разведуваат – Вистина.мк

Повеќето луѓе се разведуваат во овој период од годината : Експертите објаснија зошто

Слаѓана Атанасова — Fri, 10 Nov 2023 13:30:51 +0000

Додека некои адвокати забележуваат пораст на разводите по празниците, едно истражување вели дека март и август се всушност месеци кога брачните парови почесто раскинуваат. Барем така покажува студија од 2016 година, спроведена од Универзитетот во Вашингтон, пишува Њујорк Тајмс.

Авторите на споменатата студија ги анализирале сите примени барања за развод во државата Вашингтон од 2001 до 2015 година, по зимскиот и летниот одмор. Тие објаснија и кои се најверојатно главните причини за развод во тој период од годината.

„Луѓето имаат тенденција да им приоѓаат на празниците со зголемени очекувања, и покрај разочарувањата што можеби ги имале во претходните години“, вели Џули Бринс, вонреден професор по социологија и еден од водечките автори на студијата.

„Тие претставуваат периоди од годината кога има исчекување или можност за нов почеток, нешто поинакво, премин во нов период од животот. Тоа е како циклус на оптимизам, во извесна смисла“, додаде таа.

Извор: Попара

Ја шокираа јавноста: Огњен Амиџиќ и Даниела се разведуваат, преку соопштение открија што е причината (ФОТО)

Антонио Димитриевски — Wed, 13 Jul 2022 10:41:14 +0000

Популарниот водител Огњен Амиџиќ и манекенката Даниела Димитровска се разведуваат по 10 години брак во кој го добија синот Матеј. Веста ја шокираше јавноста, особено поради фактот што важеа за еден од најскладните парови за српската естрада. На јавноста и се обратија со заедничко соопштение и ја открија причината за развод. „Сакаме да ве информираме дека одлучивме да се разделиме, а одлуката за развод ја донесовме заедно. Ние ќе останеме во пријателски односи заради интересот на нашиот син, а по овој повод нема да се огласуваме ниту да даваме изјави. За нашиот равод не е виновно трето лице, па оттука нема место за дополнителни шпекулации. Им се заблагодаруваме на сите медиуми за досегашната соработка и ве молиме да ја почитувате одлуката да не говориме ништо на оваа тема“, се вели во заедничкото соопштение. За потсетување, Огњен и Даниела се запознаа во 2009 година на снимање на неговата емисија. Симпатиите се родиле веднаш, а парот се венчаше во 2012 година.

Карлеуша дефинитивно се разведува: Поп-фолк дивата јавно обзнани дека бракот со Тошиќ – заврши! (ФОТО)

Антонио Димитриевски — Tue, 05 Jul 2022 10:12:42 +0000

Српската поп-фолк дива Јелена Карлеуша дефинитивно се разведува. По сите премрежја и брачни бродоломи, семејни кавги и недоразбирања, неверства и скандали кои го следеа нејзиниот брак со некогашниот фудбалер, сега фудбалски менаџер Душко Тошиќ, пејачката излезе со јавна објава дека се разведува. Имено Карлеуша на својот Инстаграм јавно обзнани дека е готово... Дека нејзиниот брак со Душко по 14 години тука завршува, а тој повеќе не се гледа себе си како дел од семејството и нема разбирање за нивната семејна (дис)хармонија и затоа тое двајцата спогодбено се разидуваат. „Од јавноста не очекувам човечко разбирање, поминав секаков линч, па ќе го поминам и ова, НАВАЛЕТЕ“. Преживеав се, па ќе го поминам и ова. Животот оди понатаму“ - додава таа. Во продолжение прочитајте го целото нејзино соопштение во вид на објава на Инстаграм: Фото: Инстаграм принтскрин/karleusastar