ракометарка – Вистина.мк

Свадбен танц под облаците на дождот: Мартин Филиповски – „Некст Тајм“ и ракометарката Андреа Белеска по Кичево, направија интимна свадбена веселба и во Скопје (ФОТО)

Антонио Димитриевски — Mon, 26 Jun 2023 08:45:47 +0000

Како што ветија, а Вистина и веќе пишуваше, така и сторија: Мартин Филиповски - „Некст Тајм“ и ракометарката Андреа Белеска по Кичево, каде си се ветија еден на друг пред Бога во манастирот „Св. Богородица – Причеста“ , а ставија и потпис во матично, свадбена забава за семејството и потесниот круг на пријатели направија викендов ( 24 јуни 2023) и во Скопје. Овој пат на локација на отворено, каде се веселеше, пиеше, пееше и наздравуваше во име на љубовта на младите, кои по осум години врска решија да стават прстени и влезат во брачна заедница. Разбирливо, свадбената забава како што е редот први ја отворија младите со свадбен танц под облаците кого ниту дожфот не можеше да го расипе или спречи... Напротив, само го увеличи, давајќи му дополнителна романтична нота на моментот за паметење. А истиот тој беше збогатен со раскошен огномет, кој траеше додека младоженецот и младата го изведуваа свадбениот танц на ѕвездите... Тој музичка, таа ракометна! Секако, журката не би била комплетна доколку музичарот со својот брат - близнак и нивниот придружен бенд пријатели не засвиреа и не запееја нешто од својот познат репертоар... А таа вечер се налеваше во име на љубовта, па таква беше и една од познатите македонски патриотски песни која „Некст Тајм“ и ја изведоа... „Налеј, налеј“... Овој пат за среќа, радост и бериќет на младите и нивните заеднички години живот што им претстојат. И секако, свадбена веселба без свадбена торта не бидува, па првата лажичка споделена од раката на невестата во устата на зетот и обратно... Како што се ранат две гулапчиња,за потоа чинот да биде зачинет со свадбен бакнеж за вечност! За неизмерна убавина... И (од)надвор и одвантре! Нека се среќни, вечни, заљубени и секако... многудетни! Фото и видео: Instagram story/martin_filipovski

Едниот од браќата од „Некст Тајм“ реши да се жени: По долгогодишната врска близнакот ја побара раката на Андреа (фото)

Слободанка Илиева — Wed, 21 Sep 2022 08:14:33 +0000

По повеќе од седум години врска, едниот од браќата „Некст тајм“, гитаристот Мартин Филиповски реши да се жени. Тој ја побара раката на својата сакана и долгогодишна девојка, ракоментарката Андреа Белеска, а моментот од запросувањето тој го објави на својот Инстаграм профил. Мартин и Андреа се заедно речиси осум години, а низ годините заедно нивната врска успеа да функционира и на далечина, бидејќи Андреа играше за шведски женски ракометен клуб, па според ангажманите доаѓаше и во Скопје.

View this post on Instagram

A post shared by маRтин (@martin_filipovski)

Андра по потекло е од Кичево, а во својата спортска кариера честопати е прогласувана за најдобар играч во тимот. Мартин и Стефан славењето го започнаа заеднички со нивниот 36-ти роденден, а деновите за убави мигови за паметење продолжија со запросувањето.

View this post on Instagram

A post shared by маRтин (@martin_filipovski)

Честитки! фото:Инстаграм/Мартин Филиповски

Мартин од „Некст Тајм“ сонце го грее и среде зима, меѓу Божиќ и Нова Година… и тоа не едно, туку сонца две во истовреме! (ФОТО)

Антонио Димитриевски — Mon, 04 Jan 2021 08:09:33 +0000

Новогодишните празници помина,, пред нас е Божиќ. Речиси сите Новата 2021-ва година ја поминавме во домашен амбиент, со семејството, децата, родителите, со пријателите... лимитирани во бројката на славеници и во начинот на славење. Затоа Новата 2021 -ва може да се каже дека повеќе ја одбележивме дека пристигна, отколку што ја славевме. Не барем онака, како што досега тоа повеќето од нас го правеа... И додека во меѓувреме православните христијани го чекаат доаѓањето на најголемиот празник, рождеството Христово - Божиќ, некои имаа причина за славење помеѓу двата датума. како еден од близнаците од братското дуо „Некст Тајм“ на пример, гитаристот мартин Филиповски. Или поточно, музичарот повеќе имаше повод и причина за радост и честитање, а славеше таа... неговата поубава половина. Имено, Мартин безмалку 6 години е во љубовна врска со една исто така позната дама, македонската ракометарка и репрезентативка, кичевчанката Андреа Белеска. Иако не се 24/7 заедно, зашто Андреа игра ракомет во Шведска, како членка на прволигашот „Боден“, сепак, секој слободен миг, пауза, распуст, одмор... го користат да бидат заедно. https://arhiva.vistina.com.mk/radio-mileva/martin-od-nekst-tajm-i-negovata-devojka-andrea-predizvikaa-brua-od-komentari-na-socijalnite-mrezi-a-prichinata-beshe-vazna-i-golema-foto/ Неретко патувајќи на егзотични дестинации по белиот свет. Коронавирусот годинава можеби им ги поремети плановите, па ниту Мартин, ниту Андреа јавно не обзнанија дали заедно ја дочекале и Новата 2021 година, но затоа гитаристот објави нешто друго. Мартин од „Некст Тајм“ сонце го грее и среде зима, меѓу Божиќ и Нова Година... и тоа не едно, туку во истовреме го греат сонца две! Таков е барем симбоилично описот на фотографијата која ја споделил на својот Инстаграм со која и го честита роденденот на својата сакана Андреа, која е сликана во еден прекрасен езерски пејсаж на зајдисонце. „Изгрејсонцето и зајдисонцето заедно во една слика. Среќен роденден љубов моја“ - напишал Мартин во роденденската порака збогатена со љубовно-славенички емотикони во вид на срце, конферти и роденденска торта. Претходно, близнаците од „Некст тајм“ нпреку својата официјална Фејсбук страница на своите обожаватели, но и на сите останати им честитаа Нова Година, посакувајќи здравје, среќа и насмевки на сите лица и ветија многу квалитетна македонска музика во 2021-ва! За некаков потпис не стана збор... Засега Андреа својот потпис го има ставено само на професионалниот договорот со клубот. Ниту таа ниту Мартин, оној брачниот потпис во книгата на венчаните, се' уште не го наговестиле... А речиси „6 години стана, како ги зафана, нивната љубов...“! Ама кој да знае... Можеби, токму во 2021 може лесно да се случи: „Нешто ќе те питам злато, право да ми кажеш...“!

Спортски ѕвер со лик на убавица: Која е „Јовка – кумановка“ од новиот спот на „Некст тајм“? (ФОТО+ВИДЕО)

Антонио Димитриевски — Tue, 15 Oct 2019 08:59:38 +0000

Откако го погледнавте новото видео на „Некст тајм“ за нивната преработка на македонскиот фолк класик „Прошета се Јовка - кумановка“, веројатно многумина од вас се запрашаа која е прекрасната девојка која го толкува ликот на Јовка? Која е убавицата која ја доби улогата на главната хероина од приказната во визуелизацијата на режисерот Огнен Шапковски за видеото на „Некст тајм“? Одговорот стои напишан уште на најавниот промотивен плакат за спотот, а на него името на Викторија Пеовска. За оние кои го следат спортот, особено оној, најтрофејниот во Македонија, нејзиното име не е непознато. Таа е ракометарка на женската екипа на ЖРК Куманово и македонската ракометна репрезентативка. Ангелски лик со сето останато што мајка - природа како атрибути и го дала. Од висина, до рамна снага и става, долги нозе, крупни очи, полни усни... Едноставно речено, убавица од веѓи до глуждови, која кога ќе се се појави на паркетот се претвора во вистински спортски ѕвер! Упорна, борбена, прецизна, вистински лидер на тимот на теренот! Но, згодната и атрактивна кумановка, пак затоа надвор од спортскиот терен е вистинска атрактивна, секси убавица, која не е само успешен спортист. Имено, Викторија Пеовска својата спортска популарност и убавина спојувајќи ги во едно ги кориссти како модел. Така неодамна згодната ракометарка стана заштитно лице на еден познат македонски бренд за душеци и перници. Кумановската фирма која извезува и во странство го направи вистинскиот избор одбирајќи ја својата кумановка за модел кој ќе ги рекламира нивните производи! Како што „Некст тајм“ ја одбраа да биде нивната „Јовка - кумановка“... Но, ова не и е прва улога во музички спот на Викторија. Оние кои ја следат македонската музичка сцена и имаат добро паметење, веројатно се сеќаваат на прекрасната балада „Дал има?“ на Александар Тарабунов - Тара од 2016 година и жешките кадри во видеото на сексапилната, тогаш помалку позната Викторија Пеовска! https://www.youtube.com/watch?v=cRmZtRFuRZE Исто како и во новата визуелизација на „Јовка - кумановка“ на „Некст тајм“, каде убавата Македонка исто така го покажува сиот свој телесен раскош, преточен во суптилна еротика низ уметничкото видување на естетиката на голото тело на расната кумановка во бистрите води. Викторија Пеовска спортски ѕвер во лик на убавица или Јовка - кумановка, „ѕвер“ од убавина... како сакате! https://www.youtube.com/watch?v=Cclx-3UwUH8

Зоран Заев на свадба: Бившата македонска ракометарка Ива Стојковска „рипна во тавче“, премиерот меѓу гостите (ФОТО)

Антонио Димитриевски — Tue, 17 Sep 2019 10:27:30 +0000

Поранешната македонска ракометарка Ива Стојковска, во саботата, 1409.2019 г. се омажи за струмичанецот Даниел Пројковски со кого беше неколку години во љубовна врска. Ива Стојковска е позната како некогашна македонска ракометарка (Еуростандард Ѓорче Петров, Кометал Ѓорче Петров, ЖРК Вардар и Приштина) која дури го облече и репрезентативниот дрес. Но набргу потоа се откажа од активното играње, останувајќи во ракометот како спортски директор на женската екипа на ЦЕМС. Таа инаку е сестра на Ана Стојковска, која на јавноста и стана позната откако во јуни годинава се омажи за естрадниот менаџер Кристијан Стефановски – Кико. Сестрите се познати потоа што се симпатизери, активисти и блиски поддржувачи на владеачката партија. Нивните профили ги красат меѓу сите останати фотографии со познати личности и селфи фотографиите со лидерот на СДС и македонски премиер, Зоран Заев, кој бил лично присутен и на свадбата на поранешната ракометарка. Инаку свадбената веселба се одржала во еден познат ресторан во Струмица, а на неа присуствувале нивните најблиски другари, пријатели, роднини, но и лица од јавниот живот.