рафаел надал – Вистина.мк

Среќата не траеше долго: Бремената сопруга на Надал заврши во болница, а тој се закани со тужба

Слободанка Илиева — Fri, 02 Sep 2022 10:35:13 +0000

Среќата на Рафаел Надал не траеше долго. Откако кон средината на јуни низ целата планета грмеше веста дека еден од најдобрите тенисери на сите времиња ќе стане татко, деновиве од Шпанија пристигнуваат не толку добри вести. Сопругата на Надал, Марија Франциско Перело, е сместена во приватна клиника во Палма де Мајорка, каде најверојатно ќе и биде извршена итна операција, пишува весникот „Периодико“. За среќа, деталните прегледи утврдиле дека со бебето се е во најдобар ред и дека е надвор од животна опасност, но таа засега ќе остане во болница за превентивно да се следи нејзината состојба. Познат како личност која го чува приватниот живот подалеку од очите на јавноста, Надал збеснал што некој ја фотографирал неговата бремена сопруга и открил детали за здравствената состојба, поради што сериозно размислува за тужба. Засега останува непозната причината опоради која бремената сопруга на Надал наводно треба да биде оперирана. фото:Profimedia/Getty Images

Повеќе на vistina.mk

Сопругата на Рафаел Надал во бикини го покажа нараснатиот тругнички стомак (фото)

Слободанка Илиева — Wed, 10 Aug 2022 08:04:33 +0000

Сопругата на Рафаел Надал повеќе не го крие трудничкиот стомак, а убавите кадри ги уловија папараците кои внимаваат на нивниот одмор на Мајорка. Иако мистериозната Марија Франциска Перељо, попозната како Ќиска, уживаше на јахтата далеку од објективот на камерата, на сликите јасно се гледа стомакот. Сега кога приказната е потврдена, таа може на мир да ја истакне силуетата. Додека ги следела натпреварите на Вимблдон, таа носела широка облека, бидејќи веројатно не сакала натпреварите на нејзиниот сопруг да паднат во втор план. Добрата Ќиска е најголемиот поддржувач на Рафа речиси две децении и дама од сенка која се труди максимално да остане невидлива. На крајот на краиштата, зад секој успешен маж стои силна жена, нели? Го следи од почетокот на кариерата, кога не беше ни блиску до професионалната лига. Тие се запознале во 2004 година на Мајорка, островот од каде што потекнуваат и двајцата, а за сето тоа е виновна неговата помлада сестра Изабела, со која Ќиска одела на училиште. Тинејџерската љубов набрзо се претвори во голема, која беше крунисана со брак во октомври 2019 година, во стара тврдина над заливот Поленса, на северот на Мајорка. фото:Getty Images/Profimedia

Повеќе на vistina.mk

И да сака, не може да скрие: Прва фотографија од бремената сопруга на Надал во костим за капење (фото)

Слободанка Илиева — Fri, 17 Jun 2022 09:07:55 +0000

Вчера низ светските медиуми се прошири веста дека еден од најдобрите тенисери на сите времиња наскоро ќе стане татко, а денеска пристигна и официјалната потврда. Рафаел Надал по триумфот на Ролан Гарос замина на заслужен одмор. Неговото друштво како и секогаш го придружува сопругата Чиска која ги израдува папараците кога ја препознаа на палубата на јахтата. Иако избраничката на Рафа беше далеку од фотографските објективи во тоа време, на сликите кои стигнаа до магазинот Hola! стомакот е јасно видлив во првите месеци од бременоста. Бидејќи радосната вест ја потврди истиот весник, таа може на мир да облече костим за капење и да ја истакне својата силуета. Во Париз, носеше широки фустани, бидејќи веројатно не сакаше величествената победа на нејзиниот сопруг да падне во втор план. Како што пишува најпопуларниот шпански неделник, парот деновиве крстари по Мајорка, островот од кој доаѓаат и двајцата, со нивниот брод вреден пет и пол милиони евра. фото:Getty images/Hola

Повеќе на vistina.mk

По 17 години голема љубов од домот на Рафаел Надал пристигнуват најубавите вести

Слободанка Илиева — Thu, 16 Jun 2022 08:54:12 +0000

Го освои Ролан Гарос и докажа дека е неприкосновен,а сега уште една убава, можеби најубава вест доаѓа од тимот на Рафаел Надал. Познатиот шпански тенисер наскоро ќе стане татко. Иако нема официјална потврда, оваа информација од утрово ја пренесуваат медиумите на Пиринејскиот Полуостров. Надал и неговата сопруга Марија Франциско Перело, се во брак од октомври 2019 година, иако љубовта трае речиси две децении. Безброј пати го слушнале прашањето кога семејството ќе расте и дали воопшто имаат намера да го прошират „тимот“, а Рафа дискретно одговори дека за тоа ќе размисли кога ќе се пензионира за да има време да им се посвети на децата. Дали е ова знак дека 36-годишниот тенисер, кој освои рекордни 22 титули на Грен слем турнирите, ќе ја заврши својата блескава кариера со нова улога,останува да видиме... фото:Getty Images

Повеќе на vistina.mk

Протекоа детали од венчавката на Рафаел Надал: Фотографиите од младите го воодушевија светот (фото)

Слободанка Илиева — Mon, 21 Oct 2019 10:21:24 +0000

Рафаел Надал и Марија Франциска Перељко ја крунисаа 14 годишната врска со брак, а за венчавката не престанува да се зборува. Церемонија и свадбената веселба се одржаа на Мајорка во замок од 17-ти век, кој се смета за најскапата приватна сопственост во Европа. Целото случување беше затворено за јавност, па гостите можеа да влезат на имотот само без мобилни телефони. Меѓу гостите беа поранешниот крал на Шпанија Хуан карлос и неговата сопруга Софија, а од светот на тенисот: Фелисијано Лопез, Марк Лопез, Хауме Мунар, Давид Ферер, Алберт Коста, Карлос Моја и други. Двојката нема да оди на свадбено патување, бидејќи Рафа планира да игра на Мастерс во Парис, но тие практично веќе тоа го направија, бидејќи неодамна беа на Бахамите. Сепак, колку и да се трудеа да ги сокријат деталите, фотографии од нив се појавија во јавност.

Повеќе на vistina.mk

Рафаел Надал утре се жени, а вака изгледа местото каде ќе биде свадбата (фото)

Христина Ѓоргиевска — Fri, 18 Oct 2019 10:46:45 +0000

По 14 годишна врска, Рафаел Надал утре ќе го изговори судбоносното „да“ со девојката Марија Франсиски Перело. Свадбената церемонија ќе биде на имотот „La fortalesa“ на Мајорка која е позната по тоа што таму се снима и серијата „The Night Manager“. Недал поради свадбата го зафатил целиот комплекс, а судбоносното „да“ ќе го каже на тврдината. За менито ќе биде задолжен познатиот шпански готвач Кики Дакоста, а Рафа ќе ужива во посебен оброк, базиран на зеленчук, за разлика од останатите гости за кои е планирано традиционално шпанско мени на база на месо и риба. На тврдината е поставен шатор за да не може да се фотографира и снима од воздух, а парот ја одбрал токму оваа тврдина за да ја зачува приватноста. На свадбата ќе присуствуваат 500 гости. Исто така строго е забрането користење на мобилни телефони. Меѓу гостите ќе биде и шпанскиот крал Хуан Карлос, Кристијано Роналдо, Енрике Инглесијас. За потсетување, Рафаел ја запроси Марија претходната година на романтично патување во Рим.

Повеќе на vistina.mk

Рафаел Надал по 14 години врска ја запроси девојката која мрази слава (фото)

Слободанка Илиева — Thu, 31 Jan 2019 10:30:29 +0000

Рафаел Надал (32) ќе застане пред олтар! По 14 години врска тенисерот колена пред неговата девојка Мери Перело (32) и ја запроси. Луксузна свадба ќе се одржи на есен во Мајорка, а среќната двојка запросувањето го чуваше во тајност осум месеци, пишува „Hola“ Тие се заедно од 2005 година, но се запознале многу порано. Мери е дипломиран финансиски експерт и работи како проект-менаџер за хуманитарната организација на Надал.

За време на Австралија Опен, каде што Шпанецот беше поразен во финалето од Новак Ѓоковиќ, таа го бодреше својот свршеник од трибините. Сепак, тоа не е едена од познатите партнерки на спортистите кои се секогаш близу теренот. Пред неколку години, таа откри зошто не ја гледаме на натпреварите на Рафа. "Му треба простор кога игра и самата идеја секогаш да му бидам близу и постојано да го чекам, кога му треба нешто, ме исцрпува", рече таа додавајќи:

- Тоа ќе ме гушело, а потоа тој ќе мора да се грижи за мене ... Не. Ако го следам на сите турнири, мислам дека постои опасност дека нема да траеме долго заедно. Таа не е типична жена на спортист, дури и кога станува збор за социјални мрежи и нема официјален профил на некоја социјална мрежа.

"Тоа не е свет за мене, а Рафа не би избрал жена која сонува за таков живот", објасни во една прилика.

Повеќе на vistina.mk