раскина – Вистина.мк

Бела Хадид раскина со своето момче: Причината е нејзината болест и лекувањето на кое се наоѓа со месеци

Слаѓана Атанасова — Thu, 20 Jul 2023 10:45:44 +0000

Супермоделот Бела Хадид (26) ја раскина двегодишната врска со Марк Калман, а тврдеше дека причината е тоа што моментално е на лекарско отсуство поради лекување од Лајмска болест. - Беа многу заљубени, но врската на крајот тргна по својот тек и решија да стават крај на работите. Бела е многу убава личност, но се бори со притисоците на славата. „Таа се обидува да се грижи за себе од нивното разделување“, рече изворот, додавајќи: - Бела пред девет месеци реши дека сака да престане да пие, па престана. Таа е трезна девет месеци и никогаш немала проблем со алкохол или дрога. Бела не е на рехабилитација – додава извор за „Дејлимејл“. Фото: Принтскрин/Профимедиа

Тања Савиќ ја заврши врската со единаесет години помладото момче (фото)

Слаѓана Атанасова — Wed, 29 Mar 2023 08:08:36 +0000

Пејачката Тања Савиќ наводно раскинала со 11 години помладото момче Мухамед, кој поради неа се преселил од Америка во Белград. Имено, до расправијата меѓу нив наводно дошло бидејќи медиумите го дознале неговиот идентитет, што Мухамед тоа воопшто не го сакал. - Дечкото на Тања мисли дека таа раскажала за нивната врска со некој кој не и е баш близок, што му донело проблеми. Не сакаше неговото име да излезе во медиумите. Кога се дознало за нив, многу луѓе околу него му рекле дека е подобро да се стави крај на таа приказна. На неговото семејство му пречи тоа што таа е разведена и постара од него, но и тоа што е во јавноста главно поради љубовните врски и караниците со бившиот сопруг - вели изворот и додава: - Кога виде што коментираат луѓето на социјалните мрежи, навистина се разочара. Поради сето тоа сега се во многу затегнати односи. Тој е лут и збунет за се. Ќе видиме дали ќе успеат да ја надминат оваа криза. Сето ова и беше тешко на Тања, таа е тажна веќе неколку дена. Иако очекуваше луѓето убаво да ја прифатат нејзината врска, таа наиде на осуда од сите страни, вклучувајќи го и нејзиното семејство. Во моментов не се во контакт, а тој планира да се врати во Америка на почетокот на април - заклучува изворот. Инаку, пејачката неодамна пред медиумите призна дека некој и го освоил срцето, и дека од него добива скапи подароци и со нив се фали. Фото: Принтскрин/Инстгарам

На познатата старлета со македонско потекло свршеникот и ја раскина свршувачка: Анѓела – Вештица остана „распуштеница“… без веренички прстен, со прстот в уста!? (ФОТО)

Антонио Димитриевски — Thu, 02 Mar 2023 12:17:04 +0000

Контроверзната ријалити и „Онли фанс“ старлета и екс порно актерка со македонско потекло Анѓела Митковски, попозната под прекарот Вештица до скоро уживаше во љубовта со познатото лице од Тик Ток. Тие до неодамна не престануваа да објавуваат заеднички видеа и фотографии, а пред неколку недели ја ставија својата љубов на сериозен тест. Познатиот тик - токер Ненад Секулиќ, кој стана интересен за јавноста со своите видео клипови на кои се соблече речиси гол покажувајќи ги мускулите и телото, а неодамна проговори и за врската и свршувачката со старлетата Анѓела Вештица. Сепак, старлетата сношти излезе да ја објави тажната вест: Судејќи по објавата, дошло до раскинување на свршувачката која се случила на 13 февруари. Видно потресена од постапките на партнерот, старлетата на сите им стави до знаење дека е длабоко повредена и во шок: „13.02. е најдобриот ден во мојот живот, а денес е најлошиот. Кој би помислил дека човек кој верува во тебе може да остави сè и да си замине толку лесно. Срцето ми е растргнато на два дела додека некому му е сеедно вечерва“ – пишува во Инстаграм приказната на споменатата старлета. Што точно се случило и која е вистинската причина за заминувањето на момчето на Анѓела, останува да видиме. Фото: Инстаграм принтскрин/therealandjela

Ќерката на Жељко Митровиќ се огласи за раскинувањето со милијардерот: „Универзумот ми покажа што требаше да видам“ (фото)

Слободанка Илиева — Wed, 11 Jan 2023 09:38:26 +0000

Празниците се идеално време за нов почеток, но некои токму тие денови одлучуваат да стават крај на она што им го уништува животот. Може да биде и љубовна приказна. Така Кристина Митровиќ, ќерката на Жељко Митровиќ, во првите денови од Новата Година раскина со богатиот Казахстанец Илија, еден од најмладите милијардери во светот. Причината или причините им се познати само на двајцата. Ќерката на Жељко Митровиќ сега за првпат се огласи на Инстаграм, па можеби вреди да се прочита меѓу редови... „Бог ви открива одредени работи со причина. Не го игнорирајте она што ви го покажува. Му благодарам на универзумот што ми го покажа она што требаше да го видам. Јас сум навистина најсреќната девојка на светот“. Кристина и Илија се запознале додека двајцата студирале во Англија. Тие се свршија во септември 2020 година, но наместо свадбени ѕвона и раскошна венчавка, решија да тргнат по својот пат. фото: Инстаграм

Едита Арадиновиќ неодамна се пофали со згодниот дечко и изјави дека заедно ќе го освојат светот, а сега вели: „Раскинавме, ништо чудно“ (фото)

Слаѓана Атанасова — Thu, 27 Oct 2022 10:59:48 +0000

Едита Арадиновиќ реши да стави точка на врската со момчето кое љубоморно го чуваше од очите на јавноста, но за кое ги зборуваше најубавите работи во медиумите последниве месеци, па дури и ги сподели нивните преписки и изјави за љубов. - Мислам дека не е ништо чудно двајца луѓе да раскинат по одреден период и да останат во пријателски односи - изјави Едита Арадиновиќ. - Му посакав се најдобро, како што ми посака и тој мене - додала пејачката. Да потсетиме, Едита зборуваше за своето сега поранешно момче како за мажот на нејзиниот живот, но, според сите оценки, коцките не се поклопија баш најдобро. - Најдобриот лик на светот, не можам да го опишам и не може да се каже во едно интервју, би зборувала срдечно за тоа и се трудам да бидам дама. Би сакала да ме видите во бело, имам многу желби, пред се да сме живи и здрави, да продолжам да се занимавам со музика со целото мое срце - изјави во една прилика пејачката. На фотографиите кои ги сподели со него, таа секогаш го криеше неговото лице. - Љубов, заедно ќе го освоиме светот - е еден од описите заедно со неколку емотикони. - Најмногу ми се допаѓа да го поминувам време со тебе. Два листа од ист цвет – изјави еднаш на Инстаграм. Фото:Принтскрин/Инстаграм/Едита Арадиновиќ

Пукна тиквата: Леонардо Ди Каприо раскина со девојката (фото)

Слаѓана Атанасова — Wed, 31 Aug 2022 08:18:06 +0000

Холивудскиот актер Леонардо ди Каприо (47) повторно е сингл. Имено, познатиот заводник стави точка на долгогодишната врска со својата девојка, манекенката Камила Мороне (25). Упатените блиски до холивудската ѕвезда тврдат дека Лео и Камила ја прекинале врската на почетокот на летото, пренесуваат странските медиуми. „Нема лоши чувства меѓу нив. Едноставно дојде до својот природен крај“, велат добро упатени извори. Иако ова раскинување изгледа доста вообичаено, особено во Холивуд каде врските со познатите личности постојано се несигурни.. Имено, уште во 2019 година имаше гласини дека Леонардо ќе ја напушти Камила точно во 2022 година, кога таа ќе наполни 25 години. И навистина, Камила во јуни годинава го прослави својот 25 роденден, а набргу потоа беше оставена. Звучи бизарно, но краткиот осврт на љубовниот живот на познатиот актер јасно покажува дека тој никогаш во животот не се забавувал со жена која има повеќе од 25 години - тоа е горната граница. Овој факт до таа мера ги забавува корисниците на социјалните мрежи што со години кружи дури и графика која дава увид во тврдењата дека на Лео едноставно му се допаѓаат само жени во раните 20-ти. Таа информација дури стана редовна шега во Холивуд – ја спомна и Ејми Шумер при доделувањето на овогодинешните Оскари, пишува Блиц Жена. Да потсетиме, парот почна да се забавува во 2017 година, кога манекенката имаше само 19 години, а Лео кој е 22 години постар веќе го прослави својот 41 роденден. Но, нивното запознавање оди уште подалеку во минатото - имено, Камила и Леон се познавале кога таа била само девојче, бидејќи актерот бил семеен пријател на нејзиниот очув, Ал Пачино. Ниту еден од нив не ја коментирал својата љубов во јавноста, а се шпекулира дека тоа се должи на тоа што девојките на Лео потпишале договор за доверливост. Меѓутоа, во 2019 година, Камила во едно интервју накратко ја коментираше нивната разлика во години, велејќи дека „секој треба да излегува со кого сака“.

View this post on Instagram

A post shared by Camila Morrone (@camilamorrone)

Фото:Принтскрин/Инстаграм/Камила Мороне/Профимедиа

По девет месеци Ким Кардашијан раскина со 13 години помладото момче

Слободанка Илиева — Tue, 09 Aug 2022 12:27:40 +0000

Ким Кардашијан и 13 години помладиот комичар Пит Дејвидсон раскинаа по девет месеци врска. Како што пренесуваат светските медиуми, двојката пораснала во пријателски односи, а главната причина се обврските и преголемата дистанца. Дејвидсон во последните недели беше зафатен со снимање филм во Австралија, каде Ким го посети, но ниту луксузниот апартман среде џунгла не им помогна да ги решат проблемите. Не се малку оние кои веруваат дека нивната врска всушност била само маркетиншки трик, односно дека Ким го искористила Пит за да му се одмазди на Канје по разводот. Фото:Getty Images/Profimedia

„Мислам дека дојде крајот“: Далила раскина со Филип во емисија во живо (фото)

Слаѓана Атанасова — Thu, 14 Jul 2022 10:31:42 +0000

Далила Драгојевиќ гостуваше во емисијата „Народ пита“, а за време на емисијата во живо што ја води Милан Милошевиќ, раскина со Филип Цар. Далила го коментираше делот за пресврт на нејзината врска со Филип Цар, по влегувањето на Маја. - Многу ми е непријатно, Милан. Не знам колку долго ќе издржам да бидам во емисијата. Сè ми е непријатно... Непријатно ми е да гледам се, што сум била таква и што сум учествувала во „Задруга 5“. Непријатно ми е кога публиката ракоплеска и кога слушам довикувања. Непријатно ми е да седам овде“ - изјави Далила. - Но, ова само беа твои лоши потези кон луѓе кои не го заслужија тоа, но сепак си ги дозволи. Направи лоши работи, но и тие ти направија лоши работи - додаде Милан. - Да, направив многу лоша работа и ми направија лоши работи. Направив некои работи поради мојата беспомошност, зборувам за моето враќање во врската со Дејан и обид за врска за која однапред знаев дека не треба и дека не е тоа. Сето ова што се случи со Филип, не знам што да коментирам. Мислам дека не треба повеќе да бидеме заедно. Сега кога размислувам и седам сама, а него уво го боли... Се справувам со ситуации, кои заедно ги направивме... Мислам дека дојде крајот - изјави Далила. - Дали тоа го почувствува од неговото однесување и затоа што не сакаше да дојде во емисијата? – праша Милан. - Мислам дека не дојде бидејќи не може да се справи со сите ситуации со кои треба да се справам во следните неколку часа. Тоа е тоа – додаде Далила. Фото:Принтскрин/ТВПинк

Убавата пејачка Каја Остојиќ за прв пат проговори за раскинувањето со момчето (фото)

Слаѓана Атанасова — Wed, 06 Jul 2022 08:13:04 +0000

Во емисијата „Амиџи шоу“ водителот Огњен Амиџиќ, беше домаќин на пејачката Катарина Каја Остојиќ. Инаку, Каја потврди дека ја раскинала тригодишната врска со фудбалерот Матео Павловиќ, па првото прашање за убавата пејачка било токму за раскинувањето. Па, да, го објавив тоа на Инстаграм. Сега злобниците би рекле „Секогаш кога раскинува доаѓа во Амиџи“. Еве ветувам, следниот пат кога ќе дојдам ќе имам нова песна, веќе ја снимив - изјави Каја. - Каква е песната? Има ли врска со раскинувањето? – ја праша Амиџиќ. -Па не, напишана е пред раскинувањето – одговорила пејачката. -Значи дефинитивно раскинавте, не е точката запирка - инсистираше Амиџиќ. -Не, не, точка е. Воопшто не би зборувала многу за тоа, сакам да бидам достоинствена на крајот од целата приказна. Откако ќе заминам, никогаш не се враќам - изјави Каја. Фото:Принтскрин/Инстагарм/kaya_ostojic/ТВПинк

Станија стави точка на врската со Марко: Понудата што не се одбива ја растури љубовта? (ФОТО)

Антонио Димитриевски — Mon, 30 May 2022 09:13:58 +0000

Како бомба одекна веста дека Станија Добројевиќ ставила точка на долгогодишната врска со Марко Марковиќ, а сега старлетата открила зошто им пропадна љубовта. „Веќе два месеци не сме заедно, далечината си го направи своето. Да останев во Америка, ниту тој, ниту јас немаше да потврдиме дека раскинавме уште сто години, но стигнав во Србија и сите ме прашуваат за тоа, па полесно ми е да и обзнанам на згрижената јавност дека ставив крај“ - изјави Добројевиќ за „ Здраво... Потоа објасни дека досега молчела, бидејќи била во Америка. Н0, дали навистина далечината или понудата што не се одбива е встинската причина за растурањето на љубовта на Станија и нејзиното момче? Имено, како што веќе пишувавме, старлетата неодамна добила понуда да биде заштитно лице на едно од најпознатите американски казина, а сопствениците се подготвени да искешираат дури милион долари за петгодишна соработка.

View this post on Instagram

A post shared by STANIJA DOBROJEVIĆ (@stanijadobrojevic)

„Неодамна имаа официјална средба на која и понудија идеални услови. Доколку потпишела договор, би била обврзана да живее во Америка најмалку пет години, за што би добила огромна сума пари. Нејзината годишна плата би била 200.000 долари, а бидејќи се работи за петгодишен договор, во тој временски период би заработила милион долари“ – открил тогаш соговорникот кој додал дека доколку Станија потпише договор со американска компанија , нејзината љубов со Марко Марковиќ нема перспектива. И како што предвиде, така и се случи... Сега останува само да видиме дали тоа навистина е реалната причина за распадот на врската, како и тоа дали Станија набрзо ќе се врати во Америка, за да ја ја „згеапчи“ понудата што не се одбива? Фото: Инстаграм принтскрин/stanijadobrojevic