релации – Вистина.мк

Откако пред пет години ја „расипаа калимерата“, Весна Бејби и Елена Лука повторно „се блиски“: Љубовта е минлива, само интересите се вечни или нешто трето ги спои, за актерката и креаторката одново заедно „да бидат среќни“!? (ФОТО)

Антонио Димитриевски — Fri, 05 Jan 2024 10:29:18 +0000

Една предновогодишна видео најава на Весна Бејби Петрушевска и неколку заеднички новогодишни селфи фотографии со Елена Лука ја изненадија македонската јавност.

View this post on Instagram

A post shared by Vesna Petrushevska (@vesnapetrushevska)

Особено зачудени, па и шокирани беа оние кои се добро упатена во модата и модните кругови во Македонија. До душа, некои позитивно, некои негативно, ама сепак сите останаа вчудовидени кога повторно ги видоа заедно, дека одново се „во арните“, популарната македонска актерка и исто толку познатата македонска модна креаторка. Зашто само оние кои се длабоко навлезени во модните кругови знаат дека Весна Бејби Петрушевска покрај актерството и радио и ТВ водителството се занимаваше и со уште некои работи поврзани со јавната работа, медиумите, модата… Имено, Бејби долги години беше во таборот на познатата македонска модна креаторка и градежник, во концернот „ЕЛ“ на Елена Пандева, во јавноста многу попозната како Елена Лука. Координатор, дел од маркетингот, колумнист во нивниот портал „Фешанел“, задолжена за контакти и спојување на македонските познати личности и јавни фаци со брендот ЕЛ, па дури и самата плус сајз модел… Едноставно речено, Бејби кај Елена Лука беше „дама за многу нешта“… Веројатно за добар хонорар за македонски услови, како што велеа добро упатените од внатрешните кругови! Оние кои своевремено биле сведоци на нивните блиски релации, велат дека Бејби имала прилично голема доверба и бенефиции кај „газдарицата“, но и моќ, авторитет и стравопочит кај тогаш вработените. Дама чиј збор, после оној на газдарицата секако, ќе биде главен и последен! Арно ама, по некое време газдарицата и нејзината „лева, десна… која и да е рака“, ја расипаа калимерата!? Уште на тогашната традиционална осмомартовска забава која Елена Лука ја приредува за своите вработени, Бејби никаде ја немаше. Оправдано отсутна, намерно непоканета или подоцна избришана од фотографиите на социјалните мрежи…? Вистината за причината остана во малиот затворен круг?! Тоа значеше дека дефинитивно „пукнала тиквата“, па „љубовта“ помеѓу работодавачката и извршителот на работите заврши, тогаш навидум засекогаш? Остана само дилемата дали Бејби се почувствува доволно силна, способна и моќна да и го „сврти грбот“ на Елена или од Елена „доби метла“ заради причини, само на ним двете познати? Или можеби во прашање беше нешто трето, па двете дами пријателски се разделија, што познавајќи ги карактерите на обете, би било тешко остварливо, но не и невозможно? Нешто, што и тогаш Вистина.ком.мк пишуваше. Зашто иако пред пет години ја „расипаа калимерата“, Весна Бејби и Елена Лука сега повторно „се во блиски релации“... Љубовта е минлива, но интересите се вечни? Или можеби нешто трето повторно ги спои, за актерката и креаторката сега одново „да бидат среќни“ и заедно да ја дочекаат Новата 2024 година. Како и да е, познатата креаторка и популарната глумица на полноќ за Нова Година заедно одбројуваа до десет близу Струмица, во еден познат бањско-рехабилитационен, хотелски комплекс со лековита, термална вода, во нивната прва, јавна, заедничка, славеничка пригода по петгодишната „пауза“! Фото: Вистина.ком.мк-архива/Инстаграм/elenaluka_private/vesnapetrushevska

Џејла Рамовиќ: „Досадна сум за медиумите, а не престануваат да ме спојуваат со Марија Шерифовиќ“ (ВИДЕО)

Антонио Димитриевски — Fri, 10 Nov 2023 12:06:34 +0000

Една од најпопуларните млади балкански музички ѕвезди Џејла Рамовиќ во интервју за најгледаниот естраден ТВ магазин „Бекстејџ“ откри како се справува со популарноста, со прозивките во медиумите и какви впечатоци добила од натпреварот едно регионално музичко натпреварување и за многу други теми. За Џејла велат дека таа е целосен пакет, со харизмата со која ја освојува публика и неверојатните вокални способности, самоуверено се проби до финалето во најгледаното музичко натпреварување „Ѕвездите на Гранд“. Џејла Рамовиќ и Марија Шерифовиќ некогаш биле многу блиски, до тој степен што години наназад се зборуваше и пишуваше дека меѓу нив има нешто повеќе од само пријателство. Сепак, во последната година овие две пејачки не можат да се видат во исто друштво, па не е чудно што многумина се на мислење дека врската се „распаднала“. Џејла Рамовиќ конечно реши да проговори за релациите со Марија Шерифовиќ која веќе некое време е топ тема во медиумите во соседна Србија, токму во Бекстејџ. Проследете го разговорот од видото во продолжение:

Старите пајташи се’ уште се во блиски релации, па Сергеј Варошлија му даде поддршка на Боки13-ка: „Мачот требаше на време да заигра“! (ФОТО)

Антонио Димитриевски — Thu, 31 Mar 2022 08:40:55 +0000

Бојан Јовановски, познат како Боки 13 во пресрет на пресудата за делата кои му се товарат од страна обвинителството за таканаречениот случај „Меѓународен сојуз“, ја издржува својата казна за случајот „Рекет“ во затворот „Идризово“, но изнендувачки и повторно е активен на социјалните мрежи. Поточно, тој се врати на Инстаграм и тоа преку својот администратор на неговата страница, на која почна со серија обраќања во јавноста да ја раскажува својата страна на приказната. Неговата „вистина“ до душа, многу поразлична од онаа официјалната, ги содржи оние работи за кои Боки 13 ја отвори душата, анализирајќи каде згрешил, кому му прогледувал низ прсти, а не требало, кому слепо му верувал, кој се' му глумел близок пријател, а тоа не му бил, кои вистински го почитувале, а кои само го искористувале и „цицале“! Удри по некои најблиски довчерашни пријатели, соработници, партнери... кои откако го притворија, осудија и затворија, го избришле од листата на живите. Како и по оние, според него – најодвратните, што најполтронски му се лигушеле, а сега му се насладувале на неговата ситуација! Во второто продолжение од неговото писание, на удар се најдоа некои од најблиските негови соработници и челници во фамозната „1ТВ“, со кои Боки13 како што самиот напиша, ја сечел црвената лента на отоврањето на телевизијата, а подобро раката да си ја исечел! Но Бојан Јовановски во една од објавите не пропуштил и од се срце и душа да им се заблагодари и на оние малкумина кои ја покажале човечноста најмногу кога треба, кои останале луѓе и биле со него и во неговите најтешки моменти, кои се’ уште траат! Она што се знае од порано е дека македонскиот моден гуру Сргеј Варошлија и Боки 13-ка беа блиски пријатели, што би рекол народот, нераздвојни како „га. и гаќи“! Кога „газдата“ на „1ТВ“ „падна“, на модниот гуру „му пукна душата“. Го снема, се повлече, долго молчеше... Се појави година и нешто подоцна, откако нештата горе-долу слегнаа и веќе беа многу нешта познати. Ја продолжи својата модна мисија со истата емисија, само на друга фреквенција... Или поточно на Интернет. Она што е евидентно и забележливо во најновите објави на Боки 13, а и на самиот Сергеј е дека старите пајташи се' уште се во блиски релации! По се' изгледа дека Сергеј Варошлија останал еден од оние малкумина, како што самиот Јовановски вели, што можат да се избројат на прсти, што му останале вистински пријатели! Токму затоа Сергеј во своето Инстаграм стори му даде поддршка на Боки 13 за неговите најнови објави на Инстаграм, во кои тој ги прозива посочените личности, некогаш нему блиски, кои денес за него се користољубиви предавници. „Мачот требаше на време да заигра“! - напишал Сергеј Варошлија во Инстаграм стори видеото кое го споделил, јасно асоцирајќи што тоа требало неговиот компањон да стори, кога да пресече, кого се' „да исече“ пред да се случат сите афери. „Требаше“ - кусо му потврдил Боки 13 во својот одговор на истото видео ое и тој го споделил, согласувајќи се со проценката, откако си ја увидел грешката! Дали е во право или само „криво суди“, останува времето да покаже... Ако воопшто покаже, зашто евидентно е дека секој има „своја верзија“ на вистината! Фото: Инстаграм принтскрин/boki13official/

Розга има постара сестра, но никој не знае како изгледа, зашто за сите овие години Јелена не објавила ниту една заедничка фотографија со Јулија!

Антонио Димитриевски — Mon, 10 Jan 2022 12:17:24 +0000

Малку е познато дека Јелена Розга (44) има сестра, но веројатно е малку е и чудно што и покрај долгогодишното опстојување на познатата пејачка на јавната сцена, речиси ништо не се знае за неа. Некои локални медиуми тврдат дека Розга ја крие својата еднаипол години постара сестра Јулија „како змија нозете“ и кога ќе размислите не се далеку од вистината. Сите овие години пејачката нема објавено ниту една нивна заедничка фотографија, а до ден денес нема потврда како всушност изгледа Јулија. И покрај сите обиди да се најде фотографија од постарата сестра на Розга, бројните приказни за семејството на познатата пејачка едноставно не ја содржат таа информација. Ретко упатените велат дека тие две се во повеќе од добри односи, па тоа не е причината поради која и е толку тешко да се влезе во трага на Јулија. Едноставно не сака да биде во медиумите, а Розга очигледно строго ја почитува нејзината желба. „Мојата сестра, води сосема поинаков живот. Јулија е прекрасна мајка и отсекогаш била тип што станува во осум наутро. Јас сум голема спанка, а таа е сосема поинаков тип. Се одлучи за помирен начин на живот“ - изјави еднаш Јелена. Иако нема свои деца, Јелена сака да се дружи со ќерката на Јулија. „Мојата внука е и моја пријателка со која разговарам секој ден. Многу зборуваме за се, немаме тајни. На Леа навистина и кажувам се', таа знае се и кога сум среќна и кога сум тажна и кога сум заљубена и кога не сум. Имаме тотално поинаков вкус кога се во прашање мажите, но тоа е сосема во ред“ – се пошегува еднаш Розга, што јасно укажува дека нејзината внука е веќе возрасна девојка. За нејзината сестра открила дека се многу блиски, а тоа било особено важно за време на нивното растење иако отсекогаш баш и не согласувале. „Секогаш играв со момчињата и се тепав со нив. Бев мала, ситна, па морав да се изборам за мојот статус. Се тепав и со Јулија, мислам дури до 17 години. Една од последните тепачки беше кога веќе пеев во „Магазин“. Секако, недоразбирањето настана за гардеробата, а заврши со тоа што таа беше полна со модрици, а мене ми недостигаше „половина од косата“ – се пошегувала пејачката. Фото: Инстаграм принтскрин/rozga_my_life_

Новото момче на Цеца имало болен развод, а сега со бившата сопруга Зорана и нејзиното момче – пејачот Саша Ковачевиќ се семејни пријатели! (ФОТО)

Антонио Димитриевски — Mon, 18 Jan 2021 11:54:12 +0000

Богдан Срејовиќ (38), новото момче на Светлана Цеца Ражнатовиќ (47), имал бурен љубовен живот пред неговата врска со фолк ѕвездата. Сепак, иако важи за заводник, тој тешко успеал да го поднесе развод од поранешната сопруга, Зорана Тасовац, која по разводот веќе четири години е во стабилна врска со пејачот Саша Ковачевиќ. Иако нивната брачна заедница траела само неколку месеци, но нејзиниот колапс оставил сериозни емотивни последици врз Богдан, велат неговите пријатели во родниот Крагуевац. Според соговорникот, тој по разводот од мисицата не можел да се опорави цели три години. Иако влегле во брак од голема љубов, наскоро сфатиле дека не се еден за друг. Честите кавги и секојдневните расправии ги навеле да стават крај на нивниот брак. Двајцата тргнале по одделни патишта, а единственото нешто што ги обединува е безусловната љубов и грижа што ја имаат кон нивната ќеркичка. „И Богдан и Зорана се посветени родители, но животот го продолжија со различни партнери. Богдан имаше врски и пред Цеца, додека Зорана среќата ја пронајде крај Саша Ковачевиќ со кого ќе се мажи годинава доколку епидемиолошката состојба биде поволна“ вели близок извор до двојката. Зорана и Богдан ги подобрија односите и сега се согласуваат одлично, се дружат, излегуваат заедно во ресторани во главниот град со нејзиното момче, а за тоа сведочи и фотографијата што Срејовиќ ја објави на Инстаграм, на која сите се заедно во ресторанот на Саша. Нему не му сметашло дури ни тоа што неговата поранешна сопруга седи покрај него во скутот на нејзиното сегашно момче, а тој покрај фотографијата дури и напишал: „Една семејна!“ Од друга страна, нивните заеднички пријатели сведочат дека и Богдан ја пронашол својата среќа во близината со Цеца, но и фактот дека се нон-стоп заедно. Велат дека одлично се согласуваат и дека новата љубов на Цеца и донесе нов елан.