распит – Вистина.мк

Сања Савескa на распит: Водителката отвори душа, а одговорот на едно прашање е хит (фото)

Слободанка Илиева — Thu, 02 Feb 2023 09:47:19 +0000

Популарната водителка на кулинарското шоу „Брза кујна“, Сања Савеска важи за позитивен лик кој со својата насмевка, непосредност и професионалност, секојдневно плени на ТВ екраните. Сања е во постојан контакт со публиката, особено оние кои решиле да се пријават и да учествуваат во „Брза кујна“и да ги запознаат шефовите и водителката. Сања исто така е активен корисник на социјалните мрежи, особено на Инстаграм каде овој пат се реши да одговара на прашања од своите следбеници. Најпрвин преку едноставните прашања, откри дека е доста емотивна личност како астролошки рак, а дека причината за насмевката на нејзниното лице се внуците кои постојано успеваат да изнудат да се смее од уво до уво. Осамна и прашањето дали е заљубена, до што децидно одговори да, па надополни со фотографија каде е заедно со своето долгогодишно момче. Следеше и прашањето дали има и дали сака тетоважи, на што оној што ја праша доби хит одговор во кој Сања вели: -Од тетоважи признавам само тие од чунга лунга мастиките. Не сум јас тој тип, иако на други ми изгледаат убаво кога ги гледам, знам дека ако се истетовирам ќе се каам, па затоа само тетоважи од мастика за мене, одговара со насмеан емотикот водителката.

View this post on Instagram

A post shared by Сања Савеска (@sanja_saveska)

За потсетување, Сања неодамна за еден бренд направи фотосесија каде позира во венчаница, па веруваме дека годинава ќе и тргне така, со убаво, позитвна енергија, и убави вести за свадбени ѕвона. фото:Инстаграм принтскрин/Сања Савеска

Теодора Мартиноска – првата Македонка со своја „Онли фанс“ страница одговараше на прашања кои мажите не би и ги поставиле на жена: „Не ми е проблем и јавно да осамнат мои голи фотографии“ (ВИДЕО)

Антонио Димитриевски — Thu, 02 Jun 2022 07:28:51 +0000

„Ех чичо, чичо, дојде, а? И јас би дошол... Тука не се плаќа. Знам дека те интересира. И како изгледа, и како се однесува и како збори... Добро, ве интересира повеќе како изгледа... Е сега, таму каде што сакате да видите како изгледа, се плаќа... Има цена, а тука не!“ - се зборовите со кои водителот и познат јутјубер Стефан Лазаров ја најави во нејзиното воопшто прво интервју во јавноста Теодора Мартиноска, првата Македонка со своја „Онли фанс“ страница за возрасни, која потоа одговараше и на прашања кои мажите не би и ги поставиле на жена. Иако не е јавна личност, сексапилната стружанка преку ноќ стана вирална ѕвезда. Од некои воздигнувана, од други оспорувана, она што Теодора го работи ги подели мислењата. Нејзините експлицитни фотографии на „Онли фанс“ страницата за возрасни ги зовреа страстите, па коментарите ги преплавија и социјалните мрежи и медиумите, особено порталите, каде за едни оваа расна убавица беше „еротска светица“ за други обична „провинциска блудница“. Она што е особено интересно е што таа прва „повлече нога“, а по неа се осоколија и други девојки, и тоа попознати од неа, некои дури и естрадни пејачки, да отворат исти такви страници. И додека Теодора се бори со предрасудите на средината и јавноста, нејзината „регулар“ Инстаграм страница е „укината“. Или поточно во моментов - „скриена“! Наводно, по пријава на Инстаграм заедницата, најпопуларните објави од (# teodoramartinoskaa) се моментално скриени бидејќи заедницата пријавила содржина што можеби не ги исполнува критериумите на Инстаграм заедницата!!? Или едноставно кажано, некому нејзината голотија му пречи, па се обидел да ја спречи да биде она што посакува и што е нејзина приватна работа, односно лична одлука. За среќа, нејзината „Онли фанс“ се' уште е активна... како и ТикТок профилот.

@teodoramartinoska ♬ original sound - sped up songs

Во меѓувреме, првата македонска „Онли фанс“ лејди седна „на распит“ кај познатиот водител и јутјубер Лазаров, кому за прв пат јавно му ја отвори душата. Велејќи дека не се срами и дека „не и е проблем и јавно да осамнат нејзини голи фотографии“, Теодора откри многу непознати работи за себе, кои ги изнесе на виделина во разговорот со јутјуберот. По првото интервју Теодора Мартиноска имаше храброст да биде дама која ќе одговара на скокотливи прашања кои мажите можеби никогаш не би и ги поставиле на една жена. Што ја праша Лазаров, а што Теодора му кажа, погледнете од видеото во продолжение:

Лила Филиповска на распит во ОЈО (ВИДЕО)

Антонио Димитриевски — Mon, 02 Sep 2019 08:28:44 +0000

Водителката Лила Филиповска, долгогодишната пријателка на Бојан Јовановски – Боки 13, утрово дојде да сведочи пред шефицата на ОЈО за организиран криминал Вилма Рускоска. Бојан Јовановски беше уапсен на 15 јули на граничниот премин Богородица при обид да ја напушти државата. Со него биле Филиповска и уште една новинарка од 1ТВ.

Во истрагата „Рекет“, која почна со апсењето на Јовановски, досега има тројца осомничени и сите се во притвор. Меѓу нив е и специјалната обвинителка Катица Јанева. Дента кога се апсеше Боки 13, лишен од слобода беше и второосомничениот Зоран Милески – Кичеец. Предистрагата за „Рекет“, е почната неколку месеци пред апсењата, откако премиерот Зоран Заев и кажал на Рускоска оти осомничениот бизнисмен Орце Камчев му се жалел оти бил рекетиран од Јовановски и Кичеец, со помош на специјалната обвинителка Катица Јанева. Три месеци обвинителството собирало докази од банкарски сметки, биле барани сефови во банки, имало потрага за лоцирање на изгубениот телефон на Јанева, па дури по финансиската истрага почнаа апсењата. Извор и фото: СДК.мк Видео: А1 Он https://www.youtube.com/watch?v=6AgDb_6M_MQ