раскинуваат – Вистина.мк

По колку години врска најчесто раскинуваат паровите? Четири бројки се клучни

Слаѓана Атанасова — Thu, 29 Jun 2023 14:00:42 +0000

Кога ќе запознаеме некој нов, пеперутките во стомакот и почетната енергија не носат низ почетокот на врската. Сепак, по неколку месеци розовите очила бледнеат и почнуваме реално да гледаме на врската што ја имаме. Ова не е нужно негативно, најдобрите односи се развиваат додека парот расте заедно, наоѓајќи нови начини да се сакаат и да се движат низ несовршеностите. Велат дека првата година од запознавањето (или бракот) е најтешка. Сепак, според советникот за парови Ким Полиндер, 3, 7, 11 и 15 години се пресвртниците за раскинување за кои треба да знаете, пишува The List. Полиндер вели дека паровите кои раскинуваат по три години „генерално не научиле како да ги решаваат конфликтите“. Во третата година, најдоброто нешто што еден пар може да го направи е да го преиспита својот борбен јазик и да го разбере стилот на приврзаност. Кога сакате вашиот партнер да биде слушнат и разбран, запомнете дека тој истото го сака и од вас. Секоја година вашата врска расте и се менува. Кога поминувате седум години заедно, најверојатно живеете заедно, а помислата да раскинете со некој со кого живеете може да биде исклучително комплицирана. Според некои истражувања, највисоката стапка на раскинување е околу седум години заедно. Ова е најчестото време кога на паровите почнува да им е досадно во врската и да доживуваат неверство, пишува The List. По една деценија заедно, паровите или се чувствуваат како прилично добро да се сфаќаат или повеќе не можат да најдат забава надвор од монотонијата на постојана врска. Експертот за врски Ким Полиндер сподели на својот TikTok дека до овој момент овие парови „ќе докажат дали вложиле напори да ја надминат таа стагнација“. Ако слушнете дека парот раскинал по 15 години заедно, може да изгледа прилично шокантно. Сепак, оваа година на раскинување е вообичаена, бидејќи паровите вообичаено забораваат како да уживаат еден во друг. Извор: Попара.мк

Најновиот тренд на кој треба да внимавате во карантин: Се повеќе мажи во светот раскинуваат вака

Христина Ѓоргиевска — Tue, 28 Apr 2020 12:15:12 +0000

За оние што се разделени, видео повик во моментов е најдобриот начин за комуникација … Зумпинг (од зборовите Zoom и dumping)е најновиот суров тренд за време на карантин, каде партнерот раскинува со вас преку видео повик, пишува The Sun. Бидејќи вонредната состојба се уште е на сила поради пандемијата од корна вирусот, некои парови кои не живејат заедно не се во можност да се видат веќе неколку недели, додека други, кои живеат во ист простор, се очајни и нервозни што не можат да се видат со своите пријатели и да функционираат нормално. За оние што се разделени, видео повик во моментов е најдобриот начин за комуникација. WhatsApp, Houseparty и Zoom се апликациите кои се истакнуваат како најпогодни за вакво нешто. Сепак, според најновите истражувања, преку овие мрежи и најчесто се раскинуваат врските, особено преку Zoom. Најкоректно е да се прекине врската во живо, но карантинот ја спречи оваа можност некое време. Сè започна од британската писателка Џулија Мосер, која на својот профил на Твитер напиша: – Дали jас сум единствената „откачена“ преку Zoom? Џулија, која своето искуство го на порталот Buzzfeed, исто така обезбеди и скриншот од поканата за Zoom, во која се вели: „Мора да разговараме“. Нејзиниот твит собра над 63.000 лајкови, а луѓето ги искажуваат своите реакции по ова прашање. Еден корисник дури и го именувал овој тренд, па така настанал зумпинг. -„Жал ми е, но ова направи да се чувствувате подобро, моето момче раскина со мене преку tumblr“, се надоврзал корисник на Твитер. -„Мене преку СМС на годишнината од врската, сега во јануари“, додаде друг. – „Момчето раскина со мене преку говорна пошта. Тој намерно го сторил тоа кога знаеше дека не сум во можност да одговорам. Кукавица“ – додава на друга девојка. Останатите со попозитивен став и порачуваат на Џулија да биде среќна што поради карантинот, барем некој период сигурно нема да го види бившиот. извор: попара

Трите главни причини зошто раскинуваат мажите!

Христина Ѓоргиевска — Fri, 12 Oct 2018 16:00:54 +0000

Можеби и’ не е правило, но ова се трите најчести фрази кои мажите ги користат кога ја прекинуваат врската… Погледнете што значат трите најчести реченици за раскинување… 1.„Не сум сигурен што сакам“ Превод: ’Не сум подготвен за врска со тебе’. Сеуште се гледа како самец кому како самец му треба време за себе и да се фокусира на кариерата. Не може со сигурност да каже дали доволно ве посакува. 2. „Заслужуваш подобро“ Превод: ’Ќе те повредам и ако сега се повлечам,после ќе чувствувам помала грижа на совест’. Чувствува дека ве искористува или не е толку длабоко во врската како вие. 3. „Потполно сме различни“ Превод: ’Ме излудуваш’. Тоа покажува дека не сака да ги реши проблемите. Ја фрлил ракавицата и веројатно емотивно веќе се одвоил од вас. Се одјавува од вашата врска. извор: екран