рано – Вистина.мк

„Си знаеш што ти посакувам“: Сопругот на Сара Мејс и приреди вистинско утринско изненадување (фото)

Слаѓана Атанасова — Fri, 20 Oct 2023 10:06:38 +0000

Македонската поп пејачка и харфистка Сара Мејс денес полни 33 години. По тој повод нејзиниот сопруг стана и побрза прв да ја изненади додека спијат децата и на интересен начин и подготви специјално утринско будење со цел да и го честита роденденот на неговата сакана. Имено, Димитар утрово ја разбуди Сара со роденденски свеќички наместени на две тортички и и запеа „Happy Birthday“. Таа откако ги отвори очите, ги крена рацете за убаво да се истегне, а пред неа веќе стоеше нејзиниот сакан и тивко пееше. Потоа со насмевка до уши си замисли желба и сѐ уште нерасонета ги дувна свеќичките. „Си знаеш што ти посакувам , другото можеш со свои зборови“ - и напиша Димитар во честитката. На среќата и немаше крај, а честитките почнаа да пристигнуваат на нејзината адреса. Среќен роденден! фото:Инстаграм принтскрин

По утринското селфи и прашањето: „Кој рано рани…“ одговорот за Викторија Лоба беше шок-изнендаување, па пејачката уште рано изутрина „му ја летна“ на средување (ФОТО))

Слаѓана Атанасова — Sat, 24 Jun 2023 07:00:17 +0000

Македонската пејачка со руско потекло, Викторија Лоба, често пати преку нејзините Инстаграм приказни комуницира со нејзините фанови и споделува дел од нејзиното секојдневие со цел што подобро да ја запознаат. Таа неодамна сподели фотографија и се пофали дека постојано работи па напиша: „Кој што прави ние си работиме“ - но, затоа мора и да се стане уште во раните утрински часови ... Токму поради тоа таа ги праша нејзините следбеници преку кратките приказни на Инстаграм, што се се добива ако се станува рано?! Па на прашањето: Кој рано рани - го очекуваше вистинскиот одговор. Неодамна таа ги загрижи фановите дека нејзиното кученце е болно, па сега веројатно одвојува повеќе време за галење и мазење. Можеби затоа првиот одговор беше за миленичињата. - Маша ја гали - гласеше одговорот на еден фан, што и не беше далеку од вистината затоа што Лоба потврди дека тоа е задолжително секое утро. Но тука беше и не толку пријатниот одговор дека сепак, кој рано рани два пара подочници граби, на што пејачката слатко се изнасмеа, покривајќи ги очите за да не ја открие вистината на дело. Но на крај сепак погодија. - Кој рано рани многу му се нани - со емотикон кој се зева, Лоба потврди дека ова е вистинскиот одговор за неа. Па, затоа пејачката замина веднаш во рацете на професионалците... Фото: Принтскрин/Инстаграм/Викториа Лоба

Снеже Велков за „градоначалник“: Само таа го гледа Скопје поинаку, уште од рано изутрина… Веќе попладне, македонската престолнина нема врска со утринската убавина (ФОТО)

Антонио Димитриевски — Wed, 29 Sep 2021 07:38:09 +0000

Во екот на предизборната кампања за локалните избори, разбирливо македонската престолнина е најпримамливата „тврдина“ која политички треба да се освои. Борбата на дузина кандидати допрва станува „гладијаторска“, а меѓу нив секако и неколку дами. И додека независните и „зависните“ прават се' да ги освојат симпатиите, а со тоа и гласовите на своите сограѓани крстарејќи го по маалата, населбите, општините, во предизборна дружба со граѓаните од главниот град, една дама го крстари главниот град уште од рано наутро, уште додека Скоје речиси спие... И тоа секој ден, гледајќи го со поинакви очи, иако не е ниту во кампања, ниту има кандитатура или градоначалнички претензии. Нема врска со политика, а патем дури не е ниту родена скопјанка, иако веќе доволно долго живее и работи во македонската метропола. Снеже Велков, македонската ТВ водителка и пилатес инструкторка секое утро, уште додека сонцето едвај се пробива на хоризонтот, го јавнива својот велосипед и тргнува да го крстари главниот град. Заради сопствена рекреација и туѓа мотивација на оние што ја следат. А градот убав веројатно рано наутро е најубав... Зашто е најпразен. Отприлика исто како што кога за празник или споен викенд скопјани ќе заминат некаде на ден-два-три, а „ско-пја- ни“ ќе си заминат дома... По Македонијава! Како и да е, русокосата убавица качена на својот велосипед секое утро е сведок на нова магија... Или како што споделувајќи фотографии и видеа од „утринското волшебство“ на македонската престолнина, самата вели: „Во ова видео е одговорот на прашањето: „Снеже како не те мрзи да стануваш секое сабајле да возиш точак?“ „Не ме мрзи,зошто секое утро сум сведок на нова магија“. „Погледнете го Скопје од мојата утринска перспектива и кажете ми дал сум луда ил сум среќна што уживам во овие убавини секое утро?“ „Скопје наутро нема врска со Скопје попладне!“ - децидно тврди водителката.

View this post on Instagram

A post shared by Velkov Sneze (@velkovsneze)

„Луда“ или среќна или можеби двете, едно е сигурно: Само таа го гледа Скопје поинаку, уште од рано изутрина... Веќе попладне, македонската престолнина нема врска со утринската убавина. Ова го констатирале безброј пати многу скопјани од некои претходни генерации, кога до душа не на велосипед, туку враќајќи се дома во раните утрински часови од незаборавните ноќни забави и лудиот провод во „златните времиња“ на 90-ите, ја почувствувале убавината на утринската магија на Скопје пред да се разбуди. Нешто што оддамна го нема, ама кој да знае... Малку недостасува „градот убав пак да никне“... Со вистински градоначалник! Па кој од дома на велосипед уште од рано изутрина заради рекреација и релаксација, кој на пат кон дома на бурек или чорба... на утринска „детоксикација“! Фото: Инстаграм принтскрин/velkovsneze

11 знаци дека влегувате во нова врска премногу рано

Слободанка Илиева — Fri, 09 Apr 2021 12:40:46 +0000

Раскинувањето е една од најтешките работи за многу луѓе, особено кога станува збор за врски во кои се вложени многу години, труд, љубов, разбирање, енергија и работа. По раскинувањето следува период на закрепнување, што бара време и дополнителен напор за личноста да закрепне и да се врати на вообичаениот начин на живот. Бидејќи сите луѓе се различни, раскинувањата изгледаат различно кај сите луѓе. Ниту едно закрепнување од раскинувањето не е исто и нема временски период во кој закрепнувањето е загарантирано. За некои луѓе, ова трае неколку месеци, додека некои луѓе не можат да влезат во нова врска со години. Од друга страна, има луѓе кои премногу брзо влегуваат во нови љубовни врски. Таквиот упад се нарекува преодна врска и се карактеризира со недостаток на емоционална приврзаност кон новиот партнер и нецелосно закрепнување од прекинувањето на претходната врска. Луѓето влегуваат во преодна врска од различни причини. Некој ќе го стори тоа намерно, а некој нема да биде целосно свесен за своите постапки. Некогаш може да се наоѓате во преодна врска од другата страна и подоцна да станете свесни за постапките на вашиот нов партнер. Знаци дека сте во преодна врска Без оглед на тоа дали влеговте во нова врска свесно или несвесно, постојат одредени знаци кои ќе ви го потврдат тоа: неодамнешно раскинување постојано гледање наназад во минатата врска или целосно избегнување на таа тема брз напредок, принудување и брзање избегнување емотивно отворање и поврзување фокусирање исклучиво на секс давање измешани сигнали барање внимание и прекумерно уживање во вниманието на партнерот покажување и фалење со партнерот за колку што е можно повеќе луѓе (вклучувајќи го и поранешниот партнер) да дознаат за вашата нова врска избегнувате средба со најблиските, односно со семејството и со пријателите избегнувате планирање на иднината со новиот партнер краткотрајна врска Дали преодната врска е здрав и паметен потег? Во некои случаи, може да се случи личноста да не закрепне целосно од раскинувањето и да влезе во врска со нова личност, па да најде среќа во таа врска. Но, додека многу луѓе уживаат во нечие внимание и секс, повеќето експерти велат дека преодната врска е погрешен потег. Во повеќето случаи, личноста која сè уште жали за поранешниот партнер и за врската не може да воспостави здрава и стабилна врска. Секоја загуба во животот треба да биде прифатена и лекувана така што новиот почеток ќе биде навистина нов почеток, а не бесцелно губење и заплеткување во емоциите. Наместо да брзате во нова врска по раскинувањето, посветете се и работете на себе и одвојте време да закрепнете од сè што ви се случило. Но, ако ви се случи да завршите во преодна врска, не срамете се од тоа или не осудувајте се сами. Понекогаш, преодната врска е исто така начин да сфатите дека сè уште не сте закрепнале и дека тоа е сосема нормално. извор:кафепауза.мк

Знаци дека е рано да почнете да живеете со партнерот

Христина Ѓоргиевска — Thu, 26 Sep 2019 12:35:26 +0000

За многу парови, живеењето заедно е едноставен и логичен чекор. Ќе заштедите пари, имате помош и друштво во станот. Но, од друга страна, тоа е единствен спас за врската, финансиите и слично. Huffpost ви дава неколку совети како да препознаете во каква ситуација се наоѓате вие. Ако сте загрижени дека не е вистинското време да живеете заедно со вашиот партнер, тогаш размислете убаво за следниве совети. 1. Користете го вселувањето како начин да ја процените стабилноста на вашата врска Големите чекори не треба да бидат нешто со што ќе тестирате дали вашата врска е стабилна и успешна. „Освен тоа, парот би требало да биде возбуден поради новиот чекор“, вели терапевтот Курт Смит. 2. Уште не сте поминале низ поголема расправија Иако си замислувате колку би било убаво и романтично, не секоја неколкумесечна врска треба да прерасне во заеднички живот. Можеби за неколку месеци, ќе поминете низ бурен период, па ќе видите кaков човек имате покрај себе: дали е тука за вас кога ви е тешко и дали може да биде личноста со која ќе го делите секојдневието- среќата и тагата. 3. „The money talk“ Разговорите за пари и финансиски планови се задолжителни. Ако ги избегнувате, порано или подоцна ќе се најдете во ситуација кога ќе се расправате со партнерот за тоа. 4. Некој од вас живее со цимер Ако имате цимер или дете, задолжително прашајте ги за мислење дали имате дозвола да го вклучите партнерот во заедничкиот простор. 5. Мислите дека со живот во заедница ќе ги поправите проблемите во врската Ако одговорот е да, тогаш се лажете. Кога врската е во криза, ви треба сопствен простор, за да ги средите мислите и проблеми, а тоа сигурно нема да го имате доколку живеете со партнерот. 6. Партнерот ве притиска да живеете заедно Ако интуицијата ви вели дека ситуацијата не е идеална и ваквиот чекор е избрзан, тогаш послушајте ја. Занемарете го партнерот кој ве убедува дека сè ќе биде во ред: несигурноста не е добар знак.