Македонската мисица, модел и пејачка со љубовна енигма: Со кој тоа „психопат“ Кристина Димитри расчисти, па со него оддамна веќе нема работа? (ФОТО)

Антонио Димитриевски — Fri, 05 May 2023 08:03:51 +0000

Македонската мисица, модел и пејачка Кристина Димитри(евска) не само што на социјалните мрежи речиси секојдневно споделува „скокотливи“ фотографии, користејќи ги своите телесни адути во рекламно - инфлуенсерски цели, туку одвреме - навреме знае да сподели и по некоја „мудра мисла“. Своја или туѓа сеедно, ама сепак мисла преку која неретко го отсликува своето расположение, чувства, емоции, моменталната состојба или атмосферата во одредени денови... Една таква мисла атрактивната тетовка деновиве сподели на своите Инстаграм приказни која на многумина им асоцира на тоа дека убавицата е повторно заљубена. Зашто, како поинаку би го протолкувале чинот на познатата споделена фраза: „Кога жената ќе засака...“! Ама само толку... Ни кого, ни како, ни колку, ни од кога... Едноставно загатка, која ја споделила во вид на љубовна енигма, која и ја постави на јавноста да ја разреши, а чиј одговор во моментов само таа го знае... И можеби само уште некој друг! Арно ама, дека сите не размислуваат исто, покажа и одговорот на нејзината констатација, кој стигна бргу, а според кажаното нејасно е дали на Кристина и реплицирала машка или женска личност и тоа со зборовите: „Ништо не е, маж кога ќе засака, да видиш што е психопат... ха, ха, ха...“! Но, убавата тетовка не дозволи да биде растргната меѓу дилемата за тоа која љубов е посилна и пофатална, машката или женската, па веднаш возврати, поставувајќи нова загатка! Имено, мисицата и пејачка низ насмевка возврати со „реплика на репликата“ со зборовите: „Хаааааххх... Работа со психопат немам веќе оддамна“! При тоа не објасни на кого тоа мисли? Дали на „женскиот манијак“ што порано ја прогонуваше на социјалните мрежи? Или можеби мислеше на некој сосема друг, кој воопшто не ја прогонува, ама затоа сега има голема лична причина, одново да се радува? Фото: Инстаграм принтскрин/kristina.dimitry

Анастасија и испрати „скриена порака“ на Луна: Ќерката на Цеца вака реши да „расчисти“ со оние кои повеќе не ги смета за пријател(к)и (ФОТО)

Антонио Димитриевски — Sat, 31 Aug 2019 08:44:00 +0000

Анастасија Ражнатовиќ со нова порака им се обрати на своите фанови на Инстаграм, па ги разбранува социјалните мрежи со она што го напиша. Имено, во своите „приказни“ на Инстаграм профилот, пејачката реши да се „справи“ со оние кои повеќе не ги смета за пријател(к)и, затоа што и е преку глава да ги слуша приказните што повторно се испреплетуваат во јавноста.

„Судете ми по тоа кои луѓе ги избегнувам“ - напишала Анастасија на англиски јазик. Многумина се убедени дека оваа објава и е посветена на Луна Ѓогани, со која ќерката на Цеца некогаш се дружеше, а сега двете се лути ривалки и воопшто не комуницираат. „Војната на двете млади ѕвезди“ во последно време се повеќе се провлекува како по медиумите, така и на социјалните мрежи!

расчисти – Вистина.мк

Македонската мисица, модел и пејачка со љубовна енигма: Со кој тоа „психопат“ Кристина Димитри расчисти, па со него оддамна веќе нема работа? (ФОТО)

Анастасија и испрати „скриена порака“ на Луна: Ќерката на Цеца вака реши да „расчисти“ со оние кои повеќе не ги смета за пријател(к)и (ФОТО)