ребека јанковска ристевски – Вистина.мк

Пред 15 – тина или 22-три години ќе да беше…? Лила Филиповска објави хит фотографија (фото)

Слаѓана Атанасова — Sat, 18 Feb 2023 08:11:16 +0000

Многу жени стареат достоинствено, а токму таква е нашата позната ТВ водителка Лила Филиповска на која времето како да не и може ништо. Македонската водителката имаме прилика секој ден да ја гледаме на ТВ екраните во квизот „Сė или нешто“, кој го води повеќе од 10 години и е доста активна и на социјалните мрежи, a речиси секојдневно објавува фотографии со некој повод, рекламирајќи одредени козметички производи, позирајќи во некоја модна комбинација, од некое патување или снимање но, често и со некои нејзини најдраги личности или колеги. Овој пат таа се присети и не потсети на едно минато време, па ископа стара фотографија на која позира заедно со Каролина Гочева, Бојан Маровиќ и Дани Димитровска. На фотографијата лесно може да забележиме дека Лила го задржала нејзиниот шарм и е истата онаа ведра дама со позитивна насмевка која ја краси до ден денес. Каролина откако ја виде Инстаграм приказната, ја репостираше на нејзиниот профил и напиша дека фотографијата е стара и се случила пред 15 - тина година но, сепак со прашалник и црвено срце ... Како доказ за младешкиот изглед на Лила говори и уште една постара фотографија која е направена токму на преминот на новиот милениум 2000 - 2001 - та година за Избор за ТВ лице на годината на тогашниот дневен весник „Вечер“, а овој пат на фотографијата позира заедно со ТВ водителот и новинар Антонио Димитриевски и пејачката Ребека Јанковска Ристевски. Лила не сака многу да зборува за нејзините години, но секогаш со доза на духовитост знае да се пошегува на сметка на нејзината возраст. Но, секако бројот на годините воопшто не е важен кога станува збор за било која дама, осбено не за неа, поради енергијата и младешкиот дух кој го има во себе. Фото: Принтскрин/Инстаграм/Лила Филиповска/Фејзбук/Антонио Димитриевски

„Немам ќерка, но затоа…“: Еве која личност ги наследи сценските секси парчиња на Ребека (фото)

Слободанка Илиева — Mon, 18 Apr 2022 09:02:29 +0000

Пејачката и претседател на здружението „Дајте ни крилја“ , Ребека Јанковска-Ристески беше гостинка во емисијата „Живот со стил“ кај водителката Елена Стефановска. Ребека зборуваше на теми од приватноста, пред се околу мајчинската грижа и посветеност кон нејзините три синови, но евоцираше и спомени од својата музичка кариера, револуционерните спотови и уникатниот сценски моден пристап. -Сето она што го правев беше со многу љубов и ентузијазам, едноставно човек кога во нешто ќе се пронајде нели дури не забележува дека тоа го прави. Така сум размислувала, сум имала добар тим околу себе и работите се случувале многу едноставно затоа што тоа било направено со многу љубов, вели Ребека. Во тоа време соработуваше со многу луѓе од Македонија и Србија, а особено ги памети соработките со дел од македонските модни дизајнери. Откри и дека познтиот дизајнер Александар Ношпал го изработил корсетот кој го нослела на нејзината свадба. Ребека вели дека освен спомените чува и дел од сценската облека која делумно завршила во наследство кај нејзината внука Кјара, односно ќерката на нејината сестра Хелена Роза. -Се’ чувам,некои работи ги дадов на мојата внука Кјара“. Немам ќерка, можеби ќе одат и кај некоја снашка, тоа се безвременски парчиња, додава Ребека која со задоволство зборуваше за времето од својата музичка кариера, а исто така со задоволство се појави пред камерите во емисија од модно-забавен карактер. фото:Инстаграм/Ребека Јановска/принтскрин Јутјуб/принтсктин ТВ Канал 5

Пејачката Ребека со емотивна порака за роденденот на синот: „Моето сè си ти“

Христина Ѓоргиевска — Fri, 09 Nov 2018 08:34:20 +0000

Родендените се важен дел од нашиот живот, посебно на оние најблиските, најмилите, најсаканите, кои на тој ден се трудиме да ги направиме малку посреќни од вчера и да го паметат својот роденден. За родителите, денот на раѓање на нивното дете е среќа и благослов, а славењето на истиот ги радува и ги потсетува на важната улога како родител. Македонската пејачка Ребека Јанковска Ристески пред некој ден го прослави својот 12-от роденден на својот син Маркијан.

По тој повод таа сподели емотивен статус на „Фесјбук“ со кој го честиташе роденденот на својот син. „Маркијан, љубов моја. Да знаев дека ти ќе бидеш причина за да научам како и невозможното станува возможно и дека целите кои ги поставувам се градење на поубаво утре за многу деца, ќе си измислев дете како тебе. Моето се си ти, но и сите ближни луѓе околу тебе и Бог ни дал се за да се радуваме и да го менуваме овој свет кон подобро. Ти благодарам за љубовта и секојдневното твое. Мамичка те сака. Среќен 12ти роденден херој мој“, напиша Ребека на својот „Фејсбук“.

За потсетување, синот на Ребека боледува од ретка болест туберна склероза..

Минатата година во интервју за „Женски магазин“ таа прозбори за проблемот на синот. „ Дека со Маркијан нешто не е во ред забележавме уште во седмиот месец од бременоста, но во прво време не бевме сигурни дека тој има туберна склероза. Видовме тумори на срцето, но не и промена на срцевата работа. И покрај високите сомнежи, ние одлучивме Маркијан да продолжи да живее и да ги прифатиме сите предизвици и искушенија доколку навистина следат. На тримесечна возраст прв пат ги забележавме симптомите - епилептични напади. Од тој момент почнаа сите детални испитувања и патувања, консултации низ многу болници. Денот ни започнуваше со прашањето дали и колку напади ќе има, дури имаше и периоди кога во еден ден забележувавме и по стотина“, раскажа пејачката која е основач на здружението на граѓани за лица со дисфункции, хендикеп, ретки болести и посебни потреби „Дајте ни крилја“, изјави тогаш Јанковска. Пејачката има три сина Маркијан и близнаците Макариј и Доротеј.

foto; facebook