разведоа – Вистина.мк

И бившата девојка на Саша Ковачевиќ се разведе: Познатата убавица и пејачот на „Магла бенд“ се разидоа (ФОТО)

Антонио Димитриевски — Tue, 08 Mar 2022 12:17:34 +0000

Пејачот Владан Савиќ и Јована Јоциќ, која на корисниците на социјалните мрежи им е добро позната како една од најпопуларните Србинки на Инстаграм, решија да стават точка на заедничкиот живот. Двојката е заедно од 2018 година, а пред три години ја добија ќерката Анѓелија. Тоа во јавноста и го соопшти самиот пејач, споделувајќи го нивниот прекрасен семеен портрет и со емотивна порака со која признава дека дошол крајот. „Досега го имам најубавото животно искуство со Јована. Нејзиното име е Анџелија. За мене таа ќе продолжи да биде совршена сопруга и мајка. Само љубовта не е доволна за одржување на врската, па јас и Јована решивме да продолжиме како добри пријатели“ - напиша Владан. Тој истакна дека повеќе нема да се огласува на оваа тема. „Сакам сите вие кои ме сакате како пријател, а и како пријател на сите медиуми, да имате разбирање дека нема да коментирам на оваа тема! Благодарам“ – рече тој. Набргу потоа се огласи и Јована која потврди дека дошол крајот и нагласи дека ниту таа за раскинувањето нема да говори во медиумите. „Луѓе мои, како што со вас споделив и убави и лоши работи, време е да го споделам ова. Јас и Владан решивме да се разделиме. Ќе останеме пријатели и во добри односи, бидејќи, како што знаат повеќето луѓе, ја имаме Анџелија. Она што би сакал да ги замолам сите медиуми и луѓето кои не следат е да не контактираат за ова, бидејќи нема да даваме дополнителни коментари. Ви благодариме за разбирањето“ – истакна таа. Инаку, Јована ја запознавме додека беше во врска со Саша Ковачевиќ со кој помина четири години. Сеоддалечија, раскинаа, но тие останаа во добри односи. „Саша и Јована ретко се појавуваа заедно во јавноста, бидејќи тој не сакаше да го експонира својот приватен живот во јавноста. Еден ден кога ќе се ожени нема да има проблем да ја прошета сопругата по црвениот тепих, но не до тогаш. Со оглед на тоа што Јована во текот на летото беше неколку месеци во Америка, тие немаа можност да летуваат заедно, што дополнително ги оддалечи“ - истакна тогаш извор близок на пејачот. „Тие двајца останаа во добри односи, си ги честитаат празниците. Дури и се видоа по раскинувањето“.

Мелинда и Бил Гејтс официјално се разведоа

Христина Ѓоргиевска — Tue, 03 Aug 2021 12:12:32 +0000

Разводот на основачот на Мајкрософт, Бил Гејтс и Мелинда Френч Гејтс, ко-основач на една од најголемите приватни фондации во светот, заврши пред судот во Сиетл, наведува „Бизнис инсајдер“. Нивниот развој беше потпишан во понеделникот, со што заврши сагата што започна кога објавија дека се разделуваат во мај 2021 година. Гејтсови се венчаа во 1994 година и имаат три деца. Во мај, Фокс објави дека Мелинда Гејтс поднела барање за развод, наведувајќи дека нивниот брак е „непоправливо уништен“. Бил и Мелинда Гејтс тогаш изјавија дека постигнале договор за поделба на заедничкиот имот и најавија дека ќе продолжат со заедничката филантропска работа, потсетува Ројтерс. Нивната фондација Бил и Мелинда Гејтс со седиште во Сиетл стана еден од највлијателните и најмоќните двигатели на глобалното јавно здравје во последните 20 години, трошејќи повеќе од 50 милијарди долари во борба против сиромаштијата и болестите. Тие минатата година ветија околу 1,75 милијарди американски долари помош за борба против „ковид-19“. фото: Профимедиа/EPA/JULIEN DE ROSA

Водителката на ТВ Телма и актерот не се повеќе во брак! (ФОТО)

Антонио Димитриевски — Fri, 16 Mar 2018 09:46:57 +0000

Уште една позната брачна двојка повеќе не функционира заедно. Обајцата се јавни личности - тој актер, таа ТВ водителка на Телма. Елена Митева и Висар Вишка повеќе не се во брак. Информациите говорат дека актерот и водителката веќе една година не живеат заедно. Тие се зедоа во 2012 година и по пет годишна брачна заедница, без голема помпа, медиумски публицитет врева и скандали, мирно се разидоа.

Иако некои уште на почетокот беа скептици кон мешовитиот брак меѓу Албанец и Македонка, повеќето тврдеа дека се работи за двајца интелектуалци чија љубов ги надминува националните предрасуди на средини како што нашава и Балканот воопшто.

„Јас секогаш сум нетрпелив и веднаш посегнувам по тоа што го сакам, но со Елена чекав гладот од моите очи да премине и кај неа. Мислам дека една година чекав, зашто знаев дека таа е таа. Што и да кажам, ќе биде премалку и ќе испуштам милион други работи. Таа, едноставно, е единствена, различна од сите. Моја андрогена половина“ - изјавил за тогашниот дневен весник „Вест“, Вишка.

Додека пак Елена ќе каже: „Искрено, би било неблагодарно да одвојам само неколку работи. Тој е моето се. Чесно знаеме да кажеме деке сме едно и дека совршено се надополнуваме“ - изјавила за свршувачката Елена за „Вест“.

Сепак актерот, како што открива македонскиот портал „Репортер“ деновиве го потврдил разводот од ТВ водителката:

„Не сме заедно веќе една година. Но, тивко, без кревање врева, како што и го држевме приватниот живот само за нас. Бевме и ќе останеме одлични пријатели затоа што, сепак, имаме еден ангел. Неговата среќа и насмевка се најбитни за нас“.

Елена и Висар како што споменавме се зедоа во 2012 година и од заедничкиот брак тие го имаат четиригодишниот син Дион.

Висар Вишка деновиве е медиумски експониран како еден од говорниците во случајот „Правда за Алмир“ на протестите за случајот со прегазеното детенце од Куманово...

...додека Елена Митева и понатаму е една од ударните перјаници на водителскиот квартет на мошне гледаната утринска програма на ТВ Телма.