ракија – Вистина.мк

Дарио пред Нова Година наместо дупла вотка, сите ве чести со по една – „Ракија“ (ВИДЕО)

Антонио Димитриевски — Tue, 29 Nov 2022 10:57:06 +0000

Еден од ретките македонски музички ветерани од првата лига им нова песна. Дарио Панковски како по стариот добар обичај работи полека, натенане, ама кога нешто ќе сработи, нема шанси тоа да не го убоде таму каде што најмногу треба: И во ушите и во душата и срцата на неговата публика. Секоја песна загарантиран хит, со речиси сигурен потенцијал со текот на годините да прерасне во евергрин. Иако неговите песни можеби за некого , особено за „новите клинци“ не се модерни, современи, во духот на времето, ама затоа се безвременски. Полни со страст, емоции, душа товаране со чувства кои не бледеат, туку само како живи рани притискаат вреќајќи ги мислите, што тоа направивме, каде згрешивме, можеше ли да биде поинаку... И во љубовта и во животот. Во нив среќата и тагата се испреплетуваат низ клопчето на животот, наизменично издигајќи го едното чувство над другото и обратно... Како црно и бело, како плус и минус, како почеток и крај, како студена бистра вода и одлежана лута ракија... Тоа е Дарио, а такава е и неговата најнова песна, токму така насловена „Ракија“, која доаѓа како мелем на рана, мал едноставен скромен подарок за неговата генерација, но и сите оние што имаат душа полна љубовна горчина, како лек пред Нова Година! Музички едноставна песна, навидм можеби многупати „веќе слушната“ и позната, а сепак одново допира, со стихови кои ги потикнуваат сетилата, правејќи срцето да затрепери, низ главата да ви минат илјада мисли и слики, а по кожата да ве полазат морници. Зашто нема некој од нас, кој срцето некому не му го подарил, а потоа останал со срце скршено, за кое единствена терапија е ракија! Музиката и стиховите се авторство на самиот Дарио, додека аранжманот и продукцијата ги потишува вообичаено, неговиот стар музички соработник Кристијан Габроски. Како звучи кога Дарио пред Нова Година наместо со дупла вотка, сите ќе ве почести со по една „Ракија“, проследете од песната во продолжение (КЛИКНИ ТУКА):

Стар рецепт на бабите кои имаат убава коса: Ви треба само ракија, а еве што треба да направите

Слаѓана Атанасова — Mon, 18 Jul 2022 13:15:54 +0000

Ракијата ја подобрува циркулацијата, па штом ќе ја нанесете на темето, ќе почувствувате пецкање и топлина. Постапката е многу едноставна, а сигурно ја знае и вашата баба, бидејќи овој рецепт за бујна коса потекнува токму од бабите. Земете малку ракија и нанесете ја директно на кожата на главата. Потоа со прстите масирајте со кружни движења, така што ќе се распореди по целата глава. Потоа наведнете ја главата и продолжете да масирате уште неколку минути. Набрзо ќе почувствувате топлина и пецкање, но тоа не треба да ве загрижува. Ракијата е моќно средство за чистење на кожата, токму она што им е неопходно на модерните девојки. Поради секојдневното користење серуми, ампули, балсами, хемиски препратари пени и сл. кои се задржуваат и по миењето, порите на кожата на главата се затвораат, што директно влијае на квалитетот и растот на косата, а често и го засилува опаѓањето. Затоа од време на време кожата на главата треба да се чисти темелно, а ракијата е најевтиното и најздраво решение. За да не ја оштетите косата, ракија не се нанесува на целата коса, туку само на темето на главата. Старите на овој начин лекувале првут. Секогаш комбинирајте ја ракијата со масло: маслиново, кокосово, гроздово, па дури и сончогледово, ако немате друго. Така кожата ќе се хидрира, а нема да се намали дејството на ракијата. Маслото можете да го нанесете по целата должина на косата. Не претерувајте со овој третман. Третманот со ракија го поттикнува растот на косата, но ако имате псоријаза или кој било друг сериозен проблем со кожата на главата, НИКАКО не ставајте домашни маски без да се консултирате со дерматолог. Не ставајте дури ни маслиново масло.

Сандра – Африка е соло и бара момче: „Инстаграмот ми е затрупан со фотографии од машки полови органи“!

Антонио Димитриевски — Tue, 19 Apr 2022 12:18:10 +0000

Сандра - Африка вели дека оддамна немала момче бидејќи и се додворуваат само ненормални мажи! Пејачката тврди дека нејзиниот Инстаграм, каде има околу 1,4 милиони следбеници е преплавен со фотографии од полови органи кои и ги испраќаат мажите. „Кога имам слободно време, активна сум на Инстаграм, луѓето сакаат кога им одговарам на пораките... Секогаш се чудам кога ќе видам дека ми пратиле слика од нивниот полов орган, но никогаш не ги блокирам тие мажи. Само не им одговарам. Ги гледам тие голи фотографии и продолжувам“ - ја започнува приказната Сандра. „Немам момче, сама сум. Ниту еден нормален маж не ми приоѓа! Не зна зошто, но сега мажите поретко ми приоѓаат, порано имав повеќе додворувачи. „Ме олетувале и девојки. Се дистанцирам, се сликам со нив ако сакаат, и тоа е тоа. Никогаш не сум се бакнала со девојка, сакам само мажи“ - вели пејачката! Африка неодамна се најде во центарот на вниманието на јавноста бидејќи беше снимена од екипата на шоуто „Папарацо лов“ додека вози цик-цак, лево-десно по автопат, откако се наводно пивна малку повеќе во емисијата „Амиџи шоу“. „Сакам ракија! Ќе испијам две-три чаши и готова сум! Никогаш не пијам пред настап затоа што тогаш гласот ми 'пука'. Затоа пијам само кога не работам. Кога пијам се смеам и играм и се' ми е супер“ - вели Сандра и се правда дека не се опила во емисијата на Огњен Амиџиќ иако камерите ја снимиле неколку пати како си налева алкохол во чашата: „Огњен има добра ракија! Јас генерално не пијам кога возам, а тогаш испив само една, можеби две чашки. Пишував пораки во автомобилот додека возев и затоа одев лево-десно, а на видеото испадна дека сум пијана!“ - се бранеше Сандра!

Вековна македонска традиција – промоција на новата Skovin Special ракија на Винодонија 2021

Дејан Донев — Mon, 22 Nov 2021 13:09:58 +0000

Уште едно звучно име на Винодонија 2021, ВИНАРИЈА СКОВИН ГРУПА ветерани кои учествуваа во обликување на македонската винска сцена во изминатите децении. Сковин со сопствените плантажи кои се протегаат низ благите ридести падини во околината на Скопје, располага со богато и квалитетно портфолио на сорти грозје. Лозјата на Сковин се познати по тоа што даваат карактеристичен сензорен профил на вината кои се одраз на острите скопски зими и долгото суво топло лето. Винодонија 2021 - ексклузивна можност да ја пробате нивната долго најавувана ракија Skovin Special, одлежана 4 години во дабови буриња. Skovin Special е ракија со специфичен карактер. Низ сите овие години, инспирирани од традиционалните рецепти е усовршена до перфекција. Овој златен оган ве носи до уживање каде ќе заборавите на другите пијалаци. Моќно делува, ги опушта мускулите, го стоплува срцето и ја воздигнува душата. Ваш идеален пријател кога сте осамени, перфектен во друштво и неверојатен кога се споделува со љубов. Skovin Special има длабока златно килибарна боја. Суптилно и комплексно со ноти на суви овошја, сува смоква, путер, ванила и темно чоколадо. Вкусот е кремаст со доминација на слатки зачини, суво овошје, ванила, карамел и темно чоколадо. Наздравуваме за долгогодишната традиција!

„Гранд ѕвездата“ Александра Младеновиќ крие дека умее да се напие: „За една вечер можам да испијам и половина шише ракија“ (ФОТО)

Антонио Димитриевски — Wed, 10 Nov 2021 10:31:45 +0000

Пејачката Александра Младеновиќ се пофали дека неа засега не и недостасуваат настапи. Покрај тоа, таа открива дека сака да пие ракија и дека во тој момент е прилично весела, опуштена и емотивна. Сепак, таа мора да се крие бидејќи и ветила на мајка си дека нема повеќе да се опива. „Сè уште не сум имал откажани свирки и не се жалам. Следната недела одам на одмор да се наградам затоа што непрестано работам од јуни. Мислам дека заслужив да се одморам“ - вели сексапилната фолкерка, која кажува како се снаоѓа кога во ситуација да не и се пее, а мора да ја одработи закажаната свирка. „Одлично се справувам со тоа, бидејќи кога ќе видам полн клуб и сите оние луѓе кои дошле само мене да ме слушаат, веднаш ми се враќа мотивацијата. Вообичаено пред настапот се карам со себе и велам: „Леле, како ќе пејам, уморна сум, што ќе правам? Сепак, штом ќе излезам на сцената, растурам“ - тврди атрактивната„Гранд ѕвезда“. На прашањето, дали некогаш пеела и во празен клуб, Александра е искрена: „Да, тоа ми се случило порано и мислам дека не е срамота. Многу околности можат да влијаат на тоа независно, од мене. Мислам дека на сите им се случило, но јас пеам исто. Не ми е гајле дали клубот е полн или празен. И да има 50 луѓе, тие дошле за мене. Затоа се трудам максимално да ги испочитувам. Кога се пороците во прашање, Александра признава дека понекогаш знае да претера и да испие малку повеќе: „Да... Сакам ракија. За жал, сега кога мајка ми ќе налета на ова интервју, ќе ме убие. Мајка ми ми вели дека сум изрод во семејството, затоа што пијам ракија, а никој од моите не пие алкохол. Можам да испијам и половина шише за една ноќ“ - тврди расната српска фолкерка.

View this post on Instagram

A post shared by Aleksandra Mladenovic (@aleksandra_mladenovic_)

Фото: Инстаграм принтскрин/aleksandra_mladenovic_

Рада Манојловиќ брзајќи на снимање во „Гранд“ упадна во коприви: „Малер бев, малер си останав“! (ФОТО)

Антонио Димитриевски — Thu, 27 May 2021 07:58:50 +0000

Рада Манојловиќ имаше лоша среќа пред неколку дена, кога брзајчи да стигне на време на снимање на шоуто во „Гранд продукција“, упадна во коприви и се изжурка. Популарната пејачка е позната по својата непосредност, а често и по тоа што не е баш многу вешта, нешто што неодамна повторно го докажа. Како и секогаш, Рада беше расположена брзајќи да стигне во студиото на Кошутњак, но кога не најде место за пракинг на својот автомобил, се загрижи. Таа се вртеше неколку пати во круг, а кога конечно здогледа слободен простор за паркинг место, пота кон него.... И влета во некосена трева и коприви! Рада немаше место толку лесно да излезе од автомобилот, бидејќи немаше многу простор помеѓу автомобилот и копривите. Пејачката некако ја отвори вратата, се извлече и се обидуваше безбедно да помине, цело време стегагнта провлекувајќи се покрај автомобилот. Но папараците го фатија моментот додека Рада се мачеше, и на крајот сепак не успеа да избега од копривите што пецкаат и горат. Кога си ги „испече“ нозете, фолкерката се изнервира, па гласно прокоментира: „Само уште ова ми требаше во ова брзање! Малер бев, малер си останав“ - кажа Рада. Сепак лутината од пехот кусо и траеше, и штом дразбата од копривите и се потсмири, Рада расположена им позираше на фоторепортерите како ништо да не случило и покажа дека е вистински професионалец. „Денес бев воодушевен од фоторепортерите, тие се жртвуваа за мене и ме следеа влегувајќи дури и во копривите. Се чувствувам должна и ветувам дека на следното снимање ќе им донесам домашна ракијата од кај татко ми од село“ - порача Рада. Фото: Инстаграм принтскрин/radamanojlovic/ATA images

Македонија тукушто ја откри Шпанката со македонска душа, а Маика Маковски вака се заблагодари: „Крвта не е вода“… ама не е вода и уште нешто… наздравје! (ВИДЕО)

Антонио Димитриевски — Mon, 09 Nov 2020 08:53:49 +0000

Деновиве пишувавме за Маика Маковски, шпанската музичка сензација со македонски корени и славјанска душа. Пејачка, музичар, кантаавторка која туркајќи го својот етно стил во својата музика низ таканаречениот жанр „world music“, не заборавила која е ,од каде потекнува, од каде ги влече своите корени. Така во својот репертоар пејачката од чиј ангелски глас ќе ве полазат морници, чиј сугестивен и моќен вокал ќе ве наежи и разнежни во истовреме, ја вкклучи песната „Mакедонија“, посветена на земјата на своето потекло по татко. https://arhiva.vistina.com.mk/radio-mileva/zapoznajte-ja-maika-makovski-shpanskata-muzichka-senzacija-so-makedonski-koreni-i-slavjanska-dusha-foto-video/ И додека Mакедонија допрва ја открива Mаика и нејзината музика, откако темата „Македонија“ стана своевиден вирален хит на социјалните мрежи кај нас, фидбекот брезо стигна назад, до нејзината авторка. Пресреќна што нејзината „прататковина“ полека ја запознава и неа и нејзиното творештво, Маика јавно се обрати преку социјаните мрежи за да и се заблагодари на својата нова публика во Македонија, на својот народ од кој влече дел од корените на своето животно постоење. Можеби Македонскиот јазик не го владее кој знае како, но кантавторката најде доволно зборови за да го искаже задоволството, радоста и среќата, а возбудата и емоциите беа видливи на нејзиното лице. Као и не би кога... „Крвта не е вода“, нели, како што вели и самата Маика, ама за неа, не е вода и уште нешто... Што тоа, од видеото што следува: Повеќе од очигледно е дека Маика е наше дете во чии вени тече јужначка крв, „македонско девојче“ со шпански темперамент и балканска душа. Но, додека повеќето Македонци и љубители на музиката допрва ја откриваат и за првпат неодамна слушнаа за неа, некои наши луѓе, нејзини колеги не само што ја знаат, познаваат лично, туку и заедно веќе настапувале со неа и нејзиниот бенд. Еден од нив е и македонскиот мултинструменталист, виртуозот на нардони изворни инструменти, познатиот музичар и фолклорист Стефче Стојковски. Имено, тој сподели заедничка фотографија со Маика Маковски направена за време на еден нивен заеднички настап при гостувањето на него и неговиот оркестар на народни инструменти во Каталонија, Шпанија. Стојковски ја сподели фотографијата во магазинот „Везилка“ чии содржини воглавно се наменети за нашите иселеници во странство и македонската дијаспора ширум светот, кој прв ја објави сторијата за шпанската музичка сензација во чии вени тече македонска крв... Која дефинитивно, „не е вода“!

Александра Живојиновиќ доби улога во ТВ серија, ама Прија не можела да снима „жешки“ сцени: „Морав да испијам чашка ракија за да се опуштам“

Антонио Димитриевски — Mon, 09 Dec 2019 09:20:17 +0000

На Александра Живојиновиќ и била понудена улога во една серија, каде меѓудругото требала да снима и неколку еротски сцени. Во неа таа го толкува ликот на пејачката Мила која се вљубува во погрешен човек. Сепак, таа, наводно, тоа го одбила, дури и по цена да не се појави воопшто во проектот. „Кога прочитав во сценариото дека треба да ја снимам страсна еротска сцена, им реков дека не можам. Не сакав да го сторам тоа по цена и да ја изгубам улогата. Тогаш тоа го сторивме многу поинаку, но не можам да ги откривам деталите. Играм пејачка која е на почетокот на нејзината кариера и која лудо се вљубува, ама во погрешен човек“ - изјавила Прија. Тешко и одело снимањето на уште една сцена, па заради тоа и посегнала и по чашка алкохол... за да се опушти. „Потешко е да се биде актерка од пејачка. Никогаш не сум имал поголема трема и стрес во животот. Сите од екипата во сетот се обидоа да ме опуштат, најмногу Вук Костиќ и Марко Јанкетиќ. Тогаш ги прашав дали може да добијам една за ракија, за да можам да се опуштам. Всушност, требаше да во таа сцена да играм потпијанета пејачка, така што навистина пиев ракија за да ја одглумам“ - признала Александра.

Со гроздова ракија до подолг секс

Слободанка Илиева — Tue, 17 Sep 2019 12:15:38 +0000

Кој вели дека треба да се консумира виски за да ни паднат предрасудите и да бидеме отворени во кревет? Вискито е премногу скап стимулатор, а и неговите предности се премногу контроверзни. Од вискито наутро боли глава, за разлика од квалитетната ракија, која, освен тоа што се препорачува да се консумира во умерени количини за здравје, може да го продолжи меракот под чаршафите. Ракијата е особено важна за мажите што страдаат од чест проблем со прераната ејакулација. Старите „мајстори“ во сексуалниот занает знаат дека гроздовата ракија умее да нè наполни со доволно енергија што се ослободува постепено до постигнувањето на сексуалниот врв. Се разбира, нека не ви стане навика. Сè што е повеќе од умерено, може да предизвика последици. извор:нетпресс.ком.мк

Ја миела косата со ракија два пати неделно: Кога ќе прочитате зошто и вие ќе го правите истото

Христина Ѓоргиевска — Thu, 04 Jul 2019 11:30:08 +0000

Ракијата ја поттикнува циркулацијата, а во исто време може да ви помогне и кога е убавината во прашање. Нашите баби два пати во неделата на темето ставале комбинација од домашна виљамовка и маслиново масло и спиеле со оваа маска на коса. Трикот е во тоа што ракијата ја поттикнува циркулацијата, па со самото нанесување на темето ќе почувствуате топлина и пецкање. Постапката на нанесување е многу едноставна:земете малку ракија и нанесете ја директно на кожата на главата. Потоа со кружни движења со прстите се втрива течноста убаво во кожата да се впие, така што да се распредели по целата глава. Потоа главата треба да се наведне надолу и да се продолжи со масирањето уште неколку минути. Многу брзо ќе почувствувате како кожата е топла, а лесното чувство на пецкање значи дека ракијата почнала да делува. Покрај тоа што ја поттикнува циркулацијата, ракијата е моќно средство и за чистење на кожата, а токму тоа е потребно на повеќето девојки денес. Имено, поради секојдневното користење на хемиски средства, балзами, креми, пени, лакови, серуми и што уште не, кожата на главата многу трпи. Се што ќе ставиме на косата се задржува и по неколку нејзини миења, поради што доаѓа до заситување и затворање на порите. Ова може да делува негативно на растот на косата и на нејзиниот квалитет, а неретко доаѓа и до засилено опаѓање. Затоа одвреме – навреме и треба нешто што целосно ќе ја исчисти кожата од се што се насобрало на неа – а ракијата е најевтиното и најздравото решение. извор: Курир.мк