рики мартин – Вистина.мк

Рики Мартин се разведува од сопругот по шест години брак

Слаѓана Атанасова — Fri, 07 Jul 2023 07:03:25 +0000

Рики Мартин и Џон Јозеф се разведуваат по шест години брак, пишува CNN. „Одлучивме да ставиме крај на нашиот брак со љубов, почит и достоинство за нашите деца, почитувајќи го сето она што го доживеавме како пар за сите овие прекрасни години“, рече парот во изјавата за People, пренесува CNN. „Нашата најголема желба е да продолжиме да имаме здрава семејна динамика и односи засновани на мир и пријателство за да продолжиме заедно да ги воспитуваме нашите деца, зачувувајќи ја почитта и љубовта што ја имаме еден кон друг“, објавија тие.

View this post on Instagram

A post shared by Ricky Martin (@ricky_martin)

Рики и Џаван ја имаат ќерката Лусија, родена во 2018 година и синот Рено, роден во 2019 година. Во 2008 година, Рики Мартин ги имаше близнаците Матео и Валентино, кои продолжи да ги одгледува како самохран родител. Фото: Принтскрин/Инстаграм/АФП/Кристоф Симон

Рики Мартин го возврати ударот: Му прати контратужба на внукот кој го обвини за инцест и му бара 20 милиони долари (фото)

Слаѓана Атанасова — Fri, 09 Sep 2022 09:47:12 +0000

Пејачот Рики Мартин (50) против својот внук покренал правна постапка за изнуда, злонамерно гонење и злоупотреба на правата, а во тужбата поднесена минатата недела стои дека се бара паричен надомест од 20 милиони долари, пишува „People“. Имено, Денис Санчез Мартин го обвини пејачот за семејно насилство на почетокот на јули 2022 година, поради што Рики доби забрана за приближување на својот внук. Пријавениот тврдел дека се плаши за својата безбедност бидејќи пејачот наводно одбил да ја прекине романтичната врска и го малтретирал и демнел. Двајцата требаше да се соочат на суд на 21 јули, но беше објавено соопштение од адвокатот на Рики Мартин дека тужителот ја повлекол тужбата.

View this post on Instagram

A post shared by Ricky Martin (@ricky_martin)

Мартин цело време ги негираше овие обвинувања, а потоа неговиот брат Ерик Мартин призна дека Денис имал психички проблеми. Денис е син на сестрата на Рики, која, според адвокатите на пејачот, се обидела да му наштети на Мартин затоа што не го следел на социјалните мрежи и не ја прифатил неговата идеја да создаде профил за децата на пејачот на социјалните мрежи. Потоа го објавил личниот телефонски број на пејачот, принудувајќи го да го смени, а неколку месеци подоцна поднел тужба против Рики, поради што полицијата издала привремена забрана за задржување од 20 дена. - Бев жртва на лаги. Денеска морам да оздравам бидејќи сум многу, повреден. „Никогаш не сум морал да се справувам со ништо толку болно како што доживеав во последните две недели“, рече Рики Мартин во видеото што го објави откако неговиот внук ја повлече жалбата. Фото:Принтскрин/Инстаграм/ricky_martin/Профимедиа

Рики Мартин победи на суд: Внукот ги повлече тврдењата дека пејачот го злоставувал и биле во романтична врска (фото)

Слаѓана Атанасова — Fri, 22 Jul 2022 07:03:01 +0000

Поп-ѕвездата Рики Мартин го доби случајот со својот внук откако тој реши да ги отфрли сите обвиненија против него. Пејачот денеска се појави на суд, но преку апликацијата ZOOM, бидејќи беше обвинет за романтична врска со неговиот внук. Во обвинението и неговиот внук изјавил дека пејачот го малтретирал и го демнел. Судијата, наводно, ја отфрлил мерката за приоѓање која претходно била издадена. По рочиштето се огласија и адвокатите на пејачот. -Како што очекувавме, судот не ја продолжи забраната. Обвинителот (внук на Рики) пред судот изјави дека оваа одлука е само негова, и дека никој не влијаел врз него. Тој изјави и дека е задоволен од луѓето кои го застапувале во оваа правна постапка - пишуваат во соопштението и продолжуваат: - Предлогот за разрешување на овој случај дојде од обвинителот. Ова не е ништо повеќе од случај кога поединец ќе упати лажни обвинувања без начин да ги поткрепи. Драго ни е што нашиот клиент победи на суд и сега може да продолжи со својата кариера и живот. Фото:Принтскрин/Себастијан Ногиер/Профимедиа

Рики Мартин пријавен за семејно насилство – надлежните се обидуваат да го пронајдат! (фото)

Слаѓана Атанасова — Tue, 05 Jul 2022 08:31:00 +0000

Судот и полицијата во Порторико му наредија на Рики Мартин да се држи настрана од својот поранеш партнер, откако анонимно лице пријавило во полиција дека Рики го вознемирува, соопшти полицијата. Наредбата била потпишана, и властите се обиделе да го најдат пејачот за да му ја достават нарадбата, но не успеале. Не е познато кој ја побарал забраната и не се објавени детали, бидејќи наредбата е поднесена според законот за семејно насилство во Порторико, кој бара целосна анонимност. Весникот „Ел Воцеро“ пишува дека во наредбата стои дека Мартин и другата страна биле во врска седум месеци пред да раскинат - пред два месеци. Извештајот наведува дел во кој обвинителот тврди дека Мартин не ја прифатил разделбата и бил виден во близина на неговиот дом најмалку три пати по раскинувањето. Наредбата му забранува на Мартин да стапи во контакт или да се јави со лицето што го тужеше, а судијата наследното рочиште ќе одлучи дали таа треба да остане во сила или да биде укината. Фото:Принтскрин/Инстаграм/ricky_martin/Јутјуб

Рики Мартин откри што му одговорил на синот кога прашал зошто има двајца татковци

Слободанка Илиева — Thu, 19 Nov 2020 11:19:50 +0000

Пејачот Рики Мартин веќе подолго време не ја крие својата сексуална ориентација и ужива во тоа заедно со својот партнер Гван Џозеф скоро четири години. Животната желба на Рики за големо семејство се оствари, па тој и неговиот партнер се горди родители на четири деца. Иако не сака да открива приватни детали од неговиот живот, пејачот сега раскажа што му одговорил на неговиот син кога го прашал зошто има двајца татковци.

View this post on Instagram

A post shared by Ricky Martin (@ricky_martin)

- Беше во моето срце и сè уште си во моето срце - одговори пејачот на неговиот наследник и додаде: „Му објаснив, затоа што не можеше одговорот да остане само на тоа. Му кажав дека постои жена која што ја обожувам и која што ми помогна да ги донесам на овој свет. Жена која „ми го позајми својот стомак“ за да се родат тие, а кога се родија ги зедов во моја прегратка. Тој одговори: „Во ред“ и продолжи да игра“, раскажал Мартин. Да потсетиме, Рики и неговиот добија наследник по четврти пат пред нешто повеќе од една година - синот Рен Мартин Јосиф .Метју и Валентин ги родила сурогат мајка во 2008-та година, а Мартин направил пауза во кариерата за да им се посвети токму нив.

Избраа необично име за бебето: Рики Мартин и сопругот го добија четвртото дете преку сурогат мајка (фото)

Слободанка Илиева — Wed, 30 Oct 2019 10:29:39 +0000

Рики Мартин и неговиот сопруг Џуан Јосеф објавија дека добија син на кој му го дале името Рен Мартин - Јосеф. „Нашиот син Рен Мартин Јосеф се роди денес“, напиша пејачот во описот на фотографија каде позираат заедно со бебето, а очигледно името е комбинација од она на пејачот и неговиот партнер. На пејачот и неговиот сопруг ова е четврто дете, а веќе ја имаат ќерката Лусија, а преку сурогат мајка добија и близнаци. Рики Мартин својата љубов ја круниса со брак минатата година, а обожавателите на славниот пејач се воодушевени од приноватаи постојано испраќаат пораки со честитки.

Рики Мартин првпат ја покажа својата ќерка (фото)

Христина Ѓоргиевска — Tue, 13 Aug 2019 10:34:00 +0000

Поп пејачот Рики Мартин и неговиот сопруг, уметникот Џуан Јосеф претходната година станаа родители на ќерката која ја крстија Лусија Мартин, а која ја добија преку сурогат – мајка. Рики сега за првпат објави фотографија од неговата ќерка и ги разнежи фановите. „Родена е на мојот роденден. Тоа е супер. Почнуваме од почеток, имам прекрасен сопруг кој се грижи за бебето. Се е прекрасно“ изјави Мартин во една прилика.

Парот ја започна врската кон крајот на 2016 година и кон крајот на истата го запроси Џуан. Пред две години врската ја крунисаа со брак. Мартин има и близнаци, синовите Матеа и Валентин.