расправија – Вистина.мк

Прва пресметка меѓу Цеца и Кеба во „Ѕвездите на Гранд“, интервенираше и Саша Поповиќ (видео)

Слаѓана Атанасова — Fri, 08 Mar 2024 09:10:51 +0000

Во последниот период стручното жири на музичкиот натпревар „Ѕвездите на Гранд“ доби нови членови, но атмосферата остана иста. Гледачите од недела во недела се навикнати покрај пеењето да слушаат и судир на мислења меѓу жирито, а овој пат дојде до несогласување меѓу Светлана Цеца Ражнатовиќ и Саша Поповиќ. -Само сакав да кажам дека Кеба е наглув - рече пејачката, по што Којиќ објасни зошто не гласал за натпреварувачот. - Само кажав дека пеела нестабилно. А, има украси кои не стојат - рекл пејачот, додека Светлана тврдела дека колегата погрешил. Во разговорот на Цеца и Кеба се вмеша Саша Поповиќ, кој ја „поттикна“ пејачката. - Во моментот кога со неа ја испеавте „У сну љубим една уста“, тогаш започна вашата кариера - рече Поповиќ, а Цеца жестоко го плесна. - Ти го видов лицето! Од болка се стуткавте, од тага се стуткавте - рече Ражнатовиќ. Саша Поповиќ не остана имун на зборовите на Цеца, па прсна во смеа која одекна низ студиото.

View this post on Instagram

A post shared by Zvezde Granda (@zvezdegranda)

Фото: printskrin/instgaram/

Брутална караница за македонскиот кандидат во „Ѕвездите на Гранд“: Марија жестоко ја поткачи Вики – „За ова во Америка би влегла во затвор“ (видео)

Слободанка Илиева — Tue, 06 Feb 2024 08:10:33 +0000

За раководството на регионалното музичко шоу „Ѕвездите на Гранд“ и повеќе од добро познато е дека препирките и се почестите караници меѓу членовите на жирито продаваат, односно носат поголема гледаност. Иако не се сценирани, расправиите понекогаш знаат да излезат од контрола како во случајот од минатата емисија кога Марија Шерифовиќ и Вики Миљковиќ влегоа во клинч поради македонскиот кандидат Омар Џафероски или поточно поради неговиот изглед и килограмите. Откако отпеаја и заврши дуелот меѓу Самед Џел и Омар Џафероски настана целосен хаос и жестока расправија меѓу Вики Миљковиќ и Марија Шерифовиќ. Вики гласаше за Омар, по што прокоментира дека тој мора да ослабе пред следниот круг, Марија веднаш реагираше и настана тотална гужва. -Омар, владееја тенки нијанси, со тебе почувствував подобра емоција. И во првото и во акапела пеењето. Но, сега ќе ви кажам една работа. Ако не ослабете до следниот круг... - рекла Вики, а Марија ја прекина: -Тоа се вика дискриминација. - Не, јас апсолутно ја поддржувам. Така е Вики - интервенираше и Ѓорѓе Давид. -Цивилизациски не кажуваш така, престанeте да бидетер глупави, невоспитани и се останато. Можеби дечкото има здравствен проблем и не може да ослабе. Не си во право - одговорила Марија, додека Ѓорѓе постојано велеше дека Вики е во право. - Само сакам да кажам дека има начини тоа да се спроведе во пракса. Значи, Омар, ако се чувствуваш добро во своја кожа, немој. И ако мисли[дека ќе се движите, дишете, пеете подобро, тогаш продолжи, кажа Марија. Следеше општа дискусија, при што Вики цело време се обидуваше да добие збор. -Добро, сакаш ли да ми дозволиш да кажам нешто? – рече Вики, а Марија не ѝ одговори веднаш: - Нема, затоа што зборуваш глупости и тоа е безобразно. За тоа би одела во затвор во Америка, среќа што не сме таму. Ајде, однесете ја во тоа нејзино село. - Престани, не си во право. Прво, да престане да ја навредува госпоѓица Марија - рече Вики, додека Марија налутено се замеша: - Па вие го навредивте кандидатот на национална фреквенција. Што зборуваш будала? - Ако на оваа бина застане 22-годишен дечко, кој ја работи работата што ја работи, кој колку што знам не е болен, нема ништо лошо со него. Тоа е многу нормално, здраво и правилно. Не треба да тргнуваме од тоа дека некој е болен, ви посакувам сите да бидете здрави, весели и среќни. Значи, треба да се потрудите да изгубите два-три килограми, бидејќи на таа возраст не треба да изгледате така - објаснила Вики, но Марија повторно бурно одговорила: -Ќути, не зборувај. Бев на диета затоа што имам дискусхернија, а тоа што сум дебела мислиш дека поради некого би ослабела? О Боже, тоа ќе го оставам на помалку талентираните пејачки, биди слаб бидејќи не можеш да пееш, продолжи Марија. Како и да е, Самед и Омар предизвикаа колективно воодушевување со добивањето на максималниот број гласови и изедначија на 6:6, по што следеше пеење. Самед беше победник во настапот во акапела со резултат 4:2, додека талентот на Омар го привлече вниманието, па Саша Поповиќ на крајот реши да ги пушти директно двајцата натпреварувачи. Нашиот Омар вака или така редовно е во фокусот на вниманието, најчесто и разбирливо за своето одлично пеење, а сега и за изгледот. Видеото од настапот и расправата погледнете ја од видеото на 41мин:42сек фото:You Tube printscreen/ Zvezde Granda

Две реченици за време на расправија кои можат да бидат знак дека можеби е време за раскинување

Слаѓана Атанасова — Thu, 16 Nov 2023 13:26:11 +0000

Без разлика колку е стабилна,здрава и страсна љубовна врска,повремените несогласувања се сосема нормални. Експертите веруваат дека расправијата е повеќе од пожелна,а некои студии дури покажале дека паровите кои повремено се караат повеќе се сакани.Меѓутоа,во некои врски на самиот почеток се појавуваат црвени знамиња кои како аларм укажуваат на прекин. Додека некои парови ги препознаваат и навреме ја прекинуваат врската,други не ја прифаќаат реалноста,остануваат заедно и на тој начин си ги комплицираат животите.Значи,во здрави односи засновани на толеранција,доверба и почит,расправиите се инструмент преку кој партнерите можат подобро да се запознаат.Затоа во вакви ситуации треба да се слуша другата страна и да и се дозволи да го кажат своето мислење. Темата на расправијата понекогаш не е вистинската причина за негативните емоции,па затоа треба да се земе предвид. На пример, ако една жена експлодира поради валканите чорапи на нејзиниот партнер на подот во бањата,таа всушност е лута поради неговата неодговорност и непочитување на куќните правила.Тоа се случува затоа што паровите го изразуваат своето незадоволство само кога се лути,наместо да започнат конструктивен разговор во моменти на мир и љубов. Квалитетна врска е онаа во која почит се чувствува дури и во моменти на жестока расправија.Ваквата врска има светла иднина бидејќи партнерите покажуваат дека пречките се составен дел од животот и нивната врска. Особено е важно да најдете добар тон на расправија за оние парови чија врска виси на конец.Зборовите болат многу повеќе од постапките,а расположените луѓе можат да кажат непромислени реченици кои го погодуваат срцето како куршум. Експертот за врски Кристин Веро истакна две реченици кои паровите можат да си ги кажат во моменти на расправија,а поради кои нивната врска автоматски е осудена на пропаст.На почетокот не делуваат грубо и грдо,но кога ќе размислиме малку повеќе – содржат потврда дека врската нема иднина. -Првата алармантна реченица гласи:Јас сум каков/каква што сум,не сакам да се менувам. Како прво, врската е компромис.Ако партнерот искрено кажал што му пречи,а другата страна не сакала ни да размислува за тоа – таа врска дефинитивно нема потенцијал.На почетокот тривијална,оваа реченица е смртна казна во секоја врска која виси на конец. -Друга алармантна реченица гласи:Ти го избра ова,земи или остави. Луѓето кои ја кажуваат оваа реченица покажуваат себичност.Љубовната врска е двонасочна улица каде компромисот е главното правило.Ако едната страна ја префрли целата одговорност на другата,а попатно покаже незаинтересираност,тоа значи дека во врската нема ниту љубов ниту почит. Извор: Попара

Дали се однесувате пасивно-агресивно во врската?

Слаѓана Атанасова — Fri, 13 Oct 2023 12:15:52 +0000

Проблемите во врската или проблемите со воспитување на децата, трошењето, домашните работи, никогаш не треба да се туркаат под тепих, бидејќи тие предизвикуваат трајни фрустрации. Честите расправии и несогласувања ја уништуваат врската, но уште поразорно е честото сузбивање на емоциите кои, кога ќе капне капката што ќе ја прелее чашата, завршува со експлозија. Скоро сите пасивни партнери кои му премолчуваат на другиот кога нешто им пречи, порано или подоцна се претвораат во агресивни луѓе, оние кои ќе „пукнат“ и ќе реагираат премногу бурно на навидум обична ситуација. Психолозите и експертите за врски издвоија неколку вакви критични точки што сите парови треба да ги стават на дневен ред ако сакаат да избегнат несогласувања и да ги направат своите врски или бракови подобри. На списокот на контроверзни теми кои се честа причина за расправија се наоѓаат децата, парите и постапките на членовите на семејството и пријателите. Начинот на кој ги качуваме нештата може многу да промени. Ова се најчестите лоши начини како да соопштите што ви пречи и како да постапите правилно следниот пат. Само работиш и воопшто не размислуваш за мене и за семејството Партнерот/партнерката можеби работи прекувремено за да преживеете или едноставно затоа што ужива во работата. Ако тоа ве прави да се чувствувате осамено, немојте да коментирате: „Престани да работиш толку многу“, зошто така испраќате погрешна порака дека не ја почитувате напорната работа на саканата личност. Признајте дека ви недостига! Може да станете половина час рано наутро и да пиете кафе заедно, да направите појадок и да кажете на позитивен начин што сакате од него/неа и врската. Постојано се жалиш Секој понекогаш има лош ден, но кога ќе станете на левата нога, не треба да покажувате нервоза кон вашиот партнер/партнерка. Кога другиот има еден од овие денови и се жали на што и да е, ислушајте го/ја добро, не само неколку минути. Откако ќе каже што му/ѝ лежи на срце, насочете го разговорот на посветлата страна на приказната. Обидете се да го/ја расположите, бидете поддржувачки настроени. Ќе се одлепиш некогаш од телефонот? Ако се вратите дома или завршите со работните обврски од дома и сфаќате дека треба да се изборите за неговото/нејзиното внимание со телефонот, да, ќе се изнервирате. Наместо да „стрелате“ со поглед, кажете отворено дека се чувствувате запоставени. Договорете се, на пример, да ги исклучите мобилните телефони за време на оброците или барем еден час навечер. Сè паѓа на мој грб Ако чувствувате дека партнерот/партнерката не ви помага доволно, разговарајте пред да почнете со нападот. Наведете ги барањата и наведете ги задачите што треба да ги направи. Ако понекогаш заборави, смирено потсетете го. Те интересирам само кога сакаш секс Интимноста најмногу се расипува ако партнерот/партнерката покажува емоции само кога сака секс. Без постојано покажување чувства, може да се почувствуваме несакани и непосакувани, па и да се убедиме дека другиот нè користи само за физички задоволства. Ако почнете да ја толкува секоја нежност како евтина увертира за секс, штом ќе ви пријде саканата личност, ќе станете напнати. Експертите сугерираат - определете ноќи без секс кога тој ви обрне внимание и ќе покаже дека ве сака и кога нема „хепиенд“. Не ми го уништувај авторитетот пред децата Објаснете дека двајцата мора да бидете во истиот тим, на истата страна во воспитувањето на децата. Можете да разговарате за стилот на воспитување приватно, но секогаш бидете обединети пред децата. Извор: Кајгана

Големата расправија со Цар во „Задруга 6“- Маја Маринковиќ доживеа нервен слом (видео)

Слаѓана Атанасова — Thu, 26 Jan 2023 10:59:02 +0000

Учесничката во реалното шоу, Маја Маринковиќ доживеа нервен слом по расправија со Цар. Имено, Маринковиќ уште во рани зори направи драма и со сета сила удри главата и го искрши прозорецот. Во тој момент дотрча и Цар како и обезбедувањето и се обидоа на секој начин да ја задржат. Маја цело време врескала и се фрлала на подот, а задругарите биле шокирани од глетката. - Оставете ме сите на мира - цело време врескаше Маја. Фото: Принтскрин/Задруга

Исплива на виделина преписка меѓу Меган Маркл и Кејт Мидлт – Хари ја пронашол сопругата расплакана на подот (фото)

Слаѓана Атанасова — Wed, 11 Jan 2023 09:00:09 +0000

Долгоочекуваните мемоари на принцот Хари наречени „Spare“ конечно се објавени, а јавноста дознава многу досега необјавени детали од животот на членовите на кралското семејство за кои пишува, вклучително и расправијата меѓу неговата сопруга Меган Маркл и принцезата Кејт Мидлтон. Ова е прв пат Хари да ја даде својата страна од приказната за озлогласениот фустан за деверицата што ја остави неговата внука принцезата Шарлот во солзи кога таа го проба дома пред неговата венчавка со Меган. Хари инсистира дека целиот инцидент го предизвикала неговата снаа Кејт. Раздорот меѓу неа и Меган дополнително се влоши со неподготвеноста на Кејт да го посети кројачот на Меган во палатата Кенсингтон во време кога неговата тогашна сопруга била зафатена со расправии со нејзиниот татко Томас Маркл. Хари пишува дека Меган добила порака од Кејт четири дена пред нивната венчавка во која вели дека има проблем со фустаните на деверушите и дека треба да се сменат. Сошиени се по француска мода и рачно шиени по мерка, без да ги пробаат, така што не беше навистина голем шок што некому не му прилегаат совршено. "Мег не и одговори на Кејт веднаш. Да, добиваше бескрајни пораки за венчавката, но главно се справуваше со хаосот што го предизвика нејзиниот татко. Така следното утро и испрати порака на Кејт дека нашиот кројач е во палатата и неговиот името беше Еј Џеј. Но, тоа не беше доволно“, напиша Хари. "Фустанот на Шарлот е преголем, предолг, премногу широк. Плачеше кога го проба дома", напишала Кејт Меган. „Точно, ти реков дека кројачот чека од 8 часот наутро. Еве. Во палатата. Можеш ли да ја однесеш Шарлот да го смени како другите мајки? беше одговорот на Меган. Според верзијата на настаните на Хари, Кејт одговорила: „Па, сите фустани треба да се преработат. Разговарав со мојот дизајнер на венчаница и тој се согласи“. "Мег праша дали Кејт е свесна што се случува во моментот со нејзиниот татко. Кејт и кажа дека е , но фустаните се важни. А свадбата е за четири дена!" Откри Хари. Принцот Хари исто така тврдел дека Кејт имала „проблем со начинот на којшто Меган ја планирала својата венчавка“. Тој објаснува дека Кејт очигледно не сакала да се состане со кројачот на Меган во Кенгсингтонската палата и дека само четири дена пред венчавката влегле во конфликт по пат на пораки. На крај Кејт ја одвела сама Шарлот на кројач, но оваа ситуација ја повредила идната невеста која веќе имала доволно проблеми со својот татко во тој момент. „Стигнав дома и ја најдов Мег на подот. Лелекаше. Бев ужаснат што ја видов толку вознемирена, но не мислев дека тоа е катастрофа. Емоции се секако, беше полна со стрес од минатата недела, последниот месец, последниот ден. Беше неподносливо, но привремено. Кејт не мислеше ништо лошо, ѝ реков на Меган. Следниот ден Кејт стигна со букет цвеќе и, ѝ се извини на Меган“, тврди Хари. Фото:Принтскрин/Профимедиа

Поповиќ ги смируваше: Хаос во „Ѕвездите на Гранд“, Ана Бекута жестоко удри по Вики Миљковиќ

Слободанка Илиева — Thu, 15 Dec 2022 12:00:14 +0000

Жирито во „Ѕвездите на Гранд“ често војува поради натпреварувачите и во таа прилика се изговараат тешки зборови. Така Вики Миљковиќ и Ана Бекута влегле во вербална расправија поради пеењето на една од натпреварувачките. Имено, Вики негативно го коментирала пеењето на младата натпреварувачка, а Бекута не можела да ја задржи устата. - Со тоа вибрато си направи кариера бре Виолета. Твојот е уште полош од нејзиниот - одговорила Ана, по што Поповиќ се обидел да ја смири ситуацијата бранејќи го вибратото на натпреварувачот што го изведе, но Миљковиќ се навредила од зборовите на нејзината колешка од жирито.

View this post on Instagram

A post shared by Zvezde Granda (@zvezdegranda)

-Тоавибрато е кај неа. Воопшто не ми пречи – изјави Саша. - Па, тоа е мое мислење, дали јас сум единствена овде? - извика Вики. фото:Јутјуб принтскрин/Пинк.рс

Џиџа искрено за кавгата со Цеца, па откри што се случува со „Ѕвездите на Гранд“ (фото)

Слаѓана Атанасова — Fri, 16 Sep 2022 10:04:07 +0000

Пејачката Алексадра Стојковиќ Џиџа која имаше конфликт со Цеца Ражнатовиќ за време на „Ѕвездите на Гранд“ , се наврати на музичкиот натпревар за кој вели дека не знае дали ќе има нова сезона, но и на расправијата за која се пишуваше со денови. „Не знам дали ќе има „Ѕвездите на Гранд“, немам поим што се случува, ќе треба да ги прашате одговорните. Претходно тој (Босанац) секогаш доаѓаше на состаноци веќе во август. Не го прашав било што ама знам дека ќе ми кажеше дека почнува снимањето. Не знам што ќе биде. Засега нема информации. Веќе е половина септември. Којзнае што доаѓа“, изјави Џиџа, а потоа го коментираше конфликтот со Цеца. „Сите ме прашуваа за тоа, јас зборував за тоа, јас и Цеца после тоа не се слушнавме. Не се ни сеќавам, целосно заборавив на тоа, верувајте ми“, рече таа и додаде дека е убедена дека Анастасија ќе има одлична кариера како нејзината мајка, затоа што има од кого да учи - без промашување. Во продолжение откри дали на нејзините настапи ги пее песните на младата Ражнатовиќ. „Не ја следам нејзината кариера. Извинете, не и ги пеам песните, имам поинаков стил. Пеев една песна „Ране“, но после тоа повеќе не, заминав во друг стил. Но, да ме праша некој, ќе му отпеам. Па знаете тоа е бакшиш, колку давате, но чини многу!“, рече Џиџа. Фото: Принтскрин/Ата Имаџес/ Борислав Здриња/Антонио Ахел

Новопечениот пар имал жестока расправија: Маја Маринковиќ раскина со Пеца?! (фото)

Слаѓана Атанасова — Mon, 18 Jul 2022 12:14:10 +0000

Во јавноста со денови се врти аферата на Маја Маринковиќ со сопругот на нејзината најдобра пријателка Александра Суботиќ, Предраг Пеца Распоповиќ. Меѓутоа, се појавија шпекулации дека новопечениот пар имал жестока расправија, поради Миљана Кулиќ, а како што наведува изворот дошло и до раскинување, па Маја итно се вратила во Белград. Набргу потоа пристигна нов шок, а како што пишува „Пинк.рс“, во Црна Гора заминала и изневерената Александра Суботиќ, која ќе биде кај пријатели на Пеца. Дали ќе има средба на Маја, Пеца и Александра, останува да видиме. Фото:Принтскрин/Инстаграм/Србија денес/Пинк.рс/П.Радослалјевиќ/М.Мијатовиќ

Расправија меѓу Милица Павловиќ и Аца Лукас: Повеќе не се пријатели, го избришаа и нивниот заеднички дует!

Слаѓана Атанасова — Thu, 14 Apr 2022 08:59:57 +0000

Дека нешто не е во ред веќе подолго време помеѓу Аца Лукас и Милица Павловиќ, а беа многу блиски кога ја објавија дуетската песна „Кидаш ме“, потврди и самата пејачка на прес-конференција по повод нејзиниот нов албум „Посесивна“. „Сигурна сум дека Аца Лукас нема ни да ми честита за албумот. Тој е некој со кој имам убави спомени. Не знам што носи денот, а што ноќта, но во овој момент не сме пријатели. Дуетот го избришав лично јас. Не морав да го тргнам, но го тргнав“ - рекла Милица, и не сакала да објаснува кој е проблемот меѓу нив. Додека Лукас, пак немаше желба да се занимава со колешката и нејзините изјави за него. „Имам многу работа. Не можам да се занимавам со површни работи“ - изјавил Аца. Фото:принтскрин/инстаграм/aleksandar_vuksanovic_/senoritamilica