реченици – Вистина.мк

Десет реченици кои ќе го возбудат секој маж

Слободанка Илиева — Tue, 23 Jan 2024 13:55:22 +0000

Повеќето мажи се воодушевени кога ќе дочекаат секси иницијатива од нивната партнерка, посебно ако тоа е на суптилен начин. Пробајте ги овие 10 реченици кои сигурно ќе го расположат за секс: Ми недостасуваше Ако не сте се виделе подолго време, оваа реченица е идеална предигра со која ќе му покажете што точно ви недостасувало. Вечер ти си на ред Угодувањето во сексуален контекст за повеќето мажи е на самиот врв од листата на желби. Имам изненадување кога ќе стигнеме дома Самото зборче изненадување ќе му ја разбуди фантазијата, па предиграта ќе започне уште од влезната врата. Ми требаш Желбата и потребата се можеби најдобриот нагон кој мора да му го кажете на глас. Со оваа изјава му давате до знаете колку ви значи во емотивна смисла, а што повеќе емоции има – сексот ќе биде постраствен. Земи со тебе и шише вино Јасна порака дека вечер сакате да уживате. А, што оди најдобро со вино? Ти благодарам Мала благодарност ќе му даде до знаење дека го цените, а тоа ќе му ја разбуди самодовербата. Потоа сигурно ќе сака да се покаже и на други полиња. Прекрано мирисаше сабајле Доволно е самото тоа што сте забележале дека малку се потрудил, па не постои подобар афродизијак од ова. Постојано размислувам за тогаш кога… Присетувањето на некоја конкретна сцена со него е одлична од повеќе причини. Прво, го зајакнувате неговото его, а второ, кај мажите директното изразување е посебно ценето. Вчера ми пријде еден маж… Иако не е добро да си поигрувате со овие изјави, кај некои мажи повремената инекција љубомора може да направи чудо за либидото. Фактот дека сте посакувани и можната конкуренција секако ќе ги разгори страстите. Нели сум згодна во ова? Ова сепак треба да оди заедно со некоја фотка. Генерално самодовербата е најпривлечна особина за мажите, па тоа што сметате дека сте згодни и само барате потврда, може лесно да му ја разбуди фантазијата. извор:popara.mk

Овие реченици ниту еден маж не сака да ги слушне: Ова не да го изговарајте ниту во лудило

Слаѓана Атанасова — Wed, 26 Apr 2023 10:44:14 +0000

Од овие 5 реченици им се крева косата на мажите, па затоа доколку сакате да го зачувате мирот во вашата врска, бракот или едноставно домот, избегнувајте ги истите колку што е можно повеќе:

Треба да разговараме

Мажите ја гледаат оваа фраза како навестување за сите можни проблеми. Дури и ако сакате да зборувате за едноставно одење на вечера, самиот призвук на таа реченица им укажува на мажите дека нешто не е во ред и тие се чувствуваат виновни уште пред самиот разговор. Мажите сакаат жените веднаш да преминат на поентата, наместо да користат драматични воведи.

Тој вака, тој онака…

Признале или не, повеќето мажи се љубоморни. Ако постојано го слушаат истото машко име од бас, без разлика дали станува збор за колега, келнер, сосед или пријател, тие повеќе нема да се концентрираат на приказната што ја раскажувате, туку на мажот за кого постојано зборувате.

Повторно го стори тоа

Нагласување дека повторно направил нешто лошо, полека ќе го олади од вас и тој ќе престане да се труди и за најмалите работи, бидејќи ќе биде убеден дека во ништо не е доволно добар.

Твојата мајка

Мажите генерално не сакаат конфликтни ситуации и тешко можат да се справат со комплицираните врски на жените. Работата е во тоа, тие знаат дека ако се вклучат во дискусијата при односот на партнерката и неговата мајка, со сигурност една страна ќе заврши обвинета.

Мојот поранешен

Честото споменување на вашиот поранешен партнер не звучи како добра идеја, и ако особено ова го правите за време на расправија, можете дополнително да го испровоцирате вашиот партнер. Извор: Попара.мк

Важна вест за сите тетки: Ако се препознаете во овие 10 реченици, вашите внуци се најсреќни што ве имаат

Слободанка Илиева — Thu, 02 Mar 2023 13:20:51 +0000

Ако се пронајдете во овие реченици вие заслужувате пофалба за супер тетка. 1. Зборувате со нив како со возрасни, рамноправни личности, а децата го обожаваат тоа. 2. Им раскажувате незгоди кои им се случиле на нивните родители и се кикотите на нивна сметка. 3. Знаете да одберете совршен подарок кој во моментот им е најголема желба. 4. Ги носите на натпревари, концерти и настани за кои родителите можеби немаат време. 5. Бирате да бидете во нивно друштво, дури и кога околу вас има возрасни. 6. Од секое патување се враќате со некоја ситница која сте им ја купиле затоа што постојано сте мислеле на нив. 7. Во контакт сте барем еднаш во 24 часа. 8. Се допишувате преку секакви апликации. 9. Ги учите како да ги играат игрите од вашата младост, кои денес можеби не се популарни, но сигурно се забавни. 10. Правите работи кои им се забранети од родителите и не ги издавате притоа. извор:курир.мк

Овие 4 реченици се поголема потврда за љубов од „те сакам“

Слободанка Илиева — Thu, 02 Mar 2023 13:00:18 +0000

Постојат реченици кои не се „те сакам“, а кои ги изговараат само мажи кои навистина ја сакаат својата партнерка. Меѓу нив се издвојуваат четири како потврда на љубовта. 1. Забележав дека … Ако мажот за кој се грижите рече дека забележал дека не се чувствувате добро, дека не сте добро расположени или дека сте направиле нешто, начинот на кој пиете кафе или се насмевнувате на нечија шега значи дека тој внимава на вас и малите детали, вие сте му посебни. Овие ситници ги гледаат само мажите кои се исклучително заинтересирани за една жена и каква е таа и сакаат да се зближат со неа за да дознаат што повеќе за неа. 2. Можам да ти помогнам … Мажите сакаат да се чувствуваат важно и корисно за луѓето што ги сакаат, особено за жените. Ако ви понуди каква било помош, не чекајте. Тој сигурно го прави тоа затоа што се грижи за вас. Мажите навистина не нудат помош за секоја жена што ќе ја запознаат, тие им помагаат на оние што ги сакаат и им се допаѓаат и така покажуваат дека можете да се потпрете на нив. 3. Ќе бидам покрај тебе … Оваа и слични изјави, колку и да им звучат романтично и нереално на многумина, кога ќе ви ги каже момче со кое сте во тежок период во врската, можете да сметате на него. Мажите не кажуваат вакви работи освен кога навистина го мислат тоа и можете да бидете сигурни дека ќе ви дадат поддршка кога ќе ви требаат. Ако навистина се случи нешто за што ви треба помош или поддршка, тоа сигурно ќе ви даде утеха, па дури и добар совет. Мажите се согласуваат да ги поддржуваат само жените за кои се емотивно врзани. 4. Ова ме потсети на тебе … Ретко кој маж отворено ги покажува своите чувства. Но, тоа значи дека ќе даде „мали сигнали“ на креативен начин дeка размислува за жената за која се грижи. Ако ви каже дека нешто го потсетило на вас, тоа е знак дека постојано сте му на ум и дека ситниците кои го опкружуваат секој ден ги поврзува со вас. извор:курир.мк

„Ќе застанам на нозе после секој неуспех“ – овие реченици многу ќе ви помогнат кога ви е тешко во животот

Слаѓана Атанасова — Wed, 10 Aug 2022 11:01:51 +0000

Животот понекогаш е навистина тежок и често налетуваме на многу препреки и проблеми кои ги тестираат нашите нерви и во тие моменти мораме да се сетиме дека исклучително е важно да не потклекнеме и да не дозволиме да ни се скрши духот. Во продолжение неколку реченици кои би можеле да ви помогнат да ги совладате препреките: „Јас не можам да контролирам сѐ што ми се случува, можам само да го контролирам начинот на кој реагирам на она што се случува. Во мојата реакција е мојата моќ.“ „Нема да се грижам околу она што би можело да биде и што би требало да биде. Наместо тоа, ќе барам моќ и можности во она што се случува баш во овој момент.“ „Морам да прифатам сѐ што ми се случува и единствена важна работа е да го прифатам тоа најдобро што можам.“ „Секогаш е подобро да грешиш отколку да глумиш совршенство.“ „Никогаш нема да бидам толку добар како што сите ми кажуваат кога победувам, ниту пак некогаш ќе бидам толку лош како што мислам за себе кога губам.“ „Помалку ќе мислам на решавање на своите проблеми, а повеќе на обликување на својот начин на размислување. Ќе останам позитивен/а.“ „Предизвикот станува препрека само ако го дозволам тоа.“ „Ќе застанам на нозе после секој неуспех. Колку побргу за вратам на себе по неуспехот, побргу ќе дојдам до целта која сакам да ја остварам.“ „Нема да се обидам да се кријам од моите стравови, затоа што знаам дека тие не се тука да ме исплашат. Тие се тука за да ми покажат дека нешто вредам.“ „Постои голема разлика помеѓу празен умор и задоволна исцрпеност. Животот е прекраток. Ќе се занимавам со активности кои ме инспирираат.“ „Ако немам време за она што е важно, ќе престанам да ги правам работите кои не ми се важни.“ „Не можам да го изградам својот углед на темел на она што можеби ќе го направам еден ден.“ „Иднината можеби ќе се разликува од сегашноста, а јас, токму сега, имам моќ да ја обликувам.“ „Среќата ќе дојде кај мене кога ќе дојде од мене.“ „Ќе се хранам со љубов. Ќе се движам со љубов. Ќе зборувам со љубов. Ќе живеам со љубов. Денес.“ „Мојот следен чекор во вистинскиот правец не мора да биде голем.“

Пет реченици што откриваат дека е подготвен за неверство

Христина Ѓоргиевска — Mon, 07 Mar 2022 14:15:14 +0000

Знаете како вели изреката – подобро да се спречи отколку да се лечи, а тоа најдобро го знаат луѓе кои лечеле скршено срце. Неверството е една од најлошите работи што може да се случат во една врска. Иако не мора да значи дека тоа ќе значи и крај на врската, сепак треба да ги знаете овие работи за да ги забележите знаците на време и да преземете нешто во врска со тоа пред да се случи. Овие пет реченици најчесто ги кажуваат мажите кои на некое ниво се подготвени да извршат прељуба:

„Имам чувство дека не ме цениш доволно“

Оваа реченица открива дека тој најверојатно не е среќен како порано и дека се чувствува запоставено. Секако, тоа не значи дека веднаш или наскоро ќе ве изневери, но може да биде најава за таков потег. Ако едниот од партнерите не се чувствува доволно ценето ов врската, може да побара валидација кај друга личност, најчесто сексуална. Ако се отвори оваа тема, ислушајте го партнерот и бидете искрени дали уште може да со го дадете она што ви е потребно за да бидете двајцата среќни во врската.

„Извини што не ти одговорив на пораката“

Дури и да е затрупан со работа, секогаш има време за кратка порака, дури и ако е тоа едно „ОК“ или некаков емотикон. Ако партнерот одеднаш почне побавно да одговара на пораки или воопшто не одговара, може да значи дека има други приоритети за кои вие не знаете или едноставно комуникацијата со вас веќе не му е забавна. Не реагирајте бурно, искрено разговарајте и откријте во што е проблемот.

„На работа беше ОК“

Овде не станува збор за содржината на реченицата, туку за тоа колку е краток одговорот и најчесто се состои од само „ОК“ кога ќе го прашате како поминал на работа. Ако претходно со ентузијазам ви одговарал како му поминал работниот ден и ви раскажувал мали анегдоти, па дури и проблеми од денот на работа, а сега одеднаш се сведува на „ОК“, тоа значи дека го пали црвениот аларм. Време е да поразговарате што го мачи и да му ставите до знаење дека може да ви каже сѐ и дека сте тука за него.

„Ајде да пробаме нешто ново во кревет“

Ако сексуалниот живот веќе подолго време ви е едноличен, сосема е во ред некој од партнерите да посака да се проба нешто ново. Но, ако инсистира на тоа почесто, може да значи дека не е целосно задоволен од вашиот сексуален живот и сака нешто ново. Добрата вест тука е дека би сакал тоа нешто ново да го направи со вас, па ако сте вие расположени и ви се допаѓа предлогот, опуштете се и експериментирајте. Но, ако проблемот е подлабок, подолго време немате сексуални односи или не сакате да го правите тоа што го предлага, треба сериозно да разговарате.

„Има време“

Ако партнерот одеднаш не сака да правите долгорочни планови, тоа може да е знак дека не е сигурен дали ќе биде со вас за неколку месеци. Треба да ја разликувате оваа ситуација од онаа кога не е расположен за разговор или е преокупиран со нешто друго (машкиот мозок не функционира како женскиот, мажите ги прават нештата едно по друго). Во секој случај треба да седнете и да разговарате кои се вашите приоритети, планови и очекувања. Извор: Кајгана

Девет реченици кои не смеете да ги изговорите кога раскинувате

Христина Ѓоргиевска — Fri, 28 Jan 2022 13:30:47 +0000

Кога ќе дојде до раскинување, тоа често се случува со голема кавга, а потоа паѓаат сите маски. Кога ќе ви „падне мрак на очи“ и ќе завладее гневот, многу е тешко да се контролирате. Сепак, психолозите истакнуваат дека колку и да сте повредени или лути, има некои работи кои не треба да му ги кажете на партнерот. Бидејќи последиците можат да бидат сериозни.

1. Те мразам

Можеби го мразите во моментов, но нема смисла да го кажувате тоа во моменти на лутина. Имаше моменти кога го сакавте и ќе има моменти во иднина со убави спомени. Не дозволувајте поранешниот партнер да ја почувствува вашата омраза, бидејќи тоа на крајот ќе ве изеде.

2. Очаен си во кревет

Можеби е вистина, но тоа е силен и грд удар под појасот. Водењето љубов е заедничка одговорност и ако не било одлично, имајте на ум дека тоа е нешто на што и двајцата работевте.

3. Ти си виновен за сѐ

Многу ретко се случува другата страна да биде 100 отсто виновна за раскинувањето на врската, дури и ако се случила прељуба. Партнерот ќе ни каже дека тоа не е точно и ќе заземе одбранбен став.

4. Патетичен си

Запрашајте се: „Зошто имав врска со патетична личност?“ Ова е многу одбивна критика и тешко дека реакцијата ќе биде добра.

5. Посакувам воопшто да не те сретнeв

Но, се сретнавте и не можете да го промените тоа. Наместо тоа, размислете што научивте од таа врска и добрите работи што ги добивте од неа.

6. Се надевам дека ќе имаш мизерен живот

Ваквата изјава долго ќе одекнува во главата на партнерот. Запрашајте се, дали навистина го мразите толку многу што му посакувате ужасна иднина. Запрашајте се како ова ви помага да продолжите понатаму. Воопшто не!

7. Врската со тебе е најголемата грешка што сум ја направила

Веројатно навистина мислите така среде расправија, но сè што всушност може да каже е дека не сте добри во донесувањето одлуки.

8. Најдов некој многу подобар од тебе

Ваквата изјава звучи како детско фалење во парк или триење сол на нечија рана. Можеби мислите дека сте нашле некој подобар, но времето ќе покаже дали тоа навистина е така.

9. Ти си ужасен родител

Имајте на ум дека ова е ужасна изјава. Можеби вашиот партнер не е толку добар родител како вас, но има и родителски права и на детето му треба. Не дозволувајте децата да станат жртви на вашиот развод и да им нанесувате неповратна штета која ќе ги придружува до крајот на нивниот живот. извор: Кајгана

4 реченици кои ќе го повредат секој маж: Ако ги изговорите никогаш нема да ви простат

Христина Ѓоргиевска — Fri, 22 Oct 2021 13:15:40 +0000

Кога станува збор за машко-женските односи постојат правила кои треба да се почитуваат, доколку не сакате да повредите нечии чувства. Мажите се сметаат за посилен пол, но постојат неколку работи кои и нив можат да ги повредат. Добро размислете пред да им кажете нешто, особено ако сметате дека тоа може да ги навреди, бидејќи мажите нема секогаш да покажат дека се повредени, а овие реченици никогаш не треба да ги изговорите дури и кога сте "најбесни".

1. "Ти си мамин син"

Оваа реченица не треба да ја изговарате бидејќи таа жена го родила, хранела и израснала. Мажите се многу чувствителни за мајките и сакаат да слушаат само убави работи за нив и нивниот однос.

2. "Мора да зборуваме"

Штом ги слушнат овие зборови, мажите веднаш ги фаќа паника и во главата го смислуваат најлошото сценарио. Доколку постои некој проблем, тогаш треба да разговарате за тоа, инаку никогаш не би го решиле.

3. "Твоите пријатели се многу досадни"

Поголемиот дел од жените не се воодушевени од друштвата на мажите, бидејќи мислат дека лошо влијаат врз него. Ако не ви се допаѓаат и тоа му го кажете, тогаш може да настане голем проблем.

4. "Мојот поранешен партнер тоа подобро ќе го направеше"

Сосема е погрешно да го спомнете поранешното момче или да го споредувате. Тоа што правел поранешниот партнер или не правел сега не е важно. Сегашниот партнер има свои доблести кои ве привлекле и фокусирајте се на нив. Извор: точка.мк

Ако сакате да го промените животот, започнете го денот со овие реченици

Христина Ѓоргиевска — Thu, 20 Aug 2020 13:00:57 +0000

Дали некогаш сте се запрашале колку првата мисла, ритуалот или начинот на комуникација кога ќе станете може да влијаат врз животот? Дали размислувате за проблемите, за тоа што сонувавте таа ноќ, за работата, децата, некоја песна, планови, дечко, коронавирус итн. Токму од тој момент започнува сè. Се разбира, не можете да влијаете на многу работи, но она што можете да го направите е да изберете како да се справите со нив. Актерката Ајварли Брукс открива кои реченици ѝ помагаат да се фокусира на напредокот и ја тераат да го искористи својот целосен потенцијал.

„Една личност никогаш нема да остари сè додека жалењето не ги замени нејзините соништа.“

Оваа реченица ја потсетува да се фокусира на она што може и на она што ќе го направи, а не на она што не може да го направи. Како да го промените животот? Брукс има уште еден совет за секој што сака да го промени својот начин на размислување и да се сврти кон позитивниот поглед на светот.

„Тоа не ми се случува мене, туку се случува за мене.“

Со други зборови, наместо да се прашува зошто се случило нешто, таа го гледа тоа од друг агол и се потсетува себеси дека сè се случува со причина – и кога е добро и кога е лошо. Според актерката, покрај сè што нè опкружува во моментот, таа останала приземна и се чувствува оптимистично кога гледа кон иднината благодарение на ваквите размислувања и ставови. Иако сега е многу тешко да бидете и да останете позитивни поради пандемијата на коронавирусот, немате друг избор освен да ги насочите своите мисли на тоа што можете да го направите во моментот, а тоа е подобра сегашност, подобар ден во кој ќе дадете сè од себе. Овие мантри нека ви послужат како инспирација да пронајдете и некоја своја мантра. Никогаш немојте да престанете да сонувате и да ги гледате работите од светлата страна, дури и кога околу вас е темнина. извор: кафепауза

Јасно и гласно: 5 моќни реченици кои жените сакаат да ги слушнат за време на сексот

Христина Ѓоргиевска — Thu, 06 Feb 2020 13:15:50 +0000

И речениците можат да бидат моќен афродизијак во кревет. Секој има свои желби кога е во прашање водењето љубов, но овие 5 реченици без сомнеж ќе ги одобрат повеќето жени.

Кажи ми што сакаш ...

Митот за тоа дека мажите треба да ги читаат нашите мисли кога е во прашање водењето љубов - одамна го заборавивме. Ако нешто сакаме, тоа треба и да го кажеме, а уште поубаво е кога мажот сам ќе покаже интерес за да ја задоволи својата партнерка.

Да, имам кондом

Самосвесните жени сами ќе се погрижат за контрацепција, но секогаш сакаат да знаат дека и нивниот партнер води сметка за тоа и дека е свесен за важноста за одговорното сексуално однесување.

Ти се допаѓа тоа што го правам?

Срамежливите жени можеби нема веднаш да му дадат до знаење на партнерот што најмногу им одоговара. Поради тоа, ова едноставно прашање е ефективен начин партнерот да знае дали жената се чувствува добро или не.

Ги обожувам твоите...

Сите понекогаш се чувствуваме малку несигурно за време на водењето љубов, па секогаш е убаво да се слушне што партнерот најмногу сака кај нас и од што не може да се насити. Таков искрен комплимент во интимни ситуации на жените им ја зголемува самодовербата.

Фантастична си!

Мажите обожуваат кога жените ќе ги пофалат нивните сексуални вештини, но зошто тие да не нè пофалат нас? Квалитетниот секс е двонасочен процес во кој исто така мора да владее еднаквост. извор: точка.мк