река – Вистина.мк

Сандра Булок пет месеци по неговата смрт ја испочитува последната желба на саканиот (видео)

Слободанка Илиева — Fri, 05 Jan 2024 13:13:02 +0000

Славната холивудска актерка Сандра Булок ја испочитува последната желба на својот покоен партнер Брајан Рендал 5 месеци по неговата смрт. Имено, Брајан имал желба по неговата смрт, неговата пепел да се расфрла во река во Вајоминг. На денот кога требаше да биде неговиот 58-ми роденден, актерката ги расфрлала неговите останки во реката Снејк. „Среќен роденден, Брај. Сенди те донесе до реката, токму како што вети“, напишала сестрата на Булок, Гесин Булок-Прадо покрај краткото видео.

View this post on Instagram

A post shared by Gesine Bullock-Prado (@gesinebp)

„Колку убав начин да му оддаде почит на човекот кој го сакала. Да се испочитува неговата последна желба! Вие сте во моето срце и во моите молитви. Колку и да е тешко и тажно да се изгуби некој толку посебен, се надевам дека ќе пронајдете мир и ќе го славите неговиот живот“, „Ви благодариме што го споделивте ова. Голема утеха за сите нас кои доживеавме ваква загуба“, се дел од коментарите под објавата. За потсетување, Рендал почина во август 2023 година по 3-годишна битка со амиотрофична латерална склероза (АЛС), прогресивна невродегенеративна болест која влијае на нервните клетки во мозокот и 'рбетниот мозок кои ги контролираат доброволните движења на мускулите. Лек за оваа болест сè уште не е пронајден и не постои ефикасен третман за да се запре нејзината прогресија. Моделот кој подоцна стана фотограф 8 години се забавуваше со Сандра и ѝ помогна во одгледувањето на нејзините две деца.

View this post on Instagram

A post shared by Sandra Bullock (@sandra.bullock.official)

„Брајан рано одлучи да ја задржи неговата борба со АЛС во тајност, а ние што се грижевме за него дадовме сè од себе да го испочитуваме неговото барање“, изјавија неговите најблиски за „Page Six“ по неговата смрт. „Ние сме исклучително благодарни на неуморните лекари кои заедно со нас се грижеа за оваа болест и на неверојатните медицински сестри кои станаа наши цимери, честопати жртвувајќи ги своите семејства за да бидат со нашите“, додаа тие. фото:Instagram printscreen/ sandra.bullock.official

Мистерија во Австралија: Китови долги 16 метри залутаа во река преполна со крокодили… (видео)

Слободанка Илиева — Tue, 15 Sep 2020 12:02:56 +0000

Австралиските власти соопштија дека ќе ги преземат сите мерки за да ги вратат во море китовите кои залутаа во реката полна со крокодили. Китовите се наоѓаат во фаза на годишна миграција, а некои од нив завршиле во река, односно дури 30 километри длабоко во внатрешноста. Неколку китови успеале да се вратат назад, но најмалку уште еден е „залутан“ во реката. Експертите сметаат дека крокодилите најверојатно нема да ги напаѓаат китовите со оглед на тоа што тие се долги околу 16 метри. Сепак, тие укажаа на можноста китовите да се насукаат на брегот. Инаку, ова е прв случај во Австралија китови да залутаат во река. извор:точка.ком.мк

Полицаецот му пишал казна за неносење кацига, а момчето полуде, па го фрли моторот од мостот в река (ВИДЕО)

Антонио Димитриевски — Mon, 20 Jan 2020 13:40:49 +0000

Жител од Лесковац (Република Србија), изреволтиран од наводното изживување и птценувачко однесување на сообраќајниот полицаец кој му пишал казна за неносење на кацига додека управувал со веспа, се изнервирал до таа мера, што реши целосно да го искрши моторчето, па на крајот и да го фрли преку мостот во реката Морава. Не се знае кога е точно снимено видеото, а објавено е овие денови на видео платформата YouTube.

Импресивно: Најубавата река во светот тече во 5 бои (видео)

Горан Силјановски — Wed, 28 Nov 2018 14:15:00 +0000

Реката Кањо кристалес, единствена во светот, се наоѓа во Колумбија. На неа можете да видите жолта, зелена, сина, црна и црвена боја, а сето тоа произведено од билката која живее на нејзиното дно (Macarenia clavigera). Интересно е дека во најголем дел од годината оваа река не се разликува од другите. Но, во еден краток временски период секоја година, кога ќе се измешаат дождовните и летни сезони, се чини дека таа оживува и експлодира во пет бои. https://www.youtube.com/watch?v=cDAIrwGLDdk