и е најава за следните синглови кои ќе следат во текот на оваа година“ - вели Рис. Музикаta и текстot se na Ris Flower,аранжманot и продукција ги изработил Мустафа Чанбазлар од Турција, миксот и мастерингот ги потпишува Арикан Сиракаја, а и оваа тема е снимена во “Studio Ari” во Истанбул, Турција. Слушнете како звучи „Zое” од лирик видеото направено за оваа тема на Ris Flower :

Борис Цветановски алиас Ris Flower со нов сингл и видео – „Hearts So Cold” (ВИДЕО)

Антонио Димитриевски — Thu, 25 Nov 2021 07:15:21 +0000

Македонскиот музички артист Борис Цветановски познат под псевдонимот Ris Flower, од денес во светскиот етер е присутен со нов сингл: „Hearts So Cold”. По неговото последно издание “Live Power Session” (последно нешто снимено во веќе легендарната “Универзална Сала Скопје”), Борис Цветановски a.k.a Ris Flower, на музичките сладокусци им носи нова песна која со својот специфичен ритам, модерен звук и моќни, енергични вокали е најава за првиот албум на Ris Flower кој ќе се реализира во 2022 година. “Во време кога на глобално ниво срцата се насекаде ладни, единствено љубовта е нешто што може да ни даде сила, енергија и топлина. Време е да кажеме громогласно “НЕ!” и да се бориме против негативните влијанија кои се почесто секојдневно не опкружуваат. Верувам дека пораката која ја пренесувам преку мојата нова песна “Hearts So Cold” ќе допре до луѓето и ќе ги охрабри во овие ладни времиња”, вели Ris Flower. Песната е снимена во “Studio Ari” во Истанбул, Турција. Музиката и текстот се на Ris Flower, додека аранжманот и продукцијата на Мустафа Чанбазлар. Што се однесува до видеоспотот, режисер на истиот е Бруно Велјановски, зад камерата Борис Ралев, додека пак истиот го монтираше Владимир Владимиров. Со промоцијата на оваа песна, Ris Flower ја промовира и својата прва колекција за облека под името “Flowear” (@theflowear) чија тема се текстовите од песните на Ris Flower.

Домашен продукт за извоз во светот: Ris Flower – „Set Me Free“ (ВИДЕО)

Антонио Димитриевски — Wed, 03 Mar 2021 13:51:26 +0000

Откако кон крајот на септември минатата 2020 година бо бројно присуство на афирмирани артисти, музички експерти, колеги, пријатели и новинари во средата во кафулето „Каза бар“ во Скопје беше промовиран новиот музички проект на македонскиот артист Борис Цветановски кој на интернационалната музичка сцена се престави со псевдонимот Ris Flower со дебитантската тема „Translucent“, еве го и второто парче од проектот кое денес, 03. март 2021 година беше промовирано во етерот со видео под наслов „Set Me Free“. Ris Flower со творењето на привлечни популарни теми и заразни мелодии, отпеани на англиски јазик, се обиде да создаде производ кој неоспорно ќе има капацитет за достигнување на светските плејлисти. Мистериозните текстови споени со музичките теми кои би допреле до секој, го дефинираат Ris Flower како инди-поп артист со машавина, од рок, денс-рок, пост-брит поп и инди-хаус елементи, споени во еден своевиден оригинален микс. Снимањето и обработката на овој музички проект се направени од врвни и докажани продуценти во едни од технички најопремените и модерни музички студија во Турција, додека ангажираните музичари и продуценти за овој проект се всушност соработници на најголемите турски ѕвезди како Таркан, Мустафа Сандал, Сертеб Еренер и многу други. Како продуценти и автори на аранжмани во овој проект се јавуваат Павле Васиљевиќ и Мустафа Чанбазлар, Арикан Сиракаја – микс и мастеринг (Studio Ari). Музиката и стиховите за „Set Me Free“ се напишани од Ris Flower (Борис Цветановски) и Павле Васиљевиќ, кој е и аранжер на темата, како и музички продуцент заедно со Борис Цветановски, Мустафа Чанбазлар и Арикан Сиракаја, чии се и миксот и мастерингот, а сето тоа е изработено во студиото „Ари“ во Истанбул. Видеот за песната е уредно и режирано од Бруно Вељановски, додека како директор на фотографија се потпишува Борис Ралев. Во спотот покрај Ris Flower (Борис), уште свои улоги имаат и Ана Ежова, Ана Марија темелковска, Ана Ковачева и Кристијан Лафазановски, а спотот е сниман на локација во скоспскиот хотел и спа Парк. https://www.youtube.com/watch?v=4BIUNhgZ9Dk

Борис Цветановски како „Ris Flower“ ќе се претстави пред светската музичка сцена, за почеток со – „Translucent” (ВИДЕО)

Антонио Димитриевски — Thu, 17 Sep 2020 10:19:10 +0000

Во бројно присуство на афирмирани артисти, музички експерти, колеги, пријатели и новинари во средата во кафулето „Каза бар“ во Скопје беше промовиран новиот музички проект на македонскиот артист Борис Цветановски, кој на интернационалната музичка сцена ќе се претстави под псевдонимот Ris Flower. Неговата експлозивност како фронтмен препознаена од многумина, во комбинација со творењето на привлечни популарни теми и заразни мелодии, отпеани на англиски јазик, тој создава производ кој неоспорно има капацитет за достигнување на светските плејлисти. Мистериозните текстови споени со музичките теми кои би допреле до секој, го дефинираат Ris Flower како инди-поп артист со мноштво од рок, денс-рок, пост-брит поп и инди-хаус елементи. Снимањето и обработката на овој музички проект се направени од врвни и докажани продуценти во едни од технички најопремените и модерни музички студија во Турција, додека ангажираните музичари и продуценти за овој проект се всушност соработници на најголемите турски ѕвезди како Таркан, Мустафа Сандал, Сертеб Еренер и многу други. Како продуценти и автори на аранжмани во овој проект се јавуваат Павле Васиљевиќ и Мустафа Чанбазлар, Арикан Сиракаја - микс и мастеринг (Studio Ari), Ема Јакимова како проект координатор и контент креатор и Даниела Ѓуровска како главен стилист. Првата песна од овој проект е насловена „Translucent”, за која е изработен и видео запис. Темата во видеото е заробеноста на ограничениот ум во „коцката” (кутијата) и трнливиот пат кој треба да се мине за да се излезе од неа и да се дојде до состојба на слобода, конечно ослободување на умот. Снимањето, продукцијата и режијата на видео записот е комплетно дело на Андреј Ѓорѓиевски. „Translucent” е најава за се она во периодот што следи од „Ris Flower”. Борис Цветановски можете да го следите на сите популарни музички платформи Apple Music, Spotify , Deezer, и на неговиот официјален YouTube канал на музичкиот сервис VEVO. https://www.youtube.com/watch?v=YtQAgagKses