Рчењето на многумина им задава проблеми, а ова е начинот барем малку да си олесните: Експертите советуваат како да го вратите мирниот сон!

Христина Ѓоргиевска — Wed, 03 Apr 2019 11:35:31 +0000

Доколку спаѓате во групата на луѓе кои рчат за време на спиењето, знаете за каков упорен проблем станува збор. Овие предлози ќе ви ја ублажат непријатната ситуација, советуваат експертите. Доколку не сте доволно физички активни или имате вишок килограми, почнете да вежбате и ослабете, бидејќи дебелите луѓе почесто рчат од слабите, а тоа се случува поради лошиот проток на кислородот низ организмот. Ако сакате да се опуштите со алхокол, престанете со оваа навика, бидејќи тој ги опушта мускулите на јазикот и грлото, што делумно го блокира протокот на воздух за време на дишењето, а тоа исто така доведува до рчење. Димот од цигарите лошо влијае на назалните канали и синуси, па препораката на експертите е да ги исфрлите и цигарите. Доколку спиете на грб, јазикот ви паѓа наназад и доаѓа до испуштање на заглушени звуци. Советот е да заспиете настрана и да го издувате носот пред спиење, бидејќи тоа ќе го подобри дишењето. извор: точка.мк

Како да се справите со ‘рчењето?

Наташа Тасевска — Tue, 30 Oct 2018 12:46:03 +0000

Рчењето не е само непријатна навика, туку може да биде и сериозен здравствен проблем за партнерот на луѓето што ’рчат. Било пресметано дека оние луѓе што имаат партнер кој што ’рчи, до 50-та годишнина од свадбата, губат во просек 4 години сон. Прочитајте како да се справите со оваа незгодна навика.

Користете тениско топче

Најголем дел од луѓето ’рчат кога спијат на грб. Исечете дел од стара маица, во неа завиткајте тениско топче и зашијте го на средината од задниот дел од пижамата. Неудобноста што топчето ќе ја предизвика, ќе ве присили да ја смените положбата, без разлика дали сте будни или пак тоа го правите во сон.

Ставете повеќе перници

Обидете се да ставите повеќе перници под главата, за дополнително да ги отворите дишните патишта. На овој начин, грлото нема да се затвори и нема да почнете со ’рчење. Доколку не можете да спиете на високи перници, ставете нешто под ногарките на креветот, за да ја подигнете страната кадешто ви се наоѓа главата.

Вклучете го навлажнувачот за воздух

Доколку ’рчите поради настинка или запушување на дишните патишта, еден од начините да ги прочистите е со вклучување навлажнувач на воздухот во Вашата спална соба, во текот на целата ноќ. Ова предизвикува излачување на секретот од Вашите синуси, со што се прочистуваат дишните патишта и се намалува ’рчењето.

Користете лента за нос

Доколку ’рчите постојано, а не сте сигурни за причината, можеби се работи наследен фактор. Ако на пример имате стеснети назални канали, тогаш обидете се со ленти за нос, коишто се лепат на надворешноста, а чија задача е да ги прошират каналите, за низ нив да минува доволна количина воздух, со што ќе се намали ’рчењето.

‘рчење – Вистина.мк

Рчењето на многумина им задава проблеми, а ова е начинот барем малку да си олесните: Експертите советуваат како да го вратите мирниот сон!

Како да се справите со ‘рчењето?