Наум Петрески: Загубив 70.000 евра, живеам од платата на сопругата и пензијата на мајка ми ( ВИДЕО)

Антонио Димитриевски — Fri, 26 Feb 2021 08:30:46 +0000

Една од најголемите македонск фолк ѕвезди, ако не и најголемата, пејачот Наум Петрески во годината во која коронапандемијата го запре светот, а на естрадните уметници им ја замрзна професијата и насила скрати егзистенцијата, ја отвори душата пред камерите, па се пожали дека ова се тешки времиња за него и за неговото семејство. Вели дека поради Ковид 19 пандемијата, веќе една година е без настапи и тешко живее без главните приходи, па сепак... „За сега сме фала Богу здарави, живи, се надевам така и ќе остане. Додека естрадата е ставена во мирување заради коронапандемијата, трудиме почесто да исполниме некои активности. Лов, риболов, дружење со другари. Иако е пандемија, се дружиме секако. Македонската фолк ѕвезда иако има скопска адреса на живеење, поголемиот дел од времето го поминува во родната Струга, која за Наум е посебна, има нешто што другите го немаат: „Струга е посебно место за мене. Прво е мој роден крај, второ го имаме Дрим, го имаме езерото, имаме многу работи што нема во Скопје. Цела зима моите другари нуркаат, јас ќе полнам скоро 55 години и гледам да не настинувам многу, но на лето влегувам во и под вода“... Како страсен риболовец Наум им многу рибарски приказни за раскажување, но издвои една кога бил на турнеја во САД, па се фатил за трската на „Роки Ривер“ во Кливленд - Охајо: „На минус 22 степени уловив огромна речна пастрмка, тешка 5 килограми и 8000 грама. Инаку сум фаќал големи примероци и во Австралија и овде кај нас... карпови, сомови, се' сум фаќал...„ - раскажа пејачот, па се надоврза на животот без музика, која за него и неговото семејство значи егзистенција, зашто и тој и сопругата Зуица Лазова се професионално врзани за музиката. „Еве, ќе ви кажам дека финансиски за оваа година колку што не работиме јас сум во загуба некои 60 - 70.000 евра, а живееме од платата на жена ми и пензијата на мајка ми и нешто, што сме заштедиле од порано. Но, тежок живот е ова. Цела економија е упропастена и не знам како ќе се извлечеме од ова? Тој откри дека и покрај тешкиот период, тој сепак деновиве снима нова песна, напишана и посветена на младите кои заминуваат од Македонија, па ексклузивно откри дека таа ќе се вика „Гнездо“. За сите ови и некои други работи Наум Петрески ја отвори душата во најгледаниот естраден ТВ магазин „Бекстејџ“, па видеото погледнете го во продолжение: https://www.youtube.com/watch?v=45A284qM_D0&feature=emb_logo

риболовец – Вистина.мк

Наум Петрески: Загубив 70.000 евра, живеам од платата на сопругата и пензијата на мајка ми ( ВИДЕО)