разубавување – Вистина.мк

Весна Ѓогани во ново издание: Пејачката реши да вбризга ботокс и да го промени изгледот (фото)

Слаѓана Атанасова — Tue, 18 Oct 2022 06:41:34 +0000

Пејачката Весна Ѓогани реши да се подмлади и разубави, па направи ботокс на лицето. Весна тврди дека подмладувањето и било многу потребно , а сега на социјалната мрежа Тик Ток покажа како изгледа по разубавувањето. Пејачката позираше во розова комбинација, а сите ја забележаа промената на изгледот и ја пофалија.

@vesnadjogani #vesnadjogani #vesnatory #fyp #foryoupage #foryou #xyzbca #viral ♬ Ženske suze - Đogani

Да потсетиме, Весна им призна на следбениците кои корекции на лицето ги направила: - Овој пат направив ботокс за брчки околу очите, ботокс за чело, а потоа направив мезотерапија за сјај и еластичност на кожата. Секоја мезотерапија се прави во зависност од типот на кожата - објаснила пејачката. Фото:Принтскрин/Инстаграм/Тик Ток

Весна – „Бејби“ на „трофазно“ подмладување: Умна и здрвена, прво на боцкање, па на гушкање! (ФОТО)

Антонио Димитриевски — Fri, 02 Oct 2020 07:19:24 +0000

Има една светска максима, која гласи: „Убавината ќе го спаси светот“... Како контра на неа, една стара скопска поговорка пак, вели: „Убавината е минлива, а глупоста останува“! И не дека не биле во право и едниот и другиот што ги измислиле и кажале, ама за аналогно на двете, излегува дека за глупоста да не преовладее, убавината постојано треба да доминира! И не само заради тоа. Што е убаво и на Бога му е драго, што би рекле браќа Срби, па затоа од убавина - никогаш доста! Годините си врват, па ако животното искуство по дифолт ти прави „корекција на умот“, ќе мораш или самиот, или со туѓа помош да се погрижиш за корекција на ликот. Македонската актерка, водителка, писателка, драмски педагог... што ли уште не е, Весна „Бејби“ Петрушевска, која неодамна ја раситни и „шестата банка“ од животот, поучена токму од туѓото искуство сублимирано во сето она што претходно го наведовме, побара помош за разубавување. И тоа стручна и не било чија, туку, како што и самата таа, а и многумина други велат, од најдобрите. Бејби реши да се подмлади и разубави или барем да престане да старее однадвор, зашто одвнатре ионака е евергрин. „Форевер јанг“, што би рекле, па налетот на мајката природа на надворешната естетика, препушти естетските стручњаци да ја „замрзнат и коригираат“! И тоа не во една или две, туку во три фази! Прва фаза - да те здрват! И ја здрвија... Тоа помалку наликува како Бејби да е во сцена од некој „хорор-трилер“, ама само навидум. „Процедурално“, зашто таква е процедурата, оти за се си има себап! После па, коа ќе ти кажат: „Леле, шо убаво старееш“, а тебе ти иде една милина, саде мераци и ќефои си од напливот на комплименти, ти текнуе? Затоа седи, ќути, трај и зевај... во таванот, вообичаено! Втора фаза - боцкање! Со филери и ботокс! Бејби пет години ја убедувале, додека не ја кандисале... Зашто за некои работи Бејби има „срце како планина“, ама од боцкање- „прпа“! Плачка голема... Се' додека и самата не се убедила дека навистина не боли... Не барем, толку! Трета фаза - опсервација на резултатот. А резултатот - за гушкање! До душа со короната, не е баш време за прегратки, ама на некои нешта, Бејби едноставно не може да им одолее! Екипата естетски мајстори од најпознатата ординација врвна, Весна „Бејби“ - умна и подмладена! И ајде сега да ве видам некој нека и фати кусур, дека „Бејби“ изгледа за 50 и кусур? Фото: Инстаграм принтскрин/vesnapetrushevska

Уште една јавна личност се „фрли на разубавување“ и се препушти во рацете на македонскиот фризер (фото)

Христина Ѓоргиевска — Fri, 08 May 2020 08:22:23 +0000

По речиси два месеци, полека почнаа да се разлабавуваат мерките за заштита од коронавирусот. Деновиве започнаа повторно да работат фризерските и козметичките салони, а таму навалија македонските јавни личности , но со чекање ред кој ќе има среќа да закаже термин бидејќи бројот на клиенти за работа е ограничен, а задолжителна е и дистанца и носење на заштитна маска. Познатите се упатија кај своите омилени фризери, шминкери, козметичари. Некои од нив ја скратија косата, други се фенираа, трети депилираа влакна во носот, средуваа нокти, лице...секој по потреба. Тамара Тодевска, Елена Велевска, Елена Стефановска, Миа Костова, Лила Филиповска, Дарко Спејко се фрлија на разубавување. https://arhiva.vistina.com.mk/radio-mileva/kubea-vlanka-vo-nos-se-feniraa-farbaa-poznatite-makedonki-navalija-na-sreduvanje-foto/ И Огнен Здравкоски е меѓу оние кои деновиве по два месеци се упати во фризерско студио и одлучи да се препушти во вештите раце на познат фризер. Имено, тој на социјалните мрежи објави фотографија од пред и по завршениот третман на косата, а во описот напиша: Од денес па натаму мојот стајлинг за мојата коса го препуштив во најдобри раце, кај Даниел Николовски“. Веруваме дека Здравкоски си заминал задоволен, а кога има потреба повторно ќе наврати во студиото на познатиот фризер.

Не се само македонските дами, и Дарко Спејко се фрли на разубавување – ова е крајниот резултат (фото)

Христина Ѓоргиевска — Thu, 07 May 2020 07:18:49 +0000

Поради коронавирусот, околу два месеци беа затворени салоните за разубавување, па македонските јавни личности фризурите, шминката, гламурот и високите потпетици ги заменија со кежуал изданија односно без шминка, тренерки, пижами. Со подобрување на состојбата, полека започнаа да се разлабуваат мерките за зашитата од короната. Така, салоните повторно функционираат, таму сега има навала, но со чекање ред кој ќе има среќа да закаже термин бидејќи бројот на клиенти за работа истовремено е ограничен, а задолжителна е и дистанца. Македонските јавни личности едвај чекаа да се отворат салоните за да се фрлат на разубавување. Па така, Лила Филиповска, Елена Петреска, Тамара Тодевска, Миа Костова, Елена Велевска и други седнаа меѓу првите да се средуваат. https://arhiva.vistina.com.mk/radio-mileva/kubea-vlanka-vo-nos-se-feniraa-farbaa-poznatite-makedonki-navalija-na-sreduvanje-foto/ Меѓутоа, не се само тие. И Дарко Спејко ги посети своите пријатели во салон и тој се „фрли на разубавување“ односно на кратење и средување на косата. По завршениот третман, Спејко на социјалните мрежи се пофали со крајниот резултат и фризура. Како ви се допаѓа?

Кубеа вланка во нос, се фенираа, фарбаа… Познатите Македонки навалија на средување (фото)

Слободанка Илиева — Wed, 06 May 2020 07:25:38 +0000

Погодени од вонредната состојба поради коронавирусот сме сите, но мерките за работа попуштија кога се во прашање салоните за разубавување, а таму сега има навала, но со чекање ред кој ќе има среќа да закаже термин бидејќи бројот на клиенти за работа истовремено е ограничен, а задолжителна е и дистанца. Припадничките на понежниот пол по долго домашно карантински поминато време, едвај чекаат да средуваат коса, нокти,лице... Први од клиентките се познатите Македонки кои ја имаат привилегијата да закажат термин и секако да бидат истретирани по желба. Лила Филиповска, Елена Петреска, Тамара Тодевска, Миа Костова, Елена Велевска и други седнаа меѓу првите да се средуваат. Најчесто имаа потреба од фарбање и фенирање, а пак Елена Велевска депилираше влакна во носот и веројатно уште некој третман. -Почна со работа и нормално прва дојдов. Препораките се испочитувани,девојките се расположени, а јас сум исфарбана и исфенирана – напиша Лила во описот на неколкуте „стори“ фотографии кои ги објави на својот профил на Инсатграм. Телефоните во рака и овој историски момент мораше да се овековечи!

Димитар Атанасовски на чуден третман: Два пара раце и две лавабоа за една глава! (ФОТО)

Антонио Димитриевски — Wed, 25 Sep 2019 08:14:38 +0000

Не е ништо ново да одите на фризер, каде после шишање, бојосување на косата или било кој друг вид на услуга ќе ви ја измијат косата. Некои одат дури и специјално само за миење глава. Како водителот Димитар Атанасовски, на пример. Арно ама, или тој не ги разбра добро фризерките дека тој ден им е гужва, или реши сам да проба како изгледа да си на нивно место, па онака „апансас“ влета во фризерскиот салон каде што редовно го разубавуваат! И ни пет-ни шест, ете ти го Диме нацртан, подготвен за третман на глава! Ама џабе глава за миење, кога главата не размислила претходно дека не е баш се' така лесно како што изгледа. Зашто едно е кога ти прават, а друго е кога ти сам треба да го правиш... а не си дома! Во салонот гужва, па вработените не можат да постигнат даим посветат време за сите! На Димитар му се брзаше, па водителот тргна сам со разубавување по принципот на „самопослужување“! Ако со зборување стекна слава, не значи дека умее сам да ја „одржува“ таа глава. До душа проба, ама некако - тенко... Персоналот виде - невиде, па откако сфатија дека муштеријата тешко сам се снаоѓа, за водителот да не им ја поплави фризерницата, пратија стручно лице да ја заврши работата. И додека вработената го шампонира, водителот лице мие, уши трие, тушот го бара за да направи гаргара... Чисто за да го исплакне грлото зашто нему му е главен инструмент за работа. А, главата? Четири пара раце и две лавабоа за една глава, едвај беа доволни! Што ли ќе биде следниот пат кога водителот ќе дојде да прави фризура? Веројатно ќе треба да се собере целата гарнитура... Фризерски конзилиум за „фризура - делириум!“

Ања Ветерова јавно ја прозва водителката: Спиеш ли мирно Елена „Живот со стил“!

Слободанка Илиева — Sun, 22 Oct 2017 08:30:22 +0000

Малото девојче кое го најмногу паметиме како претставничка на детската Евровизија, Ања Ветерова, годинава го прослави својот 18-ти роденден и стана полнолетна млада дама. Летово бомбардираше со провокативни фотографии кои се почесто ги полнеа домашните медиуми, а потоа направи бум и на музички план со објавувањето на хитовската „Рам бам бам“.

Како и секоја госпоѓица, така и Ања ужива во разубавувањето, особено за викенд во салон за убавина. Па така, таа се упати во центарот кој редовно го посетува ТВ водителката Елена Стефановска, па ја прозва на Инстаграм „Спиеш ли мирно Елена живот со стил“, напиша младата пејачка во описот на фотографијата каде позира во огледало.

Дали ова со ова на некој начин сакаше да и даде до знаење дека е подготвена за во емисијата или пак дека се наоѓа на провереното место, најдобро знаат самите.