разочаран – Вистина.мк

Музичарот и советник во општина Аеродром, Дарко Масларковски демонстративно ја напушти „Левица“: Не сум сам и единствен кој вака се чувствува, но сум прв кој гласно кажува дека во партијата нешто смрди-корне“

Антонио Димитриевски — Thu, 29 Feb 2024 10:02:37 +0000

Дарко Масларковски со години познат како музичар, музички арстист, изведувач, организатор на разни настани, концерти и манифестации кога е во прашање македонската алтернативна музичка сцена. Заедно со својот брат близнак, членови на неколку бендови, од кои најпознати култните „Пука козметика“ и „Брука“ и едни од сопствениците на забавно-музичката Интернет телевизијата „Бла Бла ТВ“. Откако Димитар Апасиев ја основаше партијата Левица, Дарко Масларкловски станува нејзин член и не само тоа, туки и еден од нејзините најистакнати поединци. Како еден од најгласните, најборбените, најправедните, најреволуционерните заслужно ќе се најде на листата за советници на партијата и на последните локални избори успева да се избори за советничко место во општината каде живее - скопската општина Аеродром. И кога некои предвидуваа дека „Левица“ расте, напредува, завзема се поголем простор и се надеваат на што поголемо парче од политичкиот колач на претстојните парламентарни и претседателски избори во Македонија, тргнаа скандалите, а со тоа и првите знаци на „расколот“ во партијата откако токму Дарко Масларковски разочаран , деновиве јавно ја напушти истата! Дали по очигледно оддамна насобраниот гнев и нездоволство тригер за ваквата одлука беа гласините во јавноста дека СДСМ и помага на Левица да собере потписи за нивната претседателска кандидатка Билјана Ванковска, со цел да се создаде поделба во опозицијата, па членови на партијата се кренаа против партиското раководство? Или јавно обзнанетите документи од страна на Петар Богојески од „Македонски концепт“ во емисијата „Заспиј ако можеш“ на ТВ Алфа, во вид на тендер договори на институции каде директори се луѓе поставени од Левица со фирми чии сопственици се блиски до ДУИ и шокантниот партиски Правилник за задолжителни донации на „Левица“, според кој наводно секој кој ќе добие хонорарна работа или се вработи преку партијата, треба да плаќа од 20% до 25 % од своите примања во истата, ја прелија чашата на горчина? Што и да е, веројатно незадоволството кулминирало до точка на вриење, па македонскиот музичар и опшински советник не можејчи повеќе да ја истрпи неправдата што му се случува пред очи, откако „му пукнал филмот“, реши да пресече. Та „пука брука“ или не, Дарко Масларковски повќе член на Левица - не е! Одлуката јавно ја соопшти на својот Фејсбук профил, каде отворено и се обратил на јавноста, појаснувајќи зошто се решеил на ваков „радикален чекор“: „Почитувани ДРУГАРИ, пријатели, роднини како и цела македонска јавност Сакам да ве информирам дека од денес ЈАС не сум повеќе член на политичката партија ЛЕВИЦА. Одлуката ја носам со чиста совест и разум базирана на повеќе причини и дејства на кои не можам да останам рамнодушен. Разочаран сум бидејќи работите во партијата не се на она другарско и чисто идеолошко делување, како на почетокот, тоест полно е со византиски игри, намерно уништување, игнорирање и оддалечување од чесни, вредни, борбени, бестрашни, бескомпромисни "чисти" кадри. Се случува опкружување со полтрони, интересџии и безкичмењаци кои безпоговорно следат ЛУДИ ДИРЕКТИВИ(како таа за отстранување на МАКЕДОНСКОТО ЗНАМЕ од Кутлеш) како и екипирање на раководни кадри кои се премногу сомнителни, увезени токму од политичките елити против кои се бориме(наводно се бори и Левица). Рацинизирани се сите оние кои на почетокот со сета своја способност, труд, напор и знаење дадоа ОГРОМЕН придонес во развојот на делото и партијата, а додадени се разно разни мешетари и луѓе со сомнително минато и потекло. Растурени се најсилните ограноци со инфилтрации на горепосочените и во јавноста само привидно се прави чувство дека расте партијата, нема месен огранок во Ново Лисиче каде имавме најсилна поддршка на избори има нов огранок во некое село со 500 жители и 3 члена. Најверојатно раководството низ својата длабоко затворена призма на делување и секташање не дава простор за вистинско растење на партијата, вистинска борба, која многупати била задушувана од самото раководство, па најверојатно исплашени од расколите од минатото кое ги следи како црна сенка, не дозволува никој да пристапи, дава различни идеи и делува. Не се посветува и одвојува ни тронка време за да се согледа и реши внатрепартискиот проблем со дискусија и другарски муабет Не сум сам и единствен кој овака се чувствува, но сум прв кој ГЛАСНО кажува дека нешто "СМРДИ", а смрди КОРНЕ. Дали последната надеж за конечно добра, партија на НАРОДОТ е контролирана и усмерувана од некој повисоки сили и центри на моќ? Времето можеби не е најадекватно и баш пред избори, но јас не можам повеќе да бидам дел од нешто што ќе го уништи духот на МАКЕДОНЦИТЕ, одземајќи му ја можноста за ВИСТИНСКА политика и партија која вистински се БОРИ за МАКЕДОНИЈА. ПРЕДАДЕНИ СМЕ Се вклучивме во ПОЛИТИКА (прв пат се ОБОИВМЕ/ИСПЉАВМЕ ПОЛИТИЧКИ) со сето срце и душа и човечки капацитет, ВЕРУВАЈЌИ во ИДЕАТА и КАУЗАТА за БОРБА за Македонија и подобра иднина за сите луѓе. Борбата за МАКЕДОНИЈА ја ПРОДОЛЖУВАМ секако, но го фрлам оружјето ЛЕВИЦА кое е отапено до толку што не може ниту хартија да пресече, а камо ли да нанесе сериозен удар на НЕПРАВДАТА кој ја трпиме 30 + години. П.С. Во советот на општина Аеродром ќе продолжам да делувам како независен Советник“ - стои во обраќањето на Масларковски, кој како што самиот вели, не е сам и единствен кој вака се чувствува, но е првиот кој гласно кажува дека во „Левица“ нешто смрди - корне“! Дали Левица полека „пука“ и дали е формирана само за да биде нечија политичка „козметика“, ќе видиме допрва?! Избори се ближат...! Фото: YouTube/Brooka/Заспиј ако можеш/Општина Аеродром/Левица - web page/ Facebook/Дарко Масларковски

Таки сакаше да ја изненади Маја Маринковиќ по излегувањето од реалното шоу, па и купи стан од 160 илјади евра но и се налути и го смени планот (фото)

Слаѓана Атанасова — Tue, 10 Jan 2023 13:09:08 +0000

Радомир Таки Маринковиќ е длабоко разочаран од однесувањето на неговата ќерка Маја Маринковиќ и нејзиното помирување со поранешното момче Филип Цар, поради што решил по излегувањето од реалното шоу да го регистрира на свое име станот со кој планирал да ја изненади. Како што открива изворот, недвижниот имот во кој Таки ќе ја вложи целата своја заштеда се наоѓа во селото Браќа Јерковиќ, во луксузна зграда во изградба која ќе биде завршена пред почетокот на летото. - Таки повеќе од една деценија има само една желба, а тоа е да ја одоми Маја. Поради потребата да се осамостои и да ја обезбеди, во последните години издвојува големи суми за нејзиниот стан. Кога пријател му кажал дека се гради луксузна зграда во населбата на браќата Јерковиќ, тој направил се за да го договори купувањето пред неговата наследничка да ја напушти Белата куќа - објаснил изворот за „Реалити плус“. Сепак, како што изјави близок пријател на Таки, многу брзо се предомислил затоа што видел се*с сцени на неговата ќерка со Филип Цар и тоа на Божиќ, што го ужаснало и разочарало. Фото:принтскрин/Снежана Крстиќ/Задруга

„Воопшто не личи на него“ – Хасан Дудиќ разочаран од споменикот на Шабан Шаулиќ (фото)

Слаѓана Атанасова — Wed, 07 Sep 2022 06:17:50 +0000

Во Шабац беше откриен споменикот на Шабан Шаулиќ, а на церемонијата присуствуваше семејството Шаулиќ, бројни колеги и пријатели, но и жители на Шабац. Но, големиот пријател и брат на Шабан, Хасан Дудиќ, сепак е разочаран од она што го видел. Овој споменик, висок околу четири метри, се наоѓа на аголот на улиците Краља Милана и Мачванска во Шабац. Најголем дел од средствата ги обезбеди семејството Шаулиќ со поддршка од пријатели, додека градот Шабац го финансираше поставувањето на постаментот и уредувањето на непосредната околина на споменикот, кој симболично беше поставен на самото место од каде што Шабан „со намерна отиде во големиот град“, како што се вели во текстот на неговиот легендарен хит. - Чувствувам длабока тага, брат ми не е жив, би бил најсреќниот човек да беше жив. Да беше жив, ќе дадов уште половина од мојот живот, ако треба се, само тој да беше жив - изјавил Хасан Дудиќ, а потоа призна дека воопшто не е задоволен од изгледот на споменикот. - Не сум задоволен од тоа како го направија ликот, малку се брзаа, а стварно имаше убава глава за правење и мал нос, слушам и коментари, а штом видов така помислив и јас. Претпоставувам дека ќе го поправат - искрен е Хасан. Фото: Принтскрин/Пинк.рс

Синот на Есма си замина од Македонија: Симеон Атанасов разочаран од односот на власта се исели од државата (ФОТО)

Антонио Димитриевски — Wed, 27 Jul 2022 07:31:42 +0000

Музичарот Симеон Атанасов, едно од могуте посвоени деца кои легендарната Есма Реџепова - Теодосиевска ги одгледа, беше тој кој до крајот на животот на кралицата на ромската песна остана покрај неа. По нејзината смрт и целата негрижа на власта и државата за нејзината културна оставштина која Есма и ја остави на Македонија, Симеон по долга борба со неправдата реши заедно со сопругата, синот и ќерката да се исели од Македонија и да замине да живее и работи во Виена, Австрија. Разочаран по сите шокови и стресови, по целот грабеж на имотот и опустошувањето на куќата - музеј која остана ограбена, искршена, уништена… уште пред да се отвори и сега стои руинирана, оставена во распаѓање, препуштен на забот на времето, уморен од правната битка која стои заглавена во ќорсокак, синот на кралицата Есма не можел веќе да го поднесе сиот тој товар врз себе. Особено незадоволен од власта и целата инертност и негрижа на државата кон сопствените вредности кои се дел од културниот и националниот идентитет на една земја, музичарот донел тешка, но решителна одлука заедно со семејството да се исели од државата. „Оваа држава нема никаков интерес за да го заврши тој музеј и да си го земе под своја заштита, затоа што по тестаментите на Стево и на Есма тој и припаѓа на Македонија. И додека се влечеме по судови зградата пропаѓа, таканаречените Реџепови однесоа се’ што бесе вредно, фрлија цела историја во вода, се’ што е градено со години, веќе не постои. Па би ги замолил надлежните доколку некој случајно го види овој мој пост да си ги земе работите во свои раце. Греота е и срамота пред целиот свет сто дозволуваат ова да се случува. На крај само можам да го кажам следново – Мајко не ви се исполнети желбите. Почивај во мир“ – напиша синот на Есма во своето јавно обраќање до државата Македонија во 2019-та година, на тригодишнината од нејзината смрт. Оттогаш до денес работите очигледно не само што не се поместени од мртва точка, туку и дополнително се правно искомплицирани, откако внуците од браќата и сестрите на Есма ги оспорија тестаментите, па со години се чека на судска разврска на случајот, а државата и понатаму „мува не ја лази“ за нејзиното културно наследство. „Ако сегашната власт нема ништо направено за Никола Бадев, Кирил Манчевски, Васка Илиева, Вања Лазарева, итн… што би можеле ние да очекуваме од власт која што не го прифаќа единствениот музички храм кој го оставија Есма и Стево Теодосиевски, кои што имаа желба тој дом да биде музеј, музичко школо, секој доајен на македонската музика да добие своја соба, амфитеатар и уште многу дејности кои што би ја чувале македонската уметност“ – вели Атанасов во изјава за „Фокус“. Симеон своето заминување од Македонија и јавно го најави и обзнани на социјалните мрежи, поточно на својот Фејсбук, по што ја доби поддршката од голем дел од своите колеги, музичките автори, како и од естрадните новинари. Во Виена музичарот вели дека ќе се занимавам со менаџмент во „К1 music production“ како што се вика продукција на неговиот син Стево Атанасов која е во преговори со сите балкански продуценти со кои планираат да потпишат договор за копродуцирање на голем број балкански ѕвезди. Сепак, надежда дека сонот на неговите „родители“ и музички учители Стево и Есма Теодосивски еден ден ќе се оствари не стивнува.Можеби семејството сепак ќе се вразуми и најде начин да се договори, а спомен-куќата на Стево и Есма можеби сепак државата ќе се сети да ја возобнови и музејот да го отвори. Фото: Фејсбук принтскрин/Simeon Atanasov

Уништен бродот на пејачот: Топалко бесен и разочаран пие лекови за смирување

Слободанка Илиева — Thu, 18 Jun 2020 09:48:41 +0000

Само неколку дена откако се пофали дека неговата ќерка Хелена Топаловиќ дипломира, пејачот Милан Топаловиќ доживеа голем стрес затоа што мајсторите го уништија неговиот брод. Пејачот сакал поправка за миленичето на вода, но кога го видел по три месеци затекнал ужасна глетка - корозија и уништен ентериер. Топалко не може да се опорави од стресот што го претрпе, а за „Курир Старс“ откри што точно се случило.

View this post on Instagram

A post shared by Milan Topalovic (@topalko.top) on Sep 11, 2019 at 7:46am PDT

"Не сум видел толку многу небрежност и неодговорност во 43 години од мојот живот. Покрај мојата љубезност и барање да го поправат најдобро што можат, затоа што не штедам за тоа. Мојот ново обоен брод имаше корозија после три дена, иако пред тоа беше како нов, јас платив сè како што треба и многу сум разочаран што ми го уништија бродот, не го заштитија ентериерот. Ќе го вратам во посакуваната состојба, тоа е мојот одмор, мојата љубов, пиев два лекови за смирување кога го видов.Само ние кои сме на вода знаеме колку многу ги сакаме. Чекам три месеци мајсторите да ја завршат работата и сега наместо да уживам чувствувам душевен немир кој не може да се смири со пари. Има многу инвестиции но поентата е во неодговорноста и невештите луѓе на кои им го доверив своето богатство “, рече тој.