рамбо амадеус – Вистина.мк

ЗЏМ Биг Бенд и Рамбо Амадеус заедно на 8-ми декември во Филхармонија

Антонио Димитриевски — Fri, 11 Nov 2022 13:46:36 +0000

Здружение на џез музичари го најавуваат новиот концерт „Чудо на Балканот“ на 8 декември во Филхармонија (20,30 часот) заедно со едно од најголемите музички имиња на Балканот, Рамбо Амадеус. „Концертот ќе биде уникатна можност да ги чуете легендарните песни на Рамбо Амадеус во аранжмани за биг бенд“ - велат од ЗЏМ. Рамбо Амадеус е артист кој доаѓа од Црна Гора и делува како музичар и поет, гитарист, па и еко-активист. Неговите текстови и медиумски излагања се цитираат со години и децении откако се искажани. Неговите песни комбинираат уникатни сатирични текстови кои честопати ги критикуваат општествените појави кои нѐ засегаат сите, а неговите концерти речиси никогаш не значат дека ќе чуете едноставни повторувања на снимените песни. Секое слушање е ново доживување и умешна импровизација која зборува за човековата природа. Тема на првиот концерт на ЗЏМ беше музика од славните „Битлси“, а со оркестарот диригираше славниот Австриец Зиги Феигл. Потоа следеше настапот на манифестацијата под наслов „Today it’s all about jazz!“ (Денес сѐ е џез!), беа придружба и на Виенскиот бал, а проектот „Radioheadjazz“ привлече голема публика во Филхармонија во 2019 година.

Таткото на актуелната задругарка Супер Цвета е во врска со кумата: Лазар живее со поранешната сопруга на Рамбо Амадеус (фото)

Слаѓана Атанасова — Fri, 23 Sep 2022 10:08:02 +0000

Актуелната задругарка Цвета Жарковиќ, која сите ја знаат како Супер Цвета, ја загуби мајка си пред речиси шест години, а нејзиниот татко, белградскиот златар Лазар Жарковиќ, по неколку месеци почна да живее заедно со поранешната сопруга на неговиот кум Рамбо Амадеус. Маќеата на Цвета е Карин Пушиќ, која своевремено беше мажена за популарен музичар. Добро упатен извор близок до семејството Жарковиќ откри детали од животот на таткото на Цвета и неговата партнерка. - Лазар и Карин живеат заедно речиси пет години. Кога мајката на Цвета починала, тој по неколку месеци ја донел Карин во својот стан. Тие двајца се познавале долго време пред да стапат во врска, преку нејзиниот поранешен сопруг Рамбо Амадеус. Музичарот и Лазар биле долгогодишни пријатели, а подоцна и кумови - раскажал изворот и објаснил како Лазар стапил во врска со некогашната кума. - Рамбо и Карин се разделија и се помирија. Колку што знам не го изневерила со Лазар, се развела пред сегашната врска. Двајцата имаат слични интереси, тоа го знаеле и кога Карин била во брак. Кога се во Србија, живеат во неговиот стан во центарот на Белград, во близина на Славија, а често го поминуваат времето и во Белгија. Тој е познат златар од Белград и е доста богат, често патуваат, а заедничка страст им е возењето мотори - објаснил тој. Додека, нејзината пријателка Анѓела, не сакала да коментира за нејзините родители: - Со Цвета сме пријателки, но не би коментирала за нејзините семејни работи бидејќи не сум добро информирана за деталите од врската со Карин - објаснила кратко. Фото: Принтскрин/М.Митровиќ/М.Павковиќ

Рамбо Амадеус во Станица 26

Антонио Димитриевски — Mon, 27 Nov 2017 13:35:22 +0000

На 29 ноември 2017, среда, со почеток во 22.00 часот легендарниот музичар, поет и андерграунд ѕвезда, Рамбо Амадеус, во клубот „Станица 26“ во Скопје ќе има самостоен солистички концерт. Мастер гуру-то на екс-ЈУ сцената, неповторливиот и уникатен Рамбо Амадеус ќе одржи концерт кој ќе се памети, па доколку и Вие сакате да бидете дел од тоа, побрзајте да набавите навреме билети на Билетите можете веќе сега да ги набавите на: https://www.kupikartizase.com/Events/rambo_amadeus_3gonga_2017