рекорд – Вистина.мк

Доделени „Греми“ наградите: Тејлор Свифт го сруши рекордот, а нејзината појава предизвика хаос (фото)

Слаѓана Атанасова — Mon, 05 Feb 2024 11:42:41 +0000

Престижните Греми награди беа доделени по 66-ти пат, а церемонијата одржана синоќа во Лос Анџелес не помина без скандали. Тејлор Свифт се истакна и за нејзиниот албум „Midnights“ освои „Греми“ во категоријата албум на годината, што и ја донесе четвртата победа во таа категорија во текот на нејзината кариера. Со ова познатата пејачка го собори рекордот бидејќи стана првата изведувачка која четири пати ја освоила Греми. Свифт го освои и најдобриот поп вокален албум и ја изненади публиката со најавата дека на 19 април ќе го објави својот следен албум The Tortured Poets Department. „Знам дека начинот на кој гласаше Академијата е директен одраз на страста на фановите, па затоа сакам да им се заблагодарам на нив со откривање на тајната што ја чував од вас во последните две години“, им порача Свифт на воодушевените обожаватели. „Што значи дека мојот сосема нов албум ќе биде објавен на 19 април. Се вика „The Tortured Poets Department“, рече таа. Со тоа изненади многумина кои очекуваа и шпекулираа дека Свифт ќе објави реиздание на нејзиниот албум „Reputation“ од 2017 година на Греми и на тој начин ќе продолжи да ја презема контролата врз нејзината музика, која ја купи Скутер Браун во 2019 година, без нејзина дозвола. Непосредно пред доделувањето на Греми, таа ја смени и својата фотографија на профилот во црно-бела верзија на претходната (црно-бела е бојата на албумот Reputation), поради што најавата за новиот албум ги изненади нејзините фанови уште повеќе.

View this post on Instagram

A post shared by Taylor Swift (@taylorswift)

На социјалните мрежи го објави и визуелниот изглед на новиот албум. Во љубовта и поезијата се е дозволено“, напиша таа покрај објавата. Фото: printskrin/instagram/Tejlor Svift

Мадона го обнови рекордниот статус: Поп пејачката повторно е најпродаваната изведувачка на сите времиња (фото)

Слаѓана Атанасова — Thu, 26 Oct 2023 11:05:51 +0000

Се чини дека кралицата на попот Мадона е неодостижна кога станува збор за продажба на музика и заработка од неа, според Гинисовата книга на рекорди. Познатата американска пејачка, која деновиве е на турнеја низ светот на својата турнеја „Celebration“ по повод одбележувањето на четириесет години од својата легендарна кариера, го обнови рекордниот статус на најпродавана изведувачка на сите времиња.

Congratulations to the iconic @Madonna, who has had several records updated including being the highest grossing female touring artist and the biggest selling female recording artist of all time 💫
— Guinness World Records (@GWR) October 25, 2023

Мадона минатата година за време на интервјуто за „Ноќното шоу“ со Џими Фалон изјави дека во текот на нејзината кариера има продадено над 400 милиони плочи - албуми, синглови и дигитални синглови. Иако е тешко да се добијат точни бројки за продажбата, нашироко е познато дека само Битлси, Елвис Присли и Мајкл Џексон продале повеќе плочи ширум светот, што ја прави Мадона најпродаваната пејачка на сите времиња. Уште поимпресивно е што таа го држи овој рекорд од 2009 година, а никој друг не се доближил да ја победи, според Гинисовата книга на рекорди. Фото: Принтскрин/Инстаграм/Мадона/Х

Рекордер: Пееше 12 часа без престан и зеде дебели пари, еве за кого станува збор (фото)

Слаѓана Атанасова — Tue, 11 Apr 2023 09:35:52 +0000

Уште кога основал сопствено семејство, одлучил да ја остави музичката кариера на страна и максимално да им се посвети на сопругата и децата. - Навистина сакав семејство, ништо не се случи случајно. Сепак, не само поради семејството ја запоставив музиката. Четири-пет години работев многу секој ден, пеев и талкав. Кога ќе имаш дваесет години и сите врати се отворени за тебе, нема да ги затвораш, ќе продолжиш да бараш нови, додека еден ден не стигнеш до точка каде што ти треба пауза - објаснил пејачот.

View this post on Instagram

A post shared by Milan Mitrovic Official (@milan_mitrovic_official)

Милан Митровиќ е познат како пејач кој има неверојатна харизма. Тој неодамна се повлече од сцената, објавувајќи песни и поретко гостувајќи во емисии. За време на гостувањето во „Гранд магазин“, Митровиќ откри дека семејните обврски не се единствената причина за тоа. - Тешко ми беше да најдам песна што ќе ме „огрее“. Излегоа млади генерации, и мило ми е поради тоа, но некои од тие модерни песни не ми се допаѓаат. Сè има свое време, па и тоа ќе помине - изјави Митровиќ. Милан откри и дали е вистина дека зел петнаесет илјади евра за новогодишната ноќ.

View this post on Instagram

A post shared by Milan Mitrovic Official (@milan_mitrovic_official)

- И да беше така, сите тие пари немаше да одат сите кај мене. Морам да им се заблагодарам на оние луѓе кои ги веселев, тоа беше прекрасна вечер. Не можам да кажам дека се работи за таа сума на пари, но тоа беше група на прекрасни луѓе. Беше забавно што почнавме во шест, а завршивме во шест. Имаше и трубачи, имаше повеќе музичари отколку гости, но тоа е тоа. Решивме што повесело да влеземе во Новата година - со насмевка одговорил пејачот. Фото: Принтскрин/Инстгарам

Симона Трповска собори рекорд во нуркање: „Имав блиска средба со ајкула на 102 метри длабочина во Црвено море“ (ВИДЕО)

Антонио Димитриевски — Tue, 21 Feb 2023 10:39:12 +0000

Охриѓанката Симона Трповска е првата Македонка која успеа да го постигне рекордот во техничко нуркање од 102 метри во длабочина на Црвено море во Египет. Трпковска подвигот го направи лани во декември. Таа имала интензивна подготовка една година. Работела со искусниот инструктор Ахмед Габр од Египет и била поддржана од тимот на „Габр Тек“. По тренинзите на различни локации во светот, таа се стекнала со Меѓународен сертификат за техничко нуркање до 100 метри. Симона е рекреативен нуркач од 2007 година. Живеењето во Охрид и нуркањето во езерото и било основа за денес да го постигне овој рекорд. „Започнав да нуркам, по иницијатива на татко ми заедно со брат ми. Секогаш кога имам време одам на нуркање во Охридско езеро. Нуркањето во море и езеро не е исто бидејќи во солената вода балансот е поинаков отколку во езеро. Во езеро е секогаш потешко да држиш баланс, бидејќи ја нема солта да те држи на одредена длабочина“, рече Симона и додаде дека најдобра дестинација за нуркање во Охрид е Трпејца. Предизвикот да нурне во длабочините на Црвено море било голема желба и нешто што отсекогаш посакувала. „Убаво ми е кога гледам како се менува бојата во морето од светло до темно сино, па и црно. Мирот кој го чувствувам во тие длабочини, колку подлабоко толку помирно. Дополнително предизвик ми беше да се совладам себе си, на некој начин тоа е соочување со себе. Да станеш поцврст, поиздржлив, пред се психички, учиш како да се соочиш со предизвиците и околината, а пак да останеш присебен“, вели Трповска. Целото техничко образование го стекнала со инструкторот Ахмед Габр од Египет, кој сеуште е светски рекордер во длабинско нуркање од 332,5 метри. Симона вели дека за да се стане технички нуркач, прво треба да ја сакаш водата и да ти биде пријатна средина, но и да бидеш рекреативен нуркач. „Треба да поминеш обука и како рекреативен нуркач, да имаш добар баланс под вода, добра психичка и физичка подготвеност, сето тоа како основа за да почнеш со техничко нуркање. Рекреативното нуркање е со една боца и еден тип на гас обично тоа е воздух. Кога одиш на техничко нуркање веќе излегуваш од границите на рекреативното нуркање. Во рекреативно нуркање можеш брзо да излезеш на површина со триминутна безбедносна точка. Кога веќе одиш во техничкото нуркање излегуваш од овие лимити и имаш поголема сатурација на гасови во телото. Тоа значи дека не можеш да излезеш веднаш на површина, треба да поминеш некои процедури на декомпресија за безбедно да излезеш на површина, тоа е како да имаш некој таван над глава“, раскажува Симона. Техниката за дишење е многу важна во овие моменти, затоа што на тој начин ќе знаеш како да калкулираш со потрошувачката на гас. Тука нема простор за импровизација. Симона имала блиска средба и со ајкула, но останала смирена во моментот кога ја реализирала нејзината цел. „Тоа за нив е дом. Самата ајкула ако не и влезеш во територија нема да ти направи ништо. Само беше присутна, но не можам да речам дека тоа беше непријатна ситуација. На некој начин средба. Тука беше во близина, набљудуваше и си замина. Немаше некој проблем и ретко кога нуркачите се соочуваат со проблеми со ајкулите под вода. Сето тоа беше само нормален процес и дел од самото нуркање. Еден од тимот кој ми беше нуркач за поддршка ми даде знак дека има ајкула, но јас бев фокусирана за малку немаше ни да ја видам“, раскажа Симона. Засега Симона ужива во поставениот рекорд, но за следен предизвик е да ги совлада добро техниките и специфичната методологијата за длабинско нуркање кои ги стекнала по стандардот од ТДИ, сертифицирана агенција за техничко нуркање. Проследете го интервјуто во продолжение (КЛИКНИ ТУКА):

Шерифовиќ постави рекорд: За само 12 часа ја има лидерската позиција на Балканот! (видео)

Слободанка Илиева — Thu, 22 Dec 2022 10:25:53 +0000

Реакцијата на регионалната публика за само 24 часа потврдува колку навистина и недостасуваше новата музика на Марија Шерифовиќ. Иако најави нов музички проект за есен 2023 година, неочекувано, Марија Шерифовиќ објави нова песна со необичното име „Добар ден“. Без многу најава и помпа, таа објави нова песна додека буквално го освои целиот регион со својата нова песна. Статистиката покажува дека песната „Добар ви ден“, која музичката ѕвезда ја објави во вторник напладне, ја виделе повеќе од милион луѓе за само 24 часа, додека за само 12 часа од премиерата песната е апсолутен лидер. на листата на трендови во сите EX YU места, како и во одредени европски земји. - Ви благодарам драги луѓе. Ви благодариме што овој рекорд што го постигнавме за 24 часа најдобро опишува каков „Добар ви ден“ ни е потребен, а што е околу нас сега... Ви благодариме за неверојатните бројки, зборовите на поддршка и бројните реакции. Сè уште верувам дека песната зборува подобро од кој било мој збор, па уште еднаш ќе ви се заблагодарам за досега невидениот „дигитален“ интерес – изјави музичката ѕвезда на својот Инстаграм профил. Песната во последните 24 часа предизвика бројни реакции на социјалните мрежи, па на сите популарни мрежи може да се најде песната на Марија како и објави на бројна публика и јавни личности кои и честитаа на Марија со својот гест и објава на успешен проект и песна која навистина трогна! фото:Промо/Стори.рс