расправии – Вистина.мк

Пет кавги што ги водат дури и најсреќните парови

Слаѓана Атанасова — Fri, 29 Sep 2023 13:20:49 +0000

Проблемите во врската/бракот се неизбежни и сосема нормални, исто и кавгите што се јавуваат поради тие проблеми. Затоа не треба да се плашите од гласни и енергични расправии со вашиот партнер, бидејќи не мора да биде знак дека нешто не е во ред со вашата љубовна врска. Напротив, кавгите понекогаш се корисни и знак за здрава врска. Ако никогаш не кажете јасно и гласно дека не се согласувате за нешто, гневот и незадоволството се потиснуваат и подоцна се манифестираат во форма на одмаздољубиво однесување што може да ја ослаби врската, предупредува Сузан Хајтлер, брачна советничка од Денвер. Без оглед на конфликтот, партнерите треба да знаат како да ги изразат своите грижи и желби и да смислат разумен план пред да почнат да спијат во одделни кревети. Проверете за кои теми понекогаш вреди да се расправате во врската или бракот. За трошење пари Дури и најхармоничните парови влегуваат во дискусија за тоа како ќе ги потрошат своите тешко заработени пари. Овој проблем е често подлабок од самиот факт дали можете да си дозволите нешто или не. Честопати станува збор за кавга за различен систем на вредности, објаснува Хајтлер. Следниот пат кога вашиот партнер сака да купи нешто, а вие не се согласувате (или обратно), видете дали лицето кое се противи на купувањето треба да се откаже од нешто за да може партнерот да ја купи посакуваната работа. Ако да, испланирајте го вашиот буџет за да видите што е изводливо. Ако можете да си го дозволите тоа подновување, но вие или вашиот партнер сè уште се спротивставувате на тоа, време е за подлабок разговор. Можеби некој од вас смета дека купувањето одредени предмети е непотребно трошење пари. Зборувајќи за тоа, можете да добиете одредена перспектива и да сфатите како понатаму. За секс Двојка која нема секс е ранлива двојка и кога има голема асиметрија во вашите желби, тоа е голем проблем, вели Хајтлер. Проблемот нема да исчезне ако го игнорирате. Треба да седнете и да се согласите колку често ви треба да водите љубов. Секако, водењето љубов не е математика, така што не можете да ја одредите точната бројка, но можете да работите на зачестување на сексуалните средби. Игнорирањето на овој проблем може да доведе до тоа еден од партнерите да направи прељуба. За расправањето Ако едната личност израснала во семејство каде вообичаената шема на однесување била да го истури гневот и да заборави, а другата во семејство каде што по секоја цена се одбегнувало разговарање на висок тон, тензиите ќе бидат неизбежни, објаснува Хајтлер и ги советува паровите да зборуваат за тоа кога и двајцата се смирени. „Обидете се да откриете зошто сте толку лути и најдете начин да ги искажете тие чувства без голема експлозија. Бесот е знак дека мора да застанете и ако го почувствувате тоа, направете пауза“, вели Хајтлер. За улогата на родителите во вашиот заеднички живот Дали вашиот партнер полудува кога мајка ви се јавува за време на ручекот секоја недела? Дали ве исфрла од рамнотежа кога неговите родители ќе се најават само ден претходно дека ќе дојдат на гости утре и дека планираат да останат три недели? Време е да поставите некои граници. Можеби немате исти идеи за тоа што е правилно и што не е во ред, но треба да разговарате за тоа и да ги почитувате ставовите на вашиот партнер. Клучот е никогаш да не се критикувате едни со други или семејството на вашиот партнер, истакнува Хајтлер. За домашните обврски „Еден од разговорите што секој пар мора да го има е како ќе ги поделите домашните обврски, како што се ставање алишта во машина, миење садови и шетање на кучето. Двојка дојде кај мене страшно расправајќи се за валканите садови. Тој постојано велеше дека ќе измие, а садовите само се натрупуваа во мијалникот. Тоа ја полудуваше неговата сопруга“, вели Хајтлер. Зборувајте за тоа кој кога ќе ги извршува домашните обврски и држете се до распоредот за да ги задржите среќата и мирот во врската. Извор: Курир

Некои граници не смеете да ги преминете: Оваа голема грешка ја прават многу парови и така ја уништуваат љубовта

Слаѓана Атанасова — Thu, 06 Apr 2023 10:45:19 +0000

Терапевтот Шинејд Смит наведува голема, вообичаена грешка што ја прават паровите што ја повредува нивната врска. Брачната и семејната терапевтка, која има повеќе од две децении искуство, тврди дека повеќето парови кои доаѓаат кај неа за помош го имаат истиот заеднички проблем. Таа вели дека многу од нивните проблеми произлегуваат од она што го зборуваат за време на расправиите, кога нивниот главен интерес е да се бранат, а не да го разберат гледиштето на партнерот. -Не кажувајте лоши зборови во расправија. Направете пауза, дури и ако е само неколку секунди, па одлучете дали ќе го кажете или не и како ќе го кажете, советува Смит. Таа ги повикува паровите да ги преиспитаат своите зборови ако зборуваат само за да го повредат партнерот. Таа рече дека е важно да се запамети дека секогаш ќе има несогласувања во односите – но тоа не значи дека не можете да ги решите без да го кренете гласот и да размислите за вашите зборови. Извор: Курир.мк

За што најчесто се расправаат луѓето во врска?

Слаѓана Атанасова — Mon, 27 Mar 2023 13:30:10 +0000

Двојките се расправаат за многу работи, некои теми се минливи, некои подлабоки, но некои иако делуваат безначајни, може со тек на време да ја поткопаат врската и односот кон партнерот. Една неодамнешна анкета покажа дека чекањето е причина за околу 30 расправии годишно во една просечна врска. Сигурно ви е позната ситуацијата: треба да одите некаде, а партнерот или партнерката уште се подготвува или воопшто не е почната/а. Истражувањето укажува дека жените сепак се оние кои најчесто доцнат на закажани состаноци или не се готови кога треба да се излезе од дома. Една од четири жени признале дека доцнат кога треба да се сретнат со пријателите, во споредба со 16 отсто од мажите. Покрај ова, една од пет жени признале дека често доцнат и на работа, а само 13 отсто од мажите го признале истото. Да не биде дека жените се секогаш виновни кога станува збор за доцнење и чекање, анкетата покажала дека кога се работи за пакување за на одмор, жените биле подготвени на време бидејќи почнуваат да се пакуваат неколку дена однапред, а мажите почесто оставале сѐ за во „5 до 12“. На многу двојки им е познато сценариото кога едниот го чека другиот, оној што секогаш се подготвува побавно или почнува многу доцна. Тоа резултира со доцнење, а организираните луѓе го мразат тоа. Исто така сметаат дека оставаат лош впечаток и како двојка и како поединци, па тоа е најчестата причина за расправија меѓу партнерите, велат од агенцијата што ја направи анкетата. Во анкетата учествувале 2.000 возрасни луѓе од кои 65 отсто од жените рекле дека се сметаат за одлично организирани луѓе, во споредба со 55 отсто од мажите. Извор: Кајгана

Сакате да се спасите од брачна расправија за време на одморот? Еве неколку совети

Слободанка Илиева — Tue, 30 Aug 2022 12:58:52 +0000

Со голема желба и нетрпение ги очекуваме годишните одмори. Ако не сакате да уништите нешто за тие неколку дена уживање, следете ги овие совети. Имајте на ум дека отидовте да уживате, а не да „исправате криви Дрини“. Одбегнувајте тешки теми Промената на околината може негативно да влијае на врската. Во текот на работната недела, зборуваме повеќе за работа, додека честопати одморот е време кога разговараме за плановите за животот, преселувањето или воспитувањето деца. Таквите теми можат да бидат исклучително тешки, можат да предизвикаат негативни емоции, особено ако партнерите не се согласуваат. Најдобро би било да ги одложите за некое друго време и едноставно да се опуштите, советуваат експертите. Долги редици и гужви Ново место, странци, долгите редици во продавниците или рестораните предизвикуваат стрес, а луѓето под стрес ги тресат оние кои се физички најблиски до нив. На одмор, тоа е обично партнерот. Можете да одбегнете непотребна вознемиреност ако се помирите со фактот дека не може секогаш сè да биде совршено. Опуштете се и уживајте во неделата без распоред и обврски. Грижа за децата Најдобро е да се согласите кога и како ќе се грижите за децата на одмор пред да заминете на одмор. Ова вклучува подготовка на играчки на плажа, подготвување вечера и слично. Договорот е најважен, ништо не се зема здраво за готово, важно е да му кажете на вашиот партнер што очекувате од него. Колку сте појасни во комуникацијата, толку полесно ќе биде да избегнете непотребни недоразбирања. Избегнување секс Покрај релаксацијата, целта на одморот е и уживање, но напорното патување и заморот можат да го расипат. Одбивањето секс првата вечер по пристигнувањето може да му наштети на вашиот партнер, па затоа треба да му кажете јасно дека сè уште го сакате, само дека уморот ве „победил“. Оставете ги жешките игри за следното утро или вечер. Различни интереси Разгледување музеи или уживање на плажа? Различните интереси предизвикуваат збунетост, затоа треба да се направи план за нивно помирување. Договорете се со вашиот партнер што е тоа што сакате да го направите, па во зависност од тоа можете да одредите дали ќе одите заедно или секој ќе оди на своја страна. Исто така, ако сакате вашиот партнер да оди на изложба со вас, многу е важно да објасните колку тоа би ви значело. Паровите честопати грешат кога мислат дека знаат што мисли нивниот партнер, а токму тоа предизвикува многу кавги. Шопинг и прекумерно трошење Одењето на одмор е многу скапо задоволство, а прекумерното трошење на сувенири само ја влошува ситуацијата. Кога станува збор за минимални трошоци, најдобро е да попуштите и да избегнете расправија. Препорачливо е да се направи буџет однапред и да се утврди колку пари може да се издвојат за храна, забава или подароци. извор:курир.мк

Што се крие зад најчестите расправии на паровите кои живеат заедно?

Христина Ѓоргиевска — Fri, 03 Dec 2021 14:15:22 +0000

Дали некогаш за време или после некоја вообичаена кавга со партнерот сте размислувале зошто воопшто се карате за такви глупости или ситници и сте се запрашале дали има некоја друга причина што ниту еден од вас не ја спомнува. Водителката на популарната британска емисија This Morning Холи Вилоби вели дека таа и нејзиниот сопруг Дејна често се расправаат за тоа кој ќе го земе далечинското и ќе одлучи што да гледа, но таа смета дека тоа е класична борба за моќ. Со ова се согласува и британската експертка за секс и врски, Кејт Тејлор, која наведува некои од најчестите примери на кавги меѓу парови во кои вистинскиот проблем не е всушност оној за кој станува збор.

Топло или ладно?

Мислите дека кавгата е за удобност, но всушност се работи за хормони. Истражувањата велат дека жените претпочитаат да престојуваат во малку потопли соби поради повисоките нивоа на естроген, па температурата за повеќето е идеална кога ќе достигне 24 или 25 степени Целзиусови, додека за мажите е најудобна на 21,5 степени во просек. „Договорете се на компромис и поставете ја температурата на 22 степени, така што никого нема да му биде премногу непријатно“, советува Тејлор.

Гаси-пали

Едниот остава вклучени светла насекаде, другиот гаси и коментира. Мислите дека кавгата е за непотребното трошење, а вистинската причина е што еден од вас мисли дека мора да биде „возрасниот“ во вашата врска. Додека вообичаено едниот во врската е секогаш безгрижен, другиот се грижи и размислува за сѐ, па не стигнува ни да биде забавен. Дали се препознавате себеси во некоја од овие улоги? „Поправете го тоа чувство со рамномерно делење на работните обврски. Понекогаш дозволете безгрижниот партнер да се погрижи за сметките: кога ќе види колку всушност плаќате за струја, тој самиот ќе почне да ги гаси светлата“, вели Тејлор.

Полнење на машината за миење садови

Мислите дека кавгата е за валкани садови, а навистина се работи за тоа дека едниот од вас се прави дека е неспособен. Ако редовно се расправате за тоа кој ќе ги стави садовите во машината и секогаш го правите тоа затоа што сте „подобри“ во тоа, големи се шансите вашиот партнер само да се преправа дека е неспособен. „Секогаш кога ќе направат нешто погрешно, замолете ги да го сторат тоа повторно. Па повторно. На крајот ќе го прават тоа побрзо од вас“, вели терапевтот.

Фрлање ѓубре

„Мислите дека расправијата е за ѓубрето, а се работи за мотивација. Честопати, колку повеќе некого потсетуваме на нешто, толку побрзо го заборава истото. За да се одржи мотивацијата за извршување здодевни задачи, луѓето мора да веруваат дека барем сами одлучуваат за себе како и кога да го направат нештото. „Престанете да организирате. Нека вашиот партнер ја преземе целосната одговорност за своите домашни задолженија и обидете се што помалку да се мешате во нив и да коментирате како ги прави“, вели Тејлор. извор: Кајгана

„Кога се расправаш со жената“: Вељко Ражнатовиќ ги изнасмеа сите со објавата за брачните караници (фото)

Слободанка Илиева — Mon, 25 Jan 2021 09:03:46 +0000

Вељко Ражнатовиќ насмеа многу луѓе со една од последните објави на социјалната мрежа Инстаграм. Објавата споделена од младиот боксер се однесува на машко-женските односи. - Кога се расправате со жена, исто е како кога инсталирате нешто. Не разбирате ништо, само следно, следно, следно и на крајот се согласувам со условите за употреба - пишува во објавата што ја сподели Вељко, што очигледно го насмеа, а тој сакаше да ги забавува и своите следбеници. Да потсетиме, Вељко е во брак со својата сопруга Богдана од ноември 2019 година, со која го доби синот Жељко.

7 трикови со коишто ќе победите во секоја расправија

Слободанка Илиева — Tue, 20 Oct 2020 12:40:56 +0000

Дали сакате да го решите вербалниот конфликт во ваша корист? Користете некои од овие трикови што ќе ја изгаснат експлозивната расправија и ќе ја смират другата страна. 1. Потврдете ги чувствата на другата страна За време на жестоката расправија, тешко е да бидете љубезни и да кажете убави работи за личноста со која се расправате. Но, ако сакате да ја смирите ситуацијата, најкраткиот начин да го направите тоа е да ги потврдите чувствата на другата личност. Кажете работи како: „Разбирам зошто се чувствуваш така“ или „секој би се чувствувал така во иста ситуација“. Напнатоста ќе се смири многу брзо затоа што во повеќето случаи луѓето сакаат другите да ги „слушнат“ нивните проблеми и да ги ценат. 2. Водете ја расправијата како и секој друг разговор Експертите се согласуваат дека квалитетната кавга е отворен разговор помеѓу две лица. Немојте само да нижете обвинувања и навреди, туку слушајте што ви кажува другата страна. Ако му дозволите на вашиот партнер да се изрази без прекини, нема ни да има експлозивна кавга. 3. Не губете ги нервите Сакате да победите во расправијата? Не губете ги нервите. Иако за време на расправијата е тешко да останете смирени, обидете се да го постигнете тоа. Ако започнете луто да разговарате со другата личност, ќе ја налутите и ќе ја разгорите кавгата до незамислена кулминација. 4. Изнесете факти Пред да се впуштите во расправија, соберете ги сите релевантни факти. За време на расправијата, не сакате да имате неточни информации затоа што на тој начин ќе ги ослабите аргументите и ќе изгубите. 5. Избегнувајте генерализирање Не користете генерализации затоа што на тој начин нема да победите во расправијата. Другата страна ќе биде многу фрустрирана ако ја обвинете за работи со реченици што започнуваат со „ти секогаш“ или „ти никогаш“. 6. Погледнете ги работите од друга перспектива Најдобриот начин да ја смирите ситуацијата за време на расправијата е да ги погледнете работите од друга перспектива. Тоа е единствениот начин да дојдете до ефикасен противаргумент чија цел не е понижување, туку решавање на вербалниот конфликт. 7. Не обвинувајте Луѓето во кавги често „напаѓаат“ со реченицата: „Ти го направи ова“, што ги тера другите да се бранат, а не да го решаваат проблемот. Наместо тоа, користете јас-реченици за да објасните зошто се чувствувате така како што се чувствувате, без да ја обвините другата страна. Ова е навистина мала, но ефективна јазична тактика што носи одлични резултати. извор:кафепауза.мк/христина видевска

Дали сексот решава расправии?

Христина Ѓоргиевска — Mon, 11 May 2020 13:15:29 +0000

Секој има различен метод за справување со проблеми. Некој си заминува од просторијата, друг вреска, трет плаче. Некои партнери го игнорираат проблемот и се фрлаат на жесток секс. Некои луѓе едноставно ги лечат фрустрациите водејќи љубов, но дали сексот е вистинското решение? Најновите истражувања велат дека жените не сметаат дека сексот е правилно решение за секоја расправија додека мажите сакаат орален секс за да се смират од нервозите. Поголемиот дел од испитаните жени изјавиле дека повеќе сакаат да разговараат за проблемите и здраво да се изнаплачат во прегратката на својот партнер отколку да имаат секс и да заборават на проблемите без извинување од партнерот. Подароците биле посакувани и од мажите и од жените, но мажите биле оние кои повеќе купувале подароци за да се искупат.

Мажите изјавиле дека сакаат партнерка која нема да ги вознемирува и ќе биде отворена а секси решенија при расправии, а жените барале партнер кој ќе знае емотивно да се поврзе со проблемот и трезвено да го реши.

извор: Кајгана